رَوْمَا 11:1 - الكتاب المقدس بالعربي الدارجي هنا تشاد

¹ وَ أَشَانْ دَا، أَنَا نَسْأَلْ سُؤَالْ. اللّٰهْ أَبَى شَعَبَهْ بَنِي إِسْرَائِيلْ مَرَّةْ وَاحِدْ وَلَّا؟ لَا، أَبَداً. أَنَا ذَاتِي مِنْ بَنِي إِسْرَائِيلْ وَ مِنْ ذُرِّيَّةْ إِبْرَاهِيمْ وَ مِنْ قَبِيلَةْ بَنْيَامِينْ.

رَوْمَا 11:1 Referenca të Kryqëzuara

2 كُرُنْتُس 11:22

يُقُولُوا هُمَّنْ يَهُودْ وَلَّا؟ أَنَا كُلَ يَهُودِي. هُمَّنْ مِنْ بَنِي إِسْرَائِيلْ وَلَّا؟ أَنَا كُلَ مِنْ بَنِي إِسْرَائِيلْ. هُمَّنْ مِنْ ذُرِّيَّةْ إِبْرَاهِيمْ وَلَّا؟ أَنَا كُلَ مِنْ ذُرِّيَّةْ إِبْرَاهِيمْ.

1 صَمُوِيل 12:22

«وَ فِي شَانْ أُسْمَهْ الْعَظِيمْ، اللّٰهْ مَا يِخَلِّي شَعَبَهْ. أَشَانْ دَوَّرْ يِسَوِّيكُو إِنْتُو شَعَبَهْ حَلَالَهْ.

فِلِبِّي 3:5

أَنَا طَهَّرَوْنِي فِي الْيَوْم التَّامِنْ مِنْ يَوْم وِلْدَوْنِي. وَ أَنَا مِنْ ذُرِّيَّةْ بَنِي إِسْرَائِيلْ وَ مِنْ قَبِيلَةْ بَنْيَامِينْ. أَنَا عِبْرَانِي مِيَةْ فِي الْمِيَةْ. وَ فِي الشَّيّءْ الْبُخُصّ طَبِّقِينْ شُرُوطْ التَّوْرَاةْ، أَنَا مِنْ طَرِيقَةْ الْفَرِيزِيَّةْ.

أعمال الرُسُل 26:4

كُلَّ الْيَهُودْ يَعَرْفُوا حَالِي مِنْ أَنَا صَغَيَّرْ وَ يَعَرْفُوا كِكَّيْف أَنَا عِشْت، أَوَّلْ مَعَ نَاسْ حِلِّتِي وَ بَعَدْ دَا، فِي مَدِينَةْ الْقُدُسْ.

أعمال الرُسُل 22:3

«أَنَا يَهُودِي وِلْدَوْنِي فِي حِلَّةْ طَرْسُوسْ فِي بَلَدْ كِلِكِيَّةْ وَ لَاكِنْ رَبَّوْنِي هِنِي فِي مَدِينَةْ الْقُدُسْ. وَ بِقِيتْ تِلْمِيذْ هَنَا سَيِّدْنَا قَمَلِيِيلْ وَ هُو عَلَّمَانِي كِكَّيْف نِتَابِعْ شُرُوطْ التَّوْرَاةْ هَنَا جُدُودْنَا عَدِيلْ وَ نِتَابِعْ كَلَامْ اللّٰهْ بِشِدَّةْ مِثِلْكُو إِنْتُو كُلُّكُو الْقَاعِدِينْ هِنِي الْيَوْم.

هُوشَع 9:17

إِلٰـهِي يَرْفُضْهُمْ أَشَانْ هُمَّنْ مَا سِمْعَوْه وَ يِعِيرُوا فِي أُسْط الْأُمَمْ.

زَبُور 94:14

اللّٰهْ مَا يِخَلِّي شَعَبَهْ وَ مَا يَابَى نَاسَهْ الْمِثِلْ وَرَثَتَهْ.

رَوْمَا 9:3

أَنَا نِتْمَنَّى اللّٰهْ يَلْعَنِّي وَ يَفْرُقْنِي أَنَا ذَاتِي مِنْ الْمَسِيحْ، كَنْ بَيْدَا نَاسْ قَبِيلْتِي يَنْجَوْا أَشَانْ هُمَّنْ أَخْوَانِي.

رَوْمَا 3:4

لَا، أَبَداً. كَنْ كُلَّ النَّاسْ كَدَّابِينْ كُلَ، اللّٰهْ يُقُولْ دَايْماً الْحَقّ. أَشَانْ دَا، الْكِتَابْ بُقُولْ: <يَا اللّٰهْ، إِنْتَ صَادِقْ وَكِتْ تِكَلِّمْ وَ تِنَّصِرْ وَكِتْ تِحَاكِمْ.>

2 مُلوك 23:27

وَ اللّٰهْ قَالْ: «نِبَعِّدْ مِنْ قِدَّامِي مَمْلَكَةْ يَهُوذَا مِثِلْ بَعَّدْت مَمْلَكَةْ إِسْرَائِيلْ. وَ نِخَلِّي مِنِّي مَدِينَةْ الْقُدُسْ الْمَدِينَةْ الْأَنَا عَزَلْتَهَا وَ الْبَيْت الْأَنَا قُلْت فَوْقَهْ: ‹دَا بَسْ الْبَكَانْ النُّخُطّ فَوْقَهْ أُسْمِي.›»

زَبُور 77:7

«هَلْ الرَّبّ يَابَانَا دَايْماً وَلَّا؟ هَلْ أَبَداً مَا يَقْبَلْنَا وَلَّا؟

لُوقا 20:16

أَكِيدْ، هُو يَجِي وَ يِكَتِّلْهُمْ لِلْحَرَّاتِينْ دَوْل وَ خَلَاصْ يَنْطِي الْجِنَيْنَةْ لِنَاسْ آخَرِينْ.» وَ وَكِتْ النَّاسْ سِمْعَوْا الْكَلَامْ دَا قَالَوْا: «خَلِّي اللّٰهْ يَدْحَرَهْ!»

رَوْمَا 11:11

أَشَانْ دَا نَسْأَلْ. هُمَّنْ وَقَعَوْا مَرَّةْ وَاحِدْ لَحَدِّي بَتَّانْ مَا يُقُمُّوا وَلَّا؟ لَا، أَبَداً. هُمَّنْ وَقَعَوْا وَ بِخَطَاهُمْ دَا، نَجَاةْ اللّٰهْ لِحْقَتْ النَّاسْ الْمَا يَهُودْ أَشَانْ يِسَوِّي الْيَهُودْ يَحْسُدُوهُمْ.