رَوْمَا 10:2 - الكتاب المقدس بالعربي الدارجي هنا تشاد

² أَنَا نَشْهَدْ لَيْهُمْ كَدَرْ هُمَّنْ مُنْكَرِبِينْ فِي عِبَادَةْ اللّٰهْ لَاكِنْ فِيَّهْ شَيّءْ وَاحِدْ مَا يَعَرْفُوهْ.

رَوْمَا 10:2 Referenca të Kryqëzuara

أعمال الرُسُل 21:20

وَ وَكِتْ سِمْعَوْا كَلَامَهْ، مَجَّدَوْا اللّٰهْ. وَ لَاكِنْ قَالَوْا لَيَّهْ: «شِيفْ، يَا أَخُونَا. هِنِي آلَافْ مِنْ النَّاسْ الْآمَنَوْا بِرَبِّنَا عِيسَى هُمَّنْ يَهُودْ وَ كُلُّهُمْ يِتَابُعُوا تَوْرَاةْ مُوسَى بِقَلِبْ وَاحِدْ.

فِلِبِّي 3:6

وَ أَنَا بِقِيتْ مُنْكَرِبْ بِلْحَيْن فِي دِينِي الْيَهُودِي لَحَدِّي حَاوَلْت نِدَمِّرْ أُمَّةْ الْمَسِيحْ. وَ حَسَبْ كَلَامْهُمْ فِي شُرُوطْ التَّوْرَاةْ، أَنَا بِقِيتْ نَادُمْ صَالِحْ وَ مَا عِنْدِي عَيْب.

فِلِبِّي 1:9

وَ أَنَا قَاعِدْ نَسْأَلْ اللّٰهْ أَشَانْ هُو يِزِيدْ مَحَبِّتْكُو وَ يِكَتِّرْهَا لَيْكُو بِزِيَادَةْ. وَ خَلِّي يَنْطِيكُو مَعَاهَا عِلِمْ وَ فِهِمْ تَمَامْ

رَوْمَا 10:3

هُمَّنْ مَا يَعَرْفُوا كِكَّيْف اللّٰهْ يِسَوِّي النَّاسْ صَالِحِينْ وَ خَلَاصْ يِدَوْرُوا يَبْقَوْا صَالِحِينْ بِجُهُدْهُمْ. وَ أَبَوْا مَا يَقْبَلَوْا الدَّرِبْ الْاللّٰهْ فَتَحَهْ لِلنَّاسْ الْبَيَّهْ يَبْقَوْا صَالِحِينْ.

أمْثال 19:2

النِّيَّةْ فِي الْخِدْمَةْ بَلَا مَعْرَفَةْ مَا عَدِيلَةْ وَ الْعَجَلَةْ تَرْمِي سِيدْهَا فِي الْخَطَا.

غَلاطِية 1:14

وَ فِي دِينْ الْيَهُودْ، أَنَا فَايِتْ نَاسْ كَتِيرِينْ الْعُمْرِي مَعَاهُمْ سَوَا أَشَانْ أَنَا مُنْكَرِبْ بِلْحَيْن فِي عَادَاتْ جُدُودْنَا.

2 كُرُنْتُس 4:4

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

2 مُلوك 10:16

وَ قَالْ لَيَّهْ: «تَعَالْ مَعَايِ وَ تِشِيفْ زَعَلِي الشَّدِيدْ ضِدّ عُدْوَانْ اللّٰهْ.» وَ يَاهُو وَدَّاهْ مَعَايَهْ فِي عَرَبَتَهْ.

2 كُرُنْتُس 4:6

وَ زَمَانْ اللّٰهْ قَالْ: «خَلِّي النُّورْ يِضَوِّي فِي أُسْط الضَّلَامْ.» وَ هُو بَسْ النَّوَّرْ قُلُوبْنَا أَشَانْ نَعَرْفُوا نُورْ اللّٰهْ الْمَجِيدْ الْقَاعِدْ فِي وِجِهْ عِيسَى الْمَسِيحْ.

أعمال الرُسُل 22:3

«أَنَا يَهُودِي وِلْدَوْنِي فِي حِلَّةْ طَرْسُوسْ فِي بَلَدْ كِلِكِيَّةْ وَ لَاكِنْ رَبَّوْنِي هِنِي فِي مَدِينَةْ الْقُدُسْ. وَ بِقِيتْ تِلْمِيذْ هَنَا سَيِّدْنَا قَمَلِيِيلْ وَ هُو عَلَّمَانِي كِكَّيْف نِتَابِعْ شُرُوطْ التَّوْرَاةْ هَنَا جُدُودْنَا عَدِيلْ وَ نِتَابِعْ كَلَامْ اللّٰهْ بِشِدَّةْ مِثِلْكُو إِنْتُو كُلُّكُو الْقَاعِدِينْ هِنِي الْيَوْم.

زَبُور 14:4

الْيِسَوُّوا الظُّلُمْ مَا عِنْدُهُمْ الْمَعْرَفَةْ وَلَّا؟ هُمَّنْ يَاكُلُوا شَعَبِي مِثِلْ يَاكُلُوا الْخُبْزَةْ وَ مَا يَشْحَدَوْا اللّٰهْ.

2 كُرُنْتُس 8:3

وَ نَشْهَدْ لَيْهُمْ كَدَرْ هُمَّنْ أَنْطَوْا حَسَبْ قُدْرِتْهُمْ وَ أَنْطَوْا زِيَادَةْ مِنْ قُدْرِتْهُمْ كُلَ بِنِيِّتْهُمْ.

أعمال الرُسُل 21:28

وَ نَادَوْا بِحِسّ عَالِي وَ قَالَوْا: «يَا بَنِي إِسْرَائِيلْ، تَعَالُوا عَاوُنُونَا! دَا بَسْ الرَّاجِلْ الْقَاعِدْ يِعَلِّمْ النَّاسْ فِي كُلَّ بَكَانْ بِكَلَامْ ضِدّ الْيَهُودْ وَ ضِدّ التَّوْرَاةْ وَ ضِدّ الْبَيْت دَا. وَ هَسَّعْ، هُو دَخَلْ فِي بَيْت اللّٰهْ بِنَاسْ مَا يَهُودْ! وَ نَجَّسْ الْبَيْت الْمُقَدَّسْ!»

غَلاطِية 4:15

وَيْن الْفَرْحَةْ الْأَوَّلْ عِنْدُكُو؟ نَشْهَدْ لَيْكُو كَدَرْ فِي الْوَكِتْ دَاكْ، كَنْ عِنْدُكُو قُدْرَةْ أَشَانْ تَمُرْقُوا عُيُونْكُو، طَوَّالِي تَمُرْقُوهُمْ تَنْطُوهُمْ لَيِّ.

كُلُوسِي 4:13

وَ أَنَا نَشْهَدْ لَيَّهْ هُو قَاعِدْ يَخْدِمْ كَتِيرْ فِي شَانْكُو وَ فِي شَانْ الْأَخْوَانْ الْفِي حِلَّالْ لَاوْدِكِيَّةْ وَ هِرَابُلُسْ.

أعمال الرُسُل 22:22

وَ النَّاسْ قَاعِدِينْ يَسْمَعَوْا كَلَامَهْ. لَاكِنْ وَكِتْ هُو حَجَّى بِالنَّاسْ الْمَا يَهُودْ، خَلَاصْ قَمَّوْا عَاطَوْا فَوْقَهْ وَ قَالَوْا: «أَكْتُلُوهْ لِلنَّادُمْ دَا! مَا تِخَلُّوهْ يِعِيشْ!»

إشَعْيا 27:1

وَ فِي الْيَوْم دَا، اللّٰهْ يِعَاقِبْ لُيَاتَانْ الدَّابِي الْمُعَرِّدْ بِسَيْفَهْ الطَّرِينْ وَ كَبِيرْ وَ شَدِيدْ. وَ هُو لُيَاتَانْ الدَّابِي الْأَعْوَجْ أَيْوَى، هُو يَكْتُلْ الْغُولْ الْفِي الْبَحَرْ.

يُوحَنَّا 16:2

يَطُرْدُوكُو مِنْ بُيُوتْ الصَّلَاةْ. وَ يَجِي وَكِتْ وَاحِدْ أَيِّ نَادُمْ الْيَكْتُلْكُو يِفَكِّرْ هُو قَاعِدْ يَخْدِمْ لِلّٰهْ.

رَوْمَا 10:1

يَا أَخْوَانِي فِي الْمَسِيحْ، نِتْمَنَّى بِكُلَّ قَلْبِي كَدَرْ أَخْوَانِي الْيَهُودْ يَنْجَوْا وَ دَا الشَّيّءْ الْأَنَا دَايْماً نَطُلْبَهْ مِنْ اللّٰهْ.