رَوْمَا 2:16 - الكتاب المقدس بالعربي الدارجي هنا تشاد

¹⁶ وَ حَسَبْ بِشَارَةْ الْمَسِيحْ النِّبَلِّغْهَا، دَا كُلَّ كَيْ يَبْقَى وَاضِحْ فِي الْيَوْم الْاللّٰهْ يِحَاسِبْ فَوْقَهْ النَّاسْ بِوَاسِطَةْ عِيسَى الْمَسِيحْ. وَ هُو يِحَاسِبْ النَّاسْ فِي الْعَمَلْ الْيِسَوُّوهْ بِعَشِيرْ.

رَوْمَا 2:16 Referenca të Kryqëzuara

جامِعة 12:14

أَشَانْ الرَّبّ يِحَاسِبْ كُلَّ عَمَلْ الْإِنْسَانْ حَتَّى كَانْ مُلَبَّدْ كُلَ، كَنْ زَيْن وَلَّا فَسِلْ.

1 كُرُنْتُس 4:5

بِمِثِلْ دَا، مَا تِحَاسُبُوا خِدْمَةْ أَيِّ نَادُمْ قُبَّالْ يَوْم الْحِسَابْ. فِي الْيَوْم دَا، رَبِّنَا يَجِي وَ يِبَيِّنْ كُلَّ شَيّءْ الْمُلَبَّدْ فِي الضَّلَامْ وَ يَكْشِفْ نِيَّةْ النَّاسْ الْقَاعِدَةْ فِي قُلُوبْهُمْ. وَ أَيِّ نَادُمْ يَلْقَى رِضَى، مَا مِنْ النَّاسْ لَاكِنْ مِنْ اللّٰهْ.

أعمال الرُسُل 17:31

وَ اللّٰهْ قَطَعْ لَيْنَا يَوْم أَشَانْ يِحَاسِبْ فَوْقَهْ كُلَّ نَاسْ الدُّنْيَا بِالْعَدَالَةْ. وَ اللّٰهْ كَلَّفْ الْحِسَابْ دَا لِلرَّاجِلْ الْهُو عَزَلَهْ. وَ الرَّاجِلْ دَا، اللّٰهْ بَعَثَهْ مِنْ أُسْط الْمَيْتِينْ أَشَانْ كُلَّ النَّاسْ يَعَرْفُوا دَا بَسْ الرَّاجِلْ الْهُو عَزَلَهْ.»

أعمال الرُسُل 10:42

وَ عِيسَى أَمَرَانَا أَشَانْ نِبَلُّغُوا الْبِشَارَةْ لِلشَّعَبْ وَ نَشْهَدَوْا لَيَّهْ وَ نُقُولُوا عِيسَى بَسْ النَّادُمْ الْاللّٰهْ جَعَلَهْ لِيِحَاسِبْ النَّاسْ الْحَيِّينْ وَ الْمَيْتِينْ.

لُوقا 8:17

أَشَانْ مَا فِي شَيّءْ مُلَبَّدْ الْبَعَدَيْن مَا يِنْشَافْ. وَ مَا فِي أَيِّ سِرّ الْمَا يِنْعَرِفْ وَ بَعَدَيْن يِنْكَشِفْ.

1 بُطْرُس 4:5

لَاكِنْ فِي الأَخِيرْ رَبِّنَا يِحَاسِبْهُمْ فِي فِعِلْهُمْ. هُو جَاهِزْ أَشَانْ يِحَاسِبْ الْحَيِّينْ وَ الْمَيْتِينْ.

رَوْمَا 3:6

لَا، أَبَداً! كَنْ اللّٰهْ مَا عَادِلْ، كِكَّيْف يَقْدَرْ يِحَاسِبْ الْعَالَمْ؟

زَبُور 98:9

يِزَغْرُطُوا قِدَّامْ اللّٰهْ أَشَانْ يَجِي يَحْكِمْ الْأَرْض. هُو يَحْكِمْ الْعَالَمْ بِالْعَدَالَةْ وَ الشُّعُوبْ بِالْحَقّ.

2 بُطْرُس 2:9

وَ خَلَاصْ بَيْدَا كُلَ كَيْ، نَعَرْفُوا كَدَرْ اللّٰهْ يَقْدَرْ يَفْزَعْ الصَّالِحِينْ فِي وَكْت التَّجْرِبَةْ وَ يِرَاقِبْ النَّاسْ الْفَسْلِينْ لَحَدِّي يِعَاقِبْهُمْ فِي يَوْم الْحِسَابْ.

2 تِمُوتَاوُس 4:1

نِوَصِّيكْ قِدَّامْ اللّٰهْ وَ قِدَّامْ الْمَسِيحْ عِيسَى الْيِشَارِعْ الْحَيِّينْ وَ الْمَيْتِينْ وَ دَا فِي الْيَوْم الْهُو يِبِينْ فَوْقَهْ فِي مَمْلَكَتَهْ.

2 تِمُوتَاوُس 2:8

فَكِّرْ فِي عِيسَى الْمَسِيحْ. هُو مِنْ ذُرِّيَّةْ دَاوُدْ وَ بَعَثْ مِنْ أُسْط الْمَيْتِينْ. وَ دِي بَسْ الْبِشَارَةْ الْأَنَا بَلَّغْتَهَا لِلنَّاسْ.

1 تِمُوتَاوُس 1:11

وَ التَّعْلِيمْ هُو عَدِيلْ كَنْ يِوَافِقْ مَعَ الْبِشَارَةْ الْاللّٰهْ كَلَّفَانِي بَيْهَا أَشَانْ نِبَلِّغْهَا. وَ هِي الْبِشَارَةْ الْمَجِيدَةْ الْمِنْ اللّٰهْ الْوَاجِبْ لَيَّهْ الشُّكُرْ.

رَوْمَا 16:25

وَ خَلَاصْ نَشْكُرُوا اللّٰهْ! أَشَانْ هُو يَقْدَرْ يِقَوِّيكُو فِي الْإِيمَانْ بِبِشَارَةْ الْمَسِيحْ النِّجِيبْهَا لَيْكُو وَكِتْ نِبَلِّغْ بِعِيسَى الْمَسِيحْ. وَ بِالْبِشَارَةْ دِي، اللّٰهْ يِعَرِّفْ السِّرّ الْمُلَبَّدْ مِنْ الزَّمَنْ الْفَاتْ.

يُوحَنَّا 12:48

النَّادُمْ الْيَابَانِي وَ مَا يِتَابِعْ كَلَامِي عِنْدَهْ قَاضِي الْيِحَاكِمَهْ. الْكَلَامْ الْأَنَا قُلْتَهْ يِجِيبْ فَوْقَهْ الْحُكُمْ فِي الْيَوْم الْأَخِيرْ.

عِبْرَانِيِّين 9:27

أَكِيدْ، مَكْتُوبْ لِأَيِّ نَادُمْ يُمُوتْ مَرَّةْ وَاحِدَةْ وَ بَعَدْ الْمَوْت يَجِي الْحِسَابْ.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.

2 كُرُنْتُس 5:10

أَشَانْ لَابُدَّ أَيِّ وَاحِدْ مِنِّنَا يَقِيفْ قِدَّامْ كُرْسِي مَحْكَمَةْ الْمَسِيحْ. وَ فِي الْبَكَانْ دَا، أَيِّ نَادُمْ يَلْقَى الشَّيّءْ الْوَاجِبْ لَيَّهْ حَسَبْ الْعَمَلْ السَّوَّاهْ وَكِتْ هُو عَايِشْ بِجِسْمَهْ الْأَرْضِي، كَنْ عَمَلَهْ هَنَا خَيْر أَوْ هَنَا شَرّ.

رَوْمَا 2:5

لَاكِنْ رَاسَكْ قَوِي وَ فِي قَلْبَكْ مَا تِدَوْر تُتُوبْ. وَ بَيْدَا، إِنْتَ قَاعِدْ تِزِيدْ الْعِقَابْ الْيَجِي فَوْقَكْ فِي يَوْم غَضَبْ اللّٰهْ. وَ دَا الْيَوْم الْاللّٰهْ يِحَاسِبْ فَوْقَهْ النَّاسْ بِالْحَقّ.

مَتَّى 16:27

فَكُّرُوا فِي الْكَلَامْ دَا أَشَانْ إِبْن الْإِنْسَانْ يِقَبِّلْ مَعَ قُدْرَةْ مَجِيدَةْ هَنَا اللّٰهْ أَبُوهْ وَ مَعَ مَلَائِكَتَهْ. وَ أَيِّ نَادُمْ السَّوَّى الْفَسِلْ، يِعَاقِبَهْ. وَ أَيِّ نَادُمْ السَّوَّى عَمَلْ عَدِيلْ، يَنْطِيهْ أَجُرْ.

جامِعة 11:9

يَا الصَّبِي! أَفْرَحْ بِأَيَّامْ صُبَاكْ وَ خَلِّي قَلْبَكْ يَفْرَحْ بِأَيَّامْ شَبَابَكْ. تَابِعْ كَلَامْ قَلْبَكْ وَ الْيِشِيفُوهْ عُيُونَكْ. لَاكِنْ أَعَرِفْ كَدَرْ فِي كُلَّ الشَّيّءْ دَا، الرَّبّ يِحَاسِبَكْ.

جامِعة 3:17

وَ أَنَا قُلْت فِي نَفْسِي: «الرَّبّ يِحَاسِبْ الصَّالِحْ وَ الْعَاصِي كُلَ أَشَانْ لِكُلَّ شَيّءْ فِي وَكِتْ مُنَاسِبْ وَ كُلَّ عَمَلْ بِوَكْتَهْ.»

زَبُور 96:13

قِدَّامْ اللّٰهْ. أَشَانْ اللّٰهْ جَايِ، هُو جَايِ يَحْكِمْ الْأَرْض. هُو يَحْكِمْ الْعَالَمْ بِالْعَدَالَةْ وَ الشُّعُوبْ بِالْحَقّ.

زَبُور 50:6

وَ السَّمَاوَاتْ يِحَجُّوا بِعَدَالْتَهْ وَ يُقُولُوا: «الْحَاكِمْ، هُو الرَّبّ.» وَقْفَةْ.

تكوين 18:25

أَبَداً مَا تَقْدَرْ تِسَوِّيهْ، يَا رَبّ! إِنْتَ مَا تِدَمِّرْ الْعَدِيلِينْ مَعَ الْفَسْلِينْ! أَشَانْ النَّاسْ الْعَدِيلِينْ مَا مِثِلْ النَّاسْ الْفَسْلِينْ! هَلْ الْحَاكِمْ هَنَا كُلَّ الْأَرْض مَا يِسَوِّي الْعَدَالَةْ وَلَّا؟»

غَلاطِية 1:11

يَا أَخْوَانِي، نِدَوْر كَدَرْ إِنْتُو تَعَرْفُوا الْبِشَارَةْ الْبَلَّغْتَهَا لَيْكُو مَا جَاتْ مِنْ النَّاسْ.

1 كُرُنْتُس 15:1

يَا أَخْوَانِي، نِدَوْر نِذَكِّرْكُو بِبِشَارَةْ الْمَسِيحْ الْبَلَّغْتَهَا لَيْكُو. الْبِشَارَةْ دِي، إِنْتُو قِبِلْتُوهَا وَ بِسَبَبْهَا بَسْ، إِنْتُو مُؤمِنِينْ.