رَوْمَا 10:10 - الكتاب المقدس بالعربي الدارجي هنا تشاد

¹⁰ أَشَانْ بِسَبَبْ الْإِيمَانْ الْقَاعِدْ فِي الْقَلِبْ، اللّٰهْ يَجْعَلْ النَّادُمْ صَالِحْ وَ بِسَبَبْ شَهَادَةْ خَشْمَهْ، اللّٰهْ يِنَجِّيهْ.

رَوْمَا 10:10 Referenca të Kryqëzuara

1 يُوحَنَّا 4:15

أَيِّ نَادُمْ الْيَشْهَدْ كَدَرْ عِيسَى هُو إِبْن اللّٰهْ، هُو قَاعِدْ ثَابِتْ فِي اللّٰهْ وَ اللّٰهْ قَاعِدْ ثَابِتْ فَوْقَهْ.

رَوْمَا 10:9

كَنْ بِخَشْمَكْ تَشْهَدْ لِعِيسَى وَ تُقُولْ هُو الرَّبّ وَ فِي قَلْبَكْ تِآمِنْ كَدَرْ اللّٰهْ بَعَثَهْ مِنْ أُسْط الْمَيْتِينْ، بِمِثِلْ دَا تَنْجَى خَلَاصْ.

غَلاطِية 2:16

وَ بَيْدَا كُلَ، نَعَرْفُوا كَدَرْ اللّٰهْ مَا يَجْعَلْ أَيِّ نَادُمْ صَالِحْ أَشَانْ هُو يِتَابِعْ شُرُوطْ التَّوْرَاةْ. لَاكِنْ هُو يَجْعَلْ النَّادُمْ صَالِحْ كَنْ هُو مُؤمِنْ بِالْمَسِيحْ. وَ بِمِثِلْ دَا، أَنِحْنَ آمَنَّا بِعِيسَى الْمَسِيحْ أَشَانْ اللّٰهْ يَجْعَلْنَا صَالِحِينْ بِسَبَبْ إِيمَانَّا بِالْمَسِيحْ وَ مَا أَشَانْ نِتَابُعُوا شُرُوطْ التَّوْرَاةْ. أَشَانْ مَا فِي إِنْسَانْ وَاحِدْ يَبْقَى صَالِحْ قِدَّامْ اللّٰهْ بِطَبِّقِينْ شُرُوطْ التَّوْرَاةْ.

عِبْرَانِيِّين 10:22

أَشَانْ دَا، خَلِّي نِقَرُّبُوا لِلّٰهْ بِقَلِبْ مُخْلِصْ وَ بِإِيمَانْ كَامِلْ، بِقُلُوبْنَا الْمُطَهَّرِينْ بِدَمَّهْ وَ أَجْسَامْنَا كَمَانْ مِثِلْ نَضَّفْنَاهُمْ بِالْأَلْمِي الصَّافِي.

لُوقا 8:15

وَ التَّيْرَابْ الْوَقَعْ فِي التُّرَابْ الْعَدِيلْ يِمَثِّلْ النَّاسْ الْيَسْمَعَوْا كَلَامْ اللّٰهْ وَ يَكُرْبُوهْ بِحَقّ وَ قَلِبْ عَدِيلْ. وَ يَصْبُرُوا وَ يِجِيبُوا نَتِيجَةْ عَدِيلَةْ.

عِبْرَانِيِّين 3:12

يَا أَخْوَانِي، خُطُّوا بَالْكُو أَشَانْ قَلِبْ هَنَا أَيِّ نَادُمْ مَا يَبْقَى فَسِلْ وَ يَابَى الْإِيمَانْ وَ يَمْرُقْ مِنْ دَرِبْ اللّٰهْ الْحَيّ.

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.

رُؤية 2:13

أَنَا نَعَرِفْ الْبَكَانْ الْإِنْتُو سَاكْنِينْ فَوْقَهْ وَ هُو الْبَكَانْ الْإِبْلِيسْ خَطَّ فَوْقَهْ كُرْسِي حَقَّهْ. وَ إِنْتُو مُنْكَرِبِينْ فِي أُسْمِي. وَ إِنْتُو مَا نَكَرْتُوا إِيمَانْكُو بَيِّ وَكِتْ كَتَلَوْا أَنْتِبَاسْ فِي أُسُطْكُو وَ هُو شَهَدْ لَيِّ شَهَادَةْ ثَابْتَةْ فِي الْبَكَانْ الْإِبْلِيسْ سَاكِنْ فَوْقَهْ.

مَرْخُوس 9:23

وَ عِيسَى قَالْ: «إِنْتَ قُلْت كَنْ مَا قَاسِي لَيِّ. وَ أَنَا نُقُولْ كَنْ نَادُمْ عِنْدَهْ إِيمَانْ، مَا فِي شَيّءْ قَاسِي لَيَّهْ.»

رَوْمَا 10:11

الْكِتَابْ بُقُولْ: <أَيِّ نَادُمْ الْيِآمِنْ بَيَّهْ أَبَداً مَا يَخْجَلْ.>

أعمال الرُسُل 8:37

وَ فِلِبُّسْ رَدَّ لَيَّهْ وَ قَالْ: «نِغَطِّسَكْ كَنْ آمَنْت بِكُلَّ قَلْبَكْ.» وَ هُو قَالْ: «أَنَا مُؤمِنْ بِعِيسَى الْمَسِيحْ. هُو إِبْن اللّٰهْ.»