رَوْمَا 12:3 - الكتاب المقدس بالعربي الدارجي هنا تشاد

³ وَ بِالنِّعْمَةْ الْاللّٰهْ أَنْطَاهَا لَيِّ، نِوَصِّي أَيِّ وَاحِدْ مِنْكُو مَا يِسْتَكْبَرْ. خَلِّي أَيِّ وَاحِدْ مَا يِنْغَشَّ لَاكِنْ يِشِيفْ نَفْسَهْ حَسَبْ قُدْرَةْ الْإِيمَانْ الْاللّٰهْ أَنْطَاهْ لَيَّهْ.

رَوْمَا 12:3 Referenca të Kryqëzuara

غَلاطِية 6:3

وَ كَنْ نَادُمْ سَوَّى نَفْسَهْ عَالِي مِنْ أَخْوَانَهْ لَحَدِّي مَا يِسَاعِدْهُمْ، بِالصَّحِيحْ هُو مَا يِسَاوِي شَيّءْ وَ غَشَّ نَفْسَهْ.

أمْثال 26:12

أَخَيْر تُخُطّ عَشَمَكْ فِي الْمَطْمُوسْ مِنْ تُخُطّ عَشَمَكْ فِي الْيَحْسِبْ نَفْسَهْ حَكِيمْ.

1 بُطْرُس 5:5

وَ لَيْكُو إِنْتُو الشَّبَابْ كُلَ، أَسْمَعَوْا عَدِيلْ كَلَامْ كُبَارَاتْكُو. وَ نُقُولْ لَيْكُو كُلُّكُو، مَسْكُنُوا نُفُوسْكُو أَمْبَيْنَاتْكُو الْوَاحِدِينْ لِلْآخَرِينْ. أَشَانْ اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.

رَوْمَا 12:16

أَسْتَفُقُوا أَمْبَيْنَاتْكُو وَ خَلِّي أَيِّ وَاحِدْ مَا يَجْعَلْ نَفْسَهْ كَبِيرْ لَاكِنْ خَلِّي يَجْعَلْ نَفْسَهْ صَغَيَّرْ. مَا تِسَوُّوا نُفُوسْكُو عِنْدُكُو عِرْفَةْ كَتِيرَةْ.

1 بُطْرُس 5:8

خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ.

جامِعة 7:16

نَاسْ وَاحِدِينْ بُقُولُوا: «مَا تَبْقَى صَالِحْ زِيَادَةْ وَ لَا تَبْقَى حَكِيمْ زِيَادَةْ. أَشَانْ بَيْدَا، تِدَمِّرْ نَفْسَكْ.

1 بُطْرُس 4:7

كُمَالَةْ كُلَّ شَيّءْ قَرِيبْ. أَشَانْ دَا، خُطُّوا بَالْكُو وَ أَقْعُدُوا ثَابْتِينْ دَايْماً أَشَانْ تَقْدَرَوْا تِصَلُّوا فِي أَيِّ وَكِتْ.

يَعْقُوب 4:6

النِّعْمَةْ الْاللّٰهْ يَنْطِيهَا لَيْنَا كَبِيرَةْ زِيَادَةْ. وَ أَشَانْ دَا، الْكِتَابْ بُقُولْ: <اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.>

1 بُطْرُس 4:11

مَثَلاً، أَيِّ نَادُمْ الْيِكَلِّمْ لِلْأَخْوَانْ فِي الْمَلَمَّةْ، خَلِّي يِكَلِّمْ لَيْهُمْ بِكَلَامْ اللّٰهْ. وَ أَيِّ نَادُمْ الْيَخْدِمْ لِلْأَخْوَانْ، خَلِّي يَخْدِمْ بِالْقُدْرَةْ الْاللّٰهْ أَنْطَاهَا لَيَّهْ. أَشَانْ كُلَّ شَيّءْ التِّسَوُّوهْ يِمَجِّدْ اللّٰهْ بِوَاسِطَةْ عِيسَى الْمَسِيحْ. وَ لَيَّهْ هُو الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

مِيخا 6:8

يَا بَنِي آدَم، اللّٰهْ خَبَّرَكْ بِالشَّيّءْ الْعَدِيلْ وَ بِالشَّيّءْ الْهُو يِدَوْرَهْ مِنَّكْ. سَوِّي الْعَدَالَةْ وَ حِبّ الْخَيْر وَ مَسْكِنْ نَفْسَكْ وَ أَمْشِي عَدِيلْ قِدَّامْ إِلٰـهَكْ.

1 كُرُنْتُس 7:17

دَاهُو الْكَلَامْ الْمُهِمّ. خَلِّي أَيِّ مُؤمِنْ يَقْعُدْ فِي الْحَالَةْ الرَّبِّنَا جَعَلَاهَا لَيَّهْ. وَ دِي الْحَالَةْ الْهُو قَاعِدْ فَوْقهَا وَكِتْ اللّٰهْ نَادَاهْ فِي الْإِيمَانْ. دِي بَسْ الْوَصِيَّةْ النِّعَلِّمْهَا لِأُمَّةْ الْمَسِيحْ فِي أَيِّ بَكَانْ.

تِيطُس 2:12

وَ هِي تِدَرِّبْنَا أَشَانْ نِخَلُّوا مِنِّنَا الْكُفُرْ وَ شَهْوَاتْ الدُّنْيَا وَ نِعِيشُوا فِي الدُّنْيَا بِحَالْ عَاقْلَةْ وَ صَالْحَةْ وَ تَقِيَّةْ.

تِيطُس 2:2

وَصِّي الشِّيَّابْ أَشَانْ يَبْقَوْا عَاقْلِينْ وَ مُحْتَرَمِينْ وَ خَلِّي بَالْهُمْ يَبْقَى وَسِيعْ. وَ خَلِّي يَبْقَوْا ثَابْتِينْ فِي الْإِيمَانْ وَ الْمَحَبَّةْ وَ الصَّبُرْ.

2 كُرُنْتُس 12:7

أَكِيدْ، أَنَا شِفْت رُؤْيَةْ عَجِيبَةْ بِلْحَيْن وَ اللّٰهْ مَا يِدَوْر أَنَا نِسْتَكْبَرْ بِسَبَبْهَا. وَ أَشَانْ دَا، اللّٰهْ أَنْطَانِي شَيّءْ وَاحِدْ الْقَاعِدْ يِتَعِّبْنِي مِثِلْ شَوْك فِي لَحَمِي وَ مِثِلْ مُرْسَالْ هَنَا الشَّيْطَانْ الْقَاعِدْ يُدُقِّنِي. وَ أَنْطَانِي التَّعَبْ دَا أَشَانْ مَا نِسْتَكْبَرْ.

رَوْمَا 11:20

كَلَامَكْ دَا صَحِيحْ. لَاكِنْ مَا تَنْسَى قَطَعَوْهُمْ أَشَانْ هُمَّنْ مَا آمَنَوْا وَ إِنْتَ قَاعِدْ فِي بَكَانْهُمْ بِسَبَبْ إِيمَانَكْ بَسْ. مَا تِسْتَكْبَرْ. أَنْقَرِعْ!

رَوْمَا 1:5

وَ بَيَّهْ هُو وَ فِي شَانْ أُسْمَهْ، اللّٰهْ أَنْطَانِي نِعْمَةْ وَ سَوَّانِي رَسُولْ أَشَانْ نِنَادِي كُلَّ الْأُمَمْ لِيِآمُنُوا بَيَّهْ وَ يِتَابُعُوا كَلَامَهْ.

1 بُطْرُس 1:13

أَشَانْ دَا، خُطُّوا بَالْكُو. أَقْعُدُوا ثَابْتِينْ. خُطُّوا عَشَمْكُو كُلَّ كَيْ فِي النِّعْمَةْ التَّلْقَوْهَا فِي الْيَوْم الْعِيسَى الْمَسِيحْ يِبِينْ فَوْقَهْ.

تِيطُس 2:4

وَ بِمِثِلْ دَا، يِشَجِّعَنْ الشَّابَّاتْ أَشَانْ يِرِيدَنْ رُجَالْهِنْ وَ عِيَالْهِنْ

1 كُرُنْتُس 15:10

لَاكِنْ هَسَّعْ، أَنَا رَسُولْ بِرَحْمَةْ اللّٰهْ وَ رَحْمَتَهْ مَا فَشَلَتْ. بِالْعَكْس، أَنَا خَدَمْت خِدْمَةْ زِيَادَةْ مِنْهُمْ كُلُّهُمْ. وَ بِالصَّحِيحْ، الْخَدَمْ عَدِيلْ مَا أَنَا لَاكِنْ رَحْمَةْ اللّٰهْ الْقَاعِدَةْ فَوْقِي.

يُوحَنَّا 3:34

النَّادُمْ الْاللّٰهْ رَسَّلَهْ يِحَجِّي الْكَلَامْ الْجَايِ مِنْ اللّٰهْ أَشَانْ اللّٰهْ يِنَزِّلْ فَوْقَهْ رُوحَهْ بَلَا حَدّ.

أفَسُس 4:16

وَ بَيَّهْ هُو، الْجِسِمْ يَبْقَى وَاحِدْ وَ كُلَّ الْمَفَاصِلْ يِنْرَبْطُوا أَمْبَيْنَاتْهُمْ. وَ وَكِتْ أَيِّ عُضُو يِسَوِّي خِدِمْتَهْ عَدِيلْ، الْجِسِمْ الْكَامِلْ يَكْبُرْ وَ يَبْقَى قَوِي بِمَحَبَّةْ.

لُوقا 18:11

وَ الْفَرِيزِي وَقَفْ بِطُولَهْ وَ صَلَّى وِحَيْدَهْ وَ قَالْ: ‹يَا اللّٰهْ، نُقُولْ لَيْك شُكْراً أَشَانْ أَنَا مَا بِقِيتْ مِثِلْ النَّاسْ الْآخَرِينْ. هُمَّنْ سَرَارِيقْ وَ فَسْلِينْ وَ زَنَّايِينْ. أَيْوَى، أَنَا مَا مِثِلْ نَادُمْ الْجَمَارِكْ دَا.

تِيطُس 2:6

وَ وَصِّي الصُّبْيَانْ أَشَانْ يِثَبُّتُوا نُفُوسْهُمْ.

1 تِمُوتَاوُس 2:15

وَ لَاكِنْ الْمَرَةْ تَنْجَى بِوَالُودَةْ الْوِلَيْد. وَ خَلَاصْ، الْعَوِينْ يَنْجَنْ كَنْ يَقْعُدَنْ ثَابْتَاتْ فِي الْإِيمَانْ وَ الْمَحَبَّةْ وَ الْحَالْ الصَّالْحَةْ مَعَ الْأَدَبْ.

1 تِمُوتَاوُس 2:9

وَ نِدَوْر كَدَرْ كُلِّ مَرَةْ تَلْبَسْ لُبَاسْ عَادِي الْيِغَطِّي جِسِمْهَا مِثِلْ الْوَاجِبْ. خَلِّي الْمَرَةْ مَا تِلْجَمَّلْ بِالْمُشَاطْ الْمَا بِشَابِهْ وَ لَا بِدَهَبْ وَ لَا مَرَجَانْ وَ لَا لُبَاسْ هَنَا فَشَارْ،

1 تِمُوتَاوُس 1:14

وَ رَبِّنَا أَنْطَانِي نِعْمَةْ كَبِيرَةْ بِلْحَيْن وَ أَنْطَانِي الْإِيمَانْ وَ الْمَحَبَّةْ الْقَاعِدِينْ فِي الْمَسِيحْ عِيسَى.

أفَسُس 3:4

وَكِتْ تَقْرُوا كَلَامِي دَا، تَفْهَمَوْا الْعِلِمْ اللِّقِيتَهْ مِنْ سِرّ اللّٰهْ الْبُخُصّ الْمَسِيحْ.

2 كُرُنْتُس 12:13

هَلْ لِقِيتُوا مِنِّي فَايْدَةْ شِيَّةْ نَاقْصَةْ مِنْ الْفَايْدَةْ اللِّقَوْهَا مِنِّي جَمَاعَاتْ الْمُؤمِنِينْ الْفِي بَكَانَاتْ الْآخَرِينْ؟ دَاهُو شَيّءْ وَاحِدْ بَسْ أَنَا مَا سَوَّيْتَهْ وَ هُو، أَنَا مَا كَلَّفْتُكُو بِكُلَّ شَيّءْ النِّحْتَاجْ لَيَّهْ. وَ دَا جَرِيمَةْ. سَامُحُونِي!

1 كُرُنْتُس 3:10

وَ أَنَا مِثِلْ بَنَّايْ الْيَعَرِفْ خِدِمْتَهْ وَ بِالرَّحْمَةْ الْاللّٰهْ أَنْطَانِي، أَنَا خَطَّيْت أَسَاسْ الْبَيْت وَ نَادُمْ آخَرْ جَاءْ بَنَى فَوْقَهْ. وَ أَيِّ نَادُمْ الْيَبْنِي فَوْقَهْ وَاجِبْ يُخُطّ بَالَهْ فِي خِدِمْتَهْ.

رَوْمَا 11:25

يَا أَخْوَانِي، نِدَوْر نِأَوْرِيكُو بِسِرّ وَاحِدْ الْاللّٰهْ بَيَّنَهْ لَيِّ. نِأَوْرِيكُو بَيَّهْ أَشَانْ كَنْ فِهِمْتُوهْ عَدِيلْ، مَا تِسْتَكْبَرَوْا فِي أَفْكَارْكُو. وَاحِدِينْ مِنْ بَنِي إِسْرَائِيلْ بِقَوْا عَاصِيِينْ وَ مَا يِآمُنُوا بِعِيسَى الْمَسِيحْ. وَ عِصْيَانْهُمْ دَا يُدُومْ لَحَدِّي عَدَدْ الْمُؤمِنِينْ مِنْ الْأُمَمْ يَلْحَقْ الْعَدَدْ الْاللّٰهْ يِدَوْرَهْ.

أمْثال 25:27

مَا وَاجِبْ تَاكُلْ الْعَسَلْ بِكَتَرَةْ وَ مَا وَاجِبْ تِدَوْر النَّاسْ يِشَرُّفُوكْ فِي كُلَّ وَكِتْ.

3 يُوحَنَّا 1:9

أَنَا رَسَّلْت جَوَابْ لِجَمَاعْتَكْ الْمُؤمِنِينْ لَاكِنْ دِتْرِيفِي الْمُسْتَكْبِرْ سَوَّى نَفْسَهْ كَبِيرْهُمْ وَ هُو أَبَى مَا يَسْمَعْ كَلَامْنَا.

كُلُوسِي 2:13

أَوَّلْ بِسَبَبْ خَطَايَاكُو، إِنْتُو مَيْتِينْ وَ مَا مِنْ شَعَبْ اللّٰهْ الْمُطَهَّرِينْ. وَ لَاكِنْ اللّٰهْ أَنْطَاكُو الْحَيَاةْ الْجَدِيدَةْ مَعَ الْمَسِيحْ وَ غَفَرْ لَيْكُو كُلَّ خَطَايَاكُو.

كُلُوسِي 1:29

وَ أَنَا قَاعِدْ نَتْعَبْ وَ نِجَاهِدْ فِي الْخِدْمَةْ دِي بِالْقُدْرَةْ الْهُو يَنْطِينِي مِنْ قُدُرْتَهْ الْعَظِيمَةْ.

أفَسُس 3:2

وَ أَكِيدْ، سِمِعْتُوا بِنِعْمَةْ اللّٰهْ الْقَاعِدَةْ فَوْقِي لِنِسَوِّي الْخِدْمَةْ الْاللّٰهْ كَلَّفَانِي بَيْهَا فِي شَانْكُو.

2 كُرُنْتُس 10:13

لَاكِنْ أَنِحْنَ مَا نِلْفَشَّرَوْا زِيَادَةْ. نَعَرْفُوا حُدُودْنَا. نِحَجُّوا بِالْخِدْمَةْ السَّوَّيْنَاهَا فِي دَاخِلْ الْحُدُودْ الْاللّٰهْ جَعَلَاهُمْ لَيْنَا. وَ أَكِيدْ إِنْتُو كُلَ قَاعِدِينْ فِي بَكَانْ الْخِدْمَةْ الْاللّٰهْ جَعَلَاهَا لَيْنَا.

فِلِبِّي 2:13

أَشَانْ اللّٰهْ هُو الْقَاعِدْ يِسَوِّي عَمَلَهْ فَوْقكُو وَ هُو يَنْطِيكُو النِّيَّةْ وَ الْقُدْرَةْ لِتِسَوُّوا الشَّيّءْ الْعَدِيلْ الْيَرْضَى بَيَّهْ.