رُؤية 4:3 - الكتاب المقدس بالعربي الدارجي هنا تشاد

³ وَ الْقَاعِدْ فِي الْعَرْش دَا يِرَارِي مِثِلْ فَارُوسْ وَ عَقِيقْ أَحْمَرْ. وَ الْعَرْش مُحَوَّقْ بِشَيّءْ مِثِلْ حَجَّازْ الْمَطَرْ الْيِرَارِي مِثِلْ يَاقُوتْ أَخْضَرْ.

رُؤية 4:3 Referenca të Kryqëzuara

حِزْقِيال 1:28

وَ الضَّيّ الْمُحَوِّقَهْ يِشَابِهْ حَجَّازْ الْمَطَرْ الْيِبِينْ فِي السَّحَابْ فِي يَوْم الْمَطَرْ. وَ مَجْد اللّٰهْ هُو مِثِلْ كَيْ. وَ وَكِتْ أَنَا شِفْتَهْ، وَقَعْت بِوِجْهِي فِي الْأَرْض وَ سِمِعْت حِسّ قَاعِدْ يِحَجِّي.

رُؤية 21:11

وَ هِي ضَاوِيَةْ بِنُورْ مَجِيدْ هَنَا اللّٰهْ. الْمَدِينَةْ تِرَارِي مِثِلْ حَجَرْ غَالِي وَ مِثِلْ فَارُوسْ وَ مِثِلْ قَزَّازْ صَافِي مَرَّةْ وَاحِدْ.

رُؤية 10:1

وَ فِي الْبَكَانْ دَا، أَنَا شِفْت بَتَّانْ مَلَكْ آخَرْ نَازِلْ مِنْ السَّمَاءْ وَ هُو قَادِرْ. وَ هُو لَابِسْ سَحَابَايْ مِثِلْ خَلَقْ وَ عِنْدَهْ حَجَّازْ الْمَطَرْ فِي رَاسَهْ. وَ وِجْهَهْ يِرَارِي مِثِلْ الْحَرَّايْ وَ رِجِلَيْنَهْ يِشَابُهُوا مِثِلْ عَمُودْ هَنَا نَارْ.

حِزْقِيال 28:13

وَ إِنْتَ قَاعِدْ فِي عَدِنْ جِنَيْنَةْ اللّٰهْ. وَ لُبَاسَكْ مُجَمَّلْ بِكُلَّ نَفَرْ هَنَا الْحُجَارْ الْغَالِيِّينْ مِثِلْ الْعَقِيقْ الْأَحْمَرْ وَ الْيَاقُوتْ الْأَصْفَرْ وَ الْمَاسّ وَ الزَّبَرْجَدْ وَ الْعَقِيقْ الْأَبْيَضْ وَ الْخَرَزْ وَ الْيَاقُوتْ الْأَخْضَرْ وَ الْمَرَجَانْ وَ الزُّمُرُّدْ. وَ بِدَهَبْ، دَقَّوْا لَيْك خَوَاتِمْ وَ سُوَارْ الْجَهَّزَوْهُمْ مِنْ يَوْم خَلَقَوْك.

حِزْقِيال 1:26

وَ مِنْ فَوْق لِلشَّيّءْ الْقَوِي الْمَفْرُوشْ، فِي شَيّءْ يِشَابِهْ عَرْش مِنْ حَجَرْ هَنَا يَاقُوتْ أَخْضَرْ. وَ فَوْق الْعَرْش دَا، فِي شَكِلْ يِشَابِهْ إِنْسَانْ.

خُروج 24:10

وَ شَافَوْا اللّٰهْ إِلٰـهْ بَنِي إِسْرَائِيلْ. وَ تِحْتَهْ شَيّءْ مِثِلْ أَرْض مِنْ الْيَاقُوتْ الْأَخْضَرْ وَ دَا شَفَّافْ مِثِلْ السَّمَاءْ.

خُروج 39:11

وَ الرَّوْق التَّانِي عِنْدَهْ مَرَجَانْ أَحْمَرْ وَ يَاقُوتْ أَخْضَرْ وَ مَاسّ.

خُروج 28:18

وَ الرَّوْق التَّانِي عِنْدَهْ مَرَجَانْ أَحْمَرْ وَ يَاقُوتْ أَخْضَرْ وَ مَاسّ.

إشَعْيا 6:1

وَ فِي سَنِةْ مَوْت الْمَلِكْ عُزِّيَّا، أَنَا شِفْت الرَّبّ قَاعِدْ فِي كُرْسِي مَرْفُوعْ فَوْق مَرَّةْ وَاحِدْ وَ دَايِرْ خَلَقَهْ مَلَا الْبَيْت الْمُقَدَّسْ.

حِزْقِيال 10:1

وَ دَاهُو أَنَا شِفْت الشَّيّءْ الْقَوِي الْمَفْرُوشْ الْقَاعِدْ مِنْ فَوْق لِرُوسَيْ الْمَخْلُوقِينْ السَّمَاوِيِّينْ. وَ شِفْت شَيّءْ يِشَابِهْ عَرْش مِنْ حَجَرْ هَنَا يَاقُوتْ أَخْضَرْ.