رَوْمَا 2:4 - الكتاب المقدس بالعربي الدارجي هنا تشاد

⁴ تِدَوْر تَحْقِرْ خَيْر اللّٰهْ الْعَظِيمْ وَ صَبْرَهْ وَ طُولْ رُوحَهْ وَلَّا؟ مَا تَعَرِفْ كَدَرْ هُو قَاعِدْ يِسَوِّي لَيْك الْخَيْر أَشَانْ يِدَوْر يِوَدِّيكْ لِلتَّوْبَةْ وَلَّا؟

رَوْمَا 2:4 Referenca të Kryqëzuara

2 بُطْرُس 3:9

وَ اللّٰهْ مَا يِأَخِّرْ وَعَدَهْ. النَّاسْ الْيُقُولُوا هُو أَخَّرْ، مَا فِهْمَوْا عَدِيلْ. أَخَيْر نُقُولُوا اللّٰهْ صَبُورْ لَيْكُو. هُو مَا يِدَوْر أَيِّ نَادُمْ يَهْلَكْ لَاكِنْ يِدَوْر كُلَّ النَّاسْ يُتُوبُوا.

إشَعْيا 30:18

وَ فِي شَانْ دَا، اللّٰهْ يَرْجَى الْوَكِتْ الْمُنَاسِبْ لِيِحِنّ فَوْقكُو وَ يَرْحَمْكُو أَشَانْ اللّٰهْ الرَّبّ هُو عَادِلْ. مَبْرُوكْ لِكُلَّ النَّاسْ الْيُخُطُّوا عَشَمْهُمْ فَوْقَهْ!

خُروج 34:6

وَ فَاتْ قِدَّامْ مُوسَى وَ عَالَنْ وَ قَالْ: «أَنَا اللّٰهْ! أَنَا اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ.

أفَسُس 1:18

خَلِّي نُورْ اللّٰهْ يَدْخُلْ فِي قُلُوبْكُو أَشَانْ تَفْهَمَوْا تَمَامْ الْعَشَمْ الْاللّٰهْ نَادَاكُو لِتَلْقَوْه وَ بَتَّانْ تَفْهَمَوْا كُبُرْ الْوَرَثَةْ الْمَجِيدَةْ الْقَاعِدَةْ فِي أُسْط الصَّالِحِينْ.

أفَسُس 2:7

وَ هُو سَوَّى لَيْنَا زَيْن بِالْمَسِيحْ عِيسَى أَشَانْ فِي كُلَّ الزَّمَنْ الْجَايِ، يِبَيِّنْ رَحْمَتَهْ الْكَبِيرَةْ بِلْحَيْن الْمَا عِنْدَهَا حَدّ.

أفَسُس 1:7

إِبْنَهْ فَدَانَا بِدَمَّهْ وَ بَيَّهْ هُو، اللّٰهْ غَفَرْ لَيْنَا خَطَايَانَا. دِي بَسْ نِعْمَتَهْ الْعَظِيمَةْ

رَوْمَا 3:25

اللّٰهْ قَدَّمْ الْمَسِيحْ مِثِلْ ضَحِيَّةْ أَشَانْ دَمَّهْ يَمْحَا ذُنُوبْ النَّاسْ الْيِآمُنُوا بَيَّهْ. وَ بِمِثِلْ دَا، اللّٰهْ وَصَّفْ كَدَرْ هُو دَايْماً عَادِلْ. فِي الزَّمَنْ الْفَاتْ، اللّٰهْ مَا حَاسَبْ الْمُذْنِبِينْ بِسَبَبْ صَبْرَهْ الْعَظِيمْ.

زَبُور 86:15

وَ لَاكِنْ إِنْتَ، يَا رَبّ، إِنْتَ اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ.

2 بُطْرُس 3:15

فَكُّرُوا فِي الرُّوحْ الطَّوِيلَةْ هَنَا رَبِّنَا وَ أَعَرْفُوا كَدَرْ هُو يِأَخِّرْ جَيْتَهْ أَشَانْ النَّاسْ يَنْجَوْا. وَ الْكَلَامْ دَا مِثِلْ الْكَلَامْ الْأَخُونَا بُولُسْ النِّرِيدُوهْ كَتَبَهْ لَيْكُو مِنْ الْحِكْمَةْ الْاللّٰهْ أَنْطَاهَا لَيَّهْ.

رَوْمَا 11:33

الْحَمْدُ للّٰهْ الْعَلِيمْ وَ الْحَكِيمْ. حِكْمَتَهْ وَ عِلْمَهْ أَبَداً مَا عِنْدُهُمْ حَدّ! حِكْمَةْ حُكْمَهْ نَفْهَمَوْا مِنْهَا إِلَّا شِيَّةْ. وَ نِظَامَهْ عَجِيبْ لَحَدِّي مَا يِلْفَسَّرْ.

رَوْمَا 11:22

فَكِّرْ فِي مَحَنَّةْ اللّٰهْ وَ فَكِّرْ فِي حُكْمَهْ الْقَوِي كُلَ. حُكْمَهْ قَوِي فِي النَّاسْ الْمَرَقَوْا مِنْ الدَّرِبْ، لَاكِنْ هُو حَنُونْ لَيْك بِلْحَيْن كَنْ تَقْعُدْ ثَابِتْ فِي إِحْسَانَهْ. وَ كَنْ مَا تَقْعُدْ ثَابِتْ، إِنْتَ كُلَ يَقْطَعَوْك.

زَبُور 86:5

يَا رَبّ، إِنْتَ زَيْن وَ غَفُورْ وَ رَحْمَتَكْ كَبِيرَةْ لِكُلَّ الْيِنَادُوكْ.

زَبُور 78:38

وَ لَاكِنْ هُو الرَّحِيمْ غَفَرْ خَطَاهُمْ وَ مَا دَمَّرَاهُمْ وَ عِدَّةْ مَرَّاتْ، هُو مَا غِضِبْ لَيْهُمْ وَ مَا قَوَّمْ كُلَّ زَعَلَهْ.

أفَسُس 2:4

وَ لَاكِنْ رَحْمَةْ اللّٰهْ، هِي عَظِيمَةْ وَ هُو يِحِبِّنَا بِمَحَبَّةْ كَبِيرَةْ بِلْحَيْن.

جامِعة 8:11

الْعِقَابْ مَا يِنَّفَّذْ عَجَلَةْ فِي الْعَمَلْ الْفَسِلْ. وَ بَيْدَا، قَلْب الْإِنْسَانْ فِي دَاخِلَهْ مَلَانْ بِنِيَّةْ هَنَا سَوِّيِّنْ الْفَسَالَةْ.

2 بُطْرُس 3:3

وَ دَاهُو أَوَّلْ شَيّءْ الْوَاجِبْ تَفْهَمَوْه. فِي الزَّمَنْ الْأَخِيرْ شَمَّاتِينْ يُقُمُّوا وَ يِشَّمَّتَوْا. وَ يِتَابُعُوا شَهْوَاتْهُمْ بَسْ.

1 بُطْرُس 3:20

زَمَانْ، الْأَرْوَاحْ دَوْل أَبَوْا مَا تَابَعَوْا كَلَامْ اللّٰهْ وَكِتْ اللّٰهْ الصَّبُورْ قَاعِدْ يَرْجَى لَحَدِّي نُوحْ يِكَمِّلْ السَّفِينَةْ. وَ نَاسْ شِيَّةْ بَسْ رِكْبَوْا فِي السَّفِينَةْ وَ عَدَدْهُمْ تَمَانَةْ وَ هُمَّنْ دَوْل نِجَوْا بِسَبَبْ الْأَلْمِي الرَّفَعْ السَّفِينَةْ.

1 تِمُوتَاوُس 6:17

وَ الْأَخْوَانْ الْعِنْدُهُمْ مَالْ كَتِيرْ فِي الدُّنْيَا، وَصِّيهُمْ أَشَانْ مَا يَبْقَوْا فَشَّارِينْ وَ مَا يُخُطُّوا بَالْهُمْ فِي الْمَالْ الْيُفُوتْ. خَلِّي يُخُطُّوا بَالْهُمْ فِي اللّٰهْ الْيَنْطِينَا بِزِيَادَةْ وَ يَرْزُقْنَا بِكُلِّ شَيّءْ أَشَانْ نَفْرَحَوْا مِنَّهْ.

فِلِبِّي 4:19

وَ أَنَا نَعَرِفْ كَدَرْ اللّٰهْ يَنْطِيكُو بِكَتَرَةْ كُلَّ شَيّءْ التِّحْتَاجَوْا لَيَّهْ. أَيْوَى، يَنْطِيكُو مِنْ غُنَايَهْ الْمَجِيدْ بِالْمَسِيحْ عِيسَى.

زَبُور 10:11

وَ الْعَاصِي يُقُولْ فِي نَفْسَهْ: «الرَّبّ يَنْسَى وَ مَا يِدَوْر يَعَرِفْ شَيّءْ وَ بَتَّانْ مَا يِشِيفْ شَيّءْ!»

رُؤية 3:20

شِيفْ، أَنَا مِثِلْ نَادُمْ وَاقِفْ فِي الدَّرِبْ وَ يُدُقّ فِي الْبَابْ. كَنْ أَيِّ نَادُمْ يَسْمَعْنِي وَ يَفْتَحْ لَيِّ الْبَابْ، أَنَا نَدْخُلْ فِي بَيْتَهْ وَ نَاكُلْ مَعَايَهْ وَ هُو يَاكُلْ مَعَايِ.

1 تِمُوتَاوُس 1:16

وَ لَاكِنْ دَاهُو السَّبَبْ الْبَيَّهْ رَبِّنَا رَحَمَانِي. أَنَا أَكْبَرْ مُذْنِبْ وَ لَاكِنْ الْمَسِيحْ عِيسَى وَصَّفْ بَيِّ صَبْرَهْ الْعَظِيمْ وَ سَوَّانِي مَثَلْ وَاضِحْ لِكُلَّ النَّاسْ الْيِآمُنُوا بَيَّهْ وَ يَلْقَوْا الْحَيَاةْ الْأَبَدِيَّةْ.

كُلُوسِي 1:27

وَ اللّٰهْ شَالْ نِيَّةْ أَشَانْ يِأَوْرِيهُمْ كَدَرْ السِّرّ دَا يِجِيبْ بَرَكَةْ كَبِيرَةْ وَ مَجِيدَةْ بِلْحَيْن لِكُلَّ الْأُمَمْ. وَ سِرّ اللّٰهْ، هُو الْمَسِيحْ ذَاتَهْ يَقْعُدْ فِيكُو وَ دَا يَنْطِيكُو عَشَمْ تَدْخُلُوا فِي مَجْدَهْ.

رَوْمَا 6:15

وَ دَا كِكَّيْف؟ هَلْ نَذْنُبُوا أَشَانْ أَنِحْنَ عَايْشِينْ تِحِتْ رَحْمَةْ اللّٰهْ وَ مَا تِحِتْ شُرُوطْ التَّوْرَاةْ وَلَّا؟ لَا، أَبَداً.

رَوْمَا 6:1

وَ كَنْ رَحْمَةْ اللّٰهْ كِتْرَتْ زِيَادَةْ فِي الْبَكَانْ الْفَوْقَهْ الذَّنِبْ أَوَّلْ كِتِرْ، أَنِحْنَ نِسَوُّوا شُنُو؟ هَلْ وَاجِبْ نَقْعُدُوا بَتَّانْ فِي ذُنُوبْنَا أَشَانْ رَحْمَةْ اللّٰهْ تِزِيدْ فَوْقنَا وَلَّا؟

زَبُور 104:24

يَا اللّٰهْ! أَعْمَالَكْ كَتِيرِينْ! بِحِكْمَةْ، إِنْتَ سَوَّيْتهُمْ كُلُّهُمْ وَ الْأَرْض مَلَانَةْ بِمَخْلُوقِينَكْ.

كُلُوسِي 2:2

وَ نِجَاهِدْ أَشَانْ يَلْقَوْا شَجَاعَةْ فِي قُلُوبْهُمْ وَ وِحْدَةْ بِالْمَحَبَّةْ وَ فِهِمْ تَمَامْ مَلَانْ بِبَرَكَةْ. نِدَوْر كَدَرْ يَعَرْفُوا وَ يَفْهَمَوْا سِرّ اللّٰهْ يَعْنِي الْمَسِيحْ.

أفَسُس 3:16

وَ نَسْأَلَهْ أَشَانْ يَنْطِيكُو بَرَكَةْ مِنْ الْغُنَى الْعِنْدَهْ فِي الْمَجْد وَ يَنْطِيكُو قُدْرَةْ وَ يِثَبِّتْ قُلُوبْكُو بِالرُّوحْ الْقُدُّوسْ.

أفَسُس 3:8

وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

رَوْمَا 10:12

وَ دَا بِقِي سَوَا سَوَا لِلْيَهُودْ وَ لِلْمَا يَهُودْ أَشَانْ الرَّبّ الْوَاحِدْ، هُو رَبّ كُلَّ النَّاسْ وَ هُو كَرِيمْ لِأَيِّ نَادُمْ الْيَدْعِي بِأُسْمَهْ.

حِزْقِيال 16:63

وَ وَكِتْ تِفَكِّرِي فِي الْفَاتْ، الْعَيْب يَكْرُبْكِ وَ بَتَّانْ مَا تَقْدَرَيْ تُفُكِّي خَشُمْكِ أَشَانْ إِنْتِ وَدَّرْتِ شَرَفْكِ. وَ لَاكِنْ أَنَا نَغْفِرْ لَيْكِ كُلَّ شَيّءْ السَّوَّيْتِيهْ.» وَ دَا كَلَامْ اللّٰهْ الرَّبّ.

إرْمِيا 7:10

وَ كِكَّيْف تَجُوا قِدَّامِي فِي بَيْتِي الْفَوْقَهْ أُسْمِي وَ تُقُولُوا: ”شَيّءْ مَا يَجِينَا.“ وَ بَعَدْ دَا، بَتَّانْ تِسَوُّوا كُلَّ الْمُحَرَّمَاتْ دَوْل!

عَدد 14:18

‹أَنَا اللّٰهْ الصَّبُورْ وَ الْمُحِبّ، نَغْفِرْ لِلْخَاطِي وَ الْعَاصِي. وَ لَاكِنْ الْمُذْنِبْ مَا نَجْعَلَهْ بَرِي. وَ نِعَاقِبْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ.›

يُونُس 4:2

وَ صَلَّى لِلّٰهْ وَ قَالْ: «عَجَبْ، يَا اللّٰهْ. دَا مَا الشَّيّءْ الْأَنَا قُلْتَهْ وَكِتْ أَنَا لِسَّاعْنِي فِي بَلَدِي وَلَّا؟ أَشَانْ دَا بَسْ أَنَا عَرَّدْت لِنَمْشِي تَرْشِيشْ. يَا اللّٰهْ، نَعَرِفْ كَدَرْ إِنْتَ الرَّحْمـٰنْ الرَّحِيمْ وَ الصَّبُورْ وَ الْمُحِبّ زِيَادَةْ وَ تِخَلِّي الْغَضَبْ الْأَوَّلْ قَرَّرْت تِنَزِّلَهْ فِي النَّاسْ.

هُوشَع 3:5

وَ بَعَدْ دَا، بَنِي إِسْرَائِيلْ يِقَبُّلُوا يِتَابُعُوا اللّٰهْ إِلٰـهُّمْ وَ مَلِكْهُمْ الْمِنْ ذُرِّيَّةْ دَاوُدْ. وَ فِي آخِرْ الْوَكِتْ، يَخَافَوْا مِنْ اللّٰهْ وَ يَلْقَوْا خَيْرَهْ.

زَبُور 31:19

يَا اللّٰهْ! خَيْرَكْ كَتِيرْ الْحَفَضْتَهْ لِلنَّاسْ الْيَخَافَوْا مِنَّكْ. وَ تَنْطِيهْ لِلْيَلْجَأَوْا لَيْك قِدَّامْ كُلَّ النَّاسْ.

حِزْقِيال 11:19

وَ نَنْطِيكُو قَلِبْ وَاحِدْ وَ نُخُطّ فَوْقكُو رُوحْ جَدِيدَةْ. وَ نَمْرُقْ مِنْكُو قَلِبْكُو الْقَوِي مِثِلْ الْحَجَرْ وَ نِدِسّ لَيْكُو قَلِبْ لَيِّنْ هَنَا إِنْسَانْ

2 كُرُنْتُس 8:2

صُعُوبَةْ شَدِيدَةْ قَاعِدَةْ تِجَرِّبْ إِيمَانْهُمْ لَاكِنْ هُمَّنْ فَرْحَانِينْ فَرْحَةْ شَدِيدَةْ. وَ حَتَّى كَانْ هُمَّنْ فَقْرَانِينْ فَقُرْ شَدِيدْ كُلَ، أَنْطَوْا بِجُودْ.

2 بُطْرُس 1:11

وَ بِمِثِلْ دَا، اللّٰهْ يَفْتَحْ لَيْكُو بَابْ وَسِيعْ لِتَدْخُلُوا فِي الْمَمْلَكَةْ الْأَبَدِيَّةْ وَ هِي مَمْلَكَةْ رَبِّنَا عِيسَى الْمَسِيحْ مُنَجِّينَا.

رُؤية 2:21

أَنَا أَنْطَيْتهَا فُرْصَةْ لِتُتُوبْ مِنْ ذُنُوبْهَا لَاكِنْ هِي أَبَتْ مَا تَابَتْ مِنْ الزِّنَى.