رَوْمَا 6:3 - الكتاب المقدس بالعربي الدارجي هنا تشاد

³ إِنْتُو تَعَرْفُوا تَمَامْ كَدَرْ أَنِحْنَ كُلِّنَا غَطَّسَوْنَا لِنَبْقَوْا وَاحِدْ مَعَ الْمَسِيحْ عِيسَى وَ بِالْغَطِّسِينْ دَا بِقِينَا وَاحِدْ مَعَايَهْ فِي مَوْتَهْ.

رَوْمَا 6:3 Referenca të Kryqëzuara

غَلاطِية 3:27

كُلُّكُو أَشْتَرَكْتُوا مَعَ الْمَسِيحْ وَ بِالْغَطِّسِينْ، إِنْتُو أَنْرَبَطْتُوا مَعَايَهْ.

رَوْمَا 6:8

وَ كَنْ مُتْنَا مَعَ الْمَسِيحْ، نِآمُنُوا كَدَرْ نَحْيَوْا مَعَايَهْ كُلَ.

1 كُرُنْتُس 12:13

أَشَانْ غَطَّسَوْنَا كُلِّنَا بِالرُّوحْ الْقُدُّوسْ الْوَاحِدْ لِنَبْقَوْا جِسِمْ وَاحِدْ وَ دَا جِسِمْ الْمَسِيحْ. وَ سَوَّى نَفْس الشَّيّءْ لَيْنَا كُلِّنَا كَنْ أَنِحْنَ يَهُودْ أَوْ مَا يَهُودْ، وَ كَنْ أَنِحْنَ عَبِيدْ أَوْ حُرِّينْ. وَ الرُّوحْ الْقُدُّوسْ بِقِي لَيْنَا مِثِلْ الشَّرَابْ الْوَاحِدْ الْكُلِّنَا كَيْ شِرِبْنَا مِنَّهْ.

1 بُطْرُس 3:21

وَ دَا مَثَلْ هَنَا الْغَطِّسِينْ الْهَسَّعْ يِنَجِّيكُو. وَ الْمُهِمّ فِي الْغَطِّسِينْ مَا غَسُولْ الْجِلِدْ مِنْ الْوَسَخْ لَاكِنْ هُو الْعَهَدْ التِّسَوُّوهْ مَعَ اللّٰهْ بِنِيَّةْ مُخْلِصَةْ. وَ الْغَطِّسِينْ يِنَجِّيكُو بِسَبَبْ بُعَاثْ عِيسَى الْمَسِيحْ.

أعمال الرُسُل 2:38

وَ بُطْرُسْ رَدَّ لَيْهُمْ وَ قَالْ: «تُوبُوا مِنْ ذُنُوبْكُو وَ أَيِّ وَاحِدْ مِنْكُو يِغَطُّسُوهْ بِأُسُمْ عِيسَى الْمَسِيحْ. وَ اللّٰهْ يَغْفِرْ لَيْكُو ذُنُوبْكُو وَ يَنْطِيكُو الرُّوحْ الْقُدُّوسْ.

مَتَّى 28:19

أَشَانْ دَا، أَمْشُوا نَادُوا نَاسْ هَنَا كُلَّ الْأُمَمْ أَشَانْ يَبْقَوْا تَلَامِيذِي وَ غَطُّسُوهُمْ فِي أَلْمِي بِأُسُمْ اللّٰهْ الْأَبُو وَ إِبْنَهْ الْمَسِيحْ وَ الرُّوحْ الْقُدُّوسْ.

يَعْقُوب 4:4

إِنْتُو شَعَبْ مُنَافِقِينْ! مَا تَعَرْفُوا كَدَرْ النَّاسْ الْيِحِبُّوا الدُّنْيَا عُدْوَانْ اللّٰهْ؟ وَ النَّادُمْ الْيِحِبّ الدُّنْيَا سَوَّى نَفْسَهْ عَدُو اللّٰهْ.

1 كُرُنْتُس 9:13

أَكِيدْ، تَعَرْفُوا كَدَرْ النَّاسْ الْيَخْدُمُوا فِي بَيْت الْعِبَادَةْ يَلْقَوْا مَعَاشْهُمْ مِنْ بَيْت الْعِبَادَةْ وَ النَّاسْ الْيِقَدُّمُوا ضَحَايَا فِي الْمَدْبَحْ يَاكُلُوا مِنْ اللَّحَمْ.

رَوْمَا 7:1

يَا أَخْوَانِي، إِنْتُو النِّحَجِّي لَيْكُو تَعَرْفُوا شُرُوطْ التَّوْرَاةْ. وَ أَكِيدْ تَعَرْفُوا كَدَرْ شُرُوطْ التَّوْرَاةْ عِنْدُهُمْ قُدْرَةْ فِي النَّادُمْ وَكِتْ هُو حَيّ بَسْ.

رَوْمَا 6:16

تَعَرْفُوا عَدِيلْ كَدَرْ كَنْ تِسَلُّمُوا نُفُوسْكُو لِنَادُمْ أَشَانْ تِتَابُعُوا كَلَامَهْ مِثِلْ عَبِيدْ، خَلَاصْ إِنْتُو عَبِيدْ لِلنَّادُمْ التِّتَابُعُوا كَلَامَهْ دَا. كَنْ تَبْقَوْا عَبِيدْ لِلذَّنِبْ دَا، الذَّنِبْ يِوَدِّيكُو لِلْمَوْت وَ لَاكِنْ كَنْ تِتَابُعُوا كَلَامْ اللّٰهْ، هُو يِسَوِّيكُو صَالِحِينْ.

أعمال الرُسُل 19:5

وَ وَكِتْ سِمْعَوْا كَلَامْ بُولُسْ دَا، غَطَّسَوْهُمْ بِأُسُمْ الرَّبّ عِيسَى.

1 كُرُنْتُس 6:9

نِسِيتُوا كَدَرْ الْمُذْنِبِينْ مَا يَوْرُثُوا مَمْلَكَةْ اللّٰهْ وَلَّا؟ مَا تُغُشُّوا نُفُوسْكُو. كَنْ نَادُمْ فَاسِقْ وَلَّا عَابِدْ أَصْنَامْ وَلَّا زَنَّايْ وَلَّا شَمْرَوْخَةْ وَلَّا لُوطِي

1 كُرُنْتُس 5:6

سَوَّيْتُوا نُفُوسْكُو كُبَارْ وَ دَا مَا عَدِيلْ. هَلْ نِسِيتُوا كَدَرْ تَوَّارَةْ شِيَّةْ بَسْ تِقَوِّمْ كُلَّ الْعَجِينْ وَلَّا؟

أعمال الرُسُل 8:16

وَ الرُّوحْ الْقُدُّوسْ لِسَّاعْ مَا نَزَلْ فَوْقهُمْ أَشَانْ غَطَّسَوْهُمْ بِأُسُمْ الرَّبّ عِيسَى بَسْ.

2 كُرُنْتُس 13:5

أَسْأَلَوْا نُفُوسْكُو. هَلْ بِالصَّحِيحْ كَيْ إِنْتُو مُؤمِنِينْ؟ جَرُّبُوا نُفُوسْكُو. مَا تَعَرْفُوا كَدَرْ عِيسَى الْمَسِيحْ قَاعِدْ فِيكُو وَلَّا؟ وَ دَا يَبْقَى صَحِيحْ كَنْ مَا فَشَلْتُوا مَرَّةْ وَاحِدْ.

1 كُرُنْتُس 15:29

وَ كَنْ بُعَاثْ مَا فِيهْ، النَّاسْ الْيِغَطُّسُوهُمْ فِي شَانْ أَخْوَانْهُمْ الْمَيْتِينْ، هُمَّنْ قَاعِدِينْ يِسَوُّوا شُنُو؟ كَنْ الْمَيْتِينْ أَبَداً مَا يَبْعَثَوْا، مَالَا نَاسْ وَاحِدِينْ يِغَطُّسُوهُمْ فِي شَانْ أَخْوَانْهُمْ الْمَيْتِينْ؟

1 كُرُنْتُس 3:16

إِنْتُو نِسِيتُوا وَلَّا؟ إِنْتُو ذَاتْكُو بَيْت اللّٰهْ. رُوحْ اللّٰهْ سَاكِنْ فَوْقكُو.

1 كُرُنْتُس 6:19

مَا عِرِفْتُوا كَدَرْ الرُّوحْ الْقُدُّوسْ قَاعِدْ فِيكُو وَلَّا؟ وَ بَيْدَا، جِسِمْكُو هُو بَيْت الرُّوحْ الْقُدُّوسْ الْاللّٰهْ أَنْطَاهْ لَيْكُو وَ قَاعِدْ فِيكُو. إِنْتُو مَا هَنَا نُفُوسْكُو. إِنْتُو هَنَا اللّٰهْ.

1 كُرُنْتُس 9:24

تَعَرْفُوا كَدَرْ فِي السَّبَقْ، كُلَّ النَّاسْ يَجْرُوا لَاكِنْ وَاحِدْ مِنْهُمْ بَسْ يَلْقَى الْجَائِزَةْ. شِيلُوا الْمَثَلْ دَا وَ جَاهُدُوا فِي دَرِبْ الْإِيمَانْ أَشَانْ تَلْقَوْا جَائِزَةْ.

1 كُرُنْتُس 10:2

وَ كُلُّهُمْ بِقَوْا شَعَبْ مُوسَى بِغَطِّسِينْ فِي السَّحَابَايْ وَ الْبَحَرْ.