رَوْمَا 10:8 - الكتاب المقدس بالعربي الدارجي هنا تشاد

⁸ لَاكِنْ الشَّيّءْ الْبُقُولَهْ شُنُو؟ بُقُولْ: <الْكَلَامْ قَاعِدْ قَرِيبْ لَيْك. هُو فِي خَشْمَكْ وَ فِي قَلْبَكْ.> وَ الْكَلَامْ دَا، هُو كَلَامْ الْإِيمَانْ النِّبَلُّغُوهْ لَيْكُو.

رَوْمَا 10:8 Referenca të Kryqëzuara

تَثْنِية 30:14

أَيْوَى، الْكَلَامْ دَا قَاعِدْ قَرِيبْ لَيْكُو فِي خُشُومْكُو وَ فِي قُلُوبْكُو أَشَانْ تِطَبُّقُوهْ.

1 تِمُوتَاوُس 4:6

كَنْ تِعَلِّمْ الْأَخْوَانْ الْوَصَايَا دَوْل، إِنْتَ تَبْقَى خَدَّامْ عَدِيلْ لِلْمَسِيحْ عِيسَى. وَ كَلَامْ الْإِيمَانْ وَ التَّعْلِيمْ الْعَدِيلْ التِّتَابِعَهْ، دَوْل يَبْقَوْا لَيْك مِثِلْ أَكِلْ الْيَنْطِيكْ قُدْرَةْ.

1 بُطْرُس 1:25

لَاكِنْ كَلَامْ اللّٰهْ يَقْعُدْ إِلَى الْأَبَدْ.> وَ الْكَلَامْ دَا، هُو بِشَارَةْ الْمَسِيحْ الْبَلَّغَوْهَا لَيْكُو.

غَلاطِية 3:2

نِدَوْر نَسْأَلْكُو شَيّءْ وَاحِدْ. الرُّوحْ الْقُدُّوسْ نَزَلْ فَوْقكُو أَشَانْ إِنْتُو تَابَعْتُوا شُرُوطْ التَّوْرَاةْ، وَلَّا أَشَانْ سِمِعْتُوا بِشَارَةْ الْمَسِيحْ وَ آمَنْتُوا بَيْهَا؟

غَلاطِية 3:5

فَكُّرُوا فَوْقَهْ. اللّٰهْ يِنَزِّلْ فَوْقكُو الرُّوحْ الْقُدُّوسْ بِقُدْرَةْ وَ يِسَوِّي عَجَايِبْ فِي أُسُطْكُو مَالَا؟ أَشَانْ تِتَابُعُوا شُرُوطْ التَّوْرَاةْ وَلَّا أَشَانْ سِمِعْتُوا بِشَارَةْ الْمَسِيحْ وَ آمَنْتُوا بَيْهَا؟

رَوْمَا 10:17

خَلَاصْ، النَّاسْ مَا يَبْقَوْا مُؤمِنِينْ بِالْمَسِيحْ إِلَّا كَنْ يَسْمَعَوْا الْبِشَارَةْ وَ مَا يَسْمَعَوْا الْبِشَارَةْ إِلَّا كَنْ نَادُمْ يِبَلِّغْهَا لَيْهُمْ.

أعمال الرُسُل 10:43

وَ كُلَّ الْأَنْبِيَاء يَشْهَدَوْا لِعِيسَى وَ يُقُولُوا أَيِّ نَادُمْ الْيِآمِنْ بَيَّهْ، يَلْقَى غُفْرَانْ الذُّنُوبْ بِأُسْمَهْ.»

1 بُطْرُس 1:23

بِقِيتُوا مَوْلُودِينْ مِنْ جَدِيدْ وَ دَا مَا مِنْ وَالْدَيْنكُو الْيُمُوتُوا لَاكِنْ هِي مِنْ كَلَامْ اللّٰهْ وَ الْكَلَامْ دَا، أَبَداً مَا يُمُوتْ.

أعمال الرُسُل 16:31

وَ رَدَّوْا لَيَّهْ وَ قَالَوْا: «آمِنْ بِالرَّبّ عِيسَى وَ تَنْجَى، إِنْتَ وَ نَاسْ بَيْتَكْ.»

إشَعْيا 57:19

وَ أَنَا نُخُطّ الْحَمْد فِي خُشُومْهُمْ. السَّلَامْ لِلْقَرِيبْ! السَّلَامْ لِلْبَعِيدْ! أَيْوَى أَنَا نَشْفِيهُمْ. وَ دَا، اللّٰهْ بَسْ قَالَهْ.

أفَسُس 5:26

أَشَانْ هِي تَبْقَى أُمَّةْ خَاصَّةْ. هُو طَهَّرَاهَا بِغَطِّسِينْ فِي أَلْمِي وَ بِكَلَامْ اللّٰهْ