رَوْمَا 10:12 - الكتاب المقدس بالعربي الدارجي هنا تشاد

¹² وَ دَا بِقِي سَوَا سَوَا لِلْيَهُودْ وَ لِلْمَا يَهُودْ أَشَانْ الرَّبّ الْوَاحِدْ، هُو رَبّ كُلَّ النَّاسْ وَ هُو كَرِيمْ لِأَيِّ نَادُمْ الْيَدْعِي بِأُسْمَهْ.

رَوْمَا 10:12 Referenca të Kryqëzuara

فِلِبِّي 4:19

وَ أَنَا نَعَرِفْ كَدَرْ اللّٰهْ يَنْطِيكُو بِكَتَرَةْ كُلَّ شَيّءْ التِّحْتَاجَوْا لَيَّهْ. أَيْوَى، يَنْطِيكُو مِنْ غُنَايَهْ الْمَجِيدْ بِالْمَسِيحْ عِيسَى.

رُؤية 17:14

وَ يِحَارُبُوا الْحَمَلْ وَ الْحَمَلْ يِنَّصِرْ فَوْقهُمْ أَشَانْ هُو بَسْ رَبّ الْأَرْبَابْ وَ مَلِكْ الْمُلُوكْ. وَ عِنْدَهْ مَعَايَهْ النَّاسْ الْعَزَلَاهُمْ وَ نَادَاهُمْ وَ هُمَّنْ الْمُؤمِنِينْ.»

رَوْمَا 3:22

اللّٰهْ يَجْعَلْ النَّاسْ صَالِحِينْ قِدَّامَهْ بِالْإِيمَانْ بِعِيسَى الْمَسِيحْ. وَ يِسَوِّي نَفْس الشَّيّءْ لِكُلَّ النَّاسْ الْيِآمُنُوا. كُلَّ النَّاسْ سَوَا سَوَا

غَلاطِية 3:28

وَ هَسَّعْ مَا فِي فَرِقْ بَيْن الْيَهُودِي وَ الْمَا يَهُودِي، وَ لَا بَيْن الْعَبِدْ وَ الْحُرّ، وَ لَا بَيْن الرَّاجِلْ وَ الْمَرَةْ، لَاكِنْ كُلُّكُو وَاحِدْ فِي الْمَسِيحْ عِيسَى.

زَبُور 86:5

يَا رَبّ، إِنْتَ زَيْن وَ غَفُورْ وَ رَحْمَتَكْ كَبِيرَةْ لِكُلَّ الْيِنَادُوكْ.

كُلُوسِي 3:11

وَ فِي الْحَيَاةْ الْجَدِيدَةْ دِي، مَا مُهِمّ بَتَّانْ كَنْ نَادُمْ يَهُودِي وَلَّا مَا يَهُودِي، وَ كَنْ مُطَهَّرْ وَلَّا مَا مُطَهَّرْ، وَ كَنْ أَجْنَبِي وَلَّا مِنْ الْكَدَادَةْ، وَ كَنْ عَبِدْ وَلَّا حُرّ. لَاكِنْ الْمَسِيحْ هُو قَاعِدْ فِينَا كُلِّنَا وَ هُو بَسْ الْمُهِمّ.

زَبُور 145:18

اللّٰهْ قَرِيبْ لِكُلَّ الْيِنَادُوهْ، قَرِيبْ لِكُلَّ الْيِنَادُوهْ بِالْحَقّ.

1 تِمُوتَاوُس 2:5

وَ دَاهُو الْحَقّ، اللّٰهْ وَاحِدْ وَ الْوَسِيطْ الْبَيْن اللّٰهْ وَ بَيْن النَّاسْ كُلَ وَاحِدْ وَ هُو الْإِنْسَانْ عِيسَى الْمَسِيحْ

فِلِبِّي 2:11

وَ لَحَدِّي أَيِّ وَاحِدْ يَشْهَدْ وَ يُقُولْ كَدَرْ عِيسَى الْمَسِيحْ هُو الرَّبّ وَ يِمَجِّدْ اللّٰهْ أَبُوهْ.

أفَسُس 3:6

وَ دَاهُو سِرّ اللّٰهْ. بِبِشَارَةْ الْمَسِيحْ، الْأُمَمْ يَبْقَوْا وُرَّاثْ سَوَا مَعَ الْيَهُودْ. يَبْقَوْا أُمَّةْ وَاحِدَةْ الْهِي جِسِمْ الْمَسِيحْ. وَ خَلَاصْ بِعِيسَى الْمَسِيحْ، هُمَّنْ يِشَارُكُوا فِي وَعَدْ اللّٰهْ.

رُؤية 19:16

وَ عِنْدَهْ أُسُمْ مَكْتُوبْ فِي خَلَقَهْ وَ فِي دَارِجْتَهْ وَ الْأُسُمْ دَا، هُو مَلِكْ الْمُلُوكْ وَ رَبّ الْأَرْبَابْ.

أفَسُس 1:7

إِبْنَهْ فَدَانَا بِدَمَّهْ وَ بَيَّهْ هُو، اللّٰهْ غَفَرْ لَيْنَا خَطَايَانَا. دِي بَسْ نِعْمَتَهْ الْعَظِيمَةْ

رَوْمَا 14:9

فِي شَانْ دَا بَسْ، الْمَسِيحْ مَاتْ وَ بَعَثْ أَشَانْ يَبْقَى رَبّ الْحَيِّينْ وَ رَبّ الْمَيْتِينْ.

رَوْمَا 2:4

تِدَوْر تَحْقِرْ خَيْر اللّٰهْ الْعَظِيمْ وَ صَبْرَهْ وَ طُولْ رُوحَهْ وَلَّا؟ مَا تَعَرِفْ كَدَرْ هُو قَاعِدْ يِسَوِّي لَيْك الْخَيْر أَشَانْ يِدَوْر يِوَدِّيكْ لِلتَّوْبَةْ وَلَّا؟

إشَعْيا 55:6

فَتُّشُوا اللّٰهْ فِي وَكِتْ هُو بِنْلَقِي وَ نَادُوهْ وَكِتْ هُو قَاعِدْ قَرِيبْ.

كُلُوسِي 1:27

وَ اللّٰهْ شَالْ نِيَّةْ أَشَانْ يِأَوْرِيهُمْ كَدَرْ السِّرّ دَا يِجِيبْ بَرَكَةْ كَبِيرَةْ وَ مَجِيدَةْ بِلْحَيْن لِكُلَّ الْأُمَمْ. وَ سِرّ اللّٰهْ، هُو الْمَسِيحْ ذَاتَهْ يَقْعُدْ فِيكُو وَ دَا يَنْطِيكُو عَشَمْ تَدْخُلُوا فِي مَجْدَهْ.

2 كُرُنْتُس 8:9

أَشَانْ رَحْمَةْ رَبِّنَا عِيسَى الْمَسِيحْ تَعَرْفُوهَا. هُو غَنِيْ وَ لَاكِنْ فِي شَانْكُو إِنْتُو، هُو بِقِي فَقْرِي أَشَانْ بِفَقْرَهْ دَا، إِنْتُو تَبْقَوْا غَنِيِّينْ.

1 كُرُنْتُس 15:47

وَ الْإِنْسَانْ الْأَوَّلْ، هُو هَنَا الْأَرْض وَ هَنَا التُّرَابْ. وَ الْإِنْسَانْ التَّانِي، هُو هَنَا السَّمَاءْ.

1 كُرُنْتُس 1:2

وَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ، إِنْتُو الْاللّٰهْ خَصَّصَاكُو بِعَلَاقِتْكُو مَعَ الْمَسِيحْ عِيسَى. اللّٰهْ نَادَاكُو فِي دَرْبَهْ أَشَانْ تَبْقَوْا خَاصِّينْ سَوَا مَعَ كُلَّ النَّاسْ الْيَدْعُوا فِي أَيِّ بَكَانْ بِأُسُمْ رَبِّنَا عِيسَى الْمَسِيحْ وَ هُو رَبُّهُمْ وَ رَبِّنَا.

أفَسُس 2:7

وَ هُو سَوَّى لَيْنَا زَيْن بِالْمَسِيحْ عِيسَى أَشَانْ فِي كُلَّ الزَّمَنْ الْجَايِ، يِبَيِّنْ رَحْمَتَهْ الْكَبِيرَةْ بِلْحَيْن الْمَا عِنْدَهَا حَدّ.

أفَسُس 2:4

وَ لَاكِنْ رَحْمَةْ اللّٰهْ، هِي عَظِيمَةْ وَ هُو يِحِبِّنَا بِمَحَبَّةْ كَبِيرَةْ بِلْحَيْن.

رَوْمَا 15:12

وَ النَّبِي إِشَعْيَا قَالْ: <مِنْ ذُرِّيَّةْ يَسَّى يَجِي نَادُمْ وَ يَبْقَى مَلِكْ فِي كُلَّ الْأُمَمْ. وَ الشُّعُوبْ الْآخَرِينْ يُخُطُّوا عَشَمْهُمْ فَوْقَهْ.>

أعمال الرُسُل 9:14

وَ يُقُولُوا هُو جَاءْ هِنِي بِإِذِنْ كُبَارَاتْ رُجَالْ الدِّينْ أَشَانْ يَكْرُبْ أَيِّ نَادُمْ الْيَدْعِي بِأُسْمَكْ.»

أفَسُس 3:16

وَ نَسْأَلَهْ أَشَانْ يَنْطِيكُو بَرَكَةْ مِنْ الْغُنَى الْعِنْدَهْ فِي الْمَجْد وَ يَنْطِيكُو قُدْرَةْ وَ يِثَبِّتْ قُلُوبْكُو بِالرُّوحْ الْقُدُّوسْ.

أفَسُس 3:8

وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

أعمال الرُسُل 7:59

وَ وَكِتْ قَاعِدِينْ يَرْجُمُوهْ، إِسْتِفَانْ دَعَى وَ قَالْ: «يَا رَبِّنَا عِيسَى، شِيلْ رُوحِي.»