رَوْمَا 11:4 - الكتاب المقدس بالعربي الدارجي هنا تشاد

⁴ وَ لَاكِنْ اللّٰهْ رَدَّ لَيَّهْ كِكَّيْف؟ هُو قَالْ: <أَنَا حَفَضْت مِنْهُمْ 7 000 نَاسْ الْأَبَداً مَا سَجَدَوْا قِدَّامْ إِلٰـهْ بَعَلْ.>

رَوْمَا 11:4 Referenca të Kryqëzuara

1 مُلوك 19:18

وَ لَاكِنْ نِخَلِّي 7 000 نَاسْ مِنْ بَنِي إِسْرَائِيلْ هُمَّنْ الْمَا سَجَدَوْا وَ لَا حَبَّوْا إِلٰـهْ بَعَلْ.»

عَدد 25:3

وَ بِمِثِلْ دَا، بَنِي إِسْرَائِيلْ شَارَكَوْا فِي عِبَادَةْ إِلٰـهْ بَعَلْ هَنَا جَبَلْ فَعُورْ وَ اللّٰهْ غِضِبْ غَضَبْ شَدِيدْ ضِدُّهُمْ.

صَفَنْيا 1:4

«وَ نِمِدّ إِيدِي ضِدّ بَلَدْ يَهُوذَا وَ ضِدّ كُلَّ سُكَّانْ مَدِينَةْ الْقُدُسْ. وَ نِكَمِّلْ مِنْ الْبَكَانْ دَا الْفَضَّلْ مِنْ النَّاسْ الْيَعَبُدُوا إِلٰـهْ بَعَلْ وَ خَدَّامِينَهْ وَ رُجَالْ دِينَهْ كُلَ.

هُوشَع 2:8

«وَ هِي مَا عِرْفَتْ كَدَرْ دَا أَنَا بَسْ الْقَاعِدْ نَنْطِيهَا الْقَمَحْ وَ الْخَمَرْ وَ الدِّهِنْ. أَنَا كَتَّرْت الْفُضَّةْ وَ الدَّهَبْ وَ لَاكِنْ هِي أَسْتَعْمَلَتْهُمْ لِعِبَادَةْ بَعَلْ.

إرْمِيا 19:5

وَ بَنَوْا مَدْبَحْ لِيِقَدُّمُوا فَوْقَهْ أَوْلَادْهُمْ ضَحَايَا مُحَرَّقِينْ لِإِلٰـهْ بَعَلْ. وَ دَا، أَنَا مَا أَمَرْتُهُمْ بَيَّهْ وَ لَا كَلَّمْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ.

قُضياء 2:13

وَ هُمَّنْ أَبَوْا اللّٰهْ وَ عَبَدَوْا أَصْنَامْ بَعَلْ وَ عَشْتَرُوتْ.

هُوشَع 13:1

وَكِتْ نَاسْ أَفْرَايِمْ حَجَّوْا، الْخَوْف بِقِي شَدِيدْ فِي بَلَدْ إِسْرَائِيلْ. وَ لَاكِنْ هُمَّنْ بِقَوْا خَاطِيِّينْ أَشَانْ عَبَدَوْا إِلٰـهْ بَعَلْ وَ مَاتَوْا بِسَبَبَهْ.

1 مُلوك 16:31

وَ هُو تَابَعْ الذُّنُوبْ السَّوَّاهُمْ يَرُبَعَامْ وِلَيْد نَبَاتْ. وَ دَا كُلَ، هُو شَافَهْ شِيَّةْ وَ سَوَّى زِيَادَةْ مِنَّهْ! أَخَابْ مَشَى أَخَدَاهَا لِإِزَبِيلْ بِنَيَّةْ أَتْبَعَلْ مَلِكْ بَلَدْ صَيْدَا وَ سَجَدْ لِإِلٰـهْ الْأُسْمَهْ بَعَلْ وَ عَبَدَهْ.

تَثْنِية 4:3

وَ إِنْتُو شِفْتُوا بِعُيُونْكُو الشَّيّءْ السَّوَّاهْ اللّٰهْ فِي حِلَّةْ بَعَلْ فَعُورْ. وَ فِي أُسُطْكُو، اللّٰهْ إِلٰـهْكُو كَتَلْ كُلَّ النَّاسْ الْعَبَدَوْا إِلٰـهْ بَعَلْ هَنَا جَبَلْ فَعُورْ.

1 مُلوك 19:10

وَ إِلِيَاسْ رَدَّ لَيَّهْ وَ قَالْ: «يَا اللّٰهْ الْإِلٰـهْ الْقَادِرْ، عِنْدِي مَحَبَّةْ شَدِيدَةْ لَيْك. وَ بَنِي إِسْرَائِيلْ نَقَضَوْا مُعَاهَدَتَكْ وَ كَسَّرَوْا كُلَّ مَدَابْحَكْ وَ كَتَلَوْا أَنْبِيَائَكْ بِالْسَّيْف. وَ أَنَا فَضَّلْت وِحَيْدِي وَ هُمَّنْ قَاعِدِينْ يِفَتُّشُونِي لِيَكْتُلُونِي.»

إشَعْيا 4:3

وَ خَلَاصْ، الْفَضَّلَوْا فِي صَهْيُون، الْخَلَّوْهُمْ حَيِّينْ فِي مَدِينَةْ الْقُدُسْ، يِنَادُوهُمْ مُخَصَّصِينْ. أَيْوَى، كُلُّهُمْ اللّٰهْ كَتَبَاهُمْ أَشَانْ يِعِيشُوا فِي مَدِينَةْ الْقُدُسْ.