رَوْمَا 5:1 - الكتاب المقدس بالعربي الدارجي هنا تشاد

¹ وَ خَلَاصْ، بِقِينَا صَالِحِينْ بِسَبَبْ الْإِيمَانْ وَ أَشَانْ دَا بِرَبِّنَا عِيسَى الْمَسِيحْ، أَنِحْنَ قَاعِدِينْ بِالسَّلَامْ مَعَ اللّٰهْ.

رَوْمَا 5:1 Referenca të Kryqëzuara

إشَعْيا 32:17

نَتِيجَةْ الْعَدَالَةْ تَبْقَى السَّلَامْ وَ الْعَدَالَةْ تِجِيبْ الْهُدُوءْ وَ الْأَمِنْ الدَّايِمْ.

رَوْمَا 15:13

وَ اللّٰهْ الْأَنْطَاكُو عَشَمْ يَنْطِيكُو الْفَرْحَةْ وَ السَّلَامْ فِي الْإِيمَانْ أَشَانْ عَشَمْكُو فَوْقَهْ يِزِيدْ بِقُدْرَةْ الرُّوحْ الْقُدُّوسْ.

يُوحَنَّا 16:33

أَنَا قُلْت لَيْكُو كُلَّ الْكَلَامْ دَا، أَشَانْ تَلْقَوْا السَّلَامْ بَيِّ أَنَا. أَكِيدْ، فِي الدُّنْيَا إِنْتُو تَتْعَبَوْا. لَاكِنْ شِدُّوا حَيْلكُو أَشَانْ أَنَا أَنَّصَرْت فِي الدُّنْيَا.»

كُلُوسِي 1:20

وَ بِوَاسِطَةْ الْمَسِيحْ، اللّٰهْ دَوَّرْ يِصَالِحْ كُلِّ شَيّءْ مَعَايَهْ، الْقَاعِدِينْ فِي الْأَرْض أَوْ فِي السَّمَاوَاتْ. هُو سَوَّى الصُّلُحْ دَا بِدَمّ إِبْنَهْ الْمَاتْ فِي الصَّلِيبْ.

رَوْمَا 6:23

أَشَانْ أُجْرَةْ الذَّنِبْ، هِي الْمَوْت وَ الْعَطِيَّةْ الْاللّٰهْ يَنْطِيهَا بَلَا تَمَنْ، هِي الْحَيَاةْ الْأَبَدِيَّةْ بِرَبِّنَا عِيسَى الْمَسِيحْ.

رَوْمَا 14:17

أَشَانْ الْمُهِمّ فِي مَمْلَكَةْ اللّٰهْ مَا الْأَكِلْ وَ الشَّرَابْ، لَاكِنْ هُو الْعَدَالَةْ وَ السَّلَامْ وَ الْفَرْحَةْ فِي الرُّوحْ الْقُدُّوسْ.

2 تَسَلونِيكِي 3:16

وَ هَسَّعْ، خَلِّي رَبّ السَّلَامْ ذَاتَهْ يَنْطِيكُو السَّلَامْ فِي كُلِّ وَكِتْ وَ فِي كُلِّ شَيّءْ. الرَّبّ مَعَاكُو كُلُّكُو.

يُوحَنَّا 14:27

«نِخَلِّيكُو بِسَلَامْ. نَنْطِيكُو سَلَامْ هَنَايِ. أَنَا نَنْطِيكُو مَا مِثِلْ نَاسْ الدُّنْيَا يَنْطُوكُو. مَا تِبَرْجُلُوا وَ مَا تَخَافَوْا.

رَوْمَا 4:5

وَ بِالْعَكْس، كَنْ نَادُمْ مَا يَخْدِمْ لِيَلْقَى أَجُرْ لَاكِنْ يِآمِنْ بِاللّٰهْ الْيِسَوِّي الْمُذْنِبْ صَالِحْ، خَلَاصْ النَّادُمْ دَا، اللّٰهْ يِشِيفْ إِيمَانَهْ وَ يَجْعَلَهْ صَالِحْ.

كُلُوسِي 3:15

خَلُّوا سَلَامْ الْمَسِيحْ يَمْلُكْ فِي قُلُوبْكُو أَشَانْ اللّٰهْ نَادَاكُو لِتِعِيشُوا فِي السَّلَامْ وَ جَعَلَاكُو جِسِمْ وَاحِدْ. وَ أَبْقَوْا شَكُورِينْ.

إشَعْيا 54:13

وَ كُلَّ عِيَالْكِ يَبْقَوْا تَلَامِيذ اللّٰهْ وَ يِعِيشُوا فِي السَّلَامْ كَامِلْ.

رَوْمَا 15:33

اللّٰهْ رَبّ السَّلَامْ يُكُونْ مَعَاكُو كُلُّكُو. آمِينْ.

أعمال الرُسُل 10:36

وَ أَكِيدْ، اللّٰهْ رَسَّلْ لِبَنِي إِسْرَائِيلْ بِشَارَةْ السَّلَامْ الْيَنْطِيهَا بِعِيسَى الْمَسِيحْ، رَبّ هَنَا كُلَّ النَّاسْ.

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.

إشَعْيا 27:5

كَنْ يِدَوْرُوا يِسَوُّونِي مَلْجَئْهُمْ، خَلِّي يِسَوُّوا مَعَايِ سَلَامْ أَيْوَى، يِسَوُّوا مَعَايِ سَلَامْ.

1 تَسَلونِيكِي 5:23

خَلِّي اللّٰهْ رَبّ السَّلَامْ ذَاتَهْ يِخَصِّصْ قُلُوبْكُو مَرَّةْ وَاحِدْ وَ يَحْفَضْكُو سَالِمِينْ فِي الرُّوحْ وَ النَّفْس وَ الْجِسِمْ أَشَانْ تُكُونُوا بَلَا عَيْب فِي يَوْم جَيَّةْ رَبِّنَا عِيسَى الْمَسِيحْ.

رَوْمَا 5:18

وَ بِسَبَبْ خَطَا هَنَا نَادُمْ وَاحِدْ، كُلَّ النَّاسْ يَهْلَكَوْا. وَ لَاكِنْ بِسَبَبْ الْعَمَلْ الصَّالِحْ النَّادُمْ آخَرْ سَوَّاهْ، كُلَّ النَّاسْ يَقْدَرَوْا يَبْقَوْا صَالِحِينْ وَ يَلْقَوْا الْحَيَاةْ الْأَبَدِيَّةْ.

لُوقا 19:42

وَ قَالْ: «أَنَا نِتْمَنَّى الْيَوْم إِنْتِ تَعَرْفِي الشَّيّءْ الْيِجِيبْ لَيْكِ السَّلَامْ لَاكِنْ لَحَدِّي هَسَّعْ، مَا فِهِمْتِيهْ.

رَوْمَا 1:7

وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

لُوقا 19:38

وَ قَالَوْا: «<مَبْرُوكْ لِلْمَلِكْ الْجَايِ بِأُسُمْ اللّٰهْ!> سَلَامْ فِي السَّمَاءْ وَ مَجُّدُوا اللّٰهْ فِي الْعَالِي!»

إشَعْيا 55:12

أَيْوَى، بِالْفَرَحْ تَمُرْقُوا وَ بِالسَّلَامْ يُقُودُوكُو. وَ الْجِبَالْ وَ الْحُجَارْ يَفْرَحَوْا وَ يِرَقْرُقُوا لَيْكُو وَ كُلَّ شَدَرْ الْكَدَادَةْ يِصَفِّقْ.

غَلاطِية 2:16

وَ بَيْدَا كُلَ، نَعَرْفُوا كَدَرْ اللّٰهْ مَا يَجْعَلْ أَيِّ نَادُمْ صَالِحْ أَشَانْ هُو يِتَابِعْ شُرُوطْ التَّوْرَاةْ. لَاكِنْ هُو يَجْعَلْ النَّادُمْ صَالِحْ كَنْ هُو مُؤمِنْ بِالْمَسِيحْ. وَ بِمِثِلْ دَا، أَنِحْنَ آمَنَّا بِعِيسَى الْمَسِيحْ أَشَانْ اللّٰهْ يَجْعَلْنَا صَالِحِينْ بِسَبَبْ إِيمَانَّا بِالْمَسِيحْ وَ مَا أَشَانْ نِتَابُعُوا شُرُوطْ التَّوْرَاةْ. أَشَانْ مَا فِي إِنْسَانْ وَاحِدْ يَبْقَى صَالِحْ قِدَّامْ اللّٰهْ بِطَبِّقِينْ شُرُوطْ التَّوْرَاةْ.

يُوحَنَّا 20:31

لَاكِنْ الْكَلَامْ الْمَكْتُوبْ هِنِي أَنْكَتَبْ أَشَانْ إِنْتُو تِصَدُّقُوا كَدَرْ عِيسَى هُو الْمَسِيحْ وَ إِبْن اللّٰهْ وَ تِآمُنُوا بَيَّهْ وَ تَلْقَوْا بِأُسْمَهْ الْحَيَاةْ الْأَبَدِيَّةْ.

رَوْمَا 10:10

أَشَانْ بِسَبَبْ الْإِيمَانْ الْقَاعِدْ فِي الْقَلِبْ، اللّٰهْ يَجْعَلْ النَّادُمْ صَالِحْ وَ بِسَبَبْ شَهَادَةْ خَشْمَهْ، اللّٰهْ يِنَجِّيهْ.

رَوْمَا 3:30

أَشَانْ اللّٰهْ وَاحِدْ. وَ هُو يِسَوِّي الْيَهُودْ صَالِحِينْ بِسَبَبْ إِيمَانْهُمْ. وَ يِسَوِّي الْمَا يَهُودْ كُلَ صَالِحِينْ بِسَبَبْ إِيمَانْهُمْ، سَوَا سَوَا.

رَوْمَا 1:17

أَشَانْ بِبِشَارَةْ الْمَسِيحْ، اللّٰهْ وَصَّفْ كِكَّيْف هُو يِسَوِّي النَّاسْ صَالِحِينْ وَ الدَّرِبْ دَا بِالْإِيمَانْ مِنْ الْبِدَايَةْ لَحَدِّي النِّهَايَةْ. أَشَانْ دَا، الْكِتَابْ بُقُولْ: <بِإِيمَانَهْ، الصَّالِحْ يَحْيَى.>

حَبَقُوق 2:4

الْفَشَّارْ مَا يُقُودْ نَفْسَهْ عَدِيلْ وَ لَاكِنْ بِإِيمَانَهْ، الصَّالِحْ يَحْيَى.

عِبْرَانِيِّين 13:20

وَ خَلَاصْ، اللّٰهْ رَبّ السَّلَامْ بَعَثْ مِنْ أُسْط الْمَيْتِينْ رَبِّنَا عِيسَى الْبِقِي رَاعِي كَبِيرْ هَنَا غَنَمْ اللّٰهْ بِسَبَبْ دَمّ الْمُعَاهَدَةْ الْأَبَدِيَّةْ.

أفَسُس 2:7

وَ هُو سَوَّى لَيْنَا زَيْن بِالْمَسِيحْ عِيسَى أَشَانْ فِي كُلَّ الزَّمَنْ الْجَايِ، يِبَيِّنْ رَحْمَتَهْ الْكَبِيرَةْ بِلْحَيْن الْمَا عِنْدَهَا حَدّ.

غَلاطِية 3:25

وَ هَسَّعْ زَمَنْ الْإِيمَانْ جَاءْ خَلَاصْ وَ شُرُوطْ التَّوْرَاةْ مَا يِرَاقُبُوا فَوْقنَا بَتَّانْ.

رَوْمَا 10:15

وَ كِكَّيْف يِبَلُّغُوا لَيْهُمْ الْبِشَارَةْ، كَنْ مَا رَسَّلَوْهُمْ؟ أَشَانْ دَا، الْكِتَابْ بُقُولْ: <مَرْحَباً بِجَيَّةْ الْمُرْسَالْ الْيِبَلِّغْ الْبِشَارَةْ.>

رَوْمَا 9:30

فِي كُلَّ الْكَلَامْ دَا، نُقُولُوا شُنُو؟ النَّاسْ الْمَا يَهُودْ مَا جَاهَدَوْا لِيَبْقَوْا صَالِحِينْ وَ لَاكِنْ بِقَوْا صَالِحِينْ. وَ بِقَوْا صَالِحِينْ بِدَرِبْ الْإِيمَانْ.

لُوقا 2:14

«مَجُّدُوا اللّٰهْ فِي الْأَعَالِي! وَ السَّلَامْ فِي الْأَرْض لِكُلَّ النَّاسْ، أَشَانْ اللّٰهْ رَاضِي بَيْهُمْ!»

زَكَرِيَّا 6:13

أَيْوَى، هُو بَسْ يَبْنِي بَيْت اللّٰهْ وَ هُو بَسْ الْيَلْبَسْ خَلَقْ الْمُلُكْ وَ يَقْعُدْ فِي كُرْسِيهْ وَ يَحْكِمْ. وَ رَاجِلْ الدِّينْ كُلَ يَقْعُدْ جَنْب كُرْسِيهْ وَ أَمْبَيْنَاتْهُمْ هُمَّنْ الْإِتْنَيْن فِي مُوَافَقَةْ كَامِلَةْ.“›

رَوْمَا 3:22

اللّٰهْ يَجْعَلْ النَّاسْ صَالِحِينْ قِدَّامَهْ بِالْإِيمَانْ بِعِيسَى الْمَسِيحْ. وَ يِسَوِّي نَفْس الشَّيّءْ لِكُلَّ النَّاسْ الْيِآمُنُوا. كُلَّ النَّاسْ سَوَا سَوَا

يُوحَنَّا 5:24

«أَسْمَعَوْا نُقُولْ لَيْكُو الْحَقّ، أَيِّ نَادُمْ الْقَاعِدْ يَسْمَعْ كَلَامِي وَ يِآمِنْ بِاللّٰهْ الرَّسَّلَانِي، النَّادُمْ دَا عِنْدَهْ الْحَيَاةْ الْأَبَدِيَّةْ. هُو مَا يَدْخُلْ فِي الْعِقَابْ لَاكِنْ هُو مَرَقْ مِنْ الْمَوْت وَ دَخَلْ فِي الْحَيَاةْ خَلَاصْ.

زَبُور 122:6

أَسْأَلَوْا السَّلَامْ لِمَدِينَةْ الْقُدُسْ وَ قُولُوا: «خَلِّي الْيِحِبُّوكِ يَقْعُدُوا بِأَمَانْ!

أيُّوب 21:21

أَشَانْ مَا لَمَّاهْ بِتَعَبْ عَايِلْتَهْ بَعَدْ مَوْتَهْ وَكِتْ أَيَّامْ حَيَاتَهْ مُحَدَّدِينْ.

رَوْمَا 5:11

وَ زِيَادَةْ مِنْ دَا، هَسَّعْ أَنِحْنَ قَاعِدِينْ نَفْرَحَوْا بِالْعَلَاقَةْ الْعِنْدِنَا مَعَ اللّٰهْ بِرَبِّنَا عِيسَى الْمَسِيحْ. أَشَانْ بِالْمَسِيحْ بَسْ، أَنِحْنَ لِقِينَا الصُّلُحْ.

غَلاطِية 5:22

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ