رَوْمَا 15:3 - الكتاب المقدس بالعربي الدارجي هنا تشاد

³ أَشَانْ الْمَسِيحْ ذَاتَهْ مَا شَالْ الدَّرِبْ الْيَعَجِبْ نَفْسَهْ، لَاكِنْ مَكْتُوبْ فِي الْكِتَابْ: <الْيِعَيُّرُوكْ، مُعْيَارْهُمْ وَقَعْ فَوْقِي أَنَا كُلَ.>

رَوْمَا 15:3 Referenca të Kryqëzuara

زَبُور 69:9

أَشَانْ حُبِّي لِبَيْتَكْ بِقِي لَيِّ مِثِلْ نَارْ حَرَقَتْنِي. وَ الْيِعَيُّرُوكْ، مُعْيَارْهُمْ وَقَعْ فَوْقِي.

فِلِبِّي 2:8

وَ وَكِتْ بِقِي نَادُمْ، هُو مَسْكَنْ نَفْسَهْ وَ بِقِي طَايِعْ لَحَدِّي الْمَوْت وَ قَصَّدْ يُمُوتْ مَوْت شَيْن فِي الصَّلِيبْ.

يُوحَنَّا 4:34

وَ عِيسَى قَالْ: «الرَّسَّلَانِي كَلَّفَانِي بِخِدْمَةْ وَ وَاجِبْ نِكَمِّلْهَا. وَ دَا يَبْقَى لَيِّ مِثِلْ أَكْلِي.

يُوحَنَّا 6:38

أَنَا نَزَلْت لَيْكُو مِنْ السَّمَاءْ أَشَانْ نِسَوِّي حَسَبْ الْيِدَوْرَهْ اللّٰهْ الرَّسَّلَانِي وَ مَا أَشَانْ نِسَوِّي حَسَبْ النِّدَوْرَهْ أَنَا.

يُوحَنَّا 5:30

أَنَا وِحَيْدِي مَا نَقْدَرْ نِسَوِّي شَيّءْ. أَنَا نَسْمَعْ كَلَامْ أَبُويِ وَ عَلَيْ حَسَبْ كَلَامَهْ بَسْ، نِحَاسِبْ النَّاسْ. وَ نِحَاسِبْهُمْ بِعَدَالَةْ أَشَانْ مَا نِسَوِّي شَيّءْ حَسَبْ فِكْرِي أَنَا بَسْ. لَاكِنْ نِدَوْر نِسَوِّي دَايْماً الشَّيّءْ الْيِدَوْرَهْ اللّٰهْ الرَّسَّلَانِي.»

2 كُرُنْتُس 8:9

أَشَانْ رَحْمَةْ رَبِّنَا عِيسَى الْمَسِيحْ تَعَرْفُوهَا. هُو غَنِيْ وَ لَاكِنْ فِي شَانْكُو إِنْتُو، هُو بِقِي فَقْرِي أَشَانْ بِفَقْرَهْ دَا، إِنْتُو تَبْقَوْا غَنِيِّينْ.

يُوحَنَّا 8:29

وَ الرَّسَّلَانِي قَاعِدْ مَعَايِ. هُو مَا خَلَّانِي وِحَيْدِي أَشَانْ نِسَوِّي دَايْماً كُلَّ شَيّءْ الْهُو يَرْضَى بَيَّهْ.»

مَتَّى 26:42

وَ مَرَّةْ تَانِيَةْ طَرَّفْ مِنْهُمْ وَ سَأَلْ اللّٰهْ وَ قَالْ: «يَا أَبُويِ، كَنْ مَا مُمْكِنْ كَاسْ التَّعَبْ يِبَعِّدْ مِنِّي إِلَّا نَشَرْبَهْ، خَلَاصْ خَلِّي يَبْقَى مِثِلْ إِنْتَ تِدَوْرَهْ.»

مَتَّى 10:25

وَ التِّلْمِيذْ رَضْيَانْ كَنْ يَبْقَى مِثِلْ سَيِّدَهْ وَ الْعَبِدْ رَضْيَانْ كَنْ يَبْقَى مِثِلْ سِيدَهْ. وَ كَنْ يُقُولُوا سِيدْ الْبَيْت: ‹هُو إِبْلِيسْ›، أَكِيدْ يُقُولُوا نَفْس الشَّيّءْ زِيَادَةْ فِي نَاسْ بَيْتَهْ.

زَبُور 69:20

الْمُعْيَارْ شَقَّ قَلْبِي وَ أَنَا بِقِيتْ مَرْضَانْ. وَ قُلْت أَكُونْ نَلْقَى مِنْهُمْ مَحَنَّةْ لَاكِنْ مَا شِفْت شَيّءْ. وَ الْيِصَبُّرُونِي كُلَ، أَنَا مَا لِقِيتْهُمْ.

يُوحَنَّا 15:24

أَوَّلْ كَنْ أَنَا مَا سَوَّيْت فِي أُسُطْهُمْ عَمَلْ النَّادُمْ آخَرْ أَبَداً مَا سَوَّاهْ، هُمَّنْ مَا يَبْقَوْا مُذْنِبِينْ. لَاكِنْ هَسَّعْ شَافَوْا الْعَجَايِبْ وَ كِرْهَوْنِي وَ كِرْهَوْا أَبُويِ.

يُوحَنَّا 15:10

كَنْ إِنْتُو تِتَابُعُوا الْوَصَايَا الْأَنْطَيْتهُمْ لَيْكُو، إِنْتُو تَبْقَوْا ثَابْتِينْ فِي مَحَبِّتِي مِثِلْ أَنَا ثَابِتْ فِي مَحَبَّةْ أَبُويِ أَشَانْ أَنَا تَابَعْت وَصِيَّاتَهْ.

مَتَّى 26:39

وَ مَشَى قِدَّامْ مِنْهُمْ شِيَّةْ وَ سَجَدْ فِي الْأَرْض وَ سَأَلْ اللّٰهْ وَ قَالْ: «يَا أَبُويِ، كَنْ دَا مُمْكِنْ، خَلِّي كَاسْ التَّعَبْ دَا يِبَعِّدْ مِنِّي. لَاكِنْ خَلِّي يَبْقَى مِثِلْ إِنْتَ تِدَوْرَهْ وَ مَا مِثِلْ أَنَا نِدَوْرَهْ.»

مَتَّى 27:44

وَ الْمُجْرِمِينْ الصَّلَبَوْهُمْ مَعَايَهْ كُلَ أَشَّمَّتَوْا لَيَّهْ بِكَلَامْ مِثِلْ دَا.

فِلِبِّي 2:5

الْفِكِرْ الْإِنْتُو وَاجِبْ تِتَابُعُوهْ، هُو نَفْس الْفِكِرْ الْعِيسَى الْمَسِيحْ تَابَعَهْ.