رَوْمَا 1:13 - الكتاب المقدس بالعربي الدارجي هنا تشاد

¹³ يَا أَخْوَانِي، نِدَوْر إِنْتُو تَعَرْفُوا كَدَرْ أَنَا حَاوَلْت عِدَّةْ مَرَّاتْ نَجِيكُو. نِدَوْر كَدَرْ خِدِمْتِي تَنْطِيكُو نَتِيجَةْ مِثِلْ أَنْطَتْ نَتِيجَةْ لِلنَّاسْ الْآخَرِينْ الْفِي دِيَارْ هَنَا الْمَا يَهُودْ. لَاكِنْ مَا قِدِرْت نَجِيكُو لَحَدِّي الْيَوْم.

رَوْمَا 1:13 Referenca të Kryqëzuara

أعمال الرُسُل 19:21

وَ بَعَدْ دَا، بُولُسْ شَالْ نِيَّةْ أَشَانْ يَمْشِي فِي مَدِينَةْ الْقُدُسْ. وَ قُبَّالْ مَا يَمْشِي هِنَاكْ، دَوَّرْ يَمْشِي فِي مَقِدُونِيَةْ وَ أَخَايَةْ وَ قَالْ: «نَمْشِي فِي مَدِينَةْ الْقُدُسْ وَ بَعَدْ دَا، وَاجِبْ نَمْشِي فِي مَدِينَةْ رَوْمَا كُلَ.»

فِلِبِّي 4:17

قُلْت الْكَلَامْ دَا، مَا أَشَانْ نِدَوْر مِنْكُو مُسَاعَدَةْ بَتَّانْ لَاكِنْ أَشَانْ أَيِّ شَيّءْ التَّنْطُوهْ فِي شَانْ رَبِّنَا، هُو يَقْبَلَهْ وَ يُخُطَّهْ فِي مَخَزَنْ الْحَسَنَاتْ.

2 تِمُوتَاوُس 4:17

لَاكِنْ رَبِّنَا وَقَفْ مَعَايِ وَ أَنْطَانِي قُدْرَةْ وَ بَيْهَا بَلَّغْت الْبِشَارَةْ كُلَّهَا كَيْ وَ نَاسْ مِنْ كُلَّ الْأُمَمْ سِمْعَوْهَا. وَ فِي الْيَوْم دَا، أَنَا مِثِلْ نَادُمْ الدُّودْ يِدَوْر يَاكُلَهْ لَاكِنْ الرَّبّ نَجَّانِي مِنْ الْمَوْت.

1 تَسَلونِيكِي 4:13

يَا أَخْوَانِي، نِدَوْرُوا نِأَوْرُوكُو بِحَالَةْ الْمُؤمِنِينْ الْأَتْوَفَّوْا أَشَانْ مَا تَحْزَنَوْا مِثِلْ النَّاسْ الْمَا عِنْدُهُمْ عَشَمْ فِي رَبِّنَا.

1 تَسَلونِيكِي 2:18

دَوَّرْنَا نِقَبُّلُوا لَيْكُو، خَاصَّةً أَنَا بُولُسْ. حَاوَلْنَا نَمْشُوا لَيْكُو عِدَّةْ مَرَّاتْ لَاكِنْ إِبْلِيسْ سَدَّ لَيْنَا الدَّرِبْ.

2 كُرُنْتُس 1:8

يَا أَخْوَانِي، نِدَوْرُوا نِعَرُّفُوكُو بِالضِّيقَةْ الْجَاتْ فَوْقنَا فِي بَلَدْ آسِيَا. وَ الضِّيقَةْ دِي شَدِيدَةْ بِلْحَيْن وَ فَاتَتْ قُدْرِتْنَا لَحَدِّي قُلْنَا مُتْنَا خَلَاصْ.

1 كُرُنْتُس 12:1

يَا أَخْوَانِي، فِي الشَّيّءْ الْبُخُصّ بَرَكَاتْ الرُّوحْ الْقُدُّوسْ، نِدَوْر إِنْتُو تَفْهَمَوْا عَدِيلْ.

1 كُرُنْتُس 10:1

يَا أَخْوَانِي، نِدَوْر إِنْتُو تَعَرْفُوا مَعَنَى الشَّيّءْ الْبِقِي فِي زَمَنْ مُوسَى. فِي الْوَكِتْ دَاكْ، كُلَّ جُدُودْنَا كَانَوْا تِحِتْ السَّحَابَايْ وَ كُلُّهُمْ شَقَّوْا الْبَحَرْ.

كُلُوسِي 1:6

وَ بِشَارَةْ الْمَسِيحْ قَاعِدَةْ تِجِيبْ نَتِيجَةْ وَ تِلْوَزَّعْ فِي الدُّنْيَا. وَ دَا مِثِلْ هِي قَاعِدَةْ تِسَوِّيهْ فِي أُسُطْكُو مِنْ يَوْم إِنْتُو سِمِعْتُوا بِنِعْمَةْ اللّٰهْ وَ عِرِفْتُوهَا بِصَحِيحْ.

رَوْمَا 11:25

يَا أَخْوَانِي، نِدَوْر نِأَوْرِيكُو بِسِرّ وَاحِدْ الْاللّٰهْ بَيَّنَهْ لَيِّ. نِأَوْرِيكُو بَيَّهْ أَشَانْ كَنْ فِهِمْتُوهْ عَدِيلْ، مَا تِسْتَكْبَرَوْا فِي أَفْكَارْكُو. وَاحِدِينْ مِنْ بَنِي إِسْرَائِيلْ بِقَوْا عَاصِيِينْ وَ مَا يِآمُنُوا بِعِيسَى الْمَسِيحْ. وَ عِصْيَانْهُمْ دَا يُدُومْ لَحَدِّي عَدَدْ الْمُؤمِنِينْ مِنْ الْأُمَمْ يَلْحَقْ الْعَدَدْ الْاللّٰهْ يِدَوْرَهْ.

يُوحَنَّا 15:16

إِنْتُو مَا عَزَلْتُونِي. أَنَا بَسْ عَزَلْتُكُو وَ رَسَّلْتُكُو أَشَانْ تَبْقَوْا مِثِلْ شَدَرَةْ تَلْدَوْا فَوَاكِهْ، وَ فَوَاكِهْكُو يَقْعُدُوا إِلَى الْأَبَدْ. وَ أَيِّ شَيّءْ التَّسْأَلَوْه مِنْ أَبُويِ بِأُسْمِي، هُو يَنْطِيكُو.

يُوحَنَّا 4:36

هَسَّعْ بَسْ الْخَدَّامْ الْيَقْطَعْ الْغَلَّةْ يَلْقَى أُجُرْتَهْ وَ يِلِمّ الْغَلَّةْ وَ يَخْزِنْهَا لِلْآخِرَةْ. وَ بِمِثِلْ دَا، النَّادُمْ الْيِتَيْرِبْ وَ النَّادُمْ الْيَقْطَعْ، يَفْرَحَوْا سَوَا.

2 تَسَلونِيكِي 2:7

وَ هَسَّعْ كُلَ، قُدْرَةْ نَاكِرْ الْحَقّ قَاعِدَةْ تَخْدِمْ بِتَلْبِيدْ. وَ هُو مَا يِبِينْ لَحَدِّي الْيَدْحَرَهْ يَرْفَعَوْه مِنَّهْ.

2 كُرُنْتُس 2:14

وَ الْحَمْدُ للّٰهْ! اللّٰهْ قَاعِدْ دَايْماً يُقُودْنَا فِي مَجْمُوعَةْ التَّفْرَحْ بِالنَّصُرْ هَنَا الْمَسِيحْ. وَ فِي أَيِّ بَكَانْ، هُو يِوَزِّعْ بَيْنَا عِرْفَةْ اللّٰهْ الْمِثِلْ رِيحَةْ حَلُوَّةْ.

1 كُرُنْتُس 9:2

كَنْ فِي فِكِرْ النَّاسْ الْآخَرِينْ أَنَا مَا رَسُولْ كُلَ، أَكِيدْ لَيْكُو إِنْتُو أَنَا رَسُولْ أَشَانْ الْعَلَاقَةْ الْعِنْدُكُو مَعَ رَبِّنَا هِي ذَاتْهَا الدَّلِيلْ الْيِثَبِّتْ كَدَرْ أَنَا رَسُولْ بِالصَّحِيحْ.

أعمال الرُسُل 21:19

وَ بُولُسْ سَلَّمَاهُمْ وَ وَضَّحْ كُلَّ الشَّيّءْ الْاللّٰهْ سَوَّاهْ بِوَاسِطَةْ خِدِمْتَهْ فِي أُسْط النَّاسْ الْمَا يَهُودْ.

أعمال الرُسُل 15:12

وَ خَلَاصْ، كُلَّ النَّاسْ اللَّامِّينْ سَكَتَوْا وَ بَدَوْا يَسْمَعَوْا كَلَامْ بَرْنَابَا وَ بُولُسْ. وَ هُمَّنْ أَوْرَوْهُمْ بِالْعَلَامَاتْ وَ الْعَجَايِبْ الْاللّٰهْ سَوَّاهُمْ بِوَاسِطَتْهُمْ فِي أُسْط النَّاسْ الْمَا يَهُودْ.

أعمال الرُسُل 14:27

وَ وَكِتْ وِصْلَوْا خَلَاصْ، نَادَوْا كُلَّ جَمَاعَةْ الْمُؤمِنِينْ يِلِمُّوا. وَ أَوْرَوْهُمْ بِكُلَّ شَيّءْ الْاللّٰهْ سَوَّاهْ بَيْهُمْ وَ كِكَّيْف اللّٰهْ فَتَحْ دَرِبْ الْإِيمَانْ لِلنَّاسْ الْمَا يَهُودْ.

يُوحَنَّا 12:24

أَسْمَعَوْا نُقُولْ لَيْكُو الْحَقّ، كَنْ حَبَّةْ هَنَا تَيْرَابْ الْقَمَحْ مَا تَقَعْ فِي التُّرَابْ وَ مَا تُمُوتْ، هِي تَقْعُدْ حَبَّةْ وَاحِدَةْ بَسْ. وَ لَاكِنْ كَنْ هِي تُمُوتْ، تَلْدَ عِيَالْ كَتِيرْ.

إشَعْيا 27:6

وَ فِي الْمُسْتَقْبَلْ، ذُرِّيَّةْ يَعْقُوبْ يِسَوُّوا عُرُوقْ. بَنِي إِسْرَائِيلْ يَبْقَوْا مِثِلْ شَدَرَةْ، يِخَضُّرُوا وَ يِنَوُّرُوا وَ يَمْلَوْا الْعَالَمْ بِفَوَاكِهُّمْ.

أعمال الرُسُل 1:15

وَ يَوْم وَاحِدْ، بُطْرُسْ قَمَّ فِي أُسْط الْأَخْوَانْ. عَدَدْهُمْ مِثِلْ 120 نَادُمْ. وَ هُو كَلَّمْ لَيْهُمْ وَ قَالْ:

أعمال الرُسُل 28:14

نَزَلْنَا وَ مَشَيْنَا لِقِينَا أَخْوَانْ مُؤمِنِينْ وَ هُمَّنْ ضَيَّفَوْنَا وَ قَعَدْنَا مَعَاهُمْ سَبْعَةْ يَوْم. وَ خَلَاصْ، وِصِلْنَا فِي رَوْمَا.

رَوْمَا 1:12

وَ زِيَادَةْ مِنْ دَا، نِدَوْر نَجِي فِي أُسُطْكُو أَشَانْ بِإِيمَانْكُو وَ إِيمَانِي، كُلِّنَا نَلْقَوْا شَجَاعَةْ.

رَوْمَا 7:1

يَا أَخْوَانِي، إِنْتُو النِّحَجِّي لَيْكُو تَعَرْفُوا شُرُوطْ التَّوْرَاةْ. وَ أَكِيدْ تَعَرْفُوا كَدَرْ شُرُوطْ التَّوْرَاةْ عِنْدُهُمْ قُدْرَةْ فِي النَّادُمْ وَكِتْ هُو حَيّ بَسْ.

1 كُرُنْتُس 1:10

يَا أَخْوَانِي، أَنَا نِوَصِّيكُو بِأُسُمْ رَبِّنَا عِيسَى الْمَسِيحْ أَشَانْ كَلَامْكُو يَبْقَى وَاحِدْ لَحَدِّي مَا تِنْقَسْمُوا. وَ خَلِّي قَلِبْكُو يَبْقَى وَاحِدْ وَ فِكِرْكُو يَبْقَى وَاحِدْ.

1 كُرُنْتُس 14:20

يَا أَخْوَانِي، خَلِّي فِكِرْكُو مَا يَبْقَى مِثِلْ فِكِرْ هَنَا الْعِيَالْ الدُّقَاقْ. خَلِّي أَيِّ نَادُمْ يَبْقَى بَرِي مِثِلْ الطِّفِلْ فِي الشَّيّءْ الْبُخُصّ الشَّرّ. لَاكِنْ خَلِّي فِكِرْكُو يَبْقَى فِكِرْ هَنَا النَّادُمْ الْعَاقِلْ.

1 كُرُنْتُس 14:26

وَ بِمِثِلْ دَا، يَا أَخْوَانِي، شُنُو الْوَاجِبْ؟ وَكِتْ تِلِمُّوا، خَلِّي أَيِّ نَادُمْ يِجِيبْ الشَّيّءْ الْعِنْدَهْ. نَادُمْ وَاحِدْ عِنْدَهْ غِنَيْ وَ نَادُمْ آخَرْ عِنْدَهْ تَعْلِيمْ وَ آخَرْ عِنْدَهْ الشَّيّءْ الْاللّٰهْ وَصَّفَهْ لَيَّهْ فِي رُؤْيَةْ وَ آخَرْ عِنْدَهْ كَلَامْ بِلُغَّاتْ وَ الْآخَرْ عِنْدَهْ تَفْسِيرْ الْكَلَامْ دَا. وَ خَلَاصْ، كُلَّ شَيّءْ التِّسَوُّوهْ وَاجِبْ يِقَوِّي الْأَخْوَانْ.

غَلاطِية 3:15

يَا أَخْوَانِي، نَنْطِيكُو مَثَلْ فِي الشَّيّءْ الْيِسَوُّوهْ النَّاسْ. كَنْ نَاسَيْن عِنْدُهُمْ مُعَاهَدَةْ وَ أَسْتَفَقَوْا فِي شَيّءْ وَاحِدْ وَ مَضَوْا فَوْقَهْ خَلَاصْ، مَا فِي نَادُمْ الْيَقْدَرْ يِبَطِّلَهْ وَلَّا يِزِيدْ فَوْقَهْ شَيّءْ.

غَلاطِية 6:18

يَا أَخْوَانِي، عَلَيْكُمْ رَحْمَةْ رَبِّنَا عِيسَى الْمَسِيحْ. آمِينْ.

فِلِبِّي 1:22

وَ كَنْ اللّٰهْ يِدَوْر مَا نِفَارِقْ الدُّنْيَا دِي، خَلَاصْ أَنَا نَخْدِمْ خِدْمَةْ سَمْحَةْ لِلْمَسِيحْ. لَاكِنْ بَيْن الْحَيَاةْ وَ الْمَوْت، مَا نَعَرِفْ نِشِيلْ وَيْنُو.

كُلُوسِي 1:10

وَ مِثِلْ دَا، تَعَرْفُوا كِكَّيْف تِعِيشُوا بِحَالْ الْوَاجْبَةْ لِنَاسْ الرَّبّ وَ تِسَوُّوا دَايْماً الشَّيّءْ الْهُو يَرْضَى بَيَّهْ وَ تِسَوُّوا كُلَّ عَمَلْ الْخَيْر وَ تَعَرْفُوا اللّٰهْ بِزِيَادَةْ.