رَوْمَا 4:11 - الكتاب المقدس بالعربي الدارجي هنا تشاد

¹¹ وَ اللّٰهْ أَنْطَى عَلَامَةْ الطَّهُورَةْ لِإِبْرَاهِيمْ أَشَانْ يِوَصِّفْ كَدَرْ قُبَّالْ مَا يِطَهُّرُوهْ، هُو بِقِي صَالِحْ بِسَبَبْ إِيمَانَهْ. وَ بِمِثِلْ دَا، إِبْرَاهِيمْ بِقِي أَبُو كُلَّ النَّاسْ الْاللّٰهْ جَعَلَاهُمْ صَالِحِينْ بِسَبَبْ إِيمَانْهُمْ حَتَّى كَانْ هُمَّنْ مَا مُطَهَّرِينْ كُلَ.

رَوْمَا 4:11 Referenca të Kryqëzuara

رَوْمَا 3:22

اللّٰهْ يَجْعَلْ النَّاسْ صَالِحِينْ قِدَّامَهْ بِالْإِيمَانْ بِعِيسَى الْمَسِيحْ. وَ يِسَوِّي نَفْس الشَّيّءْ لِكُلَّ النَّاسْ الْيِآمُنُوا. كُلَّ النَّاسْ سَوَا سَوَا

لُوقا 19:9

وَ عِيسَى رَدَّ وَ قَالْ: «خَلَاصْ، الْيَوْم النَّجَاةْ جَاتْ فِي الْبَيْت دَا أَشَانْ زَكَّا كُلَ مِنْ عِيَالْ إِبْرَاهِيمْ.

عِبْرَانِيِّين 11:7

وَ بِالْإِيمَانْ، نُوحْ سِمِعْ كَلَامْ اللّٰهْ. أَوَّلْ اللّٰهْ خَبَّرَهْ بِالشَّيّءْ الْيِدَوْر يَبْقَى وَ لِسَّاعْ مَا بِنْشَافْ. وَ مِنْ شِدَّةْ تَقْوَاهْ، نُوحْ بَنَى سَفِينَةْ أَشَانْ يِنَجِّي أَهَلْ بَيْتَهْ. وَ بَيْدَا، نُوحْ ثَبَّتْ كَدَرْ نَاسْ الدُّنْيَا خَاطِيِّينْ. وَ هُو وَرَثْ الْعَدَالَةْ النَّادُمْ مَا يَقْدَرْ يَلْحَقْهَا إِلَّا بِالْإِيمَانْ.

2 كُرُنْتُس 1:22

وَ هُو خَطَّ فَوْقنَا خِتْمَهْ وَ نَزَّلْ فِي قُلُوبْنَا الرُّوحْ الْقُدُّوسْ أَشَانْ يَبْقَى الضَّمَانْ الْيِوَصِّفْنَا كَدَرْ اللّٰهْ يِسَوِّي كُلِّ شَيّءْ الْوَاعَدْ بَيَّهْ.

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.

أفَسُس 4:30

مَا تِحَجُّوا بِكَلَامْ فَسِلْ أَشَانْ الْكَلَامْ الْفَسِلْ يِزَعِّلْ الرُّوحْ الْقُدُّوسْ الْاللّٰهْ نَزَّلَهْ فَوْقكُو. هُو الْوَسِمْ الْاللّٰهْ يِأَكِّدْ بَيَّهْ كَدَرْ يَفْدَاكُو مَرَّةْ وَاحِدْ فِي الْيَوْم الْأَخِيرْ.

أفَسُس 1:13

وَ إِنْتُو كُلَ، سِمِعْتُوا كَلَامْ الْحَقّ فِي بِشَارَةْ الْمَسِيحْ الْبَيْهَا نِجِيتُوا وَ بِقِيتُوا مُؤمِنِينْ بِالْمَسِيحْ. وَ بِسَبَبْ عَلَاقِتْكُو مَعَ الْمَسِيحْ، اللّٰهْ نَزَّلْ فَوْقكُو الرُّوحْ الْقُدُّوسْ الْوَاعَدَانَا بَيَّهْ وَ هُو مِثِلْ الْوَسِمْ الْاللّٰهْ خَطَّاهْ فَوْقكُو.

غَلاطِية 6:16

السَّلَامْ وَ الرَّحْمَةْ لِكُلَّ النَّاسْ الْيِتَابُعُوا الْوَصِيَّةْ دِي. هُمَّنْ بَسْ أُمَّةْ اللّٰهْ.

غَلاطِية 5:5

لَاكِنْ بِقُدْرَةْ الرُّوحْ الْقُدُّوسْ، أَنِحْنَ نُخُطُّوا عَشَمْنَا فِي اللّٰهْ الْيِسَوِّينَا صَالِحِينْ بِسَبَبْ إِيمَانَّا الْقَاعِدِينْ نِتْمَنَّوْه بِزِيَادَةْ.

غَلاطِية 3:29

وَ كَنْ إِنْتُو نَاسْ هَنَا الْمَسِيحْ، خَلَاصْ إِنْتُو كُلَ مِنْ ذُرِّيَّةْ إِبْرَاهِيمْ وَ تَوْرُثُوا الْبَرَكَةْ الْاللّٰهْ وَاعَدَهْ بَيْهَا.

غَلاطِية 3:22

لَاكِنْ فِي الْكِتَابْ، اللّٰهْ قَالْ كَدَرْ كُلَّ النَّاسْ قَاعِدِينْ تِحِتْ حُكُمْ الذَّنِبْ وَ مَا يَقْدَرَوْا يَمُرْقُوا مِنَّهْ. وَ بِقِي مِثِلْ دَا أَشَانْ اللّٰهْ عِنْدَهْ نِيَّةْ يَنْطِي لِلْمُؤمِنِينْ بَسْ الْبَرَكَةْ الْهُو وَاعَدْ بَيْهَا بِسَبَبْ إِيمَانْهُمْ بِعِيسَى الْمَسِيحْ.

غَلاطِية 3:7

وَ مِنْ الْكَلَامْ دَا، أَعَرْفُوا كَدَرْ النَّاسْ الْبِقَوْا مُؤمِنِينْ، هُمَّنْ بَسْ عِيَالْ إِبْرَاهِيمْ.

رَوْمَا 10:11

الْكِتَابْ بُقُولْ: <أَيِّ نَادُمْ الْيِآمِنْ بَيَّهْ أَبَداً مَا يَخْجَلْ.>

رَوْمَا 10:6

لَاكِنْ هُو قَالْ بَتَّانْ كِكَّيْف النَّاسْ يَبْقَوْا صَالِحِينْ بِالْإِيمَانْ. مَكْتُوبْ: <مَا تُقُولْ فِي قَلْبَكْ، يَاتُو الْيَطْلَعْ فِي السَّمَاءْ؟> يَعْنِي يِنَزِّلْ الْمَسِيحْ.

رَوْمَا 10:4

أَشَانْ الْمَسِيحْ جَاءْ وَ تَمَّ شُرُوطْ التَّوْرَاةْ وَ بِالْمَسِيحْ كُلَّ النَّاسْ يَبْقَوْا صَالِحِينْ، كَنْ يِآمُنُوا بَيَّهْ.

يُوحَنَّا 6:35

وَ عِيسَى قَالْ: «أَنَا بَسْ خُبْز الْحَيَاةْ. أَيِّ نَادُمْ الْيَجِي لَيِّ مَا يَبْقَى جِيعَانْ وَ أَيِّ نَادُمْ مُؤمِنْ بَيِّ مَا يَبْقَى عَطْشَانْ.

رُؤية 9:4

وَ الْجَرَادْ مَا عِنْدَهْ إِذِنْ أَشَانْ يِتَلِّفْ أَيِّ شَيّءْ أَخْضَرْ فِي الْأَرْض وَ لَا الْقَشّ وَ لَا النَّبَاتَاتْ وَ لَا الشَّدَرْ. وَ لَاكِنْ عِنْدَهْ إِذِنْ أَشَانْ يَهْجِمْ كُلَّ النَّاسْ الْمَا عِنْدُهُمْ وَسِمْ اللّٰهْ فِي جَبْهِتْهُمْ.

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

رَوْمَا 9:30

فِي كُلَّ الْكَلَامْ دَا، نُقُولُوا شُنُو؟ النَّاسْ الْمَا يَهُودْ مَا جَاهَدَوْا لِيَبْقَوْا صَالِحِينْ وَ لَاكِنْ بِقَوْا صَالِحِينْ. وَ بِقَوْا صَالِحِينْ بِدَرِبْ الْإِيمَانْ.

رَوْمَا 9:6

مَا تُخُطُّوا فِي عُقُولْكُو كَدَرْ وَعَدْ اللّٰهْ الْأَنْطَاهْ لِبَنِي إِسْرَائِيلْ فَشَلْ. أَشَانْ بَنِي إِسْرَائِيلْ مَا كُلُّهُمْ شَعَبْ اللّٰهْ.

رَوْمَا 3:26

وَ فِي الزَّمَنْ الْحَالِي، هُو وَصَّفْ بِالضَّحِيَّةْ دِي كَدَرْ هُو عَادِلْ. أَيْوَى، هُو عَادِلْ وَ أَيِّ نَادُمْ الْيِآمِنْ بِعِيسَى، هُو يِسَوِّيهْ صَالِحْ.

يُوحَنَّا 8:33

وَ الْفَرِيزِيِّينْ رَدَّوْا لَيَّهْ وَ قَالَوْا: «هَايْ! أَنِحْنَ مِنْ ذُرِّيَّةْ إِبْرَاهِيمْ وَ أَبَداً مَا فِي نَادُمْ عَبَّدَانَا. كِكَّيْف تُقُولْ نَبْقَوْا حُرِّينْ؟»

يُوحَنَّا 6:47

«أَسْمَعَوْا نُقُولْ لَيْكُو الْحَقّ، النَّادُمْ الْمُؤمِنْ بَيِّ لِقِي الْحَيَاةْ الْأَبَدِيَّةْ خَلَاصْ.

يُوحَنَّا 6:40

دَا بَسْ الشَّيّءْ الْأَبُويِ يِدَوْرَهْ، كُلَّ نَادُمْ الْيِشِيفْ إِبْن اللّٰهْ وَ يِآمِنْ بَيَّهْ يَلْقَى الْحَيَاةْ الْأَبَدِيَّةْ وَ أَنَا نِقَوِّمَهْ فِي الْيَوْم الْأَخِيرْ.»

يُوحَنَّا 3:36

أَيِّ نَادُمْ الْآمَنْ بِإِبْن اللّٰهْ لِقِي الْحَيَاةْ الْأَبَدِيَّةْ. لَاكِنْ أَيِّ نَادُمْ الْيَابَى مَا يِتَابِعْ كَلَامْ إِبْن اللّٰهْ، هُو مَا يَلْقَى الْحَيَاةْ الْأَبَدِيَّةْ أَشَانْ غَضَبْ اللّٰهْ قَاعِدْ فَوْقَهْ.»

مَتَّى 16:16

وَ سِمْعَانْ بُطْرُسْ قَالْ: «إِنْتَ الْمَسِيحْ إِبْن اللّٰهْ الْحَيّ.»

مَتَّى 8:11

وَ نُقُولْ لَيْكُو، نَاسْ كَتِيرِينْ يَجُوا مِنْ صَبَاحْ وَ مِنْ غَرِبْ وَ يِلْعَشَّوْا مَعَ إِبْرَاهِيمْ وَ إِسْحَاقْ وَ يَعْقُوبْ فِي مَمْلَكَةْ اللّٰهْ.

حِزْقِيال 20:20

وَ أَجْعَلَوْا يَوْمِي هَنَا السَّبْت مُقَدَّسْ أَشَانْ هُو عَلَامَةْ بَيْنِي وَ بَيْنكُو. وَ بَيْدَا، تَعَرْفُوا كَدَرْ أَنَا بَسْ اللّٰهْ إِلٰـهْكُو.“

حِزْقِيال 20:12

وَ بَتَّانْ أَنْطَيْتهُمْ يَوْمِي هَنَا السَّبْت لِيَبْقَى عَلَامَةْ بَيْنِي وَ بَيْنهُمْ. وَ بَيْدَا، يَعَرْفُوا كَدَرْ أَنَا اللّٰهْ بَسْ خَصَّصْتُهُمْ.

تَثْنِية 30:6

وَ اللّٰهْ إِلٰـهْكُو يِطَهِّرْ قُلُوبْكُو وَ قُلُوبْ ذُرِّيِّتْكُو وَ دَا لِتِحِبُّوا اللّٰهْ إِلٰـهْكُو بِكُلَّ قُلُوبْكُو وَ كُلَّ فِكِرْكُو وَ دَا أَشَانْ تَحْيَوْا.

خُروج 31:17

وَ هُو يَبْقَى عَلَامَةْ دَايْمَةْ بَيْنِي وَ بَيْن بَنِي إِسْرَائِيلْ أَشَانْ أَنَا اللّٰهْ خَلَقْت السَّمَاوَاتْ وَ الْأَرْض فِي سِتَّةْ يَوْم. وَ فِي الْيَوْم السَّابِعْ كَمَانْ، أَنَا مَا خَلَقْت شَيّءْ. وَ بَيْدَا، أَنَا جَعَلْتَهْ يَوْم هَنَا رَاحَةْ.›»

خُروج 31:13

«قُولْ لِبَنِي إِسْرَائِيلْ: ‹أَحْفَضَوْا يَوْمِي هَنَا السَّبْت أَشَانْ أَنَا جَعَلْتَهْ عَلَامَةْ بَيْنِي وَ بَيْنكُو مِنْ ذُرِّيَّةْ لِذُرِّيَّةْ. وَ بَيْدَا، تَعَرْفُوا كَدَرْ أَنَا اللّٰهْ بَسْ نِخَصِّصْكُو.

خُروج 12:13

وَ الدَّمّ دَا يَبْقَى لَيْكُو عَلَامَةْ التَّحْمِيكُو فِي الْبُيُوتْ الْإِنْتُو سَاكْنِينْ فَوْقهُمْ. وَ كَنْ أَنَا شِفْت الدَّمّ دَا، نِبَارِي بُيُوتْكُو وَ الْوَبَاءْ هَنَا الْمَوْت مَا يَلْحَقْكُو وَكِتْ نِعَاقِبْ الْمَصْرِيِّينْ.

رَوْمَا 9:33

وَ أَشَانْ دَا بَسْ الْكِتَابْ بُقُولْ: <أَسْمَعَوْا، أَنَا نُخُطّ حَجَرْ فِي صَهْيُون. بِسَبَبَهْ، النَّاسْ يِنْطَقَّوْا وَ يَقَعَوْا. لَاكِنْ أَيِّ نَادُمْ الْيِآمِنْ بَيَّهْ أَبَداً مَا يَخْجَلْ.>

تكوين 17:24

وَ إِبْرَاهِيمْ عِنْدَهْ 99 سَنَةْ وَ إِسْمَاعِيلْ وِلَيْدَهْ عِنْدَهْ 13 سَنَةْ وَكِتْ طَهَّرَوْهُمْ.

زَبُور 47:9

حُكَّامْ الشُّعُوبْ لَمَّوْا مَعَ شَعَبْ إِلٰـهْ إِبْرَاهِيمْ أَشَانْ كُبَارَاتْ الْأَرْض هِنَيْ اللّٰهْ، هُو الْعَالِي مِنْ كُلَّ شَيّءْ.

يُوحَنَّا 3:33

وَ أَيِّ نَادُمْ الْقِبِلْ شَهَادْتَهْ أَكَّدْ كَدَرْ كَلَامْ اللّٰهْ صَحِيحْ.

رَوْمَا 3:30

أَشَانْ اللّٰهْ وَاحِدْ. وَ هُو يِسَوِّي الْيَهُودْ صَالِحِينْ بِسَبَبْ إِيمَانْهُمْ. وَ يِسَوِّي الْمَا يَهُودْ كُلَ صَالِحِينْ بِسَبَبْ إِيمَانْهُمْ، سَوَا سَوَا.

رَوْمَا 4:10

وَ اللّٰهْ جَعَلَهْ صَالِحْ مَتَى؟ هَلْ دَا بِقِي وَكِتْ هُو مُطَهَّرْ وَلَّا وَكِتْ هُو لِسَّاعْ مَا مُطَهَّرْ؟ دَا بِقِي لَيَّهْ وَكِتْ هُو مَا مُطَهَّرْ، قُبَّالْ مَا طَهَّرَوْه.