رُؤية 3:12 - الكتاب المقدس بالعربي الدارجي هنا تشاد

¹² وَ أَيِّ نَادُمْ الْيِنَّصِرْ، أَنَا نَجْعَلَهْ مِثِلْ عَمُودْ فِي بَيْت اللّٰهْ رَبِّي. وَ هُو يَقْعُدْ فِي الْبَيْت دَا وَ أَبَداً مَا يَمْرُقْ مِنَّهْ وَ أَنَا نَكْتِبْ فَوْقَهْ أُسُمْ اللّٰهْ وَ أُسُمْ مَدِينَةْ اللّٰهْ وَ هِي مَدِينَةْ الْقُدُسْ الْجَدِيدَةْ الْاللّٰهْ رَبِّي يِنَزِّلْهَا مِنْ السَّمَاوَاتْ. وَ نَكْتِبْ فَوْقَهْ أُسْمِي الْجَدِيدْ.

رُؤية 3:12 Referenca të Kryqëzuara

رُؤية 22:4

وَ يِشِيفُوا وِجْهَهْ وَ أُسْمَهْ هُو بَسْ يَقْعُدْ فِي جَبْهَاتْهُمْ.

رُؤية 21:2

وَ شِفْت الْمَدِينَةْ الْمُقَدَّسَةْ وَ اللّٰهْ قَاعِدْ يِنَزِّلْهَا مِنْ السَّمَاءْ وَ هِي مَدِينَةْ الْقُدُسْ الْجَدِيدَةْ. وَ هِي مِثِلْ عَرُوسْ مُجَمَّلَةْ جَايَةْ لِعَرِيسْهَا.

رُؤية 14:1

وَ أَنَا شِفْت شَيّءْ آخَرْ. شِفْت الْحَمَلْ وَاقِفْ فِي جَبَلْ صَهْيُون وَ 144 000 نَاسْ وَاقْفِينْ مَعَايَهْ. وَ أُسُمْ الْحَمَلْ وَ أُسُمْ أَبُوهْ مَكْتُوبِينْ لِأَيِّ وَاحِدْ فِي جَبْهِتَهْ.

غَلاطِية 2:9

وَ الْكُبَارَاتْ الْمَعْرُوفِينْ مِثِلْ عَمَدْ الْمُؤمِنِينْ، هُمَّنْ يَعْقُوبْ وَ بُطْرُسْ وَ يُوحَنَّا، بِقِي لَيْهُمْ وَاضِحْ كَدَرْ اللّٰهْ أَنْطَانِي النِّعْمَةْ دِي. وَ خَلَاصْ، كَرَبَوْنَا بِالْإِيدْ الزَّيْنَةْ أَنَا وَ بَرْنَابَا أَشَانْ يِوَصُّفُوا كَدَرْ كُلِّنَا مُشْتَرِكِينْ فِي الْخِدْمَةْ. وَ أَسْتَفَقَوْا كَدَرْ أَنِحْنَ نَخْدُمُوا فِي أُسْط النَّاسْ الْمَا يَهُودْ وَ هُمَّنْ يَخْدُمُوا فِي أُسْط الْيَهُودْ.

إرْمِيا 1:18

وَ الْيَوْم، أَنَا نِسَوِّيكْ قَوِي مِثِلْ مَدِينَةْ قَوِيَّةْ الْعِنْدَهَا عَمَدْ هَنَا حَدِيدْ وَ دَرَادِرْ هَنَا نَحَاسْ. وَ دَا لِتَبْقَى قَوِي قِدَّامْ كُلَّ بَلَدْ يَهُوذَا بِمُلُوكْهَا وَ كُبَارَاتْهَا وَ رُجَالْ دِينْهَا وَ شَعَبْهَا.

رُؤية 2:17

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، أَنَا نَنْطِيهْ الْمَنَّةْ الْمُلَبَّدَةْ وَ بَتَّانْ نَنْطِيهْ حَجَرْ أَبْيَضْ الْمَكْتُوبْ فَوْقَهْ أُسُمْ جَدِيدْ وَ مَا فِي نَادُمْ يَعَرْفَهْ إِلَّا النَّادُمْ الْيَلْقَاهْ مِنِّي.

عِبْرَانِيِّين 12:22

لَاكِنْ الْحَجَرْ الْإِنْتُو جِيتُوا قِدَّامَهْ، هُو جَبَلْ صَهْيُون الْقَاعِدَةْ فَوْقَهْ مَدِينَةْ اللّٰهْ الْحَيّ. وَ هِي مَدِينَةْ الْقُدُسْ السَّمَاوِيَّةْ. جِيتُوا قِدَّامْ الْمَلَائِكَةْ الْمَا يِنْحَسْبُوا مِنْ الْكَتَرَةْ اللَّامِّينْ لِلْإِحْتِفَالْ.

زَبُور 48:8

الْحَجَّوْا لَيْنَا بَيَّهْ، أَنِحْنَ شِفْنَاهْ فِي مَدِينَةْ اللّٰهْ الْقَادِرْ، فِي مَدِينَةْ رَبِّنَا. الرَّبّ يِثَبِّتْهَا إِلَى الْأَبَدْ. وَقْفَةْ.

1 يُوحَنَّا 4:4

يَا عِيَالِي، إِنْتُو نَاسْ هَنَا اللّٰهْ وَ غَلَبْتُوا الْأَنْبِيَاء الْكَدَّابِينْ دَوْل خَلَاصْ، أَشَانْ هُو الْقَاعِدْ فِيكُو أَكْبَرْ مِنْ الْقَاعِدْ فِي الدُّنْيَا.

1 مُلوك 7:21

وَ حُورَامْ خَطَّ الْعَمَدْ دَوْل قِدَّامْ غُرْفَةْ الْمَدَخَلْ هَنَا بَيْت اللّٰهْ. الْعَمُودْ الْوَاحِدْ، خَطَّاهْ بِالزَّيْنَةْ وَ سَمَّاهْ يَاكِينْ (مَعَنَاتَهْ اللّٰهْ يِثَبِّتْ). وَ الْعَمُودْ التَّانِي، خَطَّاهْ بِالْإِسْرَةْ وَ سَمَّاهْ بُعَازْ (مَعَنَاتَهْ الْقُدْرَةْ مِنْ اللّٰهْ).

رُؤية 2:7

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، أَنَا نَنْطِيهْ إِذِنْ أَشَانْ يَاكُلْ مِنْ شَدَرَةْ الْحَيَاةْ الْقَاعِدَةْ فِي جَنَّةْ اللّٰهْ.

أفَسُس 3:15

وَ هُو أَبُو الْعَايِلَاتْ الْفِي السَّمَاءْ وَ الْأَرْض.

حِزْقِيال 48:35

وَ طُولْ دَايِرْ الدُّرْدُرْ دَا 18 000 دُرَاعْ. وَ مِنْ الْيَوْم، الْمَدِينَةْ دِي يِسَمُّوهَا اللّٰهْ قَاعِدْ هِنِي.»

إشَعْيا 65:15

وَ النَّاسْ الْأَنَا عَزَلْتُهُمْ يِسْتَعْمَلَوْا أُسُمْكُو مِثِلْ لَعَنَةْ. وَ يُقُولُوا: ‹اللّٰهْ الرَّبّ يَكْتُلَكْ مِثِلْ فِلَانْ!› وَ لَاكِنْ لِعَبِيدِي، نِنَادِيهُمْ بِأُسُمْ آخَرْ.

رُؤية 17:14

وَ يِحَارُبُوا الْحَمَلْ وَ الْحَمَلْ يِنَّصِرْ فَوْقهُمْ أَشَانْ هُو بَسْ رَبّ الْأَرْبَابْ وَ مَلِكْ الْمُلُوكْ. وَ عِنْدَهْ مَعَايَهْ النَّاسْ الْعَزَلَاهُمْ وَ نَادَاهُمْ وَ هُمَّنْ الْمُؤمِنِينْ.»

زَبُور 87:3

يَا مَدِينَةْ الرَّبّ! يِحَجُّوا فَوْقكِ أَشْيَاءْ مَجِيدِينْ. وَقْفَةْ.

زَبُور 46:4

وَ لَاكِنْ فِيَّهْ بَحَرْ الرُّجُولَهْ يِفَرُّحُوا مَدِينَةْ الرَّبّ، الْمَدِينَةْ الْمُقَدَّسَةْ مِنْ كُلَّ مَسَاكِينْ اللّٰهْ الْعَالِي.

إشَعْيا 62:2

خَلَاصْ، يَا مَدِينَةْ الْقُدُسْ، الْأُمَمْ يِشِيفُوا عَدَالِتْكِ وَ كُلَّ الْمُلُوكْ يِشِيفُوا عَظَمَتْكِ. وَ النَّاسْ يِنَادُوكِ بِأُسُمْ جَدِيدْ الْيِسَمِّيكِ بَيَّهْ اللّٰهْ.

حِزْقِيال 40:49

وَ غُرْفَةْ الْمَدَخَلْ عُرْضَهَا 20 دُرَاعْ وَ طُولْهَا 11 دُرَاعْ وَ الْعَتَبَةْ عِنْدَهَا عَشَرَةْ دَرَجَاتْ الْيَطْلَعَوْا بَيْهُمْ. وَ جَنْب الْبَابْ، فِيَّهْ عَمَدْ إِتْنَيْن جَايْ جَايْ لَيَّهْ، الْوَاحِدْ بِهِنِي وَ الْآخَرْ بِهِنَاكْ.

عِبْرَانِيِّين 13:14

أَشَانْ هِنِي فِي الْأَرْض، مَا عِنْدِنَا مَدِينَةْ التِّطَوِّلْ لَاكِنْ أَنِحْنَ قَاعِدِينْ نُخُطُّوا بَالْنَا فِي الْمَدِينَةْ التَّجِي بَعَدَيْن.

رُؤية 2:11

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، مَا يَخَافْ مِنْ الْمَوْت التَّانِي.

رُؤية 3:5

وَ أَيِّ نَادُمْ الْيِنَّصِرْ، أَنَا نِلَبِّسَهْ مِثِلْهُمْ خَلَقْ أَبْيَضْ وَ مَا نُقُشّ أُسْمَهْ مِنْ كِتَابْ الْحَيَاةْ. وَ أَنَا نَشْهَدْ لَيَّهْ قِدَّامْ أَبُويِ وَ قِدَّامْ مَلَائِكَتَهْ.

مَرْخُوس 12:16

وَ أَنْطَوْه دِينَارْ وَاحِدْ. وَ هُو سَأَلَاهُمْ وَ قَالْ: «الصُّورَةْ وَ الْأُسُمْ الْقَاعِدِينْ فَوْقَهْ دَوْل هَنَا يَاتُو؟» وَ رَدَّوْا لَيَّهْ وَ قَالَوْا: «هَنَا سُلْطَانْ الرَّوْمَانِيِّينْ.»