رُؤية 6:10 - الكتاب المقدس بالعربي الدارجي هنا تشاد

¹⁰ وَ صَرَخَوْا بِحِسّ شَدِيدْ وَ قَالَوْا: «يَا رَبِّنَا الْحَقّ وَ الْقُدُّوسْ. نَرْجَوْا كَمْ يَوْم حَتَّى إِنْتَ تِعَاقِبْ وَ تِشِيلْ لَيْنَا التَّارْ فِي سُكَّانْ الْأَرْض الدَّفَّقَوْا دَمِّنَا؟»

رُؤية 6:10 Referenca të Kryqëzuara

رُؤية 19:2

حِسَابَهْ حَقّ وَ عَادِلْ. هُو حَاسَبْ الشَّرْمُوطَةْ الْكَبِيرَةْ الْفَسَدَتْ نَاسْ الْأَرْض بِزِنَاهَا. هِي دَفَّقَتْ دَمّ عَبِيدْ اللّٰهْ وَ اللّٰهْ شَالْ لَيْهُمْ التَّارْ فَوْقهَا.»

رُؤية 11:18

وَ الْأُمَمْ زِعِلَوْا زَعَلْ شَدِيدْ لَاكِنْ غَضَبَكْ نَزَلْ فَوْقهُمْ. وَ خَلَاصْ، الْوَكِتْ تَمَّ وَ هَسَّعْ تِحَاسِبْ الْمَيْتِينْ وَ تَنْطِي أَجُرْ لِعَبِيدَكْ الْأَنْبِيَاء وَ الصَّالِحِينْ وَ كُلَّ النَّاسْ الْيِكَرُّمُوا أُسْمَكْ مِنْ الْكُبَارْ وَ الصُّغَارْ. وَ خَلَاصْ، تَهْلِكْ النَّاسْ الْهَلَكَوْا نَاسْ الْأَرْض.»

رَوْمَا 12:19

يَا الْمَحْبُوبِينْ، مَا تِشِيلُوا التَّارْ. خَلُّوا غَضَبْ اللّٰهْ يِشِيلْ لَيْكُو التَّارْ أَشَانْ مَكْتُوبْ فِي الْكِتَابْ: <التَّارْ هَنَايِ. أَنَا بَسْ النِّشِيلَهْ.> دَا بَسْ كَلَامْ اللّٰهْ.

زَبُور 9:12

أَشَانْ هُو يِكَفِّي التَّارْ وَ يِذَّكَّرْ الْمَيِّتْ وَ مَا يَنْسَى صِرَاخْ الْمَسَاكِينْ.

رُؤية 3:7

«وَ أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ فِلَدَلْفِيَةْ. دَاهُو كَلَامِي، أَنَا الْقُدُّوسْ وَ الصَّحِيحْ. عِنْدِي مُفْتَاحْ هَنَا الْمَلِكْ دَاوُدْ. وَ كَنْ أَنَا نَفْتَحْ الْبَابْ، مَا فِي نَادُمْ الْيَقْدَرْ يِسِدَّهْ وَ كَنْ أَنَا نِسِدّ الْبَابْ، مَا فِي نَادُمْ الْيَقْدَرْ يَفْتَحَهْ.

لُوقا 21:22

أَشَانْ فِي الْوَكِتْ دَا، اللّٰهْ يِعَاقِبْ شَعَبَهْ وَ كُلَّ الْكَلَامْ الْأَوَّلْ الْأَنْبِيَاء كَتَبَوْه فَوْقهُمْ يِتِمّ.

زَكَرِيَّا 1:12

وَ مَلَكْ اللّٰهْ حَجَّى وَ قَالْ: «يَا اللّٰهْ الْقَادِرْ، مِنْ مُدَّةْ 70 سَنَةْ إِنْتَ غِضِبْت لِمَدِينَةْ الْقُدُسْ وَ حِلَّالْ بَلَدْ يَهُوذَا. مَتَى تَرْحَمْهُمْ؟»

رُؤية 18:20

يَا سُكَّانْ السَّمَاوَاتْ، أَفْرَحَوْا بِدَمَارْهَا. يَا الرُّسُلْ وَ الْأَنْبِيَاء وَ الصَّالِحِينْ، أَفْرَحَوْا! أَشَانْ اللّٰهْ قَطَعْ لَيْكُو شَرِيعَةْ وَ عَاقَبَاهَا خَلَاصْ.»

رُؤية 18:24

وَ أَنْلَقَى فِي الْمَدِينَةْ دِي دَمّ الْأَنْبِيَاء وَ الصَّالِحِينْ وَ مَعَايَهْ دَمّ هَنَا أَيِّ نَادُمْ الْمَكْتُولْ فِي كُلَّ الْأَرْض.»

زَبُور 79:10

مَالَا الْأُمَمْ بُقُولُوا: «وَيْن إِلٰـهُّمْ؟» خَلِّي الْأُمَمْ دَوْل يَعَرْفُوا وَ وَصِّفْهُمْ قِدَّامْنَا كَدَرْ تِشِيلْ تَارْ فِي شَانْ عَبِيدَكْ الْكَتَلَوْهُمْ.

1 صَمُوِيل 24:12

وَ خَلِّي اللّٰهْ يَحْكِمْ بَيْنِي وَ بَيْنَكْ وَ يِكَفِّينِي كُلَّ الْفَسَالَةْ الْإِنْتَ قَاعِدْ تِسَوِّيهَا لَيِّ. لَاكِنْ أَنَا كَيْ مَا نُخُطّ إِيدِي فَوْقَكْ!

رُؤية 3:10

إِنْتَ تَابَعْت كَلَامِي بِصَبُرْ كَتِيرْ. أَشَانْ دَا، نَحْفَضَكْ مِنْ الضِّيقَةْ التَّجِي فِي كُلَّ نَاسْ الدُّنْيَا. الضِّيقَةْ دِي تِجَرِّبْهُمْ لِسُكَّانْ الْأَرْض.

تكوين 4:10

وَ اللّٰهْ قَالْ لَيَّهْ: «شُنُو السَّوَّيْتَهْ دَا؟ أَنَا قَاعِدْ نَسْمَعْ حِسّ دَمّ أَخُوكْ الدَّفَّقْتَهْ، قَاعِدْ يَصْرَخْ لَيِّ مِنْ التُّرَابْ.

عِبْرَانِيِّين 12:24

وَ جِيتُوا قِدَّامْ عِيسَى وَسِيطْ هَنَا الْمُعَاهَدَةْ الْجَدِيدَةْ وَ قِدَّامْ دَمَّهْ الْمَرْشُوشْ الْيَشْهَدْ لَيْنَا بِشَهَادَةْ أَخَيْر مِنْ شَهَادَةْ دَمّ هَابِيلْ.

دَنْيال 12:6

وَ وَاحِدْ مِنْهُمْ سَأَلْ الرَّاجِلْ اللَّابِسْ خَلَقْ هَنَا قُمَاشْ سَمَحْ الْقَاعِدْ فَوْق مِنْ أَلْمِي الْبَحَرْ وَ قَالْ: «مَتَى يَجِي أَخِيرْ الْعَجَايِبْ دَوْل؟»

إشَعْيا 61:2

أَنَا نَعْلِنْ سَنِةْ نِعْمَةْ اللّٰهْ وَ يَوْم التَّارْ هَنَا إِلٰـهْنَا. وَ دَا، لِنِصَبِّرْ كُلَّ الْحَزْنَانِينْ.

زَبُور 35:17

يَا رَبّ، كِكَّيْف تَحْمَلْ الشَّيّءْ دَا؟ نَجِّي رُوحِي مِنْ دَمَارْهُمْ وَ نَجِّي نَفْسِي مِنْ الدِّيدَانْ دَوْل!

زَبُور 13:1

لِمَتَى، يَا اللّٰهْ، تَنْسَانِي دَايْماً؟ لِمَتَى تَابَى مَا تِوَجِّهْ وِجْهَكْ عَلَيِّ؟

قُضياء 16:28

وَ شَمْشُونْ نَادَى اللّٰهْ وَ قَالْ: «يَا اللّٰهْ رَبِّي، فَكِّرْ فَوْقِي وَ قَدِّرْنِي آخِرْ مَرَّةْ لِنِشِيلْ التَّارْ فِي الْفِلِسْطِيِّينْ فِي شَانْ قَدَّدَوْا عُيُونِي.»

دَنْيال 8:13

وَ أَنَا دَنْيَالْ سِمِعْت مَلَكْ وَاحِدْ سَأَلْ مَلَكْ آخَرْ وَ قَالْ: «لِمَتَى يَقْعُدُوا الْأَشْيَاءْ الْكَلَّمَوْهُمْ فِي الرُّؤْيَةْ دِي؟ وَ مَتَى يَقِيفْ قَدِّمِينْ الضَّحِيَّةْ الْيِقَدُّمُوهَا كُلَّ يَوْم؟ وَ لِمَتَى يَقْعُدْ الْعِصْيَانْ الْيِجِيبْ الْخَرَابْ وَ يِسَلُّمُوا الْبَيْت الْمُقَدَّسْ وَ الْقُوَّاتْ لِيِفَجُّقُوهُمْ تِحِتْ الرِّجْلَيْ؟»

زَبُور 119:84

كَمْ أَيَّامْ حَيَاةْ عَبْدَكْ؟ وَ مَتَى تِشَارِعْ الْيِطَارُدُونِي؟

لُوقا 2:29

«يَا رَبّ، خَلِّينِي أَنَا عَبْدَكْ نُمُوتْ بِالسَّلَامْ مِثِلْ إِنْتَ أَوَّلْ أَوْرَيْتنِي بَيَّهْ.

2 بُطْرُس 2:1

لَاكِنْ زَمَانْ، فِي أَنْبِيَاء كَدَّابِينْ وَاحِدِينْ قَمَّوْا فِي أُسُطْ شَعَبْ بَنِي إِسْرَائِيلْ. وَ مِثِلْ دَا، فِي أُسُطْكُو إِنْتُو كُلَ، مُعَلِّمِينْ كَدَّابِينْ يُقُمُّوا. هُمَّنْ يِنْدَسَّوْا أَمْبَيْنَاتْكُو بِغَشّ وَ يِوَزُّعُوا تَعْلِيمْهُمْ الْيِوَدِّي النَّاسْ فِي الْهَلَاكْ لَحَدِّي يَنْكُرُوا سَيِّدْهُمْ الْفَدَاهُمْ كُلَ. وَ بِكَلَامْهُمْ دَا، يِجِيبُوا الْهَلَاكْ فِي نُفُوسْهُمْ بِسُرْعَةْ.

مَراثِي إرْمِيا 3:64

يَا اللّٰهْ! قَبِّلْ لَيْهُمْ فِي رَاسْهُمْ نَفْس الْعَمَلْ السَّوَّوْه.