رَوْمَا 3:2 - الكتاب المقدس بالعربي الدارجي هنا تشاد

² أَيْوَى، الْيَهُودْ عِنْدُهُمْ فَايْدَةْ كَبِيرَةْ بِلْحَيْن! وَ أَوَّلْ شَيّءْ، اللّٰهْ أَمَّنَاهُمْ بِكَلَامَهْ.

رَوْمَا 3:2 Referenca të Kryqëzuara

رَوْمَا 9:4

هُمَّنْ بَنِي إِسْرَائِيلْ، الشَّعَبْ الْاللّٰهْ عَزَلَاهُمْ لِيَبْقَوْا عِيَالَهْ وَ جَهَّزْ لَيْهُمْ الْمَجْد. وَ سَوَّى مَعَاهُمْ مُعَاهَدَاتْ وَ نَزَّلْ لَيْهُمْ التَّوْرَاةْ وَ أَنْطَاهُمْ الْعِبَادَةْ. وَ لَيْهُمْ هُمَّنْ، أَنْطَاهُمْ الْوُعُودْ

أعمال الرُسُل 7:38

وَ وَكِتْ جَمَاعَةْ بَنِي إِسْرَائِيلْ لَامِّينْ فِي الصَّحَرَاءْ، مُوسَى بَسْ الْوَسِيطْ أَمْبَيْن جُدُودْنَا وَ الْمَلَكْ الْكَلَّمْ مَعَايَهْ فِي جَبَلْ سِينَاء. لَيَّهْ هُو بَسْ، اللّٰهْ نَزَّلْ كَلَامْ الْحَيَاةْ أَشَانْ يَنْطِيهْ لَيْنَا.

عِبْرَانِيِّين 5:12

إِنْتُو الطَّوَّلْتُوا فِي الدَّرِبْ، وَاجِبْ تَبْقَوْا مُعَلِّمِينْ هَنَا الْإِيمَانْ لَاكِنْ بِالصَّحِيحْ، إِنْتُو حَوْجَانِينْ لِدُرُوسْ أَوَّلَانِيِّينْ هَنَا كَلَامْ اللّٰهْ. إِنْتُو بِقِيتُوا مِثِلْ الصَّغِيرْ اللِّسَّاعَهْ حَوْجَانْ لِلَبَنْ أَمَّهْ أَشَانْ هُو مَا جَاهِزْ لِلْأَكِلْ.

1 كُرُنْتُس 9:17

كَنْ نِسَوِّي الْخِدْمَةْ دِي أَشَانْ أَنَا نِدَوْرهَا بَسْ، الْأُجْرَةْ وَاجْبَةْ لَيِّ. لَاكِنْ أَنَا مَا عَزَلْت الْخِدْمَةْ دِي بِنِيّتِي. اللّٰهْ بَسْ كَلَّفَانِي بَيْهَا.

1 بُطْرُس 4:11

مَثَلاً، أَيِّ نَادُمْ الْيِكَلِّمْ لِلْأَخْوَانْ فِي الْمَلَمَّةْ، خَلِّي يِكَلِّمْ لَيْهُمْ بِكَلَامْ اللّٰهْ. وَ أَيِّ نَادُمْ الْيَخْدِمْ لِلْأَخْوَانْ، خَلِّي يَخْدِمْ بِالْقُدْرَةْ الْاللّٰهْ أَنْطَاهَا لَيَّهْ. أَشَانْ كُلَّ شَيّءْ التِّسَوُّوهْ يِمَجِّدْ اللّٰهْ بِوَاسِطَةْ عِيسَى الْمَسِيحْ. وَ لَيَّهْ هُو الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

رُؤية 22:6

وَ هُو حَجَّى لَيِّ وَ قَالْ: «كُلَّ الْكَلَامْ دَا ثَابِتْ وَ صَحِيحْ. وَ الرَّبّ اللّٰهْ الْيِنَزِّلْ كَلَامَهْ لِلْأَنْبِيَاء بِالرُّوحْ الْقُدُّوسْ، هُو رَسَّلْ لَيْك مَلَكَهْ أَشَانْ يِوَصِّفْ عَبِيدَهْ الشَّيّءْ اللَّابُدَّ يَبْقَى قَرِيبْ.»

رُؤية 19:10

وَ عَجَلَةْ كَيْ، أَنَا سَجَدْت قِدَّامْ رِجِلَيْنَهْ أَشَانْ نَعَبُدَهْ لِلْمَلَكْ وَ لَاكِنْ هُو قَالْ: «لَا، مَا تَسْجُدْ لَيِّ أَنَا. أَعَبُدْ اللّٰهْ. أَنَا عَبِدْ مِثْلَكْ إِنْتَ وَ مِثِلْ أَخْوَانَكْ الْيِتَابُعُوا شَهَادَةْ عِيسَى. أَشَانْ شَهَادَةْ عِيسَى، هِي الْكَلَامْ الْيِنَزِّلَهْ الرُّوحْ الْقُدُّوسْ فِي الْأَنْبِيَاء.»

1 تِمُوتَاوُس 6:20

يَا تِمُوتَاوُسْ، أَحْفَضْ الْأَمَانَةْ الْاللّٰهْ أَنْطَاهَا لَيْك. أَنْقَرِعْ مِنْ الْكَلَامْ الْمَا يَنْفَعْ وَ الْكَلَامْ الْيِخَالِفْ الْحَقّ وَ دَا الْكَلَامْ الْيُقُولُوا هُو عِلِمْ، لَاكِنْ هُو دَا بَسْ الْكِدِبْ.

غَلاطِية 2:7

بِالْعَكْس، بِقِي لَيْهُمْ وَاضِحْ كَدَرْ اللّٰهْ كَلَّفَانِي بِبَلِّغِينْ بِشَارَةْ الْمَسِيحْ لِلنَّاسْ الْمَا يَهُودْ مِثِلْ هُو كَلَّفْ بُطْرُسْ بِبَلِّغِينْ بِشَارَةْ الْمَسِيحْ لِلْيَهُودْ.

2 كُرُنْتُس 5:19

وَ مَعَنَاتَهْ اللّٰهْ سَوَّى الصُّلُحْ بِوَاسِطَةْ الْمَسِيحْ. وَ هُو شَالْ نِيَّةْ أَشَانْ مَا يِحَاسِبْ نَاسْ الدُّنْيَا حَسَبْ خَطَايَاهُمْ. وَ كَلَّفَانَا بِبَلِّغِينْ بِشَارَةْ الصُّلُحْ.

رَوْمَا 3:3

وَ مَالَا؟ كَنْ وَاحِدِينْ مِنْهُمْ مَا عِنْدُهُمْ أَمَانْ، هَلْ قِلَّةْ أَمَانْهُمْ دِي تِبَطِّلْ أَمَانْ اللّٰهْ وَلَّا؟

رَوْمَا 2:18

وَ تُقُولْ تَعَرِفْ الشَّيّءْ الْهُو يِدَوْرَهْ وَ تَقْدَرْ تِمَيِّزْ الْعَدِيلْ مِنْ الْمَا عَدِيلْ أَشَانْ قَرَيْت شُرُوطْ التَّوْرَاةْ.

رَوْمَا 1:2

الْوَاعَدْ بَيْهَا مِنْ زَمَانْ بِوَاسِطَةْ الْأَنْبِيَاء الْكَلَامْهُمْ مَكْتُوبْ فِي الْكُتُبْ الْمُقَدَّسَةْ.

يُوحَنَّا 5:39

إِنْتُو قَاعِدِينْ تَقْرُوا الْكِتَابْ كَتِيرْ أَشَانْ فِي فِكِرْكُو إِنْتُو تُقُولُوا تَلْقَوْا الْحَيَاةْ الْأَبَدِيَّةْ. الْكِتَابْ يَشْهَدْ لَيِّ أَنَا

إشَعْيا 8:20

خَلَاصْ، رُدُّوا لَيْهُمْ وَ قُولُوا: «النَّاسْ الْمَا يِتَابُعُوا التَّعْلِيمْ وَ الشَّهَادَةْ مَا يِشِيفُوا نُورْ الصَّبَاحْ.»

زَبُور 119:140

كَلَامَكْ مُؤَكَّدْ مَرَّةْ وَاحِدْ وَ عَبْدَكْ يِحِبَّهْ.

رَوْمَا 3:1

وَ مِثِلْ دَا، شُنُو فَايْدَةْ الْيَهُودْ؟ وَ طَهُورِتْهُمْ دِي، عِنْدَهَا فَايْدَةْ وَلَّا؟