رَوْمَا 2:12 - الكتاب المقدس بالعربي الدارجي هنا تشاد

¹² كُلَّ النَّاسْ الْمَا عِنْدُهُمْ شُرُوطْ التَّوْرَاةْ وَ يَذْنُبُوا، يَهْلَكَوْا بَلَا شُرُوطْ التَّوْرَاةْ. وَ كُلَّ النَّاسْ الْعِنْدُهُمْ شُرُوطْ التَّوْرَاةْ وَ يَذْنُبُوا، اللّٰهْ يِحَاسِبْهُمْ حَسَبْ شُرُوطْ التَّوْرَاةْ.

رَوْمَا 2:12 Referenca të Kryqëzuara

1 كُرُنْتُس 9:21

وَ كَنْ أَنَا قَاعِدْ مَعَ النَّاسْ الْمَا يَهُودْ، مَعَنَاتَهْ الْمَا تِحِتْ شُرُوطْ التَّوْرَاةْ، أَنَا نِسَوِّي نَفْسِي مِثِلْهُمْ هُمَّنْ الْمَا قَاعِدِينْ تِحِتْ شُرُوطْ التَّوْرَاةْ لِنِجِيبْهُمْ فِي دَرِبْ النَّجَاةْ لِلنَّاسْ الْمَا تِحِتْ شُرُوطْ التَّوْرَاةْ. وَ بِالصَّحِيحْ، أَنَا مَا أَبَيْت شُرُوطْ اللّٰهْ أَشَانْ أَنَا قَاعِدْ نِتَابِعْ شُرُوطْ الْمَسِيحْ.

غَلاطِية 3:10

وَ كُلَّ النَّاسْ الْأَنْكَرَبَوْا فِي طَبِّقِينْ شُرُوطْ التَّوْرَاةْ، اللَّعَنَةْ قَاعِدَةْ فَوْقهُمْ. أَشَانْ مَكْتُوبْ فِي الْكِتَابْ كَدَرْ أَيِّ نَادُمْ الْمَا يِتَابِعْ الْكَلَامْ الْمَكْتُوبْ فِي التَّوْرَاةْ كُلَّ كَيْ وَ مَا يِطَبِّقَهْ تَمَامْ، هُو مَلْعُونْ.

رَوْمَا 8:3

شُرُوطْ التَّوْرَاةْ أَبَداً مَا قِدْرَوْا يِنَجُّوا النَّاسْ أَشَانْ ضُعُفْ طَبِيعَةْ الْإِنْسَانْ دَحَرَاهُمْ. وَ اللّٰهْ ذَاتَهْ سَوَّى الشَّيّءْ الشُّرُوطْ التَّوْرَاةْ مَا قِدْرَوْا يِسَوُّوهْ. هُو رَسَّلْ إِبْنَهْ الْوَاحِدْ لِيَبْقَى إِنْسَانْ فِي جِسِمْ مِثِلْ جِسِمْ الْمُذْنِبْ. وَ وَكِتْ هُو فِي جِسْمَهْ الْإِنْسَانِي دَا، اللّٰهْ حَاكَمْ فِي الذَّنِبْ مَرَّةْ وَاحِدْ.

رَوْمَا 1:32

هُمَّنْ عِرْفَوْا قَرَارْ اللّٰهْ الْبُقُولْ الْمَوْت وَاجِبْ لِأَيِّ نَادُمْ الْيِسَوِّي الْعَمَلْ الْمِثِلْ دَا. وَ لَاكِنْ مَا خَلَّوْا مِنْهُمْ الذُّنُوبْ دَوْل وَ هُمَّنْ رَضْيَانِينْ بِالنَّاسْ الْيِسَوُّوهُمْ كُلَ.

مَتَّى 11:24

وَ لَاكِنْ نُقُولْ لَيْكُو، فِي يَوْم الْحِسَابْ، الْعَذَابْ الْيَنْزِلْ فَوْق نَاسْ حِلَّةْ سَدُومْ مَا يَبْقَى شَدِيدْ مِثِلْ الْعَذَابْ الْيَنْزِلْ فَوْق نَاسْكِ.»

يَعْقُوب 2:10

تَعَرْفُوا كَدَرْ النَّادُمْ التَّابَعْ كُلَّ الشُّرُوطْ وَ لَاكِنْ خَالَفْ شَرْط وَاحِدْ، هُو مِثِلْ خَالَفْ كُلَّ الشُّرُوطْ.

رَوْمَا 4:15

أَشَانْ شُرُوطْ التَّوْرَاةْ يِجِيبُوا غَضَبْ اللّٰهْ فَوْق النَّاسْ. وَ لَاكِنْ كَنْ شُرُوطْ مَا فِي، مُخَالَفَةْ الشُّرُوطْ كُلَ مَا فِي.

مَتَّى 11:22

وَ نُقُولْ لَيْكُو، فِي يَوْم الْحِسَابْ، الْعَذَابْ الْيَنْزِلْ فَوْق مُذْنِبِينْ صُورْ وَ صَيْدَا مَا يَبْقَى شَدِيدْ مِثِلْ الْعَذَابْ الْيَنْزِلْ فَوْق نَاسْكُو.

تَثْنِية 27:26

«وَ مَلْعُونْ الْمَا يِشِيلْ كَلَامْ الْوَصَايَا دَوْل وَ يِطَبِّقْهُمْ.» وَ كُلَّ الشَّعَبْ يُقُولُوا: «آمِينْ!»

غَلاطِية 3:22

لَاكِنْ فِي الْكِتَابْ، اللّٰهْ قَالْ كَدَرْ كُلَّ النَّاسْ قَاعِدِينْ تِحِتْ حُكُمْ الذَّنِبْ وَ مَا يَقْدَرَوْا يَمُرْقُوا مِنَّهْ. وَ بِقِي مِثِلْ دَا أَشَانْ اللّٰهْ عِنْدَهْ نِيَّةْ يَنْطِي لِلْمُؤمِنِينْ بَسْ الْبَرَكَةْ الْهُو وَاعَدْ بَيْهَا بِسَبَبْ إِيمَانْهُمْ بِعِيسَى الْمَسِيحْ.

يُوحَنَّا 19:11

وَ عِيسَى رَدَّ لَيَّهْ وَ قَالْ: «إِنْتَ مَا عِنْدَكْ سُلْطَةْ فَوْقِي إِلَّا السُّلْطَةْ الْاللّٰهْ أَنْطَاهَا لَيْك. وَ أَشَانْ دَا، النَّادُمْ السَّلَّمَانِي لَيْك هُو خَاطِي مِنَّكْ زِيَادَةْ.»

أعمال الرُسُل 2:23

وَ مِنْ أَوَّلْ، اللّٰهْ عِرِفْ الشَّيّءْ الْيَبْقَى. وَ بِنِيّتَهْ الثَّابْتَةْ، اللّٰهْ سَلَّمْ لَيْكُو عِيسَى. وَ إِنْتُو أَسْتَفَقْتُوا مَعَ النَّاسْ الْفَسْلِينْ لِتَكْتُلُوهْ فِي الصَّلِيبْ.