رَوْمَا 12:1 - الكتاب المقدس بالعربي الدارجي هنا تشاد

¹ يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

رَوْمَا 12:1 Referenca të Kryqëzuara

1 بُطْرُس 2:5

وَ إِنْتُو كُلَ مِثِلْ حُجَارْ الْحَيِّينْ الْاللّٰهْ قَاعِدْ يَبْنِي بَيْكُو بَيْت هَنَا رُوحَهْ. وَ إِنْتُو رُجَالْ دِينْ خَاصِّيْن وَ قَاعِدِينْ تِقَدُّمُوا لِلّٰهْ ضَحَايَا بِإِذِنْ الرُّوحْ الْقُدُّوسْ الْاللّٰهْ يَرْضَى بَيْهُمْ بِوَاسِطَةْ عِيسَى الْمَسِيحْ.

رَوْمَا 6:13

مَا تِسَلُّمُوا بَتَّانْ أَجْسَامْكُو لِلذَّنِبْ مِثِلْ آلَةْ الْيِسَوُّوا بَيْهَا الشَّرّ. لَاكِنْ بِالْعَكْس، إِنْتُو ذَاتْكُو سَلُّمُوا نُفُوسْكُو لِلّٰهْ مِثِلْ نَاسْ الْبَعَثَوْا مِنْ أُسْط الْمَيْتِينْ. وَ سَلُّمُوا أَجْسَامْكُو لِلّٰهْ مِثِلْ آلَةْ الْيِسَوُّوا بَيْهَا الْخَيْر.

رَوْمَا 6:19

فِكِرْكُو فِكِرْ إِنْسَانِي وَ أَشَانْ دَا، أَنَا قَاعِدْ نِحَجِّي لَيْكُو بِكَلَامْ هَيِّنْ مِثِلْ كَلَامْ النَّاسْ. أَوَّلْ سَلَّمْتُوا أَجْسَامْكُو مِثِلْ عَبِيدْ لِلْحَالْ الشَّيْنَةْ وَ لِلْخَطَايَا السَّوَّوْكُو خَاطِيِّينْ بِزِيَادَةْ. هَسَّعْ وَاجِبْ تِسَلُّمُوا أَجْسَامْكُو لِلْحَالْ الصَّالْحَةْ وَ تَبْقَوْا نَاسْ اللّٰهْ الصَّالِحِينْ.

رَوْمَا 12:2

آبَوْا مَا تِتَابُعُوا فِكِرْ نَاسْ الدُّنْيَا لَاكِنْ خَلِّي اللّٰهْ يِغَيِّرْكُو وَ يَنْطِيكُو عَقُلْ جَدِيدْ الْبَيَّهْ تَقْدَرَوْا تِمَيُّزُوا الشَّيّءْ الْاللّٰهْ يِدَوْرَهْ وَ تَعَرْفُوا الشَّيّءْ الْعَدِيلْ وَ الشَّيّءْ الْاللّٰهْ يَرْضَى بَيَّهْ وَ الشَّيّءْ التَّمَامْ.

أفَسُس 4:1

أَشَانْ كُلَّ الْكَلَامْ دَا، أَنَا الْمَسْجُونْ هِنِي فِي شَانْ رَبِّنَا، نِوَصِّيكُو. عِيشُوا بِالْحَالْ الْمُوَافْقَةْ لِلنَّاسْ الْاللّٰهْ نَادَاهُمْ.

زَبُور 19:14

خَلِّي كَلَامْ خَشْمِي وَ فِكِرْ قَلْبِي يُكُونُوا مَقْبُولِينْ قِدَّامَكْ، يَا اللّٰهْ! إِنْتَ مَلْجَئِي وَ إِنْتَ التَّفْدَانِي.

رَوْمَا 6:16

تَعَرْفُوا عَدِيلْ كَدَرْ كَنْ تِسَلُّمُوا نُفُوسْكُو لِنَادُمْ أَشَانْ تِتَابُعُوا كَلَامَهْ مِثِلْ عَبِيدْ، خَلَاصْ إِنْتُو عَبِيدْ لِلنَّادُمْ التِّتَابُعُوا كَلَامَهْ دَا. كَنْ تَبْقَوْا عَبِيدْ لِلذَّنِبْ دَا، الذَّنِبْ يِوَدِّيكُو لِلْمَوْت وَ لَاكِنْ كَنْ تِتَابُعُوا كَلَامْ اللّٰهْ، هُو يِسَوِّيكُو صَالِحِينْ.

2 كُرُنْتُس 4:16

أَشَانْ دَا أَبَداً مَا نَكْسَلَوْا. صَحِيحْ، جِسِمْنَا قَاعِدْ يُمُوتْ وَ لَاكِنْ الْحَيَاةْ الْجَدِيدَةْ قَاعِدَةْ تِزِيدْ فِي قُلُوبْنَا كُلِّ يَوْم.

زَبُور 116:12

نَقْدَرْ نُرُدّ لِلّٰهْ فِي كُلَّ الزَّيْن السَّوَّاهْ لَيِّ وَلَّا؟ لَا!

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

2 كُرُنْتُس 5:20

وَ بِمِثِلْ دَا، أَنَا وَ أَخْوَانِي بِقِينَا سُفَرَاء لِلْمَسِيحْ وَ اللّٰهْ قَاعِدْ يِنَادِيكُو بِلِسَانَّا. وَ خَلَاصْ، نَطُلْبُوا مِنْكُو بِأُسُمْ الْمَسِيحْ، أَصَّالَحَوْا مَعَ اللّٰهْ.

إشَعْيا 56:7

النَّاسْ دَوْل، أَنَا نِوَدِّيهُمْ فِي جَبَلِي الْمُقَدَّسْ وَ نِفَرِّحْهُمْ فِي بَيْتِي، بَيْت الصَّلَاةْ. وَ نَرْضَى بِضَحَايَاهُمْ الْمُحَرَّقِينْ وَ ضَحَايَاهُمْ الْآخَرِينْ الْهُمَّنْ يِقَدُّمُوهُمْ فِي مَدْبَحِي. أَشَانْ بَيْتِي يِسَمُّوهْ بَيْت الصَّلَاةْ لِكُلَّ الشُّعُوبْ.»

أفَسُس 5:10

أَعَرْفُوا تَمَامْ الشَّيّءْ الْيِرَضِّي الرَّبّ.

فِلِبِّي 2:17

وَ حَتَّى كَانْ دَمِّي وَاجِبْ يِدَفِّقْ مِثِلْ هَدِيَّةْ شَرَابْ فِي الضَّحِيَّةْ التِّقَدُّمُوهَا لِلّٰهْ فِي شَانْ إِيمَانْكُو وَ خِدْمِتْكُو، خَلَاصْ أَنَا نَفْرَحْ وَ نِنْبَسِطْ مَعَاكُو كُلُّكُو.

1 كُرُنْتُس 1:10

يَا أَخْوَانِي، أَنَا نِوَصِّيكُو بِأُسُمْ رَبِّنَا عِيسَى الْمَسِيحْ أَشَانْ كَلَامْكُو يَبْقَى وَاحِدْ لَحَدِّي مَا تِنْقَسْمُوا. وَ خَلِّي قَلِبْكُو يَبْقَى وَاحِدْ وَ فِكِرْكُو يَبْقَى وَاحِدْ.

رَوْمَا 2:4

تِدَوْر تَحْقِرْ خَيْر اللّٰهْ الْعَظِيمْ وَ صَبْرَهْ وَ طُولْ رُوحَهْ وَلَّا؟ مَا تَعَرِفْ كَدَرْ هُو قَاعِدْ يِسَوِّي لَيْك الْخَيْر أَشَانْ يِدَوْر يِوَدِّيكْ لِلتَّوْبَةْ وَلَّا؟

1 بُطْرُس 2:20

وَ كَنْ تِسَوُّوا خَطَا وَ بِسَبَبَهْ يُدُقُّوكُو وَ إِنْتُو تَحْمَلَوْه بِصَبُرْ، شُنُو الْفَايْدَةْ؟ لَاكِنْ كَنْ إِنْتُو تِسَوُّوا الْخَيْر وَ يِتَعُّبُوكُو بِسَبَبَهْ وَ إِنْتُو تَحْمَلَوْه بِصَبُرْ، خَلَاصْ اللّٰهْ يِبَارِكُّو.

فِلِبِّي 4:18

وَ كُلَّ شَيّءْ الْأَنَا نِدَوْرَهْ، لِقِيتَهْ خَلَاصْ زِيَادَةْ مِنْ النِّدَوْرَهْ. أَخُوكُو أَبْفَرِيدْ جَابْ الْمُسَاعَدَةْ الرَّسَّلْتُوهَا لَيِّ وَ خَلَاصْ، أَنَا مَبْسُوطْ. وَ الْمُسَاعَدَةْ دِي هِي مِثِلْ هَدِيَّةْ لِلّٰهْ الرِّيحِتْهَا هُو يَرْضَى بَيْهَا وَ يَقْبَلْهَا.

2 كُرُنْتُس 6:1

وَ خَلَاصْ، أَنِحْنَ نَخْدُمُوا مَعَ اللّٰهْ وَ أَشَانْ دَا نِوَصُّوكُو. أَكِيدْ قِبِلْتُوا رَحْمَةْ اللّٰهْ وَ هَسَّعْ دَا، أَكُرْبُوهَا قَوِي أَشَانْ تَلْقَوْا مِنْهَا الْفَايْدَةْ الْكَامِلَةْ.

رَوْمَا 15:30

وَ هَسَّعْ يَا أَخْوَانِي، نَطْلُبْ مِنْكُو بِأُسُمْ رَبِّنَا عِيسَى الْمَسِيحْ وَ بِمَحَبَّةْ الرُّوحْ الْقُدُّوسْ أَشَانْ إِنْتُو تَسْأَلَوْا اللّٰهْ مَعَايِ بِشِدَّةْ.

رَوْمَا 15:16

لِنَبْقَى خَدَّامْ لِلْمَسِيحْ عِيسَى. وَ خِدِمْتِي هِي بَلِّغِينْ بِشَارَةْ اللّٰهْ لِلْأُمَمْ الْمَا يَهُودْ. أَنَا نَبْقَى مِثِلْ رَاجِلْ دِينْ وَكِتْ نِبَلِّغْ بِشَارَةْ اللّٰهْ لِلْأُمَمْ الْمَا يَهُودْ لِيَبْقَوْا مِثِلْ ضَحِيَّةْ الْاللّٰهْ يَرْضَى بَيْهَا. وَ الضَّحِيَّةْ دِي تَبْقَى خَاصَّة لِلّٰهْ بِقُدْرَةْ الرُّوحْ الْقُدُّوسْ.

إرْمِيا 6:20

شُنُو نِسَوِّي بِاللُّبَانْ الْجِبْتُوهْ مِنْ سَبَأ وَلَّا بِالرِّيحَةْ الْحَلُوَّةْ الْجِبْتُوهَا مِنْ بَعِيدْ؟ أَنَا مَا نِدَوْر ضَحَايَاكُو الْمُحَرَّقِينْ وَ كُلَّ ضَحَايَاكُو، أَنَا مَا نَرْضَى بَيْهُمْ.»

فِلِبِّي 1:20

وَ نِتْمَنَّى بِنِيَّةْ وَاحِدَةْ وَ بِعَشَمْ قَوِي كَدَرْ مَا نَفْشُلْ فِي أَيِّ شَيّءْ. وَ نِدَوْر نِكَلِّمْ مِثِلْ دَايْماً كَلَّمْت بِشَجَاعَةْ وَ بَلَا خَوْف وَ نِعَظِّمْ الْمَسِيحْ قِدَّامْ النَّاسْ فِي كُلَّ حَيَاتِي، كَنْ نِعِيشْ وَلَّا نُمُوتْ كُلَ.

1 تِمُوتَاوُس 2:3

الدُّعَا الْمِثِلْ دَا سَمَحْ وَ اللّٰهْ مُنَجِّينَا هُو يَرْضَى بَيَّهْ.

1 تَسَلونِيكِي 5:12

يَا أَخْوَانِي، نَطُلْبُوا مِنْكُو تِكَرُّمُوا النَّاسْ الْقَاعِدِينْ يَخْدُمُوا أَمْبَيْنَاتْكُو الْعِنْدُهُمْ فَوْقكُو مَسْؤُولِيَّةْ وَ قَاعِدِينْ يُقُودُوكُو فِي دَرِبْ الرَّبّ.

لُوقا 7:47

وَ نُقُولْ لَيْك، دَا يِوَصِّفْ كَدَرْ ذُنُوبْهَا الْكَتِيرِينْ سَامَحَوْهُمْ لَيْهَا. وَ أَشَانْ دَا، هِي تِحِبّ كَتِيرْ. لَاكِنْ النَّادُمْ السَّامَحَوْا لَيَّهْ شِيَّةْ، يِحِبّ شِيَّةْ.»

عِبْرَانِيِّين 13:22

يَا أَخْوَانِي، نَشْحَدْكُو أَشَانْ تَسْمَعَوْا بِصَبُرْ الْكَلَامْ النِّرَسِّلَهْ لَيْكُو لِنِشَجِّعْكُو. كَتَبْت لَيْكُو كَلَامْ شِيَّةْ بَسْ.

1 تِمُوتَاوُس 5:4

كَنْ أَيِّ مَرَةْ أَرْمَلَةْ عِنْدَهَا عِيَالْ وَلَّا عِيَالْ عِيَالْهَا، خَلِّي يَعَرْفُوا كِكَّيْف يَبْقَوْا تَقِيِّينْ مَعَ نَاسْ بَيْتهُمْ وَ يَنْطُوا لِوَالْدَيْنهُمْ حُقُوقْهُمْ مِثِلْ اللّٰهْ يَرْضَى بَيَّهْ.

1 تَسَلونِيكِي 4:10

وَ دَا بَسْ الْإِنْتُو قَاعِدِينْ تِسَوُّوهْ أَشَانْ تِحِبُّوا كُلَّ الْأَخْوَانْ الْفِي بَلَدْ مَقِدُونِيَةْ. لَاكِنْ يَا أَخْوَانِي، نِوَصُّوكُو أَشَانْ تِرَّايَدَوْا بِزِيَادَةْ بَتَّانْ.

رَوْمَا 9:23

وَ اللّٰهْ حِمِلَاهُمْ طَوَّلْ أَشَانْ دَوَّرْ يِبَيِّنْ كُتُرْ خَيْرَهْ الْمَجِيدْ لِمَوَاعِينْ آخَرِينْ الْهُو يِدَوْر يَرْحَمْهُمْ وَ جَهَّزَاهُمْ لِيَدْخُلُوا فِي مَجْدَهْ.

هُوشَع 14:2

جَهُّزُوا كَلَامْكُو وَ قَبُّلُوا لِلّٰهْ قُولُوا: «أَغْفِرْ كُلَّ خَطَانَا وَ فِي بَدَلْ ضَحَايَا التِّيرَانْ، أَقْبَلْ كَلَامْ خُشُومْنَا.

2 كُرُنْتُس 4:1

وَ خَلَاصْ، اللّٰهْ بَسْ رَحَمْنَا بِالْخِدْمَةْ دِي وَ أَشَانْ دَا، أَبَداً مَا نَكْسَلَوْا مِنْهَا.

2 كُرُنْتُس 10:1

أَنَا بَسْ بُولُسْ الْيُقُولُوا فَوْقِي أَنَا نِمَسْكِنْ نَفْسِي وَكِتْ أَنَا قَاعِدْ مَعَاكُو وَ لَاكِنْ كَلَامِي حَارّ وَكِتْ أَنَا غَايِبْ مِنْكُو. وَ أَنَا نِحَنِّسْكُو بِخَيْر الْمَسِيحْ وَ مَحَنِّتَهْ.

تَثْنِية 14:2

أَشَانْ إِنْتُو شَعَبْ مُخَصَّصِينْ لِلّٰهْ إِلٰـهْكُو وَ اللّٰهْ عَزَلَاكُو مِنْ كُلَّ الشُّعُوبْ الْقَاعِدِينْ فِي الْأَرْض لِتَبْقَوْا شَعَبَهْ حَلَالَهْ.

فِلِمُون 1:9

وَ لَاكِنْ أَنِحْنَ نِرَّايَدَوْا وَ أَشَانْ دَا، يَبْقَى لَيِّ أَخَيْر كَنْ نِقَدِّمْ لَيْك طَلَبْ وَ إِنْتَ تَفْهَمْنِي. وَ أَنَا النِّحَجِّي لَيْك، أَنَا بُولُسْ سَفِيرْ الْمَسِيحْ عِيسَى الْحَالِيّاً مَسْجُونْ فِي شَانَهْ.

فِلِمُون 1:10

وَ نِقَدِّمْ لَيْك طَلَبْ فِي شَانْ وِلَيْدِي الْفَايِدْ الْأَنَا بِقِيتْ لَيَّهْ أَبُوهْ وَكِتْ أَنَا قَاعِدْ فِي السِّجِنْ.

عَدد 7:21

وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ