رُؤية 22:16 - الكتاب المقدس بالعربي الدارجي هنا تشاد

¹⁶ «وَ أَنَا عِيسَى رَسَّلْت لَيْكُو مَلَكِي أَشَانْ إِنْتُو نَاسْ أُمَّةْ الْمَسِيحْ تَسْمَعَوْا الشَّهَادَةْ دِي. أَنَا بَسْ إِبْن دَاوُدْ وَ الْمَلِكْ الْمِنْ ذُرِّيّتَهْ. وَ أَنَا نَجْمَةْ الصَّبَاحْ التِّدَاوِي نُورْ شَدِيدْ وَ تِوَصِّفْ كَدَرْ النَّهَارْ جَايِ قَرِيبْ.»

رُؤية 22:16 Referenca të Kryqëzuara

رُؤية 5:5

وَ فِي الْبَكَانْ دَا، وَاحِدْ مِنْ الشُّيُوخْ حَجَّى لَيِّ وَ قَالْ: «مَا تَبْكِي. شِيفْ! النَّادُمْ الْأُسْمَهْ دُودْ هَنَا قَبِيلَةْ يَهُوذَا، هُو قَاعِدْ. وَ هُو الْمَلِكْ الْمِنْ ذُرِّيَّةْ دَاوُدْ وَ هُو بَسْ الْأَنَّصَرْ. وَ بَيْدَا، هُو يَقْدَرْ يُفُكّ السَّبْعَةْ خِتِمْ وَ يَفْتَحْ الْمَكْتُوبْ.»

2 بُطْرُس 1:19

وَ بَيْدَا، أَنِحْنَ مُؤَكِّدِينْ زِيَادَةْ كَدَرْ كَلَامْ الْأَنْبِيَاء صَحِيحْ. وَ خَلَاصْ، وَاجِبْ تُخُطُّوا بَالْكُو لِكَلَامْهُمْ الْمِثِلْ ضَيّ الْيِضَوِّي فِي بَكَانْ أَضْلَمْ لَحَدِّي الْوَطَاةْ تَبْقَى مِثِلْ نَهَارْ وَ نَجْمَةْ الْفَجُرْ تَطْلَعْ فِي قُلُوبْكُو.

إشَعْيا 11:1

وَ يَجِي وَاحِدْ مِنْ ذُرِّيَّةْ يَسَّى مِثِلْ فِرِعْ الْيَبْذُرْ مِنْ دُنْبُرْ وَ مِنْ قَعَرَهْ تُقُمّ بِذْرَةْ التِّسَوِّي عِيَالْ.

رُؤية 1:4

وَ دَاهُو أَنَا يُوحَنَّا نَكْتِبْ وَ نِرَسِّلْ الْكَلَامْ دَا لِجَمَاعَاتْ الْمُؤمِنِينْ السَّبْعَةْ الْفِي بَلَدْ آسِيَا. عَلَيْكُمْ السَّلَامْ وَ الرَّحْمَةْ مِنْ اللّٰهْ الْقَاعِدْ فِي الْوَكِتْ الْفَاتْ وَ الْوَكِتْ الْحَاضِرْ وَ الْوَكِتْ الْجَايِ. وَ السَّلَامْ مِنْ الْأَرْوَاحْ السَّبْعَةْ الْقَاعِدِينْ قِدَّامْ عَرْشَهْ

رُؤية 22:20

وَ عِيسَى الْقَاعِدْ يَشْهَدْ لِكُلَّ الْكَلَامْ دَا قَاعِدْ يُقُولْ: «أَكِيدْ، نَجِي قَرِيبْ.» آمِينْ، يَا رَبِّنَا عِيسَى، تَعَالْ.

مَتَّى 22:42

«شُنُو فِكِرْكُو فِي الْمَسِيحْ؟ الْمَسِيحْ يَبْقَى إِبْن يَاتُو؟» وَ رَدَّوْا لَيَّهْ وَ قَالَوْا: «الْمَسِيحْ إِبْن دَاوُدْ.»

رُؤية 22:6

وَ هُو حَجَّى لَيِّ وَ قَالْ: «كُلَّ الْكَلَامْ دَا ثَابِتْ وَ صَحِيحْ. وَ الرَّبّ اللّٰهْ الْيِنَزِّلْ كَلَامَهْ لِلْأَنْبِيَاء بِالرُّوحْ الْقُدُّوسْ، هُو رَسَّلْ لَيْك مَلَكَهْ أَشَانْ يِوَصِّفْ عَبِيدَهْ الشَّيّءْ اللَّابُدَّ يَبْقَى قَرِيبْ.»

رُؤية 1:1

دِي هِي رُؤْيَةْ هَنَا عِيسَى الْمَسِيحْ الْاللّٰهْ أَنْطَاهَا لَيَّهْ أَشَانْ يِوَصِّفْ لِعَبِيدَهْ الشَّيّءْ اللَّابُدَّ يَبْقَى قَرِيبْ. وَ هُو رَسَّلْ مَلَكَهْ أَشَانْ يِعَرِّفْ الرُّؤْيَةْ دِي لِعَبْدَهْ يُوحَنَّا.

مَتَّى 2:2

وَ سَأَلَوْا النَّاسْ وَ قَالَوْا: «وَيْن مَلِكْ الْيَهُودْ الدَّهَابَهْ وِلْدَوْه؟ شِفْنَا نَجْمَتَهْ عَلَيْ الصَّبَاحْ وَ جِينَا أَشَانْ نَسْجُدُوا لَيَّهْ.»

زَكَرِيَّا 6:12

«وَ قُولْ لِيَشُوعْ: ‹دَاهُو اللّٰهْ الْقَادِرْ قَالْ: ”دَاهُو الرَّاجِلْ الْبِنَادُوهْ بِذْرَةْ وَ تِحِتْ رِجِلَيْنَهْ يَبْذُرْ كُلَّ شَيّءْ وَ هُو يَبْنِي بَيْت اللّٰهْ بَتَّانْ.

عَدد 24:17

أَنَا نِشِيفْ الْجَايِ وَ لَاكِنْ مَا يَجِي هَسَّعْ. أَنَا قَاعِدْ نِشِيفَهْ وَ لَاكِنْ مَا مِنْ قَرِيبْ. مِنْ ذُرِّيَّةْ يَعْقُوبْ تَطْلَعْ نَجْمَةْ وَ مِنْ بَنِي إِسْرَائِيلْ يَجِي مَلِكْ. بِعَصَاةْ مُلْكَهْ يَكْسِرْ جَبْهَةْ مُوَابْ وَ يَكْتُلْ كُلَّ ذُرِّيَّةْ شِيتْ.

رُؤية 3:22

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ.»

رُؤية 3:13

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ.

رُؤية 3:6

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ.

رَوْمَا 9:5

وَ الْجُدُودْ الْأَوَّلَانِيِّينْ. وَ الْمَسِيحْ ذَاتَهْ مَوْلُودْ إِنْسَانْ مِنْهُمْ وَ هُو الرَّبّ فَوْق كُلَّ شَيّءْ وَ الشُّكُرْ وَاجِبْ لِلّٰهْ إِلَى الْأَبَدْ. آمِينْ.

رُؤية 22:11

النَّادُمْ الْفَسِلْ، خَلِّي يَقْعُدْ ثَابِتْ فِي فَسَالْتَهْ. وَ النَّادُمْ النِّجِسْ، خَلِّي يَقْعُدْ ثَابِتْ فِي نَجَاسْتَهْ. وَ النَّادُمْ الْعَادِلْ، خَلِّي يَقْعُدْ ثَابِتْ فِي عَدَالْتَهْ. وَ النَّادُمْ الصَّالِحْ، خَلِّي يَقْعُدْ ثَابِتْ فِي حَالَهْ الصَّالْحَةْ.»

رُؤية 22:1

وَ فِي الْبَكَانْ دَا، الْمَلَكْ وَصَّفَانِي بَحَرْ هَنَا أَلْمِي الْحَيَاةْ. وَ الْبَحَرْ هَنَا أَلْمِي صَافِي الْبِرَارِي وَ مَارِقْ مِنْ عَرْش هَنَا اللّٰهْ وَ الْحَمَلْ.

رُؤية 2:17

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، أَنَا نَنْطِيهْ الْمَنَّةْ الْمُلَبَّدَةْ وَ بَتَّانْ نَنْطِيهْ حَجَرْ أَبْيَضْ الْمَكْتُوبْ فَوْقَهْ أُسُمْ جَدِيدْ وَ مَا فِي نَادُمْ يَعَرْفَهْ إِلَّا النَّادُمْ الْيَلْقَاهْ مِنِّي.

لُوقا 1:78

وَ رَبِّنَا اللّٰهْ حَنُونْ وَ يِرَيِّسْنَا بِرَحْمَتَهْ. أَشَانْ دَا، نُورْ اللّٰهْ يُقُمّ يِضَوِّي فَوْقنَا مِنْ السَّمَاءْ.

رُؤية 2:7

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، أَنَا نَنْطِيهْ إِذِنْ أَشَانْ يَاكُلْ مِنْ شَدَرَةْ الْحَيَاةْ الْقَاعِدَةْ فِي جَنَّةْ اللّٰهْ.

مَتَّى 22:45

كَنْ دَاوُدْ قَالْ الْمَسِيحْ سِيدَهْ، كِكَّيْف الْمَسِيحْ يَبْقَى وِلَيْدَهْ؟»

مَتَّى 1:1

دَاهُو قُرْمَةْ هَنَا جُدُودْ عِيسَى الْمَسِيحْ إِبْن دَاوُدْ إِبْن إِبْرَاهِيمْ.

رُؤية 2:11

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، مَا يَخَافْ مِنْ الْمَوْت التَّانِي.

إشَعْيا 14:12

«كِكَّيْف إِنْتَ وَقَعْت مِنْ السَّمَاوَاتْ، يَا ضَيّ الصَّبَاحْ الْيِرَارِي؟ كِكَّيْف رَمَوْك فِي الْأَرْض، يَا مُفَشِّلْ الْأُمَمْ؟

رَوْمَا 15:12

وَ النَّبِي إِشَعْيَا قَالْ: <مِنْ ذُرِّيَّةْ يَسَّى يَجِي نَادُمْ وَ يَبْقَى مَلِكْ فِي كُلَّ الْأُمَمْ. وَ الشُّعُوبْ الْآخَرِينْ يُخُطُّوا عَشَمْهُمْ فَوْقَهْ.>

رُؤية 1:11

وَ هُو قَالْ: «أَكْتِبْ فِي كِتَابْ الشَّيّءْ التِّشِيفَهْ وَ رَسِّلَهْ لِجَمَاعَاتْ الْمُؤمِنِينْ السَّبْعَةْ الْقَاعِدِينْ فِي حِلَّالْ أَفَسُسْ وَ إِزْمِيرْ وَ بَرْغَامُسْ وَ ثِيَاتِيرَةْ وَ سَارْدِسْ وَ فِلَدَلْفِيَةْ وَ لَاوْدِكِيَّةْ.»

لُوقا 20:44

وَ مِثِلْ دَا، دَاوُدْ قَالْ الْمَسِيحْ هُو سِيدَهْ. وَ بِمِثِلْ دَا، كِكَّيْف الْمَسِيحْ يَبْقَى وِلَيْدَهْ؟»