رُؤية 3:11 - الكتاب المقدس بالعربي الدارجي هنا تشاد

¹¹ أَنَا نَجِي قَرِيبْ. أَكْرُبْ قَوِي الْإِيمَانْ الْعِنْدَكْ أَشَانْ نَادُمْ مَا يِشِيلْ مِنَّكْ تَاجَكْ هَنَا النَّجَاةْ.

رُؤية 3:11 Referenca të Kryqëzuara

يَعْقُوب 1:12

مَبْرُوكْ لِلنَّادُمْ الْيَصْبُرْ فِي التَّعَبْ الْيِجَرِّبْ إِيمَانَهْ. أَشَانْ وَكِتْ التَّجْرِبَةْ دِي كَمَّلَتْ خَلَاصْ، هُو يَلْقَى تَاجْ الْحَيَاةْ. وَ التَّاجْ دَا، هُو الْحَيَاةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

رُؤية 22:12

وَ عِيسَى قَالْ: «دَاهُو أَنَا جَايِ قَرِيبْ وَ نَنْطِي لِأَيِّ نَادُمْ الْمُكَافَاةْ الْوَاجِبْ لَيَّهْ حَسَبْ عَمَلَهْ.

رُؤية 2:10

مَا تَخَافْ مِنْ الضِّيقَةْ الْقَرِيبْ تَجِيكْ. خُطُّوا بَالْكُو! إِبْلِيسْ يَكْرُبْ وَاحِدِينْ مِنْكُو فِي السِّجِنْ وَ إِيمَانْكُو يِجَرُّبُوهْ. وَ فِي مُدَّةْ عَشَرَةْ يَوْم، تِضَيُّقُوا ضِيقَةْ شَدِيدَةْ. أَقْعُدُوا ثَابْتِينْ فِي إِيمَانْكُو لَحَدِّي الْمَوْت وَ خَلَاصْ نَنْطِيكُو تَاجْ هَنَا الْحَيَاةْ الْأَبَدِيَّةْ.

رُؤية 2:25

إِلَّا نُقُولْ أَقْعُدُوا ثَابْتِينْ فِي الْكَلَامْ الْعِنْدُكُو لَحَدِّي نَجِي.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.

2 تِمُوتَاوُس 2:5

وَ بِمَثَلْ تَانِي، كَنْ نَادُمْ يَجْرِي فِي مُسَابَقَةْ، مَا يُقُولُوا هُو سَبَقْ إِلَّا كَنْ جَرَى حَسَبْ الشُّرُوطْ.

رُؤية 22:20

وَ عِيسَى الْقَاعِدْ يَشْهَدْ لِكُلَّ الْكَلَامْ دَا قَاعِدْ يُقُولْ: «أَكِيدْ، نَجِي قَرِيبْ.» آمِينْ، يَا رَبِّنَا عِيسَى، تَعَالْ.

رُؤية 1:3

وَ مَبْرُوكْ لِلنَّادُمْ الْيَقْرِي بِحِسّ عَالِي كَلَامْ التَّنَبُّؤ الْمَكْتُوبْ دَا. وَ مَبْرُوكْ لِلنَّاسْ الْيَسْمَعَوْه وَ يِتَابُعُوهْ. أَشَانْ وَكْتَهْ قَرَّبْ.

رُؤية 4:10

الشُّيُوخْ الْعِشْرِينْ وَ أَرْبَعَةْ يَسْجُدُوا قِدَّامْ الْقَاعِدْ فِي الْعَرْش وَ يَعَبُدُوهْ، هُو الْحَيّ إِلَى الْأَبَدْ. وَ أَيِّ وَاحِدْ يَرْمِي تَاجَهْ قِدَّامْ الْعَرْش وَ يُقُولْ:

1 كُرُنْتُس 9:25

وَ نَعَرْفُوا كَنْ نَادُمْ رِيَاضِي، هُو يِثَبِّتْ نَفْسَهْ فِي أَيِّ حَالْ وَ يِجَاهِدْ. وَ الْجَائِزَةْ الْهُو يِدَوْر يَلْقَاهَا دِي، هِي تَتْلَفْ عَجَلَةْ. لَاكِنْ أَنِحْنَ نِجَاهُدُوا أَشَانْ نَلْقَوْا الْجَائِزَةْ الْأَبَداً مَا تَتْلَفْ.

رُؤية 3:3

وَ أَشَانْ دَا، فَكِّرْ فِي الْكَلَامْ الْأَوَّلْ سِمِعْتَهْ وَ عَلَّمَوْك لَيَّهْ. وَ تَابِعْ الْكَلَامْ دَا وَ تُوبْ مِنْ ذُنُوبَكْ. وَ كَنْ إِنْتَ أَبَيْت مَا قَمَّيْت فَوْق، أَنَا نَجِيكْ بِغَفْلَةْ مِثِلْ جَيَّةْ السَّرَّاقْ وَ نَضُرْبَكْ فِي السَّاعَةْ الْإِنْتَ مَا تَعَرِفْهَا.

رُؤية 4:4

وَ أَنَا شِفْت 24 كَرَاسِي مُحَوِّقِينْ الْعَرْش دَا وَ 24 شُيُوخْ قَاعِدِينْ فَوْقهُمْ. وَ أَيِّ وَاحِدْ لَابِسْ خَلَقْ أَبْيَضْ وَ عِنْدَهْ تَاجْ هَنَا دَهَبْ فِي رَاسَهْ.

رُؤية 2:13

أَنَا نَعَرِفْ الْبَكَانْ الْإِنْتُو سَاكْنِينْ فَوْقَهْ وَ هُو الْبَكَانْ الْإِبْلِيسْ خَطَّ فَوْقَهْ كُرْسِي حَقَّهْ. وَ إِنْتُو مُنْكَرِبِينْ فِي أُسْمِي. وَ إِنْتُو مَا نَكَرْتُوا إِيمَانْكُو بَيِّ وَكِتْ كَتَلَوْا أَنْتِبَاسْ فِي أُسُطْكُو وَ هُو شَهَدْ لَيِّ شَهَادَةْ ثَابْتَةْ فِي الْبَكَانْ الْإِبْلِيسْ سَاكِنْ فَوْقَهْ.

رُؤية 22:7

«وَ دَاهُو أَنَا عِيسَى جَايِ قَرِيبْ. وَ مَبْرُوكْ لِلنَّادُمْ الْيِتَابِعْ الْكَلَامْ النَّزَلْ فِي الْكِتَابْ دَا.»

صَفَنْيا 1:14

الْيَوْم الْكَبِيرْ هَنَا اللّٰهْ قَرَّبْ. هُو قَرَّبْ وَ جَايِ بِسُرْعَةْ. وَكِتْ حَرَكَةْ يَوْم اللّٰهْ تِنْسَمِعْ، الْفُرَّاسْ كُلَ يَصْرَخَوْا بِشِدَّةْ.

يَعْقُوب 5:9

يَا أَخْوَانِي، مَا تِلْهَارَجَوْا أَمْبَيْنَاتْكُو أَشَانْ اللّٰهْ مَا يِحَاسِبْكُو. أَسْمَعَوْا كَلَامِي! الْيِحَاسِبْنَا دَا جَاهِزْ قِدَّامْ الْبَابْ.

فِلِبِّي 4:5

خَلِّي رُوحْكُو تَبْقَى طَوِيلَةْ قِدَّامْ أَيِّ نَادُمْ. رَبِّنَا عِيسَى قَرِيبْ.

رُؤية 16:15

وَ عِيسَى يُقُولْ: «دَاهُو أَنَا نَجِي بِغَفْلَةْ مِثِلْ جَيَّةْ السَّرَّاقْ. وَ مَبْرُوكْ لِلنَّادُمْ الْوَاعِي بِاللَّيْل وَ خَطَّ لُبَاسَهْ جَاهِزْ جَنْبَهْ أَشَانْ مَا يَمْرُقْ عَرْيَانْ وَ الْعَيْب مَا يِسَوِّيهْ.»