رُؤية 2:3 - الكتاب المقدس بالعربي الدارجي هنا تشاد

³ أَنَا نَعَرِفْ كَدَرْ التَّعَبْ جَاءْ فَوْقَكْ بِسَبَبْ أُسْمِي وَ إِنْتَ قَاعِدْ تَحْمَلَهْ بِصَبُرْ وَ نَعَرِفْ إِنْتَ مَا كِسِلْت.

رُؤية 2:3 Referenca të Kryqëzuara

عِبْرَانِيِّين 10:36

هَسَّعْ دَا، وَاجِبْ تَصْبُرُوا صَبُرْ قَوِي وَ تِسَوُّوا الشَّيّءْ الْاللّٰهْ يِدَوْرَهْ أَشَانْ تَلْقَوْا مِنَّهْ الْبَرَكَةْ الْهُو وَاعَدْ بَيْهَا.

عِبْرَانِيِّين 12:1

وَ فِي الْكَلَامْ دَا، عِنْدِنَا شُهُودْ كَتِيرِينْ بِلْحَيْن الْيَشْهَدَوْا لَيْنَا مِنْ أَيِّ جِيهَةْ. أَشَانْ دَا، خَلِّي نِخَلُّوا مِنِّنَا كُلَّ شَيّءْ الْيِوَقِّفْنَا وَ كُلَّ ذَنِبْ الْيِدَوْر يَكْرُبْنَا. وَ خَلِّي نَمْشُوا قِدَّامْ بِجُهُدْ مِثِلْ نَاسْ فِي مُسَابَقَةْ وَ نَجْرُوا لَحَدِّي نِكَمُّلُوا الْمُسَابَقَةْ الْأَنِحْنَ قَاعِدِينْ فَوْقهَا.

غَلاطِية 6:9

أَشَانْ دَا، خَلِّي نِسَوُّوا الْخَيْر دَايْماً وَ أَبَداً مَا نَكْسَلَوْا مِنَّهْ. بَعَدَيْن كَنْ مَا كِسِلْنَا، نَلْقَوْا مِنَّهْ فَايْدَةْ.

كُلُوسِي 1:11

وَ فِي كُلِّ وَكِتْ، خَلِّي اللّٰهْ يِقَوِّيكُو بِقُدُرْتَهْ الْمَجِيدَةْ أَشَانْ تَحْمَلَوْا التَّعَبْ وَ تَصْبُرُوا فَوْقَهْ بِفَرَحْ

يُوحَنَّا 15:21

يِتَعُّبُوكُو إِنْتُو بِسَبَبْ أُسْمِي أَشَانْ مَا عِرْفَوْا اللّٰهْ الرَّسَّلَانِي.

1 كُرُنْتُس 13:7

الْعِنْدَهْ مَحَبَّةْ، هُو يَحْمَلْ أَيِّ شَيّءْ. هُو يِآمِنْ فِي كُلِّ حَالْ وَ عَشَمَهْ ثَابِتْ فِي كُلِّ حَالْ وَ هُو يَصْبُرْ فِي أَيِّ شَيّءْ.

رُؤية 3:10

إِنْتَ تَابَعْت كَلَامِي بِصَبُرْ كَتِيرْ. أَشَانْ دَا، نَحْفَضَكْ مِنْ الضِّيقَةْ التَّجِي فِي كُلَّ نَاسْ الدُّنْيَا. الضِّيقَةْ دِي تِجَرِّبْهُمْ لِسُكَّانْ الْأَرْض.

عِبْرَانِيِّين 6:15

وَ خَلَاصْ، إِبْرَاهِيمْ صَبَرْ صَبُرْ قَوِي وَ لِقِي الشَّيّءْ الْاللّٰهْ وَاعَدَهْ بَيَّهْ.

عِبْرَانِيِّين 6:12

وَ كَنْ تِسَوُّوا مِثِلْ دَا، مَا تَبْقَوْا كَسْلَانِينْ لَاكِنْ تِتَابُعُوا دَرِبْ هَنَا النَّاسْ الْقَاعِدِينْ ثَابْتِينْ فِي الْإِيمَانْ بِالصَّبُرْ وَ يَوْرُثُوا بَرَكَةْ اللّٰهْ الْوَاعَدَاهُمْ بَيْهَا.

عِبْرَانِيِّين 6:10

أَشَانْ اللّٰهْ مَا ظَالِمْ لِيَنْسَى خِدْمِتْكُو فِي شَانْ أُسْمَهْ وَ الْمَحَبَّةْ الْوَصَّفْتُوهَا لَيَّهْ بِمُسَاعَدَتْكُو لِأَخْوَانْكُو الصَّالِحِينْ. وَ يَا هَسَّعْ إِنْتُو قَاعِدِينْ تِسَاعُدُوهُمْ.

1 تِمُوتَاوُس 4:10

وَ فِي سَبَبْ الْوَعَدْ دَا، نَتْعَبَوْا وَ نِجَاهُدُوا. خَطَّيْنَا عَشَمْنَا ثَابِتْ فِي اللّٰهْ الْحَيّ الْهُو بَسْ مُنَجِّي هَنَا كُلَّ النَّاسْ خَاصَّةً الْمُؤمِنِينْ.

2 تَسَلونِيكِي 3:13

يَا أَخْوَانِي، سَوُّوا دَايْماً الْخَيْر وَ أَبَداً مَا تَكْسَلَوْا مِنَّهْ.

2 كُرُنْتُس 4:16

أَشَانْ دَا أَبَداً مَا نَكْسَلَوْا. صَحِيحْ، جِسِمْنَا قَاعِدْ يُمُوتْ وَ لَاكِنْ الْحَيَاةْ الْجَدِيدَةْ قَاعِدَةْ تِزِيدْ فِي قُلُوبْنَا كُلِّ يَوْم.

2 كُرُنْتُس 4:1

وَ خَلَاصْ، اللّٰهْ بَسْ رَحَمْنَا بِالْخِدْمَةْ دِي وَ أَشَانْ دَا، أَبَداً مَا نَكْسَلَوْا مِنْهَا.

رَوْمَا 12:12

أَفْرَحَوْا أَشَانْ عِنْدُكُو عَشَمْ فِي رَبِّنَا. أَصْبُرُوا فِي التَّعَبْ وَ صَلُّوا دَايْماً بَلَا كَسَلْ.

رَوْمَا 8:25

لَاكِنْ كَنْ نَرْجَوْا شَيّءْ وَاحِدْ لِسَّاعْ بَعِيدْ شِيَّةْ مَا بِنْشَافْ، نَرْجَوْه بِالصَّبُرْ.

لُوقا 14:27

وَ كَنْ نَادُمْ أَبَى مَا يِلْحَمَّلْ تَعَبْ الصَّلِيبْ وَ مَا يِتَابِعْنِي لِلْمَوْت، مَا يَقْدَرْ يَبْقَى تِلْمِيذِي.

زَبُور 37:7

أَقْعُدْ سَاكِتْ قِدَّامْ اللّٰهْ وَ خُطّ عَشَمَكْ فَوْقَهْ. وَ مَا تَزْعَلْ ضِدّ الْيَنْجَحْ فِي طَرِيقَهْ وَ لَا ضِدّ النَّادُمْ الْيِسَوِّي مُؤآمَرَةْ.

رُؤية 1:9

وَ أَنَا يُوحَنَّا أَخُوكُو الْقَاعِدْ نِتَابِعْ عِيسَى مِثِلْكُو. أَنَا كُلَ مُشَارِكْ مَعَاكُو فِي التَّعَبْ وَ فِي مَمْلَكَةْ اللّٰهْ وَ نَحْمَلْ التَّعَبْ بِصَبُرْ مِثِلْكُو. وَ كَرَبَوْنِي أَشَانْ بَلَّغْت لِلنَّاسْ كَلَامْ اللّٰهْ وَ شَهَادَةْ عِيسَى الْمَسِيحْ. وَ هَسَّعْ أَنَا مَسْجُونْ فِي الْجَزِيرَةْ الْأُسُمْهَا بَطْمُسْ.

2 بُطْرُس 1:6

وَ تِزِيدُوا فِي الْمَعْرَفَةْ، ثَبِّتِينْ النَّفْس. وَ تِزِيدُوا فِي ثَبِّتِينْ النَّفْس، الصَّبُرْ. وَ تِزِيدُوا فِي الصَّبُرْ، التَّقْوَى.

1 تَسَلونِيكِي 1:3

وَ أَيِّ وَكِتْ النَّسْأَلَوْا لَيْكُو أَبُونَا اللّٰهْ، نِفَكُّرُوا فِي الْعَمَلْ السَّوَّيْتُوهْ بِالْإِيمَانْ وَ الْخِدْمَةْ السَّوَّيْتُوهَا بِالْمَحَبَّةْ وَ عَشَمْكُو الْقَوِي فِي رَبِّنَا عِيسَى الْمَسِيحْ.

2 كُرُنْتُس 11:23

هُمَّنْ خَدَّامِينْ الْمَسِيحْ وَلَّا؟ شِيفُوا! هَسَّعْ نِحَجِّي مِثِلْ رَاسِي لَفَّ مَرَّةْ وَاحِدْ! أَنَا خَدَّامْ أَخَيْر مِنْهُمْ. خَدَمْت بِشِدَّةْ زِيَادَةْ مِنْهُمْ. كَرَبَوْنِي فِي السِّجِنْ زِيَادَةْ مِنْهُمْ. فَرَشَوْنِي زِيَادَةْ مِنْهُمْ. وَ قَعَدْت فِي أُسْط الْمَوْت كَتِيرْ.

2 كُرُنْتُس 5:9

وَ خَلَاصْ، زِيَادَةْ مِنْ كُلَّ شَيّءْ آخَرْ، نِدَوْرُوا نِسَوُّوا الشَّيّءْ الْيَرْضَى بَيَّهْ رَبِّنَا، كَنْ أَنِحْنَ نَسْكُنُوا فِي الْجِسِمْ الْأَرْضِي وَلَّا نِخَلُّوهْ.

رَوْمَا 2:7

هُو يَنْطِي الْحَيَاةْ الْأَبَدِيَّةْ لِلنَّاسْ الْيِسَوُّوا الْخَيْر وَ يِفَتُّشُوا دَايْماً مِنْ اللّٰهْ الْمَجْد وَ الشَّرَفْ وَ الْحَيَاةْ الْمَا عِنْدَهَا حَدّ.

لُوقا 18:1

وَ عِيسَى حَجَّى لَيْهُمْ بِمَثَلْ أَشَانْ يِوَصِّفْهُمْ وَاجِبْ دَايْماً يِصَلُّوا وَ مَا يَكْسَلَوْا.

لُوقا 8:15

وَ التَّيْرَابْ الْوَقَعْ فِي التُّرَابْ الْعَدِيلْ يِمَثِّلْ النَّاسْ الْيَسْمَعَوْا كَلَامْ اللّٰهْ وَ يَكُرْبُوهْ بِحَقّ وَ قَلِبْ عَدِيلْ. وَ يَصْبُرُوا وَ يِجِيبُوا نَتِيجَةْ عَدِيلَةْ.

عِبْرَانِيِّين 13:13

أَشَانْ دَا، خَلِّي نَمُرْقُوا وَ نَمْشُوا لَيَّهْ بَرَّا مِنْ الْفَرِيقْ وَ نَحْمَلَوْا نَفْس الْمُعْيَارْ الْهُو حِمْلَهْ.

1 تِمُوتَاوُس 5:17

الشُّيُوخْ الشَّايْلِينْ عَدِيلْ مَسْؤُولِيَّةْ جَمَاعَةْ الْمُؤمِنِينْ، خَلِّي الْأَخْوَانْ يِحْتَرُمُوهُمْ بِلْحَيْن وَ يَنْطُوهُمْ الْمُسَاعَدَةْ، خَاصَّةً الشُّيُوخْ الْمُنْكَرِبِينْ فِي الْبَشِّرِينْ وَ الْعَلِّمِينْ.

2 تَسَلونِيكِي 3:8

مَا أَكَلْنَا أَكِلْ هَنَا أَيِّ نَادُمْ سَاكِتْ. تِعِبْنَا وَ خَدَمْنَا بِدُرَاعْنَا لَيْل وَ نَهَارْ أَشَانْ مَا نِكَلُّفُوا نَادُمْ مِنْكُو بَيْنَا.

2 تَسَلونِيكِي 3:5

خَلِّي الرَّبّ يَفْتَحْ قُلُوبْكُو فِي مَحَبَّةْ اللّٰهْ وَ يَنْطِيكُو صَبُرْ قَوِي الْجَايِ مِنْ الْمَسِيحْ.

1 تَسَلونِيكِي 2:9

يَا أَخْوَانِي، فَكُّرُوا فِي تَعَبْنَا وَ عَمَلْنَا. لَيْل وَ نَهَارْ خَدَمْنَا بِدُرَاعْنَا. مَا دَوَّرْنَا نِكَلُّفُوا نَادُمْ مِنْكُو بَيْنَا وَكِتْ أَنِحْنَ قَاعِدِينْ نِبَلُّغُوا لَيْكُو بِشَارَةْ اللّٰهْ.

فِلِبِّي 4:3

وَ إِنْتَ، يَا رَفِيقِي الْأَمِينْ، نَطْلُبْ مِنَّكْ إِنْتَ تِسَاعِدْ الْعَوِينْ دَيْل. سَاعِدْهِنْ بِسَبَبْ هِنَّ خَدَمَنْ مَعَايِ فِي شَانْ بِشَارَةْ الْمَسِيحْ. هِنَّ جَاهَدَنْ سَوَا مَعَ أَخُونَا كِلَيْمَانْ وَ الْآخَرِينْ الْيَخْدُمُوا مَعَايِ. النَّاسْ دَوْل، أَسَامَيْهُمْ مَكْتُوبِينْ فِي كِتَابْ الْحَيَاةْ.

فِلِبِّي 2:16

أَشَانْ إِنْتُو مُنْكَرِبِينْ فِي كَلَامْ الْحَيَاةْ. وَ كَنْ تَبْقَوْا مِثِلْ دَا، نَقْدَرْ نَرْفَعْ رَاسِي فَوْق فِي يَوْم جَيَّةْ الْمَسِيحْ. وَ نَعَرِفْ تَعَبِي وَ خِدِمْتِي الْخَدَمْتَهَا لَيَّهْ مَا فَشَلَتْ.

غَلاطِية 6:2

وَ فِي وَكِتْ التَّعَبْ، أَسَّاعَدَوْا أَمْبَيْنَاتْكُو. وَ مِثِلْ دَا، تِطَبُّقُوا وَصَايَا الْمَسِيحْ.

2 كُرُنْتُس 10:15

وَ أَنِحْنَ مَا نُفُوتُوا غَادِي مِنْ حُدُودْنَا وَ مَا نِسْتَكْبَرَوْا فِي الْخِدْمَةْ السَّوَّوْهَا نَاسْ آخَرِينْ. لَاكِنْ نِتْمَنَّوْا كَدَرْ إِيمَانْكُو يِزِيدْ وَ خِدْمِتْنَا أَمْبَيْنَاتْكُو كُلَ تِزِيدْ مَرَّةْ وَاحِدْ.

2 كُرُنْتُس 6:5

فَرَشَوْنَا وَ سَجَنَوْنَا وَ لِقِينَا نُفُوسْنَا فِي أُسْط الْبَرْجَلَةْ. خَدَمْنَا بِدُرَاعْنَا. فَقَدْنَا النَّوْم وَ الْأَكِلْ.

رَوْمَا 16:12

وَ سَلُّمُوا الْأَخْوَاتْ تَرْفِينَةْ وَ تَرْفُوسَةْ الْيَخْدِمَنْ كَتِيرْ لِلرَّبّ. وَ سَلُّمُوا أَخْتِي النِّرِيدْهَا فَرْسِيَّةْ الْخَدَمَتْ كَتِيرْ بِلْحَيْن لِلرَّبّ.

لُوقا 21:19

أَقْعُدُوا ثَابْتِينْ فِي التَّعَبْ دَا وَ مِثِلْ دَا تِنَجُّوا نُفُوسْكُو.

مَرْخُوس 15:21

وَ الْعَسْكَرْ عَصَرَوْا رَاجِلْ وَاحِدْ الْجَايْ مِنْ الْكَدَادَةْ لِيِشِيلْ الصَّلِيبْ الْيِدَوْرُوا يَكْتُلُوا فَوْقَهْ عِيسَى. وَ هُو أُسْمَهْ سِمْعَانْ الْمِنْ حِلَّةْ الْقَيْرَوَانْ، أَبُو إِسْكَنْدَرْ وَ رُوفُسْ.

مِيخا 7:9

وَاجِبْ نَحْمَلْ غَضَبْ اللّٰهْ أَشَانْ أَنَا أَذْنَبْت ضِدَّهْ لَحَدِّي الْوَكِتْ الْهُو يِدَافِعْ لَيِّ فِي شَرِيعْتِي وَ يِثَبِّتْ حُقُوقِي. وَ هُو يَمْرُقْنِي فِي النُّورْ وَ أَنَا نِشِيفْ عَدَالْتَهْ.

زَبُور 69:7

وَ فِي شَانَكْ إِنْتَ، نَحْمَلْ الْمُعْيَارْ. وَ فِي شَانَكْ إِنْتَ، الْعَيْب يِغَطِّينِي.

1 تَسَلونِيكِي 5:12

يَا أَخْوَانِي، نَطُلْبُوا مِنْكُو تِكَرُّمُوا النَّاسْ الْقَاعِدِينْ يَخْدُمُوا أَمْبَيْنَاتْكُو الْعِنْدُهُمْ فَوْقكُو مَسْؤُولِيَّةْ وَ قَاعِدِينْ يُقُودُوكُو فِي دَرِبْ الرَّبّ.

1 كُرُنْتُس 16:16

أَشَانْ تَسْمَعَوْا عَدِيلْ كَلَامْ هَنَا النَّاسْ الْمِثِلْهُمْ وَ هَنَا أَيِّ نَادُمْ الْيَخْدِمْ مَعَاهُمْ بِنِيَّةْ وَاحِدَةْ.

لُوقا 5:5

وَ سِمْعَانْ رَدَّ لَيَّهْ وَ قَالْ: «يَا سَيِّدْنَا، تِعِبْنَا طُولْ اللَّيْل وَ مَا كَرَبْنَا شَيّءْ. لَاكِنْ نَزْقُلْ الشَّرَكْ كَنْ إِنْتَ تِدَوْرَهْ.»