رَوْمَا 8:10 - الكتاب المقدس بالعربي الدارجي هنا تشاد

¹⁰ لَاكِنْ الْمَسِيحْ قَاعِدْ فِي قُلُوبْكُو. أَكِيدْ أَجْسَامْكُو يُمُوتُوا بِسَبَبْ الذَّنِبْ. وَ لَاكِنْ الرُّوحْ الْقُدُّوسْ يَنْطِيكُو الْحَيَاةْ أَشَانْ إِنْتُو بِقِيتُوا صَالِحِينْ.

رَوْمَا 8:10 Referenca të Kryqëzuara

أفَسُس 3:17

وَ خَلِّي الْمَسِيحْ يَسْكُنْ فِي قُلُوبْكُو بِإِيمَانْكُو. وَ خَلِّي الْمَحَبَّةْ تَبْقَى لَيْكُو مِثِلْ قَعَرْ وَ أَسَاسْ لَحَدِّي تِسَوُّوا كُلَّ شَيّءْ بِالْمَحَبَّةْ.

غَلاطِية 2:20

وَ هَسَّعْ دَا، النَّادُمْ الْحَيّ مَا أَنَا لَاكِنْ الْمَسِيحْ هُو حَيّ فِيِي. وَ كُلَّ شَيّءْ النِّسَوِّيهْ فِي الدُّنْيَا، نِسَوِّيهْ فِي الْإِيمَانْ بِإِبْن اللّٰهْ الْحَبَّانِي لَحَدِّي أَنْطَى نَفْسَهْ ضَحِيَّةْ فِي شَانِي.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

يُوحَنَّا 17:23

يَعْنِي أَنَا فِيهُمْ وَ إِنْتَ فِيِي. خَلِّي وِحْدَتْهُمْ تُكُونْ كَامِلَةْ وَ بَيْدَا، كُلَّ النَّاسْ يَعَرْفُوا كَدَرْ إِنْتَ رَسَّلْتِنِي وَ تِحِبُّهُمْ مِثِلْ تِحِبِّنِي.

كُلُوسِي 1:27

وَ اللّٰهْ شَالْ نِيَّةْ أَشَانْ يِأَوْرِيهُمْ كَدَرْ السِّرّ دَا يِجِيبْ بَرَكَةْ كَبِيرَةْ وَ مَجِيدَةْ بِلْحَيْن لِكُلَّ الْأُمَمْ. وَ سِرّ اللّٰهْ، هُو الْمَسِيحْ ذَاتَهْ يَقْعُدْ فِيكُو وَ دَا يَنْطِيكُو عَشَمْ تَدْخُلُوا فِي مَجْدَهْ.

رَوْمَا 8:11

رُوحْ اللّٰهْ الْبَعَثْ عِيسَى مِنْ أُسْط الْمَيْتِينْ سَاكِنْ فِيكُو. وَ مِثِلْ دَا، أَكِيدْ اللّٰهْ الْبَعَثْ الْمَسِيحْ مِنْ أُسْط الْمَيْتِينْ كُلَ يَنْطِي الْحَيَاةْ لِأَجْسَامْكُو الْيُمُوتُوا، بِرُوحَهْ السَّاكِنْ فِيكُو.

فِلِبِّي 1:23

عِنْدِي شَهْوَاتْ إِتْنَيْن الْقَاعِدِينْ يِدَّاوَسَوْا فَوْقِي. نِدَوْر نِفَارِقْ الدُّنْيَا وَ نَقْعُدْ مَعَ الْمَسِيحْ أَشَانْ دَا بَسْ الْأَفْضَلْ.

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.

1 كُرُنْتُس 15:45

وَ أَشَانْ دَا، مِثِلْ مَكْتُوبْ فِي الْكِتَابْ: <آدَمْ الْإِنْسَانْ الْأَوَّلْ بِقِي حَيّ.> وَ آدَمْ الْأَخِيرْ هُو الْمَسِيحْ وَ هُو بِقِي إِنْسَانْ هَنَا الرُّوحْ الْيَنْطِي الْحَيَاةْ.

رُؤية 14:13

وَ سِمِعْت حِسّ جَايِ مِنْ السَّمَاءْ قَالْ: «أَكْتِبْ: ‹مَبْرُوكْ لِلنَّاسْ الْيُمُوتُوا فِي دَرِبْ الرَّبّ مِنْ الْوَكِتْ دَا وَ قِدَّامْ.›» وَ رُوحْ اللّٰهْ رَدَّ لَيَّهْ وَ قَالْ: «آمِينْ، تَعَبْهُمْ يِكَمِّلْ وَ هُمَّنْ يِنْجَمَّوْا وَ أَجُرْ هَنَا خِدْمِتْهُمْ مَاشِي وَرَاهُمْ.»

يُوحَنَّا 15:5

«أَنَا شَدَرَةْ الْعِنَبْ وَ إِنْتُو الْفُرُوعْ. كَنْ نَادُمْ قَاعِدْ ثَابِتْ فِيِي، أَنَا نَقْعُدْ ثَابِتْ فِيَّهْ وَ هُو يَبْقَى مِثِلْ الْفِرِعْ الْيَلْدَ كَتِيرْ. إِنْتُو مَا تَقْدَرَوْا تِسَوُّوا شَيّءْ إِلَّا بَيِّ.

يُوحَنَّا 14:23

وَ عِيسَى رَدَّ لَيَّهْ وَ قَالْ: «كَنْ نَادُمْ يِحِبِّنِي هُو يِتَابِعْ كَلَامِي. وَ أَبُويِ يِحِبَّهْ وَ أَنِحْنَ نَجُوا لَيَّهْ وَ نَسْكُنُوا مَعَايَهْ.

عِبْرَانِيِّين 12:23

وَ جِيتُوا قِدَّامْ جَمَاعَةْ أَوْلَادْ الْبِكِرْ الْأَسَامَيْهُمْ مُسَجَّلِينْ فِي السَّمَاءْ. وَ جِيتُوا قِدَّامْ اللّٰهْ الْيِحَاسِبْ كُلَّ النَّاسْ. وَ جِيتُوا قِدَّامْ أَرْوَاحْ الصَّالِحِينْ الْاللّٰهْ سَوَّاهُمْ كَامِلِينْ.

عِبْرَانِيِّين 9:27

أَكِيدْ، مَكْتُوبْ لِأَيِّ نَادُمْ يُمُوتْ مَرَّةْ وَاحِدَةْ وَ بَعَدْ الْمَوْت يَجِي الْحِسَابْ.

1 تَسَلونِيكِي 4:16

أَشَانْ الرَّبّ عِيسَى ذَاتَهْ يَنْزِلْ مِنْ السَّمَاءْ وَ يَامُرْ بِحِسّ عَالِي. وَ حِسّ هَنَا كَبِيرْ الْمَلَائِكَةْ يِنْسَمِعْ وَ مَعَايَهْ حِسّ هَنَا بُرُنْجِي اللّٰهْ. وَ أَوَّلْ شَيّءْ، الْمُؤمِنِينْ بِالْمَسِيحْ الْمَيْتِينْ يَبْعَثَوْا.

2 كُرُنْتُس 13:5

أَسْأَلَوْا نُفُوسْكُو. هَلْ بِالصَّحِيحْ كَيْ إِنْتُو مُؤمِنِينْ؟ جَرُّبُوا نُفُوسْكُو. مَا تَعَرْفُوا كَدَرْ عِيسَى الْمَسِيحْ قَاعِدْ فِيكُو وَلَّا؟ وَ دَا يَبْقَى صَحِيحْ كَنْ مَا فَشَلْتُوا مَرَّةْ وَاحِدْ.

2 كُرُنْتُس 4:11

أَنِحْنَ حَيِّينْ وَ لَاكِنْ دَايْماً يِسَلُّمُونَا لِلْمَوْت فِي شَانْ خِدْمِتْنَا لِعِيسَى. وَ دَا يَبْقَى لَيْنَا أَشَانْ حَيَاةْ عِيسَى تِنْشَافْ فِي جِسِمْنَا الْيُمُوتْ.

رَوْمَا 5:21

وَ بَيْدَا، مِثِلْ الْمَوْت مَلَكْ فِي النَّاسْ بِسَبَبْ الذَّنِبْ، مِثِلْ دَا رَحْمَةْ اللّٰهْ كُلَ تَمْلُكْ فِي النَّاسْ وَ تِسَوِّيهُمْ صَالِحِينْ وَ تِوَدِّيهُمْ فِي الْحَيَاةْ الْأَبَدِيَّةْ بِعِيسَى الْمَسِيحْ رَبِّنَا.

رَوْمَا 5:12

وَ خَلَاصْ بِسَبَبْ نَادُمْ وَاحِدْ، الذَّنِبْ دَخَلْ فِي الدُّنْيَا. وَ بِسَبَبْ الذَّنِبْ، الْمَوْت كُلَ جَاءْ. وَ مِثِلْ دَا، الْمَوْت لِحِقْ كُلَّ النَّاسْ أَشَانْ كُلُّهُمْ أَذْنَبَوْا.

يُوحَنَّا 6:56

وَ أَيِّ نَادُمْ الْيَاكُلْ مِنْ لَحَمِي وَ يَشْرَبْ مِنْ دَمِّي يَثْبِتْ فَوْقِي وَ أَنَا نَثْبِتْ فَوْقَهْ.

يُوحَنَّا 4:14

لَاكِنْ أَيِّ نَادُمْ الْيَشْرَبْ مِنْ الْأَلْمِي الْأَنَا نَنْطِيهْ أَبَداً كَيْ الْعَطَشْ مَا يَكُرْبَهْ. الْأَلْمِي الْأَنَا نَنْطِيهْ يَبْقَى فِي قَلْبَهْ مِثِلْ عَيْن هَنَا أَلْمِي جَارِي وَ يَنْطِيهْ الْحَيَاةْ الْأَبَدِيَّةْ.»

يُوحَنَّا 6:54

وَ أَيِّ نَادُمْ الْيَاكُلْ لَحَمِي وَ يَشْرَبْ دَمِّي يَلْقَى الْحَيَاةْ الْأَبَدِيَّةْ وَ نِقَوِّمَهْ مِنْ الْمَوْت فِي الْيَوْم الْأَخِيرْ.

لاوِيِّين 13:40

وَ كَنْ نَادُمْ وَدَّرْ صُوفَهْ وَ بِقِي مُصَلِّعْ، هُو طَاهِرْ.