رُؤية 8:5 - الكتاب المقدس بالعربي الدارجي هنا تشاد

⁵ وَ بَعَدْ دَا، الْمَلَكْ شَالْ مُخْبَرَهْ وَ مَلَاهْ بِجَمُرْ مِنْ الْمَدْبَحْ وَ دَفَّقَهْ فِي الْأَرْض. وَ رَعَدْ وَ حَرَكَةْ شَدِيدَةْ أَنْسَمَعَوْا وَ بَرَّاقَةْ شَلَعَتْ وَ كَانْ زِلْزَالْ.

رُؤية 8:5 Referenca të Kryqëzuara

رُؤية 11:19

وَ بَيْت اللّٰهْ الْقَاعِدْ فِي السَّمَاوَاتْ أَنْفَتَحْ وَ صَنْدُوقْ مُعَاهَدَةْ اللّٰهْ أَنْشَافْ فِي بَيْت اللّٰهْ. وَ بَرَّاقَةْ شَلَعَتْ وَ حَرَكَةْ شَدِيدَةْ وَ رَعَدْ أَنْسَمَعَوْا وَ بِقِي زِلْزَالْ وَ بَرَدْ شَدِيدْ مَرَّةْ وَاحِدْ.

رُؤية 4:5

وَ شِفْت بَرَّاقَةْ تَشْلَعْ مِنْ الْعَرْش وَ سِمِعْت حَرَكَةْ شَدِيدَةْ وَ رَعَدْ. وَ قِدَّامْ الْعَرْش، أَنَا شِفْت سَبْعَةْ مَشَاهِيبْ النَّارْ وَ هُمَّنْ الْأَرْوَاحْ السَّبْعَةْ هَنَا اللّٰهْ.

أعمال الرُسُل 16:26

وَ طَوَّالِي، الْأَرْض أَنْهَزَّتْ شَدِيدْ وَ أَسَاسْ السِّجِنْ رَجَفْ وَ كُلَّ الْبِيبَانْ أَنْفَتَحَوْا وَ كُلَّ قُيُودْ الْمَسَاجِينْ أَنْحَلَّوْا.

إشَعْيا 29:6

وَ اللّٰهْ الْقَادِرْ يَجِي لَيْكِ بِرَعَدْ وَ زِلْزَالْ وَ حَرَكَةْ شَدِيدَةْ وَ زَوْبَعَانَةْ وَ رِيحْ شَدِيدَةْ وَ أَمْ بَلْبَالَةْ هَنَا نَارْ التَّحْرِقْ.

زَبُور 18:13

فِي السَّمَاءْ، اللّٰهْ دَقْدَقْ. هُو الْعَالِي وَ حِسَّهْ أَنْسَمَعْ بِبَرَدْ وَ جَمُرْ يَحْرِقْ.

لاوِيِّين 16:12

وَ هُو يِشِيلْ مُخْبَرْ مَلَانْ جَمُرْ مِنْ الْمَدْبَحْ الْقِدَّامْ اللّٰهْ وَ مَلْيَةْ إِيدْ إِتْنَيْن هَنَا بَخُورْ مُعَطَّرْ مَرْحُوكْ. وَ يِوَدِّيهُمْ كُلَّ كَيْ غَادِي لِلسِّتَارْ.

رُؤية 11:13

وَ فِي الْوَكِتْ دَا بَسْ، بِقِي زِلْزَالْ شَدِيدْ بِلْحَيْن وَ عَشَرَةْ فِي الْمِيَةْ مِنْ بُيُوتْ الْمَدِينَةْ أَدَّمَّرَوْا وَ 7 000 إِنْسَانْ مَاتَوْا. وَ النَّاسْ الْفَضَّلَوْا حَمَدَوْا اللّٰهْ رَبّ السَّمَاوَاتْ.

رُؤية 6:12

دَاهُو الشَّيّءْ الشِّفْتَهْ وَكِتْ الْحَمَلْ فَكَّ الْخِتِمْ السَّادِسْ. أَنَا شِفْت زِلْزَالْ شَدِيدْ بِلْحَيْن وَ الْحَرَّايْ بِقَتْ زَرْقَةْ كُرُمْ مِثِلْ الْفَحَمْ وَ الْقَمَرْ بِقِي أَحْمَرْ تُشْو مِثِلْ الدَّمّ.

أعمال الرُسُل 4:31

وَ بَعَدْ سَأَلَوْا اللّٰهْ، الْبَكَانْ اللَّامِّينْ فَوْقَهْ أَنْهَزَّ وَ كُلُّهُمْ أَنْمَلَوْا بِالرُّوحْ الْقُدُّوسْ وَ قَمَّوْا يِبَلُّغُوا كَلَامْ اللّٰهْ بَلَا خَوْف.

لُوقا 12:49

«أَنَا جِيتْ أَشَانْ نُصُبّ نَارْ فِي الْأَرْض وَ نِتْمَنَّى بِلْحَيْن كَدَرْ النَّارْ دِي أَوْقَدَوْهَا خَلَاصْ.

مَتَّى 24:7

نَاسْ هَنَا بَلَدْ وَاحِدَةْ يَهْجُمُوا نَاسْ هَنَا بَلَدْ آخَرَةْ وَ مَمْلَكَةْ تَهْجِمْ مَمْلَكَةْ وَ جُوعْ شَدِيدْ يَنْزِلْ وَ فِي دِيَارْ كَتِيرِينْ يُكُونْ زِلْزَالْ.

إشَعْيا 66:6

فِي حِسّ هَنَا عَايِطْ جَايِ مِنْ الْمَدِينَةْ وَ حَرَكَةْ جَايَةْ مِنْ بَيْت اللّٰهْ. وَ دَا حِسّ اللّٰهْ الْقَاعِدْ يِجَازِي عُدْوَانَهْ.

إشَعْيا 30:30

وَ اللّٰهْ يِسَمِّعْ حِسَّهْ الْمَجِيدْ وَ يِوَصِّفْ دُرَاعَهْ الْمَرْفُوعْ بِشِدَّةْ زَعَلَهْ وَ أَمْ بَلْبَالَةْ التَّحْرِقْ وَ مَطَرْ شَدِيدْ وَ بَرَدْ.

1 مُلوك 19:11

وَ اللّٰهْ قَالْ لَيَّهْ: «أَمْرُقْ وَ أَقِيفْ فِي الْحَجَرْ فِي قِدَّامِي أَنَا اللّٰهْ. وَ أَنَا نُفُوتْ قِدَّامَكْ.» وَ رِيحْ شَدِيدَةْ قَمَّتْ قِدَّامْ اللّٰهْ وَ شَقَّقَتْ الْجِبَالْ وَ كَسَّرَتْ الْحُجَارْ. وَ لَاكِنْ اللّٰهْ مَا قَاعِدْ فِي الرِّيحْ دِي. وَ بَعَدْ الرِّيحْ، جَاءْ زِلْزَالْ. وَ لَاكِنْ اللّٰهْ مَا قَاعِدْ فِي الزِّلْزَالْ دَا.

زَكَرِيَّا 14:5

وَ خَلَاصْ، إِنْتُو تِعَرُّدُوا بِالْوَادِي أَمْبَيْنَاتْ الْجِبَالْ دَوْل أَشَانْ الْوَادِي يِوَصِّلْ لَحَدِّي آصَلْ. وَ تِعَرُّدُوا مِثِلْ عَرَّدْتُوا مِنْ الزِّلْزَالْ فِي أَيَّامْ حُكُمْ عُزِّيَّا مَلِكْ مَمْلَكَةْ يَهُوذَا. وَ بَعَدْ دَا، اللّٰهْ إِلٰـهِي يَجِي مَعَ كُلَّ صَالِحِينَهْ.

إرْمِيا 51:11

طَرُّقُوا نَشَاشِيبْكُو وَ أَمْلَوْا كَلَوْتَاتْكُو. اللّٰهْ حَرَّشْ مُلُوكْ مَادِي ضِدّ بَابِلْ أَشَانْ هُو قَرَّرْ يِدَمِّرْ بَابِلْ. يِشِيلْ فَوْقهَا التَّارْ وَ دَا تَارْ بَيْتَهْ الْمُقَدَّسْ الدَّمَّرَوْه.

خُروج 19:16

وَ فِي الْيَوْم التَّالِتْ بِفَجُرْ، الشَّعَبْ شَافَوْا بَرَّاقَةْ وَ سِمْعَوْا حِسّ هَنَا رَعَدْ وَ شَافَوْا سَحَابَايْ كَبِيرَةْ فِي الْجَبَلْ وَ سِمْعَوْا ضَرِبِينْ شَدِيدْ هَنَا بُوقْ. فِي الْبَكَانْ دَا، كُلَّ الشَّعَبْ الْقَاعِدِينْ فِي الْفَرِيقْ رَجَفَوْا.

رُؤية 8:3

وَ مَلَكْ آخَرْ جَاءْ وَ وَقَفْ قِدَّامْ الْمَدْبَحْ وَ شَايِلْ فِي إِيدَهْ مُخْبَرْ هَنَا دَهَبْ. وَ أَنْطَوْه بَخُورْ كَتِيرْ أَشَانْ يِقَدِّمَهْ لِلّٰهْ مَعَ صَلَاوَاتْ كُلَّ الصَّالِحِينْ وَ قَدَّمَهْ فِي الْمُخْبَرْ الدَّهْبِي الْقَاعِدْ قِدَّامْ الْعَرْش.