رُؤية 2:19 - الكتاب المقدس بالعربي الدارجي هنا تشاد

¹⁹ أَنَا نَعَرِفْ خِدِمْتَكْ. نَعَرِفْ مَحَبِّتَكْ وَ إِيمَانَكْ وَ صَبْرَكْ فِي التَّعَبْ. وَ نَعَرِفْ كَدَرْ خِدِمْتَكْ الْهَسَّعْ أَخَيْر مِنْ الْأَوَّلْ.

رُؤية 2:19 Referenca të Kryqëzuara

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

2 بُطْرُس 1:7

وَ تِزِيدُوا فِي التَّقْوَى، الْخُوَّةْ. وَ تِزِيدُوا فِي الْخُوَّةْ، الْمَحَبَّةْ.

يُوحَنَّا 15:2

أَيِّ فِرِعْ الْمَا قَاعِدْ يَلْدَ، هُو يَمُرْقَهْ مِنِّي. وَ أَيِّ فِرِعْ الْقَاعِدْ يَلْدَ، هُو يِبَرْبِرَهْ أَشَانْ يَبْقَى نَضِيفْ وَ يَلْدَ زِيَادَةْ.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

1 بُطْرُس 4:8

قُبَّالْ كُلَّ شَيّءْ، أَرَّايَدَوْا أَمْبَيْنَاتْكُو بِمَحَبَّةْ شَدِيدَةْ أَشَانْ الْعِنْدَهْ مَحَبَّةْ يِسَامِحْ زِيَادَةْ لِلنَّاسْ الْيَخْطَوْا فَوْقَهْ.

1 تَسَلونِيكِي 3:6

لَاكِنْ هَسَّعْ بَسْ، تِمُوتَاوُسْ قَبَّلْ مِنْكُو وَ جَابْ لَيْنَا خَبَرْ حَلُو. أَوْرَانَا بِإِيمَانْكُو وَ مَحَبِّتْكُو وَ قَالْ فِكِرْكُو فَوْقنَا دَايْماً فِكِرْ زَيْن وَ إِنْتُو مُشْتَاقِينْ لَيْنَا مِثِلْ أَنِحْنَ مُشْتَاقِينْ لَيْكُو.

كُلُوسِي 3:14

وَ زِيدُوا لِكُلَّ الْأَشْيَاءْ دَوْل الْمَحَبَّةْ التَّرْبُطْ كُلَّ شَيّءْ تَمَامْ وَ تِجِيبْ الْوِحْدَةْ.

رُؤية 2:13

أَنَا نَعَرِفْ الْبَكَانْ الْإِنْتُو سَاكْنِينْ فَوْقَهْ وَ هُو الْبَكَانْ الْإِبْلِيسْ خَطَّ فَوْقَهْ كُرْسِي حَقَّهْ. وَ إِنْتُو مُنْكَرِبِينْ فِي أُسْمِي. وَ إِنْتُو مَا نَكَرْتُوا إِيمَانْكُو بَيِّ وَكِتْ كَتَلَوْا أَنْتِبَاسْ فِي أُسُطْكُو وَ هُو شَهَدْ لَيِّ شَهَادَةْ ثَابْتَةْ فِي الْبَكَانْ الْإِبْلِيسْ سَاكِنْ فَوْقَهْ.

رُؤية 2:9

أَنَا نَعَرِفْ التَّعَبْ اللِّقَاكْ وَ نَعَرِفْ إِنْتَ بِقِيتْ مِسْكِينْ وَ لَاكِنْ عِنْدَكْ بَرَكَةْ كَبِيرَةْ. وَ نَعَرِفْ الْكَلَامْ الْفَسِلْ الْيُقُولُوهْ فَوْقَكْ النَّاسْ الْيِسَوُّوا نُفُوسْهُمْ يَهُودْ وَ لَاكِنْ هُمَّنْ مَا يَهُودْ. يِصَلُّوا فِي بَيْت الصَّلَاةْ وَ لَاكِنْ هُمَّنْ جَمَاعَةْ إِبْلِيسْ.

زَبُور 92:14

حَتَّى كَنْ عَجَّزْ كُلَ، يَلْدَ فَوَاكِهْ وَ دَايْماً عِنْدَهْ قُدْرَةْ وَ قَاعِدْ أَخْضَرْ.

أمْثال 4:18

طَرِيقْ الصَّالِحِينْ مِثِلْ ضَيّ الصَّبَاحْ وَ نُورَهْ يِزِيدْ لَحَدِّي الْحَرَّايْ تَطْلَعْ.

أيُّوب 17:9

الصَّالِحْ يَثْبِتْ فِي دَرْبَهْ وَ الْإِيدَيْنَهْ نَضِيفْينْ يَلْقَى قُدْرَةْ زِيَادَةْ.

لُوقا 1:23

وَ بَعَدَيْن دَوْر هَنَا خِدِمْتَهْ كَمَّلْ خَلَاصْ وَ هُو قَبَّلْ فِي بَيْتَهْ.