رُؤية 22:4 - الكتاب المقدس بالعربي الدارجي هنا تشاد

⁴ وَ يِشِيفُوا وِجْهَهْ وَ أُسْمَهْ هُو بَسْ يَقْعُدْ فِي جَبْهَاتْهُمْ.

رُؤية 22:4 Referenca të Kryqëzuara

رُؤية 14:1

وَ أَنَا شِفْت شَيّءْ آخَرْ. شِفْت الْحَمَلْ وَاقِفْ فِي جَبَلْ صَهْيُون وَ 144 000 نَاسْ وَاقْفِينْ مَعَايَهْ. وَ أُسُمْ الْحَمَلْ وَ أُسُمْ أَبُوهْ مَكْتُوبِينْ لِأَيِّ وَاحِدْ فِي جَبْهِتَهْ.

مَتَّى 5:8

مَبْرُوكْ لِلنَّاسْ الْقَلِبْهُمْ طَاهِرْ أَشَانْ هُمَّنْ يِشِيفُوا اللّٰهْ.

رُؤية 3:12

وَ أَيِّ نَادُمْ الْيِنَّصِرْ، أَنَا نَجْعَلَهْ مِثِلْ عَمُودْ فِي بَيْت اللّٰهْ رَبِّي. وَ هُو يَقْعُدْ فِي الْبَيْت دَا وَ أَبَداً مَا يَمْرُقْ مِنَّهْ وَ أَنَا نَكْتِبْ فَوْقَهْ أُسُمْ اللّٰهْ وَ أُسُمْ مَدِينَةْ اللّٰهْ وَ هِي مَدِينَةْ الْقُدُسْ الْجَدِيدَةْ الْاللّٰهْ رَبِّي يِنَزِّلْهَا مِنْ السَّمَاوَاتْ. وَ نَكْتِبْ فَوْقَهْ أُسْمِي الْجَدِيدْ.

أيُّوب 33:26

هُو يَشْحَدْ الرَّبّ وَ الرَّبّ يَرْضَى بَيَّهْ وَ يِشِيفْ وِجْه الرَّبّ بِفَرَحْ. وَ الرَّبّ يَجْعَلْ الْإِنْسَانْ دَا صَالِحْ قِدَّامَهْ بَتَّانْ.

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

رُؤية 7:3

وَ قَالْ: «مَا تِتَلُّفُوا الْأَرْض وَ لَا الْبَحَرْ وَ لَا الشَّدَرْ لَحَدِّي نُخُطُّوا وَسِمْ لِأَيِّ عَبِدْ هَنَا رَبِّنَا اللّٰهْ فِي جَبْهِتَهْ.»

1 كُرُنْتُس 13:12

أَشَانْ هَسَّعْ فِي زَمَنَّا دَا، نِشِيفُوا الْحَقّ مِثِلْ نِشِيفُوهْ فِي أَمْ شَوَّافَةْ الْوَسْخَانَةْ وَ فِي الْآخِرَةْ، نِشِيفُوهْ عَدِيلْ. هَسَّعْ دَا، أَنَا عِرِفْت شِيَّةْ وَ بَعَدَيْن نَعَرِفْ عَدِيلْ مِثِلْ اللّٰهْ عِرِفْنِي.

يُوحَنَّا 17:24

«يَا أَبُويِ، نِدَوْر كَدَرْ النَّاسْ الْأَنْطَيْتهُمْ لَيِّ يَقْعُدُوا مَعَايِ فِي الْبَكَانْ الْأَنَا نَقْعُدْ فَوْقَهْ. أَشَانْ هِنَاكْ يِشِيفُوا الْمَجْد الْإِنْتَ أَنْطَيْتنِي. وَ دَا بِسَبَبْ مَحَبِّتَكْ لَيِّ مِنْ قُبَّالْ بِدَايَةْ الدُّنْيَا.

يُوحَنَّا 12:26

كَنْ نَادُمْ يِدَوْر يَخْدِمْ لَيِّ، وَاجِبْ يِتَابِعْنِي. وَ فِي الْبَكَانْ الْأَنَا نَقْعُدْ فَوْقَهْ، خَدَّامِي كُلَ يَقْعُدْ فَوْقَهْ. وَ أَيِّ نَادُمْ الْيَخْدِمْ لَيِّ، أَبُويِ يِشَرِّفَهْ.

إشَعْيا 33:17

وَ عُيُونَكْ يِشِيفُوا الْمَلِكْ فِي جَمَالَهْ وَ يِشِيفُوا الْبَلَدْ بِكُلَّ حُدُودْهَا.

زَبُور 17:15

كَنْ لَيِّ أَنَا، بِعَدَالْتِي نِشِيفْ وِجْهَكْ وَ وَكِتْ نُقُمّ، نَشْبَعْ مِنْ حَضَرَتَكْ.

إشَعْيا 40:5

خَلَاصْ، مَجْد اللّٰهْ يِبِينْ وَ كُلَّ النَّاسْ يِشِيفُوهْ سَوَا!» وَ دَا كَلَامْ اللّٰهْ الْقَالَهْ.

زَبُور 4:6

كَتِيرِينْ يُقُولُوا: «مَا فِي الْيِشَوِّفْنَا الْخَيْر.» يَا اللّٰهْ، وَجِّهْ نُورْ وِجْهَكْ عَلَيْنَا!

إشَعْيا 35:2

خَلِّي تِنْمَلِي بِنُوَّارْ الْكَدَادَةْ وَ تِنَطِّطْ وَ تَلْعَبْ وَ تِزَغْرِطْ مِنْ الْفَرَحْ. اللّٰهْ يَنْطِي الْبَلَدْ دِي غَابَةْ جَمِيلَةْ مِثِلْ غَابَةْ لُبْنَانْ وَ أَرْض الْعِنْدَهَا إِنْتَاجْ كَتِيرْ مِثِلْ جَبَلْ الْكَرْمَلْ وَ سَهَلَةْ شَارُونْ. وَ يِشِيفُوا مَجْد اللّٰهْ وَ عَظَمَةْ إِلٰـهْنَا.

حِزْقِيال 33:23

وَ اللّٰهْ حَجَّى لَيِّ وَ قَالْ:

زَبُور 42:2

أَنَا عَطْشَانْ لِلّٰهْ إِلٰـهِي الْحَيّ. مَتَى نَدْخُلْ فِي حَضَرَتَهْ وَ نِقَابِلَهْ؟