رَوْمَا 13:4 - الكتاب المقدس بالعربي الدارجي هنا تشاد

⁴ الْحَاكِمْ هُو خَدَّامْ اللّٰهْ لِخَيْرَكْ. لَاكِنْ كَنْ إِنْتَ مُجْرِمْ، لَابُدَّ تَخَافْ مِنَّهْ أَشَانْ الْحَاكِمْ عِنْدَهْ السَّيْف وَ مَا يِشِيلَهْ سَاكِتْ. هُو خَدَّامْ اللّٰهْ أَشَانْ يِنَزِّلْ غَضَبْ اللّٰهْ فِي الْمُجْرِمْ.

رَوْمَا 13:4 Referenca të Kryqëzuara

رَوْمَا 12:19

يَا الْمَحْبُوبِينْ، مَا تِشِيلُوا التَّارْ. خَلُّوا غَضَبْ اللّٰهْ يِشِيلْ لَيْكُو التَّارْ أَشَانْ مَكْتُوبْ فِي الْكِتَابْ: <التَّارْ هَنَايِ. أَنَا بَسْ النِّشِيلَهْ.> دَا بَسْ كَلَامْ اللّٰهْ.

أمْثال 20:2

غَضَبْ الْمَلِكْ مِثِلْ قَرْقَرَانْ الدُّودْ. كَنْ تَلْعَبْ بَيَّهْ، تُمُوتْ.

أمْثال 16:14

غَضَبْ الْمَلِكْ يِجِيبْ الْمَوْت وَ الرَّاجِلْ الْحَكِيمْ يِصَبِّرَهْ.

2 أخبار 19:6

وَ قَالْ لَيْهُمْ: «فَكُّرُوا فِي خِدْمِتْكُو التِّسَوُّوهَا أَشَانْ مَا وَاجِبْ تِشَارُعُوا حَسَبْ النَّاسْ لَاكِنْ حَسَبْ شَرِيعَةْ اللّٰهْ. وَ هُو يُكُونْ مَعَاكُو وَكِتْ تَقْطَعَوْا الشَّرِيعَةْ.

1 تَسَلونِيكِي 4:6

فِي الْكَلَامْ دَا، خَلِّي نَادُمْ مَا يَخْطَا فِي أَخُوهْ وَ لَا يُغُشَّهْ أَشَانْ حَذَّرْنَاكُو مِنْ أَوَّلْ بِكَلَامْ وَاضِحْ، اللّٰهْ يِعَاقِبْ النَّاسْ الْيِسَوُّوا كُلَّ الذُّنُوبْ الْمِثِلْ دَوْل.

رَوْمَا 13:6

وَ أَشَانْ دَا، وَاجِبْ تِكَفُّوا الْمِيرِي كُلَ. الْحُكَّامْ هُمَّنْ خَدَّامِينْ اللّٰهْ وَ يِشْتَغُلُوا بِالْخِدْمَةْ الْأَنْطَاهَا لَيْهُمْ دِي.

مِيخا 3:9

أَسْمَعَوْا الْكَلَامْ دَا، يَا كُبَارَاتْ ذُرِّيَّةْ يَعْقُوبْ وَ يَا حُكَّامْ بَنِي إِسْرَائِيلْ. إِنْتُو تِحَرُّمُوا الْعَدَالَةْ وَ تِعَوُّجُوا أَيِّ شَيّءْ الْعَدِيلْ.

حِزْقِيال 25:14

وَ هَسَّعْ، أَنَا كُلَ نِشِيلْ تَارِي فِي أَدَوْم بِإِيدْ شَعَبِي بَنِي إِسْرَائِيلْ وَ هُمَّنْ يُقُمُّوا ضِدّ أَدَوْم حَسَبْ غَضَبِي وَ زَعَلِي. وَ خَلَاصْ بَيْدَا، يَعَرْفُوا تَارِي.» وَ دَا كَلَامْ اللّٰهْ الرَّبّ.

حِزْقِيال 22:27

«وَ الْحُكَّامْ فِي لُبّ الْمَدِينَةْ مِثِلْ مَرَافْعِينْ الْكَتَلَوْا صَيْدِتْهُمْ. هُمَّنْ جَاهِزِينْ لِيَكْتُلُوا دِمَّةْ وَ يِدَمُّرُوا النَّاسْ فِي شَانْ فَايْدِتْهُمْ.

إرْمِيا 5:28

وَ هُمَّنْ سُمَانْ وَ مُلُسْ وَ أَفْسَلْ مِنْهُمْ مَا فِيهْ. هُمَّنْ مَا يِطَبُّقُوا الْعَدَالَةْ وَ مَا يِحْتَرُمُوا حُقُوقْ الْأَتِيمْ. وَ الْمِسْكِينْ كُلَ مَا يَنْطُوهْ حُقُوقَهْ وَ بَيْدَا، يَنْجَحَوْا فِي حَيَاتْهُمْ.

إشَعْيا 1:17

أَلْعَلَّمَوْا الْعَدِيلْ وَ فَتُّشُوا الْعَدَالَةْ قَبُّلُوا الظَّالِمْ مِنْ دَرْبَهْ هَنَا الظُّلُمْ. سَوُّوا الْعَدِلْ لِلْأَتِيمْ وَ دَافُعُوا لِلْأَرْمَلَةْ.»

أمْثال 20:26

الْمَلِكْ الْحَكِيمْ يُدُقّ الْعَاصِيِينْ فِي الْمَدَقّ وَ بَعَدْ دَا، يَرْحَكْهُمْ.

أمْثال 20:8

وَكِتْ الْمَلِكْ قَاعِدْ يِسَوِّي الشَّرِيعَةْ، هُو مِثِلْ يِغَرْبِلْ الْغَلَّةْ يَعْنِي يِفَنِّدْ الْخَيْر مِنْ الشَّرّ.

1 مُلوك 10:9

بَارَكْ اللّٰهْ إِلٰـهَكْ الرِّضِي بَيْك وَ خَطَّاكْ فِي كُرْسِي الْمُلُكْ لِتَمْلُكْ فِي بَنِي إِسْرَائِيلْ أَشَانْ اللّٰهْ قَاعِدْ يِحِبّ بَنِي إِسْرَائِيلْ إِلَى الْأَبَدْ. وَ فِي شَانْ دَا بَسْ، هُو خَطَّاكْ مَلِكْ فَوْقهُمْ لِتَحْكِمْ بِالْحَقّ وَ الْعَدَالَةْ.»

يَشُوع 20:9

وَ دَوْل بَسْ الْمُدُنْ هَنَا اللُّجُوءْ الْخَصَّصَوْهُمْ بَنِي إِسْرَائِيلْ لِنُفُوسْهُمْ وَ لِلْأَجْنَبِي السَّاكِنْ مَعَاهُمْ. وَ أَيِّ نَادُمْ الْكَتَلْ دِمَّةْ بَلَا رَايْه يَقْدَرْ يَجْرِي لَيْهُمْ أَشَانْ سِيدْ التَّارْ مَا يَكْتُلَهْ قَبُلْ مَا يَقِيفْ قِدَّامْ الْمُجْتَمَعْ لِيِحَاكُمُوهْ.

يَشُوع 20:5

وَ كَنْ سِيدْ التَّارْ مَشَى وَرَايَهْ كُلَ، هُمَّنْ مَا يِسَلُّمُوهْ لَيَّهْ أَشَانْ هُو كَتَلْ دِمَّةْ بَلَا رَايْه وَ مَا عِنْدَهْ لَيَّهْ أَيِّ كَرَاهِيَّةْ مِنْ أَوَّلْ.

1 بُطْرُس 2:14

وَ الْحُكَّامْ الْهُو خَطَّاهُمْ لِيَحْكُمُوا الْمُجْرِمِينْ وَ يَشْكُرُوا النَّاسْ الْيِسَوُّوا الْخَيْر.