رَوْمَا 8:1 - الكتاب المقدس بالعربي الدارجي هنا تشاد

¹ وَ هَسَّعْ خَلَاصْ، مَا فِي أَبَداً هَلَاكْ لِلنَّاسْ الْقَاعِدِينْ فِي عِيسَى الْمَسِيحْ.

رَوْمَا 8:1 Referenca të Kryqëzuara

2 كُرُنْتُس 5:17

وَ كَنْ أَيِّ نَادُمْ عِنْدَهْ عَلَاقَةْ مَعَ الْمَسِيحْ، هُو بِقِي خَلِيقَةْ جَدِيدَةْ. حَيَاتَهْ الْقَدِيمَةْ فَاتَتْ وَ حَيَاتَهْ الْجَدِيدَةْ بَدَتْ خَلَاصْ.

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

رَوْمَا 5:1

وَ خَلَاصْ، بِقِينَا صَالِحِينْ بِسَبَبْ الْإِيمَانْ وَ أَشَانْ دَا بِرَبِّنَا عِيسَى الْمَسِيحْ، أَنِحْنَ قَاعِدِينْ بِالسَّلَامْ مَعَ اللّٰهْ.

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

رَوْمَا 8:34

يَاتُو الْيِعَاقِبْهُمْ؟ مَا فِي! الْمَسِيحْ عِيسَى مَا يِعَاقِبْهُمْ. بِالْعَكْس، هُو بَسْ الْمَاتْ فِي شَانَّا. وَ زِيَادَةْ مِنْ دَا، هُو بَعَثْ وَ قَاعِدْ جَنْب اللّٰهْ فِي نُصَّهْ الزَّيْنَايْ وَ بِقِي لَيْنَا وَسِيطْ.

يُوحَنَّا 5:24

«أَسْمَعَوْا نُقُولْ لَيْكُو الْحَقّ، أَيِّ نَادُمْ الْقَاعِدْ يَسْمَعْ كَلَامِي وَ يِآمِنْ بِاللّٰهْ الرَّسَّلَانِي، النَّادُمْ دَا عِنْدَهْ الْحَيَاةْ الْأَبَدِيَّةْ. هُو مَا يَدْخُلْ فِي الْعِقَابْ لَاكِنْ هُو مَرَقْ مِنْ الْمَوْت وَ دَخَلْ فِي الْحَيَاةْ خَلَاصْ.

يُوحَنَّا 15:4

أَقْعُدُوا ثَابْتِينْ فِيِي وَ أَنَا نَقْعُدْ ثَابِتْ فِيكُو. الْفِرِعْ مَا يَقْدَرْ يَلْدَ وِحَيْدَهْ. الْفِرِعْ يَلْدَ أَشَانْ قَاعِدْ ثَابِتْ فِي الشَّدَرَةْ. وَ إِنْتُو كُلَ مَا تَقْدَرَوْا تِسَوُّوا الشَّيّءْ الْاللّٰهْ يِدَوْرَهْ، إِلَّا كَنْ إِنْتُو تَقْعُدُوا ثَابْتِينْ فِيِي.

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.

إشَعْيا 54:17

وَ كُلِّ سِلَاحْ الْيَصْنَعَوْه ضِدِّكِ مَا يَنْجَحْ وَ أَيِّ لِسَانْ الْيَتْهَمْكِ فِي الشَّرِيعَةْ، إِنْتِ تِنَّصِرِي فَوْقَهْ. وَ دِي وَرَثَةْ عَبِيدِي أَنَا اللّٰهْ وَ عَدَالِتْهُمْ جَايَةْ مِنِّي أَنَا.» وَ دَا كَلَامْ اللّٰهْ.

رَوْمَا 8:14

أَشَانْ النَّاسْ الْيُقُودْهُمْ رُوحْ اللّٰهْ، هُمَّنْ بَسْ أَوْلَادْ اللّٰهْ.

1 كُرُنْتُس 15:22

كُلَّ بَنِي آدَم يُمُوتُوا وَ كُلَّ نَاسْ الْمَسِيحْ يَبْعَثَوْا.

غَلاطِية 5:16

نُقُولْ لَيْكُو تَابُعُوا اللّٰهْ بِدَرِبْ الرُّوحْ الْقُدُّوسْ وَ مِثِلْ دَا، مَا تِتَابُعُوا شَهْوَاتْكُو الْفَسْلِينْ.

رَوْمَا 8:4

وَ اللّٰهْ سَوَّى مِثِلْ دَا أَشَانْ الْمَسِيحْ يِتِمّ شُرُوطْ التَّوْرَاةْ الْعَادِلِينْ فِينَا أَنِحْنَ الْعَايْشِينْ بِقُدْرَةْ الرُّوحْ الْقُدُّوسْ وَ مَا بِقُدْرَةْ الْإِنْسَانْ.

رَوْمَا 8:39

وَ لَا الْقُوَّاتْ الْفَوْق وَ لَا الْقُوَّاتْ التِّحِتْ وَ لَا أَيِّ مَخْلُوقْ، أَبَداً مَا فِي شَيّءْ يَفْرُقْنَا مِنْ مَحَبَّةْ اللّٰهْ لَيْنَا الْقَاعِدَةْ فِي الْمَسِيحْ عِيسَى رَبِّنَا.

غَلاطِية 5:25

وَ كَنْ نِعِيشُوا بِقُدْرَةْ الرُّوحْ الْقُدُّوسْ، وَاجِبْ نُرُوغُوا بِقُدْرَةْ الرُّوحْ الْقُدُّوسْ.

غَلاطِية 3:28

وَ هَسَّعْ مَا فِي فَرِقْ بَيْن الْيَهُودِي وَ الْمَا يَهُودِي، وَ لَا بَيْن الْعَبِدْ وَ الْحُرّ، وَ لَا بَيْن الرَّاجِلْ وَ الْمَرَةْ، لَاكِنْ كُلُّكُو وَاحِدْ فِي الْمَسِيحْ عِيسَى.

يُوحَنَّا 14:20

وَ فِي الْيَوْم دَا، تَعَرْفُوا كَدَرْ أَنَا قَاعِدْ فِي أَبُويِ وَ إِنْتُو قَاعِدِينْ فِيِي وَ أَنَا قَاعِدْ فِيكُو.

رَوْمَا 7:20

وَ كَنْ أَنَا قَاعِدْ نِسَوِّي الشَّيّءْ الْمَا نِدَوْر نِسَوِّيهْ، بِمِثِلْ دَا الْبِسَوِّيهْ مَا أَنَا لَاكِنْ هُو الذَّنِبْ الْقَاعِدْ فَوْقِي.

رَوْمَا 7:17

وَ بَيْدَا، أَنَا مَا النَّادُمْ الْيِسَوِّي الْفِعِلْ دَا. الْيِسَوِّي الْفِعِلْ، هُو الذَّنِبْ الْقَاعِدْ فَوْقِي.

2 كُرُنْتُس 12:2

أَنَا نَعَرِفْ مُؤمِنْ وَاحِدْ بِالْمَسِيحْ وَ يَوْم وَاحِدْ، قَبُلْ 14 سَنَةْ، هُو أَنْرَفَعْ لَحَدِّي السَّمَاءْ فِي الْعَالِي. كَنْ أَنْرَفَعْ بِجِسْمَهْ وَلَّا بَلَا جِسْمَهْ، دَا مَا نَعَرْفَهْ. إِلَّا اللّٰهْ وِحَيْدَهْ بَسْ يَعَرْفَهْ.

رَوْمَا 16:7

وَ سَلُّمُوا أَهَلِي أَنْدَرُونِكِي وَ يُونِيَةْ الْقَعَدْنَا سَوَا مَعَاهُمْ فِي السِّجِنْ. كُلَّ الرُّسُلْ يَعَرْفُوهُمْ وَ يِكَرُّمُوهُمْ. هُمَّنْ مُؤمِنِينْ بِالْمَسِيحْ قُبَّالِي أَنَا.

رَوْمَا 16:3

وَ سَلُّمُوا بِرِسْكِيلَةْ وَ أَكِيلَا الْخَدَمَوْا مَعَايِ سَوَا لِلْمَسِيحْ عِيسَى.

حِزْقِيال 18:9

هُو يِتَابِعْ شُرُوطِي وَ يَحْفَضْ قَوَانِينِي وَ يِسَوِّي الْحَقّ. هُو دَا رَاجِلْ صَالِحْ وَ أَكِيدْ يَحْيَى. وَ دَا كَلَامْ اللّٰهْ الرَّبّ.

رَوْمَا 5:16

وَ عَطِيَّةْ اللّٰهْ شِقْ مِنْ نَتِيجَةْ الذَّنِبْ الْآدَمْ سَوَّاهْ. الْحِسَابْ جَاءْ بَعَدْ الذَّنِبْ الْوَاحِدْ وَ وَدَّى كُلَّ النَّاسْ فِي الْهَلَاكْ. لَاكِنْ الْعَطِيَّةْ الْبَلَا تَمَنْ دِي جَاتْ بَعَدْ النَّاسْ سَوَّوْا خَطَا كَتِيرْ وَ هِي سَوَّتْ النَّاسْ صَالِحِينْ.

رَوْمَا 8:2

وَ قُدْرَةْ الرُّوحْ الْقُدُّوسْ التَّنْطِي الْحَيَاةْ فِي عِيسَى الْمَسِيحْ حَرَّرَتْنِي مِنْ قُدْرَةْ الشُّرُوطْ الْقَدِيمِينْ الْوَدَّوْنِي لِلذَّنِبْ وَ الْمَوْت.

رَوْمَا 8:9

لَاكِنْ إِنْتُو مَا عَايْشِينْ حَسَبْ طَبِيعَةْ الْإِنْسَانْ. إِنْتُو عَايْشِينْ حَسَبْ الرُّوحْ الْقُدُّوسْ أَشَانْ رُوحْ اللّٰهْ سَاكِنْ فِيكُو. وَ كَنْ نَادُمْ مَا عِنْدَهْ رُوحْ الْمَسِيحْ، هُو مَا هَنَا الْمَسِيحْ.

رَوْمَا 8:11

رُوحْ اللّٰهْ الْبَعَثْ عِيسَى مِنْ أُسْط الْمَيْتِينْ سَاكِنْ فِيكُو. وَ مِثِلْ دَا، أَكِيدْ اللّٰهْ الْبَعَثْ الْمَسِيحْ مِنْ أُسْط الْمَيْتِينْ كُلَ يَنْطِي الْحَيَاةْ لِأَجْسَامْكُو الْيُمُوتُوا، بِرُوحَهْ السَّاكِنْ فِيكُو.

غَلاطِية 3:26

أَشَانْ إِنْتُو كُلُّكُو عِيَالْ اللّٰهْ فِي عِيسَى الْمَسِيحْ بِدَرِبْ الْإِيمَانْ.

أفَسُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ نَكْتِبْ لَيْكُو إِنْتُو الصَّالِحِينْ الْفِي حِلَّةْ أَفَسُسْ الثَّابْتِينْ فِي إِيمَانْكُو بِالْمَسِيحْ عِيسَى.