رُؤية 7:4 - الكتاب المقدس بالعربي الدارجي هنا تشاد

⁴ وَ بَعَدْ دَا، أَنَا سِمِعْت عَدَدْ النَّاسْ الْخَطَّوْا فَوْقهُمْ وَسِمْ اللّٰهْ. وَ الْعَدَدْ دَا بِقِي 144 000 نَادُمْ. وَ هُمَّنْ مِنْ أَيِّ قَبِيلَةْ هَنَا بَنِي إِسْرَائِيلْ.

رُؤية 7:4 Referenca të Kryqëzuara

رُؤية 14:1

وَ أَنَا شِفْت شَيّءْ آخَرْ. شِفْت الْحَمَلْ وَاقِفْ فِي جَبَلْ صَهْيُون وَ 144 000 نَاسْ وَاقْفِينْ مَعَايَهْ. وَ أُسُمْ الْحَمَلْ وَ أُسُمْ أَبُوهْ مَكْتُوبِينْ لِأَيِّ وَاحِدْ فِي جَبْهِتَهْ.

رُؤية 14:3

وَ النَّاسْ الْمَعَ الْحَمَلْ غَنَّوْا غِنَيْ جَدِيدْ قِدَّامْ الْعَرْش وَ قِدَّامْ الْأَرْبَعَةْ مَخْلُوقِينْ السَّمَاوِيِّينْ وَ الشُّيُوخْ. وَ مَا فِي نَادُمْ الْيَقْدَرْ يِلْعَلَّمْ الْغِنَيْ دَا إِلَّا النَّاسْ الْعَدَدْهُمْ 144 000 الْفَدَاهُمْ الْحَمَلْ مِنْ أُسُطْ نَاسْ الْأَرْض.

لُوقا 22:30

وَ تَاكُلُوا وَ تَشَرْبَوْا فِي نَفْس الدَّبَلَايْ مَعَايِ فِي مَمْلَكَتِي وَ تَقْعُدُوا فِي كَرَاسِي وَ تَحْكُمُوا قَبَايِلْ بَنِي إِسْرَائِيلْ الْأَتْنَا عَشَرْ.»

مَتَّى 19:28

عِيسَى رَدَّ لَيْهُمْ وَ قَالْ: «نُقُولْ لَيْكُو الْحَقّ، وَكِتْ أَنَا إِبْن الْإِنْسَانْ نَقْعُدْ فِي الْكُرْسِي الْعَظِيمْ فِي الزَّمَنْ الْفَوْقَهْ اللّٰهْ يِسَوِّي كُلَّ شَيّءْ جَدِيدْ، إِنْتُو التَّابَعْتُونِي تَقْعُدُوا فِي كَرَاسِي 12 وَ تَحْكُمُوا قَبَايِلْ بَنِي إِسْرَائِيلْ الْأَتْنَا عَشَرْ.

أعمال الرُسُل 26:7

وَ قَبَايِلْنَا الْأَتْنَا عَشَرْ قَاعِدِينْ يَعَبُدُوا اللّٰهْ بِشِدَّةْ لَيْل وَ نَهَارْ أَشَانْ هُمَّنْ مُؤمِنِينْ بِالْبُعَاثْ وَ يِدَوْرُوا اللّٰهْ يِتِمّ لَيْهُمْ كَلَامَهْ. وَ هَسَّعْ، بِسَبَبْ كَلَامِي فِي الْبُعَاثْ بَسْ، الْيَهُودْ قَاعِدِينْ يَتْهَمَوْنِي، يَا السَّيِّدْ الْمَلِكْ.

رُؤية 9:16

وَ أَنَا سِمِعْت عَدَدْ الْعَسْكَرْ الرَّاكْبِينْ فِي الْخَيْل وَ عَدَدْهُمْ مِيتَيْن مَلْيُونْ.

يَعْقُوب 1:1

جَوَابْ مِنِّي أَنَا يَعْقُوبْ عَبْد اللّٰهْ وَ عَبْد رَبِّنَا عِيسَى الْمَسِيحْ. وَ نِرَسِّلَهْ لَيْكُو إِنْتُو أُمَّةْ اللّٰهْ الْمُشَتَّتِينْ فِي أَيِّ بَكَانْ. السَّلَامْ عَلَيْكُمْ.

رَوْمَا 9:27

وَ لَاكِنْ فِي بَنِي إِسْرَائِيلْ النَّبِي إِشَعْيَا حَجَّى بِحِسّ عَالِي وَ قَالْ: <كَنْ بَنِي إِسْرَائِيلْ بِقَوْا كَتِيرِينْ مِثِلْ رَمْلَةْ هَنَا خَشُمْ الْبَحَرْ كُلَ، شِيَّةْ مِنْهُمْ بَسْ يَنْجَوْا.

حِزْقِيال 48:31

وَ بِيبَانْ الْمَدِينَةْ يِسَمُّوهُمْ بِأَسَامَيْ قَبَايِلْ بَنِي إِسْرَائِيلْ. فِي الْمُنْشَاقْ، الدُّرْدُرْ عِنْدَهْ تَلَاتَةْ بِيبَانْ وَ هُمَّنْ بَابْ رَأُوبِينْ وَ بَابْ يَهُوذَا وَ بَابْ لَاوِي.

زَكَرِيَّا 9:1

الْمُحَاكَمَةْ الْكَلَّمْ بَيْهَا اللّٰهْ نَزَلَتْ فِي بَلَدْ حَدْرَاكْ وَ وَقَفَتْ فِي مَدِينَةْ دِمَشْق. أَشَانْ اللّٰهْ يِشِيفْ كُلَّ بَنِي آدَم، مَا قَبَايِلْ بَنِي إِسْرَائِيلْ بَسْ.

حِزْقِيال 48:19

وَ خَدَّامِينْ الْمَدِينَةْ الْيَحَرْتُوا الْبَكَانْ دَا يَجُوا مِنْ كُلَّ قَبَايِلْ بَنِي إِسْرَائِيلْ.

حِزْقِيال 47:13

وَ اللّٰهْ الرَّبّ قَالْ: «دَاهُو حُدُودْ الْبَلَدْ التِّقَسُّمُوهَا وَرَثَةْ أَمْبَيْنَاتْكُو إِنْتُو قَبَايِلْ بَنِي إِسْرَائِيلْ الْأَتْنَا عَشَرْ. وَ ذُرِّيَّةْ يُوسُفْ قِسِمْهُمْ يَبْقَى مَرَّتَيْن.

تكوين 15:5

وَ اللّٰهْ مَرَقَهْ بَرَّا مِنْ خَيْمِتَهْ وَ قَالْ لَيَّهْ: «صَنْقِعْ وَ شِيفْ السَّمَاءْ وَ أَحْسِبْ النُّجُومْ كَنْ تَقْدَرْ.» وَ قَالْ لَيَّهْ بَتَّانْ: «ذُرِّيّتَكْ كُلَ تَبْقَى كَتِيرَةْ مِثِلْ النُّجُومْ دَوْل.»

خُروج 28:21

وَ الْحُجَارْ الْغَالِيِّينْ دَوْل فِي عَدَدْ قَبَايِلْ بَنِي إِسْرَائِيلْ الْأَتْنَا عَشَرْ. أَيِّ أُسُمْ قَبِيلَةْ مَنْقُوشْ فِي حَجَرْ وَاحِدْ مِثِلْ نَقِشْ الْخَوَاتِمْ.

رُؤية 7:5

خَطَّوْا وَسِمْ فِي 12 000 مِنْ قَبِيلَةْ يَهُوذَا وَ 12 000 مِنْ قَبِيلَةْ رَأُوبِينْ وَ 12 000 مِنْ قَبِيلَةْ قَادْ

لُوقا 14:22

وَ بَعَدْ شِيَّةْ، الْعَبِدْ قَالْ لَيَّهْ: ‹يَا سِيدِي، أَنَا سَوَّيْت مِثِلْ إِنْتَ أَمَرْتِنِي بَيَّهْ وَ الْبَكَانْ لِسَّاعْ فَضَّلْ.›