رُؤية 3:10 - الكتاب المقدس بالعربي الدارجي هنا تشاد10 إِنْتَ تَابَعْت كَلَامِي بِصَبُرْ كَتِيرْ. أَشَانْ دَا، نَحْفَضَكْ مِنْ الضِّيقَةْ التَّجِي فِي كُلَّ نَاسْ الدُّنْيَا. الضِّيقَةْ دِي تِجَرِّبْهُمْ لِسُكَّانْ الْأَرْض. Shih kapitullin |
رُؤية 3:10
30 Referenca të Kryqëzuara
وَ التِّلِتْ الْفَضَّلْ دَا، نُخُطَّهْ فِي النَّارْ وَ نِصَفِّيهْ مِثِلْ يِصَفُّوا الْفُضَّةْ وَ نَكْشِفَهْ مِثِلْ يَكْشُفُوا الدَّهَبْ. وَ هُمَّنْ يِنَادُوا أُسْمِي وَ أَنَا نُرُدّ لَيْهُمْ. وَ أَنَا نُقُولْ لَيْهُمْ: ‹إِنْتُو تَبْقَوْا شَعَبِي.› وَ هُمَّنْ يُقُولُوا: ‹اللّٰهْ بَسْ يَبْقَى إِلٰـهْنَا.›»
مَا تَخَافْ مِنْ الضِّيقَةْ الْقَرِيبْ تَجِيكْ. خُطُّوا بَالْكُو! إِبْلِيسْ يَكْرُبْ وَاحِدِينْ مِنْكُو فِي السِّجِنْ وَ إِيمَانْكُو يِجَرُّبُوهْ. وَ فِي مُدَّةْ عَشَرَةْ يَوْم، تِضَيُّقُوا ضِيقَةْ شَدِيدَةْ. أَقْعُدُوا ثَابْتِينْ فِي إِيمَانْكُو لَحَدِّي الْمَوْت وَ خَلَاصْ نَنْطِيكُو تَاجْ هَنَا الْحَيَاةْ الْأَبَدِيَّةْ.
وَ أَنَا يُوحَنَّا أَخُوكُو الْقَاعِدْ نِتَابِعْ عِيسَى مِثِلْكُو. أَنَا كُلَ مُشَارِكْ مَعَاكُو فِي التَّعَبْ وَ فِي مَمْلَكَةْ اللّٰهْ وَ نَحْمَلْ التَّعَبْ بِصَبُرْ مِثِلْكُو. وَ كَرَبَوْنِي أَشَانْ بَلَّغْت لِلنَّاسْ كَلَامْ اللّٰهْ وَ شَهَادَةْ عِيسَى الْمَسِيحْ. وَ هَسَّعْ أَنَا مَسْجُونْ فِي الْجَزِيرَةْ الْأُسُمْهَا بَطْمُسْ.
الْحَيْوَانْ الشِّفْتَهْ دَا، هُو أَوَّلْ قَاعِدْ وَ هَسَّعْ مَا فِيهْ وَ يَطْلَعْ مِنْ الْهَاوِيَةْ وَ لَاكِنْ بَعَدْ دَا، يَمْشِي فِي الْهَلَاكْ. وَ سُكَّانْ الْأَرْض الْأَسَامَيْهُمْ مَا مَكْتُوبِينْ مِنْ بِدَايَةْ الدُّنْيَا فِي كِتَابْ الْحَيَاةْ، هُمَّنْ يِشِيفُوا الْحَيْوَانْ الْفَسِلْ دَا وَ يِعَجُّبُوا مِنَّهْ بِلْحَيْن أَشَانْ فِي الْوَكِتْ الْفَاتْ، هُو قَاعِدْ وَ فِي الْوَكِتْ الْحَاضِرْ، هُو مَا فِيهْ وَ فِي الْوَكِتْ الْجَايِ، يِقَبِّلْ.
Reklamat