رُؤية 7:13 - الكتاب المقدس بالعربي الدارجي هنا تشاد

¹³ وَ فِي الْبَكَانْ دَا، وَاحِدْ مِنْ الشُّيُوخْ حَجَّى لَيِّ وَ قَالْ: «يَاتُمَّنْ النَّاسْ اللَّابْسِينْ خُلْقَانْ بُيُضْ دَوْل؟ هُمَّنْ جَوْا مِنْ وَيْن؟»

رُؤية 7:13 Referenca të Kryqëzuara

رُؤية 7:9

وَ بَعَدْ دَا، شِفْت بَتَّانْ نَاسْ كَتِيرِينْ بِلْحَيْن لَحَدِّي مَا فِي نَادُمْ يَقْدَرْ يَحْسِبْهُمْ. وَ هُمَّنْ مِنْ أَيِّ أُمَّةْ وَ قَبِيلَةْ وَ شَعَبْ وَ لُغَّةْ. وَ كُلُّهُمْ وَاقْفِينْ قِدَّامْ الْعَرْش وَ قِدَّامْ الْحَمَلْ وَ أَيِّ وَاحِدْ لَابِسْ خَلَقْ أَبْيَضْ وَ عِنْدَهْ فِرِعْ هَنَا نَخَلْ فِي إِيدَهْ الْيِوَصِّفْ فَرْحِتْهُمْ.

رُؤية 4:10

الشُّيُوخْ الْعِشْرِينْ وَ أَرْبَعَةْ يَسْجُدُوا قِدَّامْ الْقَاعِدْ فِي الْعَرْش وَ يَعَبُدُوهْ، هُو الْحَيّ إِلَى الْأَبَدْ. وَ أَيِّ وَاحِدْ يَرْمِي تَاجَهْ قِدَّامْ الْعَرْش وَ يُقُولْ:

رُؤية 5:11

وَ بَتَّانْ أَنَا شِفْت وَ سِمِعْت حِسّ هَنَا مَلَائِكَةْ كَتِيرِينْ بِلْحَيْن الْمُحَوِّقِينْ الْعَرْش وَ الْمَخْلُوقِينْ السَّمَاوِيِّينْ وَ الشُّيُوخْ. وَ عَدَدْهُمْ أُلُوفْ وَ مَلَايِينْ وَ زِيَادَةْ مِنْ دَا مَرَّةْ وَاحِدْ.

رُؤية 5:5

وَ فِي الْبَكَانْ دَا، وَاحِدْ مِنْ الشُّيُوخْ حَجَّى لَيِّ وَ قَالْ: «مَا تَبْكِي. شِيفْ! النَّادُمْ الْأُسْمَهْ دُودْ هَنَا قَبِيلَةْ يَهُوذَا، هُو قَاعِدْ. وَ هُو الْمَلِكْ الْمِنْ ذُرِّيَّةْ دَاوُدْ وَ هُو بَسْ الْأَنَّصَرْ. وَ بَيْدَا، هُو يَقْدَرْ يُفُكّ السَّبْعَةْ خِتِمْ وَ يَفْتَحْ الْمَكْتُوبْ.»

رُؤية 4:4

وَ أَنَا شِفْت 24 كَرَاسِي مُحَوِّقِينْ الْعَرْش دَا وَ 24 شُيُوخْ قَاعِدِينْ فَوْقهُمْ. وَ أَيِّ وَاحِدْ لَابِسْ خَلَقْ أَبْيَضْ وَ عِنْدَهْ تَاجْ هَنَا دَهَبْ فِي رَاسَهْ.

يُوحَنَّا 7:28

وَ أَشَانْ دَا، وَكِتْ عِيسَى قَاعِدْ يِعَلِّمْ النَّاسْ فِي فَضَايَةْ بَيْت اللّٰهْ، هُو حَجَّى بِحِسّ عَالِي وَ قَالْ: «صَحِيحْ تَعَرْفُونِي وَلَّا؟ صَحِيحْ تَعَرْفُوا الْبَكَانْ الْأَنَا جِيتْ مِنَّهْ وَلَّا؟ أَنَا مَا جِيتْ بِإِذْنِي. الرَّسَّلَانِي هُو بَسْ صَادِقْ وَ إِنْتُو مَا تَعَرْفُوهْ.

قُضياء 13:6

وَ خَلَاصْ، الْمَرَةْ قَبَّلَتْ فِي الْبَيْت وَ قَالَتْ لِرَاجِلْهَا: «فِيَّهْ رَاجِلْ صَالِحْ هَنَا اللّٰهْ جَاءْ لَيِّ وَ الرَّاجِلْ دَا شَوْفتَهْ تِخَوِّفْ زِيَادَةْ. أَكُونْ هُو دَا مَلَكْ اللّٰهْ. وَ أَنَا مَا سَأَلْتَهْ هُو مِنْ وَيْن وَ هُو كُلَ مَا أَوْرَانِي أُسْمَهْ.

تكوين 16:8

وَ قَالْ لَيْهَا: «يَا هَاجَرْ خَادِمْ سَارَايْ! جَايَةْ مِنْ وَيْن وَ مَاشَةْ وَيْن؟» وَ هِي قَالَتْ: «أَنَا مُعَرِّدَةْ بَعِيدْ مِنْ سِتِّي سَارَايْ!»

دَنْيال 7:16

وَ قَرَّبْت لِوَاحِدْ مِنْ النَّاسْ الْوَاقْفِينْ فِي الْبَكَانْ دَا وَ سَأَلْتَهْ شُنُو الْمَعَنَى الْأَكِيدْ هَنَا كُلَّ شَيّءْ الْأَنَا شِفْتَهْ. وَ هُو أَنْطَانِي التَّفْسِيرْ وَ قَالْ:

أعمال الرُسُل 3:12

بُطْرُسْ شَافْ كُلَّ النَّاسْ اللَّامِّينْ وَ حَجَّى لَيْهُمْ وَ قَالْ: «يَا بَنِي إِسْرَائِيلْ، مَالْكُو عَجَّبْتُوا فِي الشَّيّءْ دَا؟ وَ مَالْكُو تِحَمُّرُونَا؟ فِي فِكِرْكُو، الرَّاجِلْ دَا قَمَّ رَاغْ بِقُدْرِتْنَا أَنِحْنَ؟ وَلَّا أَشَانْ أَنِحْنَ صَالِحِينْ زِيَادَةْ وَلَّا؟

رُؤية 3:4

لَاكِنْ فِي سَارْدِسْ، نَاسَكْ وَاحِدِينْ مَا نَجَّسَوْا نُفُوسْهُمْ. وَ نُقُولْ لِلنَّاسْ دَوْل، هُمَّنْ يُرُوغُوا مَعَايِ لَابْسِينْ خُلْقَانْ بُيُضْ الْعِنْدُهُمْ حَقّ يَلْبَسَوْهُمْ.