رُؤية 4:7 - الكتاب المقدس بالعربي الدارجي هنا تشاد

⁷ وَ الْمَخْلُوقْ الْأَوَّلَانِي يِشَابِهْ مِثِلْ دُودْ وَ التَّانِي مِثِلْ تَوْر وَ التَّالِتْ عِنْدَهْ وِجِهْ مِثِلْ وِجِهْ الْإِنْسَانْ وَ الرَّابِعْ يِشَابِهْ مِثِلْ صَقُرْ قَاعِدْ يِطِيرْ.

رُؤية 4:7 Referenca të Kryqëzuara

حِزْقِيال 10:14

وَ أَيِّ مَخْلُوقْ سَمَاوِي عِنْدَهْ أَرْبَعَةْ وِجِهْ. الْوِجِهْ الْوَاحِدْ هَنَا مَخْلُوقْ سَمَاوِي وَ الْوِجِهْ الْوَاحِدْ هَنَا إِنْسَانْ وَ الْوِجِهْ الْوَاحِدْ هَنَا دُودْ وَ الْوِجِهْ الْوَاحِدْ هَنَا صَقُرْ.

حِزْقِيال 1:10

وَ أَيِّ مَخْلُوقْ عِنْدَهْ أَرْبَعَةْ وِجِهْ. مِنْ قِدَّامْ، عِنْدَهْ وِجِهْ هَنَا إِنْسَانْ وَ بِالزَّيْنَةْ، عِنْدَهْ وِجِهْ هَنَا دُودْ وَ بِالْإِسْرَةْ، عِنْدَهْ وِجِهْ هَنَا تَوْر وَ مِنْ وَرَاءْ، عِنْدَهْ وِجِهْ هَنَا صَقُرْ.

حِزْقِيال 10:21

وَ الْأَرْبَعَةْ مَخْلُوقِينْ سَمَاوِيِّينْ دَوْل، أَيِّ وَاحِدْ عِنْدَهْ أَرْبَعَةْ وِجِهْ وَ أَرْبَعَةْ جَنَاحَيْ وَ تِحِتْ جَنَاحَيْهُمْ، فِيَّهْ إِيدْ مِثِلْ إِيدْ إِنْسَانْ.

رُؤية 4:6

وَ بَتَّانْ قِدَّامْ الْعَرْش، شِفْت بَكَانْ وَسِيعْ يِشَابِهْ مِثِلْ بَحَرْ هَنَا أَلْمِي صَافِي مَرَّةْ وَاحِدْ لَحَدِّي قَعَرَهْ يِنْشَافْ. وَ فِي دَايِرْ الْعَرْش، أَنَا شِفْت أَرْبَعَةْ مَخْلُوقِينْ سَمَاوِيِّينْ وَ جِلِدْهُمْ مَلَانْ بِعُيُونْ مِنْ وَرَاءْ وَ مِنْ قِدَّامْ.

دَنْيال 7:4

وَ الْحَيْوَانْ الْأَوَّلَانِي، هُو مِثِلْ الدُّودْ وَ عِنْدَهْ جَنَاحَيْ هَنَا صَقُرْ. وَ وَكِتْ أَنَا قَاعِدْ نِشِيفْ فَوْقَهْ، مَلَّطَوْا جَنَاحَيْه وَ قَوَّمَوْه وَ وَقَّفَوْه بِرِجِلَيْنَهْ مِثِلْ نَادُمْ وَ أَنْطَوْه عَقُلْ هَنَا إِنْسَانْ.

حِزْقِيال 1:8

وَ تِحِتْ أَيِّ جِنْح، فِيَّهْ إِيدْ مِثِلْ إِيدْ إِنْسَانْ. أَيِّ نَايِطْ مِنْ نَوَايْطَهْ الْأَرْبَعَةْ عِنْدَهْ إِيدْ وَ وِجِهْ وَ جِنْح.

إشَعْيا 40:31

وَ لَاكِنْ الْيُخُطُّوا عَشَمْهُمْ فِي اللّٰهْ، قُدْرِتْهُمْ تِلْجَدَّدْ. يِطِيرُوا مِثِلْ الصُّقُورَةْ وَ يَجْرُوا وَ مَا يَكْسَلَوْا وَ يُرُوغُوا وَ مَا يَعْيَوْا.

تَثْنِية 28:49

وَ اللّٰهْ يِقَوِّمْ ضِدُّكُو أُمَمْ يَجُوا مِنْ بَعِيدْ مِنْ آخِرْ الْأَرْض مِثِلْ الصَّقُرْ الْيِنْرَخِي فِي رِمِّتَهْ. وَ الْأُمَمْ دَوْل، إِنْتُو مَا تَعَرْفُوا لُغِّتْهُمْ.

عُبَدْيا 1:4

وَ حَتَّى كَانْ تِطِيرُوا مِثِلْ الصُّقُورَةْ وَ تَبْنُوا عُشُّكُو بَيْن النُّجُومْ كُلَ، مِنْ هِنَاكْ أَنَا نِنَزِّلْكُو. وَ دَا كَلَامْ اللّٰهْ.

أمْثال 28:2

الْعِصْيَانْ كَنْ كِتِرْ فِي الْبَلَدْ، حُكَّامْهَا يَبْقَوْا كَتِيرِينْ وَ السَّلَامْ مَا يَجِي إِلَّا بِرَاجِلْ فَاهِمْ وَ حَكِيمْ.

2 صَمُوِيل 1:23

شَاوُولْ وَ يُونَتَانْ مَرْيُودِينْ وَ مَحْبُوبِينْ فِي حَيَاتْهُمْ وَ هُمَّنْ مَا أَنْفَرَقَوْا فِي مَوْتهُمْ. هُمَّنْ عَجِيلِينْ مِنْ الصُّقُورَةْ وَ شُدَادْ مِنْ الدِّيدَانْ.

تكوين 49:9

يَا يَهُوذَا، إِنْتَ مِثِلْ فَرْخ الدُّودْ الْقَمَّ مِنْ رِمِّتَهْ إِنْتَ مِثِلْ دُودْ الرَّقَدْ أَوْ دُودَايْ، يَاتُو يَقْدَرْ يِقَوِّمَهْ؟

1 كُرُنْتُس 14:20

يَا أَخْوَانِي، خَلِّي فِكِرْكُو مَا يَبْقَى مِثِلْ فِكِرْ هَنَا الْعِيَالْ الدُّقَاقْ. خَلِّي أَيِّ نَادُمْ يَبْقَى بَرِي مِثِلْ الطِّفِلْ فِي الشَّيّءْ الْبُخُصّ الشَّرّ. لَاكِنْ خَلِّي فِكِرْكُو يَبْقَى فِكِرْ هَنَا النَّادُمْ الْعَاقِلْ.

عَدد 24:9

هُمَّنْ مِثِلْ الدُّودْ الْيَبْرُكْ وَ الدُّودَايْ التَّرْقُدْ. يَاتُو الْيَقْدَرْ يِقَوِّمْهُمْ؟ مَبْرُوكْ الْيِبَارِكُّو وَ مَلْعُونْ الْيَلْعَنْكُو.»

عَدد 23:24

دَاهُو الشَّعَبْ قَمَّ مِثِلْ النِّمِرْ وَ وَقَفْ مِثِلْ الدُّودْ. مَا يُنُومْ كَنْ مَا أَكَلْ صَيْدَةْ الْهُو صَادَاهَا وَ لَا يَرْقُدْ كَنْ مَا شِرِبْ دَمّ الصَّيْدَةْ الْهُو كَتَلَاهَا.»

رُؤية 6:3

وَكِتْ الْحَمَلْ فَكَّ الْخِتِمْ التَّانِي، أَنَا سِمِعْت الْمَخْلُوقْ التَّانِي قَالْ: «تَعَالْ!»

رُؤية 6:5

وَكِتْ الْحَمَلْ فَكَّ الْخِتِمْ التَّالِتْ، أَنَا سِمِعْت الْمَخْلُوقْ التَّالِتْ قَالْ: «تَعَالْ!» وَ أَنَا شِفْت جُوَادْ أَزْرَقْ. وَ الرَّاكِبْ فَوْقَهْ عِنْدَهْ مِيزَانْ فِي إِيدَهْ.

رُؤية 6:7

وَكِتْ الْحَمَلْ فَكَّ الْخِتِمْ الرَّابِعْ، أَنَا سِمِعْت الْمَخْلُوقْ الرَّابِعْ قَالْ: «تَعَالْ!»