رَوْمَا 10:5 - الكتاب المقدس بالعربي الدارجي هنا تشاد

⁵ وَ فِي الْكِتَابْ، مُوسَى فَسَّرْ لَيْنَا كِكَّيْف النَّاسْ يَبْقَوْا صَالِحِينْ بِشُرُوطْ التَّوْرَاةْ. هُو قَالْ: <النَّادُمْ الْيِطَبِّقْ كُلَّ الشُّرُوطْ دَوْل يَحْيَى بَيْهُمْ.>

رَوْمَا 10:5 Referenca të Kryqëzuara

لاوِيِّين 18:5

وَ أَحْفَضَوْا شُرُوطِي وَ قَوَانِينِي. وَ النَّادُمْ الْيِطَبِّقْهُمْ يَحْيَى بِسَبَبْهُمْ. وَ أَنَا بَسْ اللّٰهْ.

نَحَمْيا 9:29

وَ إِنْتَ حَذَّرْتُهُمْ أَشَانْ يِقَبُّلُوا لِشُرُوطْ التَّوْرَاةْ وَ لَاكِنْ هُمَّنْ أَسْتَكْبَرَوْا وَ أَبَوْا وَصِيَّاتَكْ وَ أَذْنَبَوْا مَا طَبَّقَوْا قَوَانِينَكْ. وَ قَوَانِينَكْ دَوْل كَمَانْ، النَّادُمْ كَنْ سِمِعْهُمْ، يَلْقَى فَوْقهُمْ الْحَيَاةْ. لَاكِنْ هُمَّنْ قَمَّوْا قَوَّوْا رُوسَيْهُمْ وَ أَنْطَوْك ضُهُورْهُمْ وَ أَبَوْا مَا يَسْمَعَوْا كَلَامَكْ.

حِزْقِيال 20:21

«‹وَ لَاكِنْ عِيَالْهُمْ عِصَوْنِي وَ مَا تَابَعَوْا شُرُوطِي وَ لَا حَفَضَوْا قَوَانِينِي الْبَيْهُمْ يَلْقَوْا الْحَيَاةْ كَنْ يِطَبُّقُوهُمْ. وَ هُمَّنْ مَا أَحْتَرَمَوْا يَوْمِي هَنَا السَّبْت. وَ فِي شَانْ دَا، أَنَا قُلْت: ”نِنَزِّلْ فَوْقهُمْ غَضَبِي فِي الصَّحَرَاءْ وَ نِكَمِّلْهُمْ.“

حِزْقِيال 20:13

وَ لَاكِنْ بَنِي إِسْرَائِيلْ عِصَوْنِي فِي الصَّحَرَاءْ. وَ هُمَّنْ مَا تَابَعَوْا شُرُوطِي وَ أَبَوْا قَوَانِينِي الْبَيْهُمْ يَلْقَوْا الْحَيَاةْ كَنْ يِطَبُّقُوهُمْ. وَ دَايْماً مَا أَحْتَرَمَوْا يَوْمِي هَنَا السَّبْت. وَ بَتَّانْ أَنَا قُلْت: ”نِنَزِّلْ فَوْقهُمْ غَضَبِي فِي الصَّحَرَاءْ وَ نِكَمِّلْهُمْ.“

حِزْقِيال 20:11

وَ أَنْطَيْتهُمْ شُرُوطِي وَ عَرَّفْتُهُمْ قَوَانِينِي الْبَيْهُمْ يَلْقَوْا الْحَيَاةْ كَنْ يِطَبُّقُوهُمْ.

غَلاطِية 3:12

لَاكِنْ شُرُوطْ التَّوْرَاةْ مَا بُخُصُّوا الْإِيمَانْ. بِالْعَكْس، بُخُصُّوا عَمَلْ النَّاسْ. أَشَانْ مَكْتُوبْ: <النَّادُمْ الْيِطَبِّقْ كُلَّ الشُّرُوطْ دَوْل يَحْيَى بَيْهُمْ.>

رَوْمَا 7:10

وَ خَلَاصْ أَنَا مُتّْ. وَ بِمِثِلْ دَا، الْوَصِيَّةْ الدَّوَّرَتْ تِوَدِّينِي لِلْحَيَاةْ، وَدَّتْنِي لِلْمَوْت.

تَثْنِية 4:1

وَ مُوسَى قَالْ: هَسَّعْ دَا، يَا بَنِي إِسْرَائِيلْ، أَسْمَعَوْا الشُّرُوطْ وَ الْقَوَانِينْ الْأَنَا ذَاتِي نِعَلِّمْهُمْ لَيْكُو وَ طَبُّقُوهُمْ. وَ بَيْدَا، تَلْقَوْا الْحَيَاةْ وَ تَدْخُلُوا فِي الْبَلَدْ الْيَنْطِيهَا لَيْكُو اللّٰهْ رَبّ جُدُودْكُو وَ تِشِيلُوهَا وَرَثَةْ.

إشَعْيا 55:3

تَعَالُوا لَيِّ وَ خُطُّوا أَدَانْكُو، أَسْمَعَوْنِي وَ تَحْيَوْا. وَ نِسَوِّي مَعَاكُو مُعَاهَدَةْ دَايْمَةْ. أَكِيدْ نَنْطِيكُو رَحْمَتِي الْوَاعَدْت بَيْهَا دَاوُدْ.

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.