رَوْمَا 1:12 - الكتاب المقدس بالعربي الدارجي هنا تشاد

¹² وَ زِيَادَةْ مِنْ دَا، نِدَوْر نَجِي فِي أُسُطْكُو أَشَانْ بِإِيمَانْكُو وَ إِيمَانِي، كُلِّنَا نَلْقَوْا شَجَاعَةْ.

رَوْمَا 1:12 Referenca të Kryqëzuara

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

تِيطُس 1:4

وَ نَكْتِبْ لَيْك إِنْتَ، يَا تِيطُسْ، الْبِقِيتْ وِلَيْدِي الصَّحِيحْ بِالْإِيمَانْ النِّشَارُكُوا فَوْقَهْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ عِيسَى الْمَسِيحْ مُنَجِّينَا.

2 كُرُنْتُس 7:13

وَ دَا شَجَّعَانَا بِلْحَيْن. فِرِحْنَا بِسَبَبْ الشَّجَاعَةْ اللِّقِينَاهَا دِي. وَ فِرِحْنَا زِيَادَةْ بِفَرْحَةْ تِيطُسْ أَشَانْ أَوَّلْ قَلْبَهْ مُعَلَّقْ وَ إِنْتُو رَقَّدْتُوا قَلْبَهْ مَرَّةْ وَاحِدْ.

رَوْمَا 15:32

وَ مِثِلْ دَا، إِنْ شَاءْ اللّٰهْ نَجِيكُو بِفَرَحْ وَ نِنْجَمَّ مَعَاكُو شِيَّةْ.

أعمال الرُسُل 11:23

وَ بَرْنَابَا وِصِلْ فِي أَنْطَاكِيَةْ وَ شَافْ الْبَرَكَةْ الْاللّٰهْ أَنْطَاهُمْ. وَ هُو فَرْحَانْ مِنْهُمْ وَ شَجَّعَاهُمْ كُلُّهُمْ أَشَانْ يَقْعُدُوا ثَابْتِينْ فِي الرَّبّ بِنِيَّةْ وَاحِدَةْ.

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

2 يُوحَنَّا 1:4

أَنَا بِقِيتْ فَرْحَانْ مَرَّةْ وَاحِدْ وَكِتْ لَمَّيْت مَعَ وَاحِدِينْ مِنْ عِيَالْكِ وَ شِفْتُهُمْ مَاشِينْ فِي الْحَقّ مِثِلْ أَبُونَا أَمَرَانَا بَيَّهْ.

2 تِمُوتَاوُس 1:4

نِفَكِّرْ فِي دُمُوعَكْ وَ نَقْرَمْ لَيْك. نِدَوْر نِشِيفَكْ بَتَّانْ أَشَانْ نِنْمَلِي بِالْفَرْحَةْ.

أفَسُس 4:5

وَ رَبِّنَا هُو وَاحِدْ وَ إِيمَانَّا وَاحِدْ وَ غَطِّسِينَّا كُلَ وَاحِدْ.

رَوْمَا 15:24

وَ خَلَاصْ، نَقْدَرْ نَخْشَاكُو وَكِتْ نَمْشِي إِسْبَانِيَا. إِنْ شَاءْ اللّٰهْ، نَجِيكُو وَ نَقْعُدْ مَعَاكُو أَيَّامْ وَ دَا يَبْقَى لَيِّ حَلُو. وَ بَعَدْ دَا، تِسَاعُدُونِي أَشَانْ نِسَافِرْ قِدَّامْ.

رَوْمَا 1:11

نِدَوْر بِلْحَيْن نُزُورْكُو وَ نَنْطِيكُو بَرَكَةْ بِقُدْرَةْ الرُّوحْ الْقُدُّوسْ أَشَانْ نِشَجِّعْكُو.

رَوْمَا 1:13

يَا أَخْوَانِي، نِدَوْر إِنْتُو تَعَرْفُوا كَدَرْ أَنَا حَاوَلْت عِدَّةْ مَرَّاتْ نَجِيكُو. نِدَوْر كَدَرْ خِدِمْتِي تَنْطِيكُو نَتِيجَةْ مِثِلْ أَنْطَتْ نَتِيجَةْ لِلنَّاسْ الْآخَرِينْ الْفِي دِيَارْ هَنَا الْمَا يَهُودْ. لَاكِنْ مَا قِدِرْت نَجِيكُو لَحَدِّي الْيَوْم.