رُؤية 2:14 - الكتاب المقدس بالعربي الدارجي هنا تشاد

¹⁴ لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. وَ عِنْدَكْ نَاسْ وَاحِدِينْ يِتَابُعُوا تَعْلِيمْ مِثِلْ تَعْلِيمْ بَلْعَامْ. وَ زَمَانْ بَلْعَامْ عَلَّمْ الْمَلِكْ بَلَاقْ كِكَّيْف يِوَدِّي بَنِي إِسْرَائِيلْ فِي الذُّنُوبْ لَحَدِّي أَكَلَوْا اللَّحَمْ الْأَوَّلْ قَدَّمَهْ ضَحِيَّةْ لِأَصْنَامَهْ وَ هُمَّنْ قَمَّوْا زَنَوْا.

رُؤية 2:14 Referenca të Kryqëzuara

2 بُطْرُس 2:15

هُمَّنْ مَرَقَوْا مِنْ الدَّرِبْ الْعَدِيلْ وَ وَدَّرَوْا مَرَّةْ وَاحِدْ. تَابَعَوْا دَرِبْ بَلْعَامْ وِلَيْد بَعُورْ الْفِرِحْ بِالرِّبَا اللِّقِيهْ مِنْ الْفَسَالَةْ السَّوَّاهَا.

عَدد 31:16

دَوْل بَسْ مَا الْعَوِينْ الْأَوَّلْ بَلْعَامْ قَالْ لَيْهُمْ خَلِّي يِلِزُّوا بَنِي إِسْرَائِيلْ يَعَصَوْا اللّٰهْ؟ وَ هِنَّ بَسْ مَا جَابَنْ مُشْكِلَةْ فَعُورْ لَحَدِّي الْوَبَاءْ نَزَلْ فِي شَعَبْ اللّٰهْ؟

رُؤية 2:20

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. إِنْتَ خَلَّيْت مَرَةْ مِثِلْ إِزَبِيلْ تِسَوِّي نَفِسْهَا نَبِيَّةْ وَ تِعَلِّمْ عَبِيدِي وَ تُغُشُّهُمْ لَحَدِّي يَزْنَوْا وَ يَاكُلُوا لَحَمْ الْقَدَّمَوْه ضَحِيَّةْ لِلْأَصْنَامْ.

يَهُوذَا 1:11

الْعَذَابْ يَرْجَاهُمْ. أَشَانْ هُمَّنْ شَالَوْا دَرِبْ هَنَا قَابِيلْ. هُمَّنْ شَالَوْا دَرِبْ الْكِدِبْ هَنَا بَلْعَامْ أَشَانْ يَلْقَوْا بَيَّهْ رِبَا. وَ عِصَوْا اللّٰهْ مِثِلْ قُورَحْ وَ بَيْدَا، أَكِيدْ يِدَّمَّرَوْا.

أعمال الرُسُل 15:29

مَا تَاكُلُوا لَحَمْ الْقَدَّمَوْه ضَحِيَّةْ لِلْأَصْنَامْ وَ مَا تَاكُلُوا دَمّ وَ لَا لَحَمْ الْفَطِيسْ وَ مَا تَزْنَوْا. كَنْ تِخَلُّوا مِنْكُو الْأَشْيَاءْ دَوْل، دَا سَوَّيْتُوا شَيّءْ عَدِيلْ. وَ مَعَاكُو السَّلَامْ.

عِبْرَانِيِّين 13:4

كُلُّكُو أَحْتَرُمُوا الْأَخِيدَةْ. مَا تِخَلُّوا الزِّنَى يِنَجِّسْ سَرَايِرْكُو الزَّوْجِيَّةْ أَشَانْ تَعَرْفُوا كَدَرْ اللّٰهْ يِحَاسِبْ كُلَّ الزَّنَّايِينْ، كَنْ مَاخْدِينْ وَلَّا مَا مَاخْدِينْ كُلَ.

يَشُوع 24:9

وَ بَلَاقْ وِلَيْد صِفُّورْ مَلِكْ مُوَابْ قَمَّ لِيِحَارِبْ بَنِي إِسْرَائِيلْ وَ رَسَّلْ لِبَلْعَامْ وِلَيْد بَعُورْ أَشَانْ يَجِي يَلْعَنْكُو.

1 بُطْرُس 2:8

وَ بَتَّانْ بُقُولْ: <أَسْمَعَوْا، أَنَا نُخُطّ حَجَرْ فِي صَهْيُون. بِسَبَبَهْ، النَّاسْ يِنْطَقَّوْا وَ يَقَعَوْا.> وَ يِنْطَقَّوْا فَوْقَهْ أَشَانْ أَبَوْا مَا يِتَابُعُوا كَلَامْ اللّٰهْ وَ دَا مُقَدَّرْ لَيْهُمْ.

أعمال الرُسُل 21:25

وَ لَاكِنْ لِلْمُؤمِنِينْ الْمَا يَهُودْ، كَتَبْنَا لَيْهُمْ جَوَابْ خَلَاصْ وَ أَوْرَيْنَاهُمْ وَاجِبْ يِخَلُّوا أَكِلْ اللَّحَمْ الْقَدَّمَوْه ضَحِيَّةْ لِلْأَصْنَامْ وَ الدَّمّ وَ لَحَمْ الْفَطِيسْ وَ الزِّنَى.»

عَدد 31:8

وَ مَعَ الرُّجَالْ دَوْل هُمَّنْ كَتَلَوْا مُلُوكْ مِدْيَانْ الْخَمْسَةْ، أَوِيَا وَ رَاقِمْ وَ صُورْ وَ حُورْ وَ رَابِعْ. وَ بَلْعَامْ وِلَيْد بَعُورْ كُلَ كَتَلَوْه مَعَاهُمْ.

رُؤية 22:15

وَ بَرَّا مِنْ الْمَدِينَةْ، فِيَّهْ الْفَاسْدِينْ وَ السَّحَّارِينْ وَ الزَّنَّايِينْ وَ كَتَّالِينْ الدِّمَمْ وَ النَّاسْ الْيَعَبُدُوا الْأَصْنَامْ وَ النَّاسْ الْكَلَامْهُمْ وَ خِدْمِتْهُمْ كِدِبْ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

1 كُرُنْتُس 7:2

لَاكِنْ مُشْكِلَةْ الزِّنَى قَاعِدَةْ وَ تِدَوْر تَكْرُبْكُو. أَشَانْ دَا، أَخَيْر أَيِّ رَاجِلْ عِنْدَهْ مَرْتَهْ حَلَالَهْ وَ أَيِّ مَرَةْ عِنْدَهَا رَاجِلْهَا حَلَالْهَا.

مَتَّى 18:7

عَذَابْ يَرْجَى نَاسْ الدُّنْيَا أَشَانْ يِسَوُّوا مَشَاكِلْ لِلْمُؤمِنِينْ. لَابُدَّ أَشْيَاءْ وَاحِدِينْ يَبْقَوْا وَ بِسَبَبْهُمْ نَاسْ وَاحِدِينْ يَمُرْقُوا مِنْ الدَّرِبْ وَ لَاكِنْ الْعَذَابْ يَرْجَى النَّادُمْ الْيِسَبِّبْ الْأَشْيَاءْ دَوْل.

حِزْقِيال 3:20

وَ كَنْ نَادُمْ صَالِحْ قَبَّلْ مِنْ عَدَالْتَهْ وَ قَمَّ يِسَوِّي ظُلُمْ، أَنَا نُخُطّ قِدَّامَهْ حَجَرْ وَ هُو يِنْطَقَّ فَوْقَهْ وَ يُمُوتْ. وَ كَنْ إِنْتَ مَا حَذَّرْتَهْ، خَلَاصْ هُو يُمُوتْ بِسَبَبْ ذَنْبَهْ وَ مَا يِذَّكَّرَوْا الْعَدَالَةْ الْهُو سَوَّاهَا أَوَّلْ. وَ لَاكِنْ مِنَّكْ إِنْتَ، أَنَا نَطْلُبْ دِمِّتَهْ.

عَدد 24:14

وَ بَتَّانْ بَلْعَامْ قَالْ: «هَسَّعْ، قُبَّالْ مَا نِقَبِّلْ لِشَعَبِي، تَعَالْ نِأَوْرِيكْ بِالشَّيّءْ الْيِسَوِّيهْ الشَّعَبْ دَا بَعَدَيْن فِي شَعَبَكْ.»

رَوْمَا 14:21

كَنْ مَا تَاكُلْ اللَّحَمْ وَ مَا تَشْرَبْ الْخَمَرْ وَ كَنْ تَابَى أَيِّ شَيّءْ الْيِوَدِّي أَخُوكْ فِي الذَّنِبْ، خَلَاصْ مِثِلْ دَا إِنْتَ قَاعِدْ تِسَوِّي الشَّيّءْ الْعَدِيلْ.

رَوْمَا 14:13

أَشَانْ دَا، خَلِّينَا مَا نُلُومُوا أَخْوَانَّا. أَخَيْر نِشِيلُوا نِيَّةْ أَشَانْ أَبَداً مَا نِسَوُّوا شَيّءْ الْيِوَدِّي أَخُونَا لِلذَّنِبْ، لَحَدِّي يَمُرْقَهْ مِنْ الدَّرِبْ.

حِزْقِيال 44:12

وَ لَاكِنْ أَوَّلْ، هُمَّنْ دَبَحَوْا ضَحَايَا الشَّعَبْ لِأَصْنَامْهُمْ وَ رَمَوْا بَنِي إِسْرَائِيلْ فِي الْخَطَا. وَ بِسَبَبْ دَا، أَنَا نَرْفَعْ إِيدِي ضِدُّهُمْ وَ هُمَّنْ يِلْحَمَّلَوْا نَتِيجَةْ خَطَاهُمْ. وَ دَا كَلَامْ اللّٰهْ الرَّبّ.

إرْمِيا 6:21

وَ فِي شَانْ دَا، دَاهُو اللّٰهْ قَالْ: «أَنَا نُخُطّ قِدَّامْ الشَّعَبْ دَا حَجَرْ وَ هُمَّنْ يِنْطَقَّوْا فَوْقَهْ. وَ يِوَدُّرُوا كُلُّهُمْ حَيَاتْهُمْ، الْأَبُو وَ الْوَلَدْ وَ الْجَارْ وَ الرَّفِيقْ.»

رُؤية 2:4

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. إِنْتَ خَلَّيْت مِنَّكْ مَحَبِّتَكْ الْقَوِيَّةْ الْأَوَّلْ عِنْدَكْ.

1 كُرُنْتُس 1:23

لَاكِنْ أَنِحْنَ نِبَلُّغُوا لِكُلَّ النَّاسْ بِالْمَسِيحْ الْكَتَلَوْه فِي الصَّلِيبْ. وَ الْكَلَامْ دَا يِزَعِّلْ الْيَهُودْ وَ هُو كَلامْ بَاطِلْ لِلْيُونَانِيِّينْ.

رَوْمَا 11:9

وَ النَّبِي دَاوُدْ قَالْ: <خَلِّي دَبَلَايِتْهُمْ تَبْقَى لَيْهُمْ أَمْ كَجَّامَةْ وَ شَرَكْ قِدَّامْهُمْ. خَلِّي بَرَكَاتْهُمْ يَبْقَوْا لَيْهُمْ شُغُلْ الْيِنْطَقَّوْا فَوْقَهْ وَ عِقَابْ.

رَوْمَا 9:32

وَ دَا مَالَا؟ أَشَانْ مَا تَابَعَوْا دَرِبْ الْإِيمَانْ. وَ فِي فِكِرْهُمْ، هُمَّنْ يَبْقَوْا صَالِحِينْ بِسَبَبْ الْعَمَلْ الْيِسَوُّوهْ. وَ خَلَاصْ، هُمَّنْ أَنْطَقَّوْا فِي الْحَجَرْ الْيَرْمِيهُمْ.

إشَعْيا 57:14

وَ الرَّبّ يُقُولْ: «عَدُّلُوا! عَدُّلُوا وَ جَهُّزُوا الدَّرِبْ! أَمُرْقُوا الْحَجَرْ مِنْ دَرِبْ شَعَبِي.»