رُؤية 6:4 - الكتاب المقدس بالعربي الدارجي هنا تشاد

⁴ وَ جُوَادْ آخَرْ مَرَقْ وَ هُو أَحْمَرْ. وَ الرَّاكِبْ فَوْقَهْ عِنْدَهْ إِذِنْ أَشَانْ يَرْفَعْ السَّلَامْ مِنْ الْأَرْض لَحَدِّي النَّاسْ يِلْكَاتَلَوْا أَمْبَيْنَاتْهُمْ. وَ أَنْطَوْه سَيْف كَبِيرْ بِلْحَيْن.

رُؤية 6:4 Referenca të Kryqëzuara

زَكَرِيَّا 6:2

الْعَرَبَةْ الْأَوَّلَانِيَّةْ كَارِّينْهَا خَيْل حُمُرْ وَ التَّانِيَةْ كَارِّينْهَا خَيْل زُرُقْ.

مَتَّى 10:34

«مَا تَحْسُبُوا أَنَا جِيتْ أَشَانْ نِجِيبْ السَّلَامْ فِي الْأَرْض. مَا جِبْت السَّلَامْ لَاكِنْ جِبْت السَّيْف.

رُؤية 13:10

أَيِّ نَادُمْ الْمَكْتُوبْ فِي صَفَّهْ يَكُرْبُوهْ فِي السِّجِنْ، خَلِّي يَكُرْبُوهْ فِي السِّجِنْ. وَ أَيِّ نَادُمْ الْمَكْتُوبْ فِي صَفَّهْ يَكْتُلُوهْ بِالْسَّيْف، خَلِّي يَكْتُلُوهْ. وَ الْكَلَامْ دَا يِوَصِّفْ كَدَرْ الصَّالِحِينْ وَاجِبْ يَحْمَلَوْا التَّعَبْ بِصَبُرْ وَ إِيمَانْ.

رُؤية 17:6

وَ شِفْت الْمَرَةْ دِي سَكْرَانَةْ أَشَانْ هِي شِرْبَتْ دَمّ الصَّالِحِينْ زِيَادَةْ وَ دَمّ النَّاسْ الشَّهَدَوْا لِعِيسَى. وَ وَكِتْ شِفْتَهَا، أَنَا عَجَّبْت مَرَّةْ وَاحِدْ.

زَكَرِيَّا 1:8

فِي اللَّيْلَةْ دِي، أَنَا شِفْت رُؤْيَةْ. أَنَا شِفْت رَاجِلْ رَاكِبْ فِي جُوَادْ أَحْمَرْ وَ وَاقِفْ فِي أُسُطْ شَدَرْ الْوَادِي. وَ وَرَايَهْ فِي خَيْل حُمُرْ وَ شُقُرْ وَ بُيُضْ بِرُكَّابْهُمْ.

رُؤية 17:3

وَ فِي الرُّؤْيَةْ دِي، الْمَلَكْ وَدَّانِي فِي الصَّحَرَاءْ. وَ شِفْت هِنَاكْ مَرَةْ رَاكْبَةْ فِي حَيْوَانْ فَسِلْ لَوْنَهْ أَحْمَرْ تُشْو وَ عِنْدَهْ أَسَامَيْ مَكْتُوبِينْ فِي جِلْدَهْ وَ الْأَسَامَيْ دَوْل كُلُّهُمْ كَلَامْ هَنَا كُفُرْ. وَ الْحَيْوَانْ عِنْدَهْ سَبْعَةْ رَاسْ وَ عَشَرَةْ قُرُونْ.

رُؤية 12:3

وَ عَلَامَةْ تَانِيَةْ بَانَتْ فِي السَّمَاءْ. وَ شِفْت غُولْ أَحْمَرْ يِشَابِهْ مِثِلْ تُمْسَاحْ كَبِيرْ بِلْحَيْن. وَ عِنْدَهْ سَبْعَةْ رَاسْ وَ عَشَرَةْ قُرُونْ. وَ فِي أَيِّ رَاسْ عِنْدَهْ تَاجْ صَغَيَّرْ.

يُوحَنَّا 19:11

وَ عِيسَى رَدَّ لَيَّهْ وَ قَالْ: «إِنْتَ مَا عِنْدَكْ سُلْطَةْ فَوْقِي إِلَّا السُّلْطَةْ الْاللّٰهْ أَنْطَاهَا لَيْك. وَ أَشَانْ دَا، النَّادُمْ السَّلَّمَانِي لَيْك هُو خَاطِي مِنَّكْ زِيَادَةْ.»

دَنْيال 5:19

وَ مِنْ شِدَّةْ الْعَظَمَةْ الْأَنْطَاهَا لَيَّهْ، كُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ يَرْجُفُوا قِدَّامَهْ مِنْ الْخَوْف. الْهُو يِدَوْر يَكْتُلَهْ، يَكْتُلَهْ وَ الْيِدَوْر يِخَلِّيهْ، يِخَلِّيهْ. وَ الْيِدَوْر يَرْفَعَهْ، يَرْفَعَهْ وَ الْيِدَوْر يَرْمِيهْ، يَرْمِيهْ.

زَبُور 17:13

قُمّ، يَا اللّٰهْ، حَارِبْ الْعَاصِي وَ دَنْقِرْ رَاسَهْ! وَ بِسَيْفَكْ، نَجِّينِي مِنَّهْ!

مَتَّى 24:6

وَ تَسْمَعَوْا خَبَرْ هَنَا حُرُوبْ قَرِيبْ وَ حُرُوبْ بَعِيدْ. خُطُّوا بَالْكُو مَا تِبَرْجُلُوا. أَشَانْ دَا، وَاجِبْ يُكُونْ. وَ لَاكِنْ دَا لِسَّاعْ مَا كُمَالَةْ الدُّنْيَا.