رَوْمَا 1:16 - الكتاب المقدس بالعربي الدارجي هنا تشاد

¹⁶ أَشَانْ وَكِتْ أَنَا نِبَشِّرْ بِشَارَةْ الْمَسِيحْ، دَا مَا عِنْدَهْ لَيِّ عَيْب. وَ بِشَارَةْ الْمَسِيحْ، هِي قُدْرَةْ اللّٰهْ الْبَيْهَا يِنَجِّي كُلَّ النَّاسْ الْيِآمُنُوا بَيَّهْ، أَوَّلْ كَيْ الْيَهُودْ وَ بَتَّانْ الْمَا يَهُودْ.

رَوْمَا 1:16 Referenca të Kryqëzuara

مَرْخُوس 8:38

أَكِيدْ نَاسْ الْوَكِتْ الْحَالِي مُذْنِبِينْ وَ خَايْنِينْ. وَ أَيِّ نَادُمْ الْيَنْكُرْنِي بِسَبَبْ الْعَيْب الْيَلْقَاهْ مِنْهُمْ، أَنَا إِبْن الْإِنْسَانْ نَنْكُرَهْ وَكِتْ نِقَبِّلْ بِقُدْرَةْ أَبُويِ اللّٰهْ الْمَجِيدَةْ مَعَ مَلَائِكَتَهْ الْمُقَدَّسِينْ.»

2 تِمُوتَاوُس 1:8

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

1 بُطْرُس 4:16

وَ لَاكِنْ كَنْ يِتَعُّبُوهْ أَشَانْ هُو مَسِيحِي بَسْ، خَلِّي مَا يَخْجَلْ. فِي بَدَلَهْ، خَلِّي يِمَجِّدْ اللّٰهْ أَشَانْ النَّاسْ جَعَلَوْه نَادُمْ هَنَا الْمَسِيحْ.

2 تِمُوتَاوُس 1:12

وَ أَشَانْ دَا بَسْ، أَنَا قَاعِدْ نَتْعَبْ مِثِلْ دَا. لَاكِنْ الْعَيْب أَبَداً مَا سَوَّانِي أَشَانْ هُو الْأَنَا آمَنْت بَيَّهْ نَعَرْفَهْ تَمَامْ. وَ أَنَا مُؤَكِّدْ كَدَرْ هُو قَادِرْ وَ يَحْفَضْ الْأَمَانَةْ الْأَنْطَيْتهَا لَيَّهْ لَحَدِّي الْيَوْم الْأَخِيرْ.

لُوقا 9:26

وَ أَيِّ نَادُمْ الْيَنْكُرْنِي بِسَبَبْ الْعَيْب الْيَلْقَى مِنْ النَّاسْ، أَنَا إِبْن الْإِنْسَانْ نَنْكُرَهْ وَكِتْ نِقَبِّلْ بِقُدُرْتِي الْمَجِيدَةْ وَ بِقُدْرَةْ الْمَجِيدَةْ هَنَا أَبُويِ اللّٰهْ وَ مَلَائِكَتَهْ الْمُقَدَّسِينْ.

2 كُرُنْتُس 4:4

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

1 كُرُنْتُس 2:4

وَ كَلَّمْت لَيْكُو بِتَعْلِيمْ هَيِّنْ وَ مَا جِبْتُكُو فِي الدَّرِبْ بِكَلَامْ الْيِرَضِّيكُو وَ لَا بِحِكْمَةْ إِنْسَانِي وَ لَاكِنْ كَلَّمْت لَيْكُو بِكَلَامْ الْعِنْدَهْ قُدْرَةْ الْجَايِ مِنْ الرُّوحْ الْقُدُّوسْ.

1 كُرُنْتُس 2:2

وَ شِلْت نِيَّةْ أَشَانْ نِكَلِّمْ لَيْكُو مِثِلْ مَا نَعَرِفْ شَيّءْ إِلَّا عِيسَى الْمَسِيحْ وَ مَوْتَهْ فِي الصَّلِيبْ.

رَوْمَا 10:17

خَلَاصْ، النَّاسْ مَا يَبْقَوْا مُؤمِنِينْ بِالْمَسِيحْ إِلَّا كَنْ يَسْمَعَوْا الْبِشَارَةْ وَ مَا يَسْمَعَوْا الْبِشَارَةْ إِلَّا كَنْ نَادُمْ يِبَلِّغْهَا لَيْهُمْ.

عِبْرَانِيِّين 4:12

كَلَامْ اللّٰهْ حَيّ وَ قَادِرْ وَ طَرِينْ زِيَادَةْ مِنْ السَّيْف الْمُطَرَّقْ مِنْ جَايْ وَ جَايْ. هُو يَقْطَعْ دَاخَلْ فِي النَّادُمْ مَرَّةْ وَاحِدْ لَحَدِّي يَلْحَقْ الْبَكَانْ الْفَوْقَهْ النَّفَسْ وَ الرُّوحْ، وَ الْعُضَامْ وَ الْمُشَاشْ. كَلَامْ اللّٰهْ يِمَيِّزْ الْأَفْكَارْ وَ النِّيَّةْ فِي قَلِبْ الْإِنْسَانْ.

1 كُرُنْتُس 15:2

وَ بِالْبِشَارَةْ دِي، تَنْجَوْا كَنْ تَكُرْبُوا قَوِي الْكَلَامْ الْبَلَّغْتَهْ لَيْكُو. وَ كَنْ مَا تَكُرْبُوهْ، إِيمَانْكُو دَا بَاطِلْ.

إرْمِيا 23:29

«وَ كَلَامِي هُو مِثِلْ نَارْ وَ مِثِلْ مِطْرَقَةْ التِّكَسِّرْ الْحَجَرْ.» وَ دَا كَلَامْ اللّٰهْ.

غَلاطِية 1:7

وَ بِالصَّحِيحْ، مَا فِي بِشَارَةْ آخَرَةْ لَاكِنْ نَاسْ وَاحِدِينْ قَمَّوْا يِبَرْجُلُوكُو بِكَلَامْهُمْ وَ يِدَوْرُوا يِتَلُّفُوا بِشَارَةْ الْمَسِيحْ.

رَوْمَا 2:9

اللّٰهْ يِنَزِّلْ تَعَبْ شَدِيدْ وَ عَذَابْ فِي أَيِّ إِنْسَانْ الْيِسَوِّي الْفَسَالَةْ، أَوَّلْ كَيْ فِي الْيَهُودْ وَ بَتَّانْ فِي الْمَا يَهُودْ كُلَ.

أعمال الرُسُل 3:26

وَ اللّٰهْ رَسَّلْ عَبْدَهْ عِيسَى لَيْكُو إِنْتُو أَوَّلْ، قُبَّالْ الْأُمَمْ الْآخَرِينْ، أَشَانْ يِبَارِكُّو وَ يِقَبِّلْ أَيِّ وَاحِدْ مِنْ الدَّرِبْ الْفَسِلْ.»

زَبُور 119:46

وَ نِحَجِّي بِوَصِيَّاتَكْ قِدَّامْ الْمُلُوكْ وَ نَقْعُدْ بَلَا عَيْب.

1 تَسَلونِيكِي 2:13

وَ فِي شَانْ دَا، نَشْكُرُوا اللّٰهْ دَايْماً أَشَانْ وَكِتْ سِمِعْتُوا مِنِّنَا كَلَامْ اللّٰهْ، إِنْتُو كَرَبْتُوهْ قَوِي. قِبِلْتُوهْ مَا مِثِلْ كَلَامْ إِنْسَانِي بَسْ لَاكِنْ قِبِلْتُوهْ مِثِلْ كَلَامْ اللّٰهْ. وَ بِالصَّحِيحْ، هُو كَلَامْ اللّٰهْ وَ قَاعِدْ يِسَوِّي خِدِمْتَهْ فِي قُلُوبْكُو إِنْتُو الْمُؤمِنِينْ.

إشَعْيا 53:1

يَاتُو الْآمَنْ بِالْخَبَّرَوْنَا بَيَّهْ؟ وَ قُدْرَةْ اللّٰهْ بَانَتْ لِيَاتُو؟

1 تِمُوتَاوُس 1:11

وَ التَّعْلِيمْ هُو عَدِيلْ كَنْ يِوَافِقْ مَعَ الْبِشَارَةْ الْاللّٰهْ كَلَّفَانِي بَيْهَا أَشَانْ نِبَلِّغْهَا. وَ هِي الْبِشَارَةْ الْمَجِيدَةْ الْمِنْ اللّٰهْ الْوَاجِبْ لَيَّهْ الشُّكُرْ.

2 كُرُنْتُس 9:13

وَ نَاسْ كَتِيرِينْ يِمَجُّدُوا اللّٰهْ. أَشَانْ الْخِدْمَةْ دِي، هِي الدَّلِيلْ الْيِوَصِّفْ كَدَرْ إِنْتُو مُؤمِنِينْ بِبِشَارَةْ الْمَسِيحْ وَ تِتَابُعُوهْ عَدِيلْ. وَ يِمَجُّدُوا اللّٰهْ أَشَانْ أَنْطَيْتُوهُمْ وَ أَنْطَيْتُوا لِنَاسْ آخَرِينْ بِجُودْ.

2 كُرُنْتُس 2:12

وَ مَشَيْت فِي حِلَّةْ تُرُوَاسْ أَشَانْ نِبَلِّغْ بِشَارَةْ الْمَسِيحْ. وَ وَكِتْ وِصِلْت، رَبِّنَا فَتَحْ لَيِّ الْبَابْ أَشَانْ نِبَشِّرْ.

1 كُرُنْتُس 9:18

وَ بِمِثِلْ دَا، أُجُرْتِي شُنُو؟ كَنْ النَّاسْ النِّبَلِّغْ لَيْهُمْ الْبِشَارَةْ مَا يِكَفُّوا شَيّءْ أَشَانْ أَنَا أَبَيْت مَا نِشِيلْ الْعِنْدِي فَوْقَهْ حَقّ مِنْ بَلِّغِينْ الْبِشَارَةْ، خَلَاصْ دِي بَسْ أُجُرْتِي. وَ أَنَا فَرْحَانْ بِلْحَيْن.

1 كُرُنْتُس 9:12

وَ كَنْ فِي نَاسْ آخَرِينْ عِنْدُهُمْ حَقّ يِشِيلُوا مِنْكُو، أَنِحْنَ كُلَ عِنْدِنَا حَقّ زِيَادَةْ. لَاكِنْ أَنِحْنَ مَا شِلْنَا شَيّءْ الْعِنْدِنَا فَوْقَهْ حَقّ. لَا. بِصَبُرْ تِعِبْنَا كَتِيرْ أَشَانْ التَّعَبْ أَخَيْر لَيْنَا مِنْ نِسَوُّوا أَيِّ شَيّءْ الْيِسِدّ الدَّرِبْ لِبَلِّغِينْ بِشَارَةْ الْمَسِيحْ.

رَوْمَا 15:29

وَ نَعَرِفْ كَدَرْ وَكِتْ نَلْحَقْ بَكَانْكُو دَا، نَجِيكُو مَلَانْ بِبَرَكَةْ الْمَسِيحْ الْخَاصَّة لَيْكُو.

رَوْمَا 15:19

وَ بِقُدْرَةْ الْعَجَايِبْ وَ الْعَلَامَاتْ وَ بِقُدْرَةْ الرُّوحْ الْقُدُّوسْ. وَ مِثِلْ دَا، أَنَا بَلَّغْت بِشَارَةْ الْمَسِيحْ لِلنَّاسْ فِي كُلِّ بَكَانْ مِنْ مَدِينَةْ الْقُدُسْ لَحَدِّي بَلَدْ إِلِّرْكُونْ.

2 تِمُوتَاوُس 1:16

خَلِّي رَبِّنَا يَرْحَمْ نَاسْ بَيْت أَخُونَا وَانِي سِفِرُسْ أَشَانْ هُو جَاءْ لَيِّ فِي السِّجِنْ وَ شَجَّعَانِي كَتِيرْ. جَنَازِيرِي أَبَداً مَا سَوَّوْا لَيَّهْ عَيْب.

رَوْمَا 4:11

وَ اللّٰهْ أَنْطَى عَلَامَةْ الطَّهُورَةْ لِإِبْرَاهِيمْ أَشَانْ يِوَصِّفْ كَدَرْ قُبَّالْ مَا يِطَهُّرُوهْ، هُو بِقِي صَالِحْ بِسَبَبْ إِيمَانَهْ. وَ بِمِثِلْ دَا، إِبْرَاهِيمْ بِقِي أَبُو كُلَّ النَّاسْ الْاللّٰهْ جَعَلَاهُمْ صَالِحِينْ بِسَبَبْ إِيمَانْهُمْ حَتَّى كَانْ هُمَّنْ مَا مُطَهَّرِينْ كُلَ.

زَبُور 110:2

يَا سِيدِي! مِنْ عَاصِمَتَكْ صَهْيُون، اللّٰهْ يِوَسِّعْ مُلْكَكْ وَ تَحْكِمْ فِي عُدْوَانَكْ.

يُوحَنَّا 7:35

وَ الْيَهُودْ حَجَّوْا أَمْبَيْنَاتْهُمْ وَ قَالَوْا: «وَيْن الْبَكَانْ الْيِدَوْر يَمْشِي فَوْقَهْ وَ أَنِحْنَ مَا نَقْدَرَوْا نَلْقَوْه؟ هَلْ هُو يِدَوْر يِسَافِرْ لِلْيَهُودْ الْمُشَتَّتِينْ أَجَانِبْ فِي بُلْدَانْ الْيُونَانِيِّينْ وَلَّا؟ هُو يِدَوْر يِعَلِّمْ الْيُونَانِيِّينْ وَلَّا؟