رَوْمَا 12:2 - الكتاب المقدس بالعربي الدارجي هنا تشاد

² آبَوْا مَا تِتَابُعُوا فِكِرْ نَاسْ الدُّنْيَا لَاكِنْ خَلِّي اللّٰهْ يِغَيِّرْكُو وَ يَنْطِيكُو عَقُلْ جَدِيدْ الْبَيَّهْ تَقْدَرَوْا تِمَيُّزُوا الشَّيّءْ الْاللّٰهْ يِدَوْرَهْ وَ تَعَرْفُوا الشَّيّءْ الْعَدِيلْ وَ الشَّيّءْ الْاللّٰهْ يَرْضَى بَيَّهْ وَ الشَّيّءْ التَّمَامْ.

رَوْمَا 12:2 Referenca të Kryqëzuara

1 بُطْرُس 1:14

أَعَرْفُوا كَدَرْ إِنْتُو عِيَالْ اللّٰهْ وَ تَابُعُوا دَايْماً كَلَامَهْ. آبَوْا مَا تِتَابُعُوا شَهْوَاتْكُو التَّابَعْتُوهُمْ قُبَّالْ مَا تَعَرْفُوا الْمَسِيحْ.

2 كُرُنْتُس 5:17

وَ كَنْ أَيِّ نَادُمْ عِنْدَهْ عَلَاقَةْ مَعَ الْمَسِيحْ، هُو بِقِي خَلِيقَةْ جَدِيدَةْ. حَيَاتَهْ الْقَدِيمَةْ فَاتَتْ وَ حَيَاتَهْ الْجَدِيدَةْ بَدَتْ خَلَاصْ.

كُلُوسِي 3:10

إِنْتُو شِلْتُوا الْحَيَاةْ الْجَدِيدَةْ وَ اللّٰهْ قَاعِدْ يِجَدِّدْكُو وَ يِزِيدْ لَيْكُو الْعِرْفَةْ لَحَدِّي تِشَابُهُوا مِثِلْ صُورَةْ اللّٰهْ الْخَلَقَاكُو.

أفَسُس 5:17

مَا تَبْقَوْا جُهَّالْ لَاكِنْ أَفْهَمَوْا الشَّيّءْ الْيِدَوْرَهْ الرَّبّ.

حِزْقِيال 36:26

وَ نَنْطِيكُو قَلِبْ جَدِيدْ وَ نُخُطّ فَوْقكُو رُوحْ جَدِيدَةْ. وَ نَمْرُقْ مِنْكُو قَلِبْكُو الْقَوِي مِثِلْ الْحَجَرْ وَ نَنْطِيكُو قَلِبْ لَيِّنْ هَنَا إِنْسَانْ.

1 بُطْرُس 4:2

وَ هُو مَا يِدَوْر يِتَابِعْ شَهْوَةْ النَّاسْ بَتَّانْ، لَاكِنْ يِدَوْر يِتَابِعْ الْاللّٰهْ يِدَوْرَهْ طُولْ الْوَكِتْ الْفَضَّلْ لَيَّهْ فِي الدُّنْيَا.

رَوْمَا 12:1

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

يُوحَنَّا 15:19

كَنْ إِنْتُو مِنْ الدُّنْيَا، نَاسْ الدُّنْيَا يِحِبُّوكُو أَشَانْ إِنْتُو نَاسْهُمْ. لَاكِنْ هَسَّعْ إِنْتُو مَا مِنْ الدُّنْيَا أَشَانْ أَنَا عَزَلْتُكُو مِنْ أُسُطْ نَاسْ الدُّنْيَا لِتَبْقَوْا نَاسِي. وَ أَشَانْ دَا، نَاسْ الدُّنْيَا يَكْرَهَوْكُو.

زَبُور 51:10

يَا رَبِّي! أَخْلِقْ فِي دَاخِلِي قَلِبْ طَاهِرْ وَ قَبِّلْ لَيِّ رُوحِي الثَّابْتَةْ!

رَوْمَا 13:14

وَ فِي بَدَلْ الذُّنُوبْ دَوْل، أَرْبُطُوا صُلُبْكُو وَ خُطُّوا فِي عُقُولْكُو إِنْتُو خَدَّامِينْ لِرَبِّنَا عِيسَى الْمَسِيحْ. وَ آبَوْا مَا تِشْتَغُلُوا بِشَهْوَاتْ الْإِنْسَانْ.

تِيطُس 3:5

هُو نَجَّانَا. وَ دَا مَا بِسَبَبْ أَيِّ عَمَلْ صَالِحْ السَّوَّيْنَاهْ لَاكِنْ بِسَبَبْ رَحْمَتَهْ هُو. وَ هُو غَسَّلَانَا بِالْوَالُودَةْ التَّانِيَةْ وَ أَنْطَانَا حَيَاةْ جَدِيدَةْ بِالرُّوحْ الْقُدُّوسْ

يَعْقُوب 4:4

إِنْتُو شَعَبْ مُنَافِقِينْ! مَا تَعَرْفُوا كَدَرْ النَّاسْ الْيِحِبُّوا الدُّنْيَا عُدْوَانْ اللّٰهْ؟ وَ النَّادُمْ الْيِحِبّ الدُّنْيَا سَوَّى نَفْسَهْ عَدُو اللّٰهْ.

2 كُرُنْتُس 4:4

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

يُوحَنَّا 17:14

أَنَا أَوْرَيْت نَاسِي بِكَلَامَكْ وَ نَاسْ الدُّنْيَا كِرْهَوْهُمْ أَشَانْ نَاسِي مَا هَنَا الدُّنْيَا مِثِلْ أَنَا كُلَ مَا هَنَا الدُّنْيَا.

2 بُطْرُس 1:4

وَ بَيْدَا، هُو أَنْطَانَا بَرَكَتَهْ الْقِيمِتْهَا كَبِيرَةْ بِلْحَيْن الْأَوَّلْ وَاعَدْ بَيْهَا. أَشَانْ بِالْبَرَكَةْ دِي، إِنْتُو تِشَارُكُوا فِي الطَّبِيعَةْ الْإِلٰـهِيَّةْ وَ تَمُرْقُوا مِنْ الْفَسَادْ الْمَوْجُودْ فِي الدُّنْيَا بِسَبَبْ الشَّهْوَةْ.

يَعْقُوب 1:27

دَاهُو الدِّينْ الصَّافِي الْمَا عِنْدَهْ عَيْب قِدَّامْ أَبُونَا اللّٰهْ. عَاوُنُوا الْأَتَامَا وَ الْعَوِينْ الْأَرَامِلْ الْقَاعِدِينْ فِي التَّعَبْ. وَ أَقِيفُوا بَعِيدْ مِنْ الْأَشْيَاءْ الْيِنَجُّسُوا نَاسْ الدُّنْيَا.

حِزْقِيال 18:31

خَلُّوا مِنْكُو عِصْيَانْكُو وَ غَيَّرَوْا قَلِبْكُو بِقَلِبْ جَدِيدْ وَ غَيَّرَوْا رُوحْكُو بِرُوحْ جَدِيدَةْ. مَالَا تُمُوتُوا، يَا بَنِي إِسْرَائِيلْ؟

زَبُور 34:8

دُوقُوا وَ شِيفُوا اللّٰهْ رَحِيمْ. مَبْرُوكْ لِلنَّادُمْ الْهُو مَلْجَئَهْ.

1 يُوحَنَّا 3:13

يَا أَخْوَانِي، مَا تِعَجُّبُوا كَنْ نَاسْ الدُّنْيَا يَكْرَهَوْكُو.

1 تَسَلونِيكِي 4:3

الشَّيّءْ الْاللّٰهْ يِدَوْرَهْ لَيْكُو هُو الْحَالْ الصَّالْحَةْ. مَا تِقَرُّبُوا لِلزِّنَى.

1 يُوحَنَّا 5:19

وَ نَعَرْفُوا كَدَرْ أَنِحْنَ بَسْ نَاسْ هَنَا اللّٰهْ وَ كُلَّ النَّاسْ هَنَا الدُّنْيَا قَاعِدِينْ فِي إِيدَيْن إِبْلِيسْ الشَّرِيرْ.

أفَسُس 1:18

خَلِّي نُورْ اللّٰهْ يَدْخُلْ فِي قُلُوبْكُو أَشَانْ تَفْهَمَوْا تَمَامْ الْعَشَمْ الْاللّٰهْ نَادَاكُو لِتَلْقَوْه وَ بَتَّانْ تَفْهَمَوْا كُبُرْ الْوَرَثَةْ الْمَجِيدَةْ الْقَاعِدَةْ فِي أُسْط الصَّالِحِينْ.

2 بُطْرُس 2:20

وَ كَنْ النَّاسْ أَوَّلْ مَرَقَوْا مِنْ نَجَاسَةْ الدُّنْيَا بِعِرْفَةْ رَبِّنَا عِيسَى الْمَسِيحْ مُنَجِّينَا وَ بَعَدَيْن نَجَاسَةْ الدُّنْيَا تَكْرُبْهُمْ بَتَّانْ وَ تِنَّصِرْ فَوْقهُمْ، فِي الْبَكَانْ دَا، حَالِتْهُمْ الْأَخِيرَةْ تَبْقَى هَوَانَةْ مِنْ الْأَوَّلْ.

أفَسُس 2:2

وَ فِي الْوَكِتْ الْفَاتْ دَاكْ، إِنْتُو قَاعِدِينْ تِتَابُعُوا دَرِبْ الدُّنْيَا وَ تِتَابُعُوا كَبِيرْ الْمَمْلَكَةْ الشَّيْطَانِيَّةْ الْقَاعِدَةْ بَيْن السَّمَاءْ وَ الْأَرْض وَ هُو الشَّيْطَانْ الْقَاعِدْ يَخْدِمْ فِي قُلُوبْ النَّاسْ الْيِخَالُفُوا اللّٰهْ.

زَبُور 119:174

يَا اللّٰهْ، أَنَا دَوَّرْت النَّجَاةْ مِنَّكْ وَ تَوْرَاتَكْ لَذِيذْ لَيِّ.

غَلاطِية 1:4

الْقَدَّمْ نَفْسَهْ ضَحِيَّةْ فِي شَانْ ذُنُوبْنَا أَشَانْ يِنَجِّينَا مِنْ شَرّ الدُّنْيَا دِي حَسَبْ نِيَّةْ اللّٰهْ أَبُونَا.

1 كُرُنْتُس 3:19

أَشَانْ حِكْمَةْ نَاسْ الدُّنْيَا بَاطْلَةْ قِدَّامْ اللّٰهْ. وَ مَكْتُوبْ فِي الْكِتَابْ: <اللّٰهْ يَرْمِي الْحَكِيمِينْ فِي شَرَكْ نَجَاضِتْهُمْ.>

زَبُور 119:128

وَ خَلَاصْ نِشِيفْ كُلَّ فَرَايْضَكْ عَدِيلِينْ وَ نَكْرَهْ كُلَّ طُرُقْ الْكِدِبْ.

رَوْمَا 7:22

فِي قَلْبِي، أَنَا نِرِيدْ وَصَايَا اللّٰهْ

زَبُور 119:97

كَمْ مَرَّاتْ أَنَا حَبَّيْت تَوْرَاتَكْ وَ قَاعِدْ نِفَكِّرْ فَوْقَهْ كُلَّ يَوْم.

زَبُور 119:72

أَخَيْر لَيِّ التَّوْرَاةْ الْيَمْرُقْ مِنْ خَشْمَكْ مِنْ آلَافْ حُجَارْ الْفُضَّةْ وَ جِنَيْهَاتْ الدَّهَبْ.

يُوحَنَّا 7:7

نَاسْ الدُّنْيَا مَا يَكْرَهَوْكُو وَ لَاكِنْ يَكْرَهَوْنِي أَنَا أَشَانْ أَنَا شَاهِدْ فَوْقهُمْ وَ نُقُولْ عَمَلْهُمْ فَسِلْ.

خُروج 23:2

مَا تِعَاوِنْ الْكَتِيرِينْ كَنْ هُمَّنْ يِدَوْرُوا يِسَوُّوا شَيّءْ فَسِلْ. وَ فِي الشَّرِيعَةْ، مَا تِتَلِّفْ شَهَادْتَكْ لِتِسْتَفِقْ مَعَ الْكَتِيرِينْ.

رُؤية 13:8

وَ كُلَّ سُكَّانْ الْأَرْض يَسْجُدُوا لَيَّهْ، يَعْنِي أَيِّ نَادُمْ الْأُسْمَهْ مَا مَكْتُوبْ فِي كِتَابْ الْحَيَاةْ. وَ الْكِتَابْ دَا هَنَا الْحَمَلْ الْمُقَدَّرْ لَيَّهْ مِنْ بِدَايَةْ الدُّنْيَا يَدْبَحَوْه وَ خَلَاصْ بِقِي ضَحِيَّةْ.

1 بُطْرُس 2:3

أَشَانْ إِنْتُو دُقْتُوا وَ عِرِفْتُوا كَدَرْ رَبِّنَا الْمَسِيحْ رَحِيمْ.

زَبُور 119:103

كَمْ مَرَّاتْ كَلَامَكْ يَبْقَى حَلُو فِي خَشْمِي زِيَادَةْ مِنْ الْعَسَلْ فِي لِسَانِي.

رَوْمَا 7:12

وَ مِثِلْ دَا خَلَاصْ، شُرُوطْ التَّوْرَاةْ مُقَدَّسِينْ وَ الْوَصِيَّةْ مُقَدَّسَةْ وَ صَالْحَةْ وَ عَدِيلَةْ.

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

1 بُطْرُس 1:18

تَعَرْفُوا اللّٰهْ فَدَاكُو أَشَانْ تَمُرْقُوا مِنْ الْحَيَاةْ الْبَاطْلَةْ الْوَرَثْتُوهَا مِنْ جُدُودْكُو. وَ هُو مَا فَدَاكُو بِالْأَشْيَاءْ الْبَعَدَيْن يِدَّمَّرَوْا مِثِلْ الْفُضَّةْ وَ الدَّهَبْ.

يُوحَنَّا 14:30

«وَ نِحَجِّي مَعَاكُو شِيَّةْ بَسْ أَشَانْ إِبْلِيسْ سُلْطَانْ الدُّنْيَا جَايِ. هُو مَا يَقْدَرْ يِسَوِّي لَيِّ شَيّءْ،

رَوْمَا 7:14

نَعَرْفُوا كَدَرْ شُرُوطْ التَّوْرَاةْ جَايِينْ مِنْ اللّٰهْ، لَاكِنْ أَنَا إِنْسَانِي بَسْ. أَنَا مِثِلْ عَبِدْ وَ الذَّنِبْ هُو مِثِلْ سِيدِي.

رُؤية 12:9

وَ الْغُولْ الْكَبِيرْ رَمَوْه وَ هُو بَسْ الدَّابِي الْقَاعِدْ مِنْ زَمَانْ وَ أُسْمَهْ إِبْلِيسْ وَ الشَّيْطَانْ وَ هُو الْكَدَّابْ الْغَشَّ نَاسْ الدُّنْيَا كُلُّهُمْ. وَ هُو رَمَوْه فِي الْأَرْض وَ مَلَائِكَتَهْ كُلَ رَمَوْهُمْ مَعَايَهْ.

عَزْرا 10:11

هَسَّعْ دَا، تُوبُوا لِلّٰهْ رَبّ جُدُودْكُو وَ سَوُّوا الْهُو يِدَوْرَهْ! أَنْفَرْقُوا مِنْ شُعُوبْ الْبَلَدْ وَ مِنْ الْعَوِينْ الْأَجْنَبِيَّاتْ.»

مَتَّى 13:22

وَ التَّيْرَابْ الْوَقَعْ فِي أُسْط الشَّوْك يِمَثِّلْ النَّادُمْ الْيَسْمَعْ الْكَلَامْ لَاكِنْ مَشَاكِلْ الدُّنْيَا وَ رَيْدِتَهْ لِلْمَالْ يَكْتُلُوا الْكَلَامْ الْفِي قَلْبَهْ وَ بَيْدَا، كَلَامْ اللّٰهْ يَبْقَى لَيَّهْ مَا عِنْدَهْ فَايْدَةْ.

مَرْخُوس 4:19

وَ لَاكِنْ مَشَاكِلْ الدُّنْيَا وَ رَيْدِتْهُمْ لِلْمَالْ وَ شَهْوَاتْهُمْ يَكْتُلُوا الْكَلَامْ الْفِي قُلُوبْهُمْ. وَ بَيْدَا، كَلَامْ اللّٰهْ مَا يِجِيبْ فَايْدَةْ.

كُلُوسِي 1:9

وَ أَشَانْ دَا مِنْ يَوْم سِمِعْنَا خَبَرْ إِيمَانْكُو، أَنِحْنَ قَاعِدِينْ نَسْأَلَوْا لَيْكُو اللّٰهْ. وَ نَسْأَلَوْا لَيْكُو اللّٰهْ أَشَانْ تَعَرْفُوا الْهُو يِدَوْرَهْ وَ تَلْقَوْا حِكْمَةْ وَ فِهِمْ مِنْ الرُّوحْ الْقُدُّوسْ.