رَوْمَا 3:9 - الكتاب المقدس بالعربي الدارجي هنا تشاد

⁹ وَ كِكَّيْف؟ أَنِحْنَ الْيَهُودْ أَفْضَلْ مِنْ النَّاسْ الْآخَرِينْ وَلَّا؟ لَا، دَا مَا صَحِيحْ. أَوَّلْ وَصَّفْت بِكَلَامْ وَاضِحْ كَدَرْ الْيَهُودْ وَ الْمَا يَهُودْ كُلُّهُمْ قَاعِدِينْ تِحِتْ الذَّنِبْ سَوَا سَوَا.

رَوْمَا 3:9 Referenca të Kryqëzuara

غَلاطِية 3:22

لَاكِنْ فِي الْكِتَابْ، اللّٰهْ قَالْ كَدَرْ كُلَّ النَّاسْ قَاعِدِينْ تِحِتْ حُكُمْ الذَّنِبْ وَ مَا يَقْدَرَوْا يَمُرْقُوا مِنَّهْ. وَ بِقِي مِثِلْ دَا أَشَانْ اللّٰهْ عِنْدَهْ نِيَّةْ يَنْطِي لِلْمُؤمِنِينْ بَسْ الْبَرَكَةْ الْهُو وَاعَدْ بَيْهَا بِسَبَبْ إِيمَانْهُمْ بِعِيسَى الْمَسِيحْ.

رَوْمَا 6:15

وَ دَا كِكَّيْف؟ هَلْ نَذْنُبُوا أَشَانْ أَنِحْنَ عَايْشِينْ تِحِتْ رَحْمَةْ اللّٰهْ وَ مَا تِحِتْ شُرُوطْ التَّوْرَاةْ وَلَّا؟ لَا، أَبَداً.

إشَعْيا 65:5

وَ يُقُولُوا: ‹مَا تِقَرِّبْ لَيْنَا! وَ مَا تِلَمِّسْنَا! أَنِحْنَ مُخَصَّصِينْ زِيَادَةْ مِنَّكْ!›» وَ اللّٰهْ قَالْ: «وَكِتْ نِشِيفْ عَمَلْهُمْ دَا، نَغْضَبْ غَضَبْ مِثِلْ النَّارْ الْقَاعِدَةْ تَحْرِقْ كُلَّ يَوْم.

رَوْمَا 11:32

فِي نِظَامْ اللّٰهْ كُلَّ الْأُمَمْ مَرْبُوطِينْ فِي عِصْيَانْهُمْ أَشَانْ فِي الأَخِيرْ، اللّٰهْ يَرْحَمْ كُلَّ الْأُمَمْ سَوَا سَوَا.

رَوْمَا 3:19

وَ نَعَرْفُوا كَدَرْ أَيِّ شَيّءْ الْمَكْتُوبْ فِي التَّوْرَاةْ يِحَجِّي لِأَهَلْ شُرُوطْ التَّوْرَاةْ. وَ بِمِثِلْ دَا، مَا فِي نَادُمْ وَاحِدْ الْيَقْدَرْ يِدَافِعْ لِنَفْسَهْ قِدَّامْ اللّٰهْ. وَ خَلَاصْ كُلَّ نَاسْ الدُّنْيَا يَقْعُدُوا تِحِتْ حِسَابْ اللّٰهْ.

فِلِبِّي 1:18

وَ كَنْ لَيِّ أَنَا، دَا مَا يِسَوِّي لَيِّ شَيّءْ. كَنْ نِيِّتْهُمْ فَسْلَةْ وَلَّا نِيِّتْهُمْ عَدِيلَةْ كُلَ، بِأَيِّ طَرِيقَةْ هُمَّنْ قَاعِدِينْ يِبَلُّغُوا كَلَامْ الْمَسِيحْ وَ بَيْدَا، أَنَا فَرْحَانْ. أَيْوَى، بَتَّانْ كُلَ نَفْرَحْ

غَلاطِية 3:10

وَ كُلَّ النَّاسْ الْأَنْكَرَبَوْا فِي طَبِّقِينْ شُرُوطْ التَّوْرَاةْ، اللَّعَنَةْ قَاعِدَةْ فَوْقهُمْ. أَشَانْ مَكْتُوبْ فِي الْكِتَابْ كَدَرْ أَيِّ نَادُمْ الْمَا يِتَابِعْ الْكَلَامْ الْمَكْتُوبْ فِي التَّوْرَاةْ كُلَّ كَيْ وَ مَا يِطَبِّقَهْ تَمَامْ، هُو مَلْعُونْ.

1 كُرُنْتُس 14:15

وَ وَاجِبْ نِسَوِّي شُنُو؟ خَلَاصْ، نِصَلِّي بِلُغَّاتْ الْيَجُوا مِنْ الرُّوحْ وَ كُلَ بِكَلَامْ جَايِ مِنْ عَقْلِي. نَشْكُرْ اللّٰهْ بِغِنَيْ بِلُغَّاتْ الْيَجُوا مِنْ الرُّوحْ وَ نَشْكُرَهْ بِغِنَيْ جَايِ مِنْ عَقْلِي كُلَ.

1 كُرُنْتُس 10:19

وَ مَالَا أَنَا قُلْت لَيْكُو الْكَلَامْ دَا؟ هَلْ أَنَا قُلْت اللَّحَمْ الْيِقَدُّمُوهْ ضَحِيَّةْ لِلْأَصْنَامْ عِنْدَهْ قُدْرَةْ وَلَّا؟ هَلْ أَنَا قُلْت الصَّنَمْ عِنْدَهْ قُدْرَةْ وَلَّا؟

1 كُرُنْتُس 4:7

وَ نُقُولْ لِأَيِّ وَاحِدْ، يَاتُو السَّوَّاكْ أَخَيْر مِنْ أَخُوكْ؟ الشَّيّءْ الْعِنْدَكْ دَا، هُو مِنْ اللّٰهْ. وَ كَنْ اللّٰهْ بَسْ أَنْطَاهْ لَيْك، مَالَا تِسْتَكْبَرْ بَيَّهْ مِثِلْ إِنْتَ مَا لِقِيتَهْ مِنَّهْ هُو؟

رَوْمَا 11:7

وَ دَا كِكَّيْف؟ بَنِي إِسْرَائِيلْ مَا لِقَوْا الشَّيّءْ الطَّلَبَوْه مِنْ اللّٰهْ. إِلَّا النَّاسْ الْاللّٰهْ عَزَلَاهُمْ بَسْ لِقَوْه. وَ الْآخَرِينْ رُوسَيْهُمْ بِقَوْا قَوِيِّينْ.

رَوْمَا 3:5

كَنْ بِفَسَالِتْنَا اللّٰهْ يِوَصِّفْ كَدَرْ هُو عَادِلْ، نُقُولُوا شُنُو؟ هَلْ نُقُولُوا اللّٰهْ مَا عَادِلْ وَكِتْ يِنَزِّلْ غَضَبَهْ فَوْقنَا وَلَّا؟ بِالْكَلَامْ دَا، نِحَجِّي بِفِكِرْ إِنْسَانِي بَسْ.

رَوْمَا 1:18

اللّٰهْ بَيَّنْ غَضَبَهْ الْيِنَزِّلَهْ مِنْ السَّمَاءْ فِي كُلَّ ذَنِبْ وَ فَسَالَةْ بَنِي آدَم. هُمَّنْ قَاعِدِينْ يِخَالُفُوا الْحَقّ بِعَمَلْهُمْ الْفَسِلْ.

لُوقا 7:39

وَ الْفَرِيزِي الْعَزَمَهْ فِي بَيْتَهْ شَافْ الشَّيّءْ الْهِي قَاعِدَةْ تِسَوِّيهْ وَ فِي قَلْبَهْ قَالْ: كَنْ صَحِيحْ النَّادُمْ دَا نَبِي، أَكِيدْ هُو يَعَرِفْ الْمَرَةْ الْقَاعِدَةْ تِلَمِّسَهْ دِي يَاتِي وَ يَعَرِفْ حَالْهَا الشَّيْنَةْ أَشَانْ هِي مُذْنِبَةْ.

أمْثال 20:9

يَاتُو يَقْدَرْ يُقُولْ: «أَنَا طَهَّرْت قَلْبِي وَ بَتَّانْ مَا عِنْدِي أَيِّ ذَنِبْ؟»

رَوْمَا 2:1

وَ إِنْتَ التُّلُومْ النَّاسْ، كَنْ إِنْتَ تَبْقَى يَاتُو كُلَ، مَا عِنْدَكْ كَلَامْ. فِي الشَّيّءْ التُّلُومْ فَوْقَهْ نَادُمْ آخَرْ، إِنْتَ قَاعِدْ تُلُومْ نَفْسَكْ أَشَانْ إِنْتَ التُّلُومْ أَخُوكْ، قَاعِدْ تِسَوِّي نَفْس الشَّيّءْ مِثْلَهْ.

رَوْمَا 3:1

وَ مِثِلْ دَا، شُنُو فَايْدَةْ الْيَهُودْ؟ وَ طَهُورِتْهُمْ دِي، عِنْدَهَا فَايْدَةْ وَلَّا؟

رَوْمَا 7:14

نَعَرْفُوا كَدَرْ شُرُوطْ التَّوْرَاةْ جَايِينْ مِنْ اللّٰهْ، لَاكِنْ أَنَا إِنْسَانِي بَسْ. أَنَا مِثِلْ عَبِدْ وَ الذَّنِبْ هُو مِثِلْ سِيدِي.