رَوْمَا 3:8 - الكتاب المقدس بالعربي الدارجي هنا تشاد

⁸ وَ خَلَاصْ، مَالَا مَا نُقُولُوا: «خَلِّي نِسَوُّوا شَيّءْ فَسِلْ أَشَانْ شَيّءْ سَمَحْ يَجِي مِنَّهْ؟» وَ دَا بَسْ الْكَلَامْ النَّاسْ وَاحِدِينْ يُقُولُوا بِكِدِبْ هُو تَعْلِيمْنَا. الْعَذَابْ الْيَجِي فَوْقهُمْ وَاجِبْ لَيْهُمْ!

رَوْمَا 3:8 Referenca të Kryqëzuara

رَوْمَا 6:1

وَ كَنْ رَحْمَةْ اللّٰهْ كِتْرَتْ زِيَادَةْ فِي الْبَكَانْ الْفَوْقَهْ الذَّنِبْ أَوَّلْ كِتِرْ، أَنِحْنَ نِسَوُّوا شُنُو؟ هَلْ وَاجِبْ نَقْعُدُوا بَتَّانْ فِي ذُنُوبْنَا أَشَانْ رَحْمَةْ اللّٰهْ تِزِيدْ فَوْقنَا وَلَّا؟

رَوْمَا 6:15

وَ دَا كِكَّيْف؟ هَلْ نَذْنُبُوا أَشَانْ أَنِحْنَ عَايْشِينْ تِحِتْ رَحْمَةْ اللّٰهْ وَ مَا تِحِتْ شُرُوطْ التَّوْرَاةْ وَلَّا؟ لَا، أَبَداً.

رَوْمَا 7:7

وَ كَنْ نُقُولُوا شُرُوطْ التَّوْرَاةْ سَبَّبَوْا فَوْقنَا ذُنُوبْ، فِي الْكَلَامْ دَا نُقُولُوا التَّوْرَاةْ وَ الذُّنُوبْ هُمَّنْ سَوَا وَلَّا؟ لَا! أَشَانْ أَوَّلْ أَنَا مَا عِرِفْت الذَّنِبْ لَاكِنْ التَّوْرَاةْ بَسْ عَرَّفَانِي بَيَّهْ. أَوَّلْ كَنْ التَّوْرَاةْ مَا قَالْ: <مَا تَطْمَعْ>، أَنَا مَا نَعَرِفْ الطَّمَعْ.

رَوْمَا 5:20

وَ شُرُوطْ التَّوْرَاةْ جَوْا أَشَانْ قُدْرَةْ الْخَطَا أَنْشَافَتْ بِزِيَادَةْ. لَاكِنْ فِي الْبَكَانْ الْكِتِرْ فَوْقَهْ الذَّنِبْ، رَحْمَةْ اللّٰهْ كُلَ كِتْرَتْ بِزِيَادَةْ.

يَهُوذَا 1:4

أَشَانْ فِي نَاسْ وَاحِدِينْ فَسْلِينْ أَنْدَسَّوْا أَمْبَيْنَاتْكُو بِعَشِيرْ. وَ هُمَّنْ قَاعِدِينْ يِعَوُّجُوا كَلَامْ رَحْمَةْ اللّٰهْ لِيِحَلُّلُوا بَيَّهْ الْمُحَرَّمَاتْ. وَ بَيْدَا، يَنْكُرُوا عِيسَى الْمَسِيحْ الْهُو بَسْ سَيِّدْنَا وَ رَبِّنَا. وَ مِنْ زَمَانْ، الْكِتَابْ حَجَّى بِالْعَذَابْ الْيَرْجَاهُمْ.

مَتَّى 5:11

«مَبْرُوكْ لَيْكُو إِنْتُو وَكِتْ النَّاسْ يِعَيُّرُوكُو وَ يَطُرْدُوكُو وَ بِالْكِدِبْ يُخُطُّوا فَوْقكُو كَلَامْ شَيْن أَشَانْ إِنْتُو تَلَامِيذِي.

2 كُرُنْتُس 6:8

وَ نَخْدُمُوا لِلّٰهْ كَنْ يِكَرُّمُونَا وَلَّا يَحْقُرُونَا وَ كَنْ يِعَيُّرُونَا وَلَّا يَشْكُرُونَا. يُقُولُوا أَنِحْنَ كَدَّابِينْ وَ لَاكِنْ أَنِحْنَ أَمِينِينْ.

2 كُرُنْتُس 11:15

وَ كَنْ خَدَّامِينْ إِبْلِيسْ كُلَ يِسَوُّوا نُفُوسْهُمْ يِشَابُهُوا خَدَّامِينْ اللّٰهْ الصَّالِحِينْ، مَا نِعَجُّبُوا مِنْهُمْ. وَ فِي الأَخِيرْ، يَلْقَوْا الْوَاجِبْ لَيْهُمْ حَسَبْ خِدْمِتْهُمْ.

إرْمِيا 40:16

وَ قَدَالْيَا وِلَيْد أَخِقَامْ رَدَّ لِيُوحَنَانْ وِلَيْد قَارِحْ وَ قَالْ: «مَا تِسَوِّي مِثِلْ دَا! الْإِنْتَ قَاعِدْ تُقُولَهْ فِي إِسْمَاعِيلْ، دَا كِدِبْ مَا صَحِيحْ.»