رَوْمَا 1:11 - الكتاب المقدس بالعربي الدارجي هنا تشاد

¹¹ نِدَوْر بِلْحَيْن نُزُورْكُو وَ نَنْطِيكُو بَرَكَةْ بِقُدْرَةْ الرُّوحْ الْقُدُّوسْ أَشَانْ نِشَجِّعْكُو.

رَوْمَا 1:11 Referenca të Kryqëzuara

2 بُطْرُس 1:12

أَكِيدْ تَعَرْفُوا الْكَلَامْ دَا وَ قَاعِدِينْ ثَابْتِينْ فِي الْحَقّ الْبَلَّغَوْه لَيْكُو. وَ لَاكِنْ نِدَوْر دَايْماً نِذَكِّرْكُو بَيَّهْ.

رَوْمَا 16:25

وَ خَلَاصْ نَشْكُرُوا اللّٰهْ! أَشَانْ هُو يَقْدَرْ يِقَوِّيكُو فِي الْإِيمَانْ بِبِشَارَةْ الْمَسِيحْ النِّجِيبْهَا لَيْكُو وَكِتْ نِبَلِّغْ بِعِيسَى الْمَسِيحْ. وَ بِالْبِشَارَةْ دِي، اللّٰهْ يِعَرِّفْ السِّرّ الْمُلَبَّدْ مِنْ الزَّمَنْ الْفَاتْ.

2 تَسَلونِيكِي 3:3

لَاكِنْ رَبِّنَا هُو صَادِقْ وَ هُو يِقَوِّيكُو وَ يَحْفَضْكُو مِنْ إِبْلِيسْ الشَّرِيرْ.

رَوْمَا 15:29

وَ نَعَرِفْ كَدَرْ وَكِتْ نَلْحَقْ بَكَانْكُو دَا، نَجِيكُو مَلَانْ بِبَرَكَةْ الْمَسِيحْ الْخَاصَّة لَيْكُو.

1 بُطْرُس 5:12

وَ أَنَا كَتَبْت لَيْكُو الْجَوَابْ الْقِصَيِّرْ دَا مَعَ أَخُونَا سِيلَا وَ نَشْهَدْ لَيَّهْ، هُو أَخُو صَادِقْ. وَ كَتَبْتَهْ لَيْكُو أَشَانْ نِشَجِّعْكُو وَ نَشْهَدْ لَيْكُو كَدَرْ عِنْدُكُو نِعْمَةْ اللّٰهْ الصَّحِيحَةْ وَ إِنْتُو قَاعِدِينْ ثَابْتِينْ فَوْقهَا.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

2 تَسَلونِيكِي 2:17

خَلِّي يِشَجِّعْكُو بِزِيَادَةْ وَ يَنْطِيكُو قُدْرَةْ أَشَانْ تِسَوُّوا دَايْماً الْخَيْر فِي كَلَامْكُو وَ عَمَلْكُو.

أعمال الرُسُل 19:6

وَ وَكِتْ بُولُسْ خَطَّ إِيدَيْنَهْ فَوْقهُمْ، الرُّوحْ الْقُدُّوسْ نَزَلْ فَوْقهُمْ وَ حَجَّوْا بِلُغَّاتْ جَدِيدَةْ وَ أَتْنَبَّأَوْا.

أعمال الرُسُل 16:5

وَ بِمِثِلْ دَا، كُلَّ جَمَاعَاتْ الْمُؤمِنِينْ بِقَوْا قَوِيِّينْ فِي الْإِيمَانْ وَ كُلَّ يَوْم عَدَدْ نَاسْهُمْ قَاعِدْ يِزِيدْ.

2 أخبار 20:20

وَ الشَّعَبْ قَمَّوْا بِفَجُرْ بَدْرِي مَرَقَوْا وَ مَاشِينْ عَلَيْ صَحَرَاء تَقُوعَةْ. وَ وَكِتْ هُمَّنْ مَاشِينْ، يَهُوشَفَطْ وَقَفْ بِطُولَهْ وَ قَالْ: «أَسْمَعَوْنِي، يَا نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ. آمُنُوا بِاللّٰهْ إِلٰـهْكُو وَ تَقْعُدُوا ثَابْتِينْ. وَ آمُنُوا بِأَنْبِيَاء اللّٰهْ وَ تَنْجَحَوْا.»

1 تَسَلونِيكِي 3:13

وَ خَلِّي الرَّبّ يِثَبِّتْ قُلُوبْكُو أَشَانْ تُكُونُوا صَالِحِينْ وَ بَلَا عَيْب قِدَّامْ أَبُونَا اللّٰهْ فِي الْيَوْم الرَّبِّنَا عِيسَى يَجِي فَوْقَهْ مَعَ جَمَاعْتَهْ الصَّالِحِينْ.

1 تَسَلونِيكِي 3:2

وَ رَسَّلْنَا لَيْكُو أَخُونَا تِمُوتَاوُسْ الْيَخْدِمْ مَعَانَا سَوَا لِلّٰهْ فِي بَلِّغِينْ بِشَارَةْ الْمَسِيحْ. وَ رَسَّلْنَاهْ لِيِشَجِّعْكُو وَ يِقَوِّي إِيمَانْكُو

فِلِبِّي 4:1

يَا أَخْوَانِي النِّحِبُّكُو، أَنَا مُشْتَاقْ لَيْكُو كَتِيرْ وَ نَفْرَحْ بَيْكُو وَ فِي شَانْكُو إِنْتُو، نَرْفَعْ رَاسِي فَوْق. يَا الْمَحْبُوبِينْ، أَقْعُدُوا ثَابْتِينْ فِي رَبِّنَا عِيسَى.

فِلِبِّي 2:26

لَاكِنْ هُو قَاعِدْ يَقْرَمْ لَيْكُو كُلُّكُو وَ بِقِي لَيَّهْ قَاسِي أَشَانْ إِنْتُو سِمِعْتُوا خَبَرْ هَنَا مَرَضَهْ.

فِلِبِّي 1:8

وَ اللّٰهْ يَشْهَدْ لَيِّ، أَنَا قَرْمَانْ بِلْحَيْن لَيْكُو كُلُّكُو بِمَحَبَّةْ الْمَسِيحْ عِيسَى.

2 كُرُنْتُس 9:14

وَ يَسْأَلَوْا اللّٰهْ لَيْكُو وَ يِرِيدُوكُو بِمَحَبَّةْ شَدِيدَةْ بِسَبَبْ رَحْمَةْ اللّٰهْ الْعَظِيمَةْ الْأَنْطَاهَا لَيْكُو.

2 كُرُنْتُس 1:21

وَ اللّٰهْ بَسْ ثَبَّتَانَا مَعَاكُو فِي عَلَاقَةْ مَعَ الْمَسِيحْ. وَ هُو بَسْ الدَّرَّجَانَا لِخِدِمْتَهْ.

رَوْمَا 15:32

وَ مِثِلْ دَا، إِنْ شَاءْ اللّٰهْ نَجِيكُو بِفَرَحْ وَ نِنْجَمَّ مَعَاكُو شِيَّةْ.

رَوْمَا 15:23

لَاكِنْ هَسَّعْ مَا فَضَّلْ لَيِّ بَكَانْ فِي الْمَنَاطِقْ دَوْل النِّبَشِّرْ فَوْقَهْ. وَ مِنْ سِنِينْ كَتِيرِينْ، نِدَوْر نَجِيكُو.

أعمال الرُسُل 19:21

وَ بَعَدْ دَا، بُولُسْ شَالْ نِيَّةْ أَشَانْ يَمْشِي فِي مَدِينَةْ الْقُدُسْ. وَ قُبَّالْ مَا يَمْشِي هِنَاكْ، دَوَّرْ يَمْشِي فِي مَقِدُونِيَةْ وَ أَخَايَةْ وَ قَالْ: «نَمْشِي فِي مَدِينَةْ الْقُدُسْ وَ بَعَدْ دَا، وَاجِبْ نَمْشِي فِي مَدِينَةْ رَوْمَا كُلَ.»

2 صَمُوِيل 13:39

وَ الْمَلِكْ دَاوُدْ خَلَّى مِنَّهْ مُطَارَدَةْ أَبْشَلُومْ أَشَانْ صَبَّرَوْه فِي مَوْت وِلَيْدَهْ أَمْنُونْ.

عِبْرَانِيِّين 13:9

مَا تِخَلُّوا النَّاسْ الْجَايِينْ بِتَعْلِيمْ عَجِيبْ أَوْ شِقْ شِقْ يِوَدُّوكُو فِي دَرِبْ آخَرْ. أَخَيْر قَلِبْ الْإِنْسَانْ يَلْقَى قُدْرَةْ مِنْ رَحْمَةْ اللّٰهْ بَسْ وَ مَا مِنْ الْأَكِلْ الْخَاصّ. وَ النَّاسْ التَّابَعَوْا التَّعْلِيمْ دَا، مَا لِقَوْا مِنَّهْ فَايْدَةْ.

2 كُرُنْتُس 11:4

أَنَا خَايِفْ أَشَانْ كَنْ نَادُمْ يَمْشِي لَيْكُو وَ يِبَلِّغْ لَيْكُو بِعِيسَى آخَرْ شِقْ مِنْ عِيسَى الْأَنِحْنَ بَلَّغْنَاكُو بَيَّهْ، إِنْتُو تَقْبَلَوْه. أَشَانْ إِنْتُو جَاهِزِينْ لِتَقْبَلَوْا رُوحْ شِقْ مِنْ الرُّوحْ الْقُدُّوسْ الْأَوَّلْ قِبِلْتُوهْ. وَ كَنْ نَادُمْ يِبَلِّغْ لَيْكُو بِشَارَةْ شِقْ مِنْ الْبِشَارَةْ الْأَوَّلْ قِبِلْتُوهَا، أَنَا خَايِفْ إِنْتُو تِتَابُعُوهْ عَجَلَةْ. وَ تَصْبُرُوا لِلنَّادُمْ الْمِثِلْ دَا.

2 صَمُوِيل 23:15

وَ طَوَّالِي، دَاوُدْ أَتْمَنَّى وَ قَالْ: «يَاتُو يِجِيبْ لَيِّ أَلْمِي نَشْرَبْ مِنْ الْبِيرْ الْقَاعِدَةْ فِي مَدَخَلْ بَيْت لَحَمْ؟»

تكوين 31:30

وَ هَسَّعْ إِنْتَ مَاشِي أَشَانْ إِنْتَ قِرِمْت لِبَيْت أَبُوكْ. وَ لَاكِنْ مَالَا سِرِقْت أَصْنَامِي؟»

رَوْمَا 1:12

وَ زِيَادَةْ مِنْ دَا، نِدَوْر نَجِي فِي أُسُطْكُو أَشَانْ بِإِيمَانْكُو وَ إِيمَانِي، كُلِّنَا نَلْقَوْا شَجَاعَةْ.

2 كُرُنْتُس 1:15

وَ أَكِيدْ، عَشَمِي فَوْقكُو بِقِي قَوِي. وَ أَشَانْ دَا، دَوَّرْت نَمْشِي لَيْكُو طَوَّالِي وَ نُزُورْكُو وَ تَلْقَوْا رَحْمَةْ مَرَّتَيْن.