رُؤية 2:10 - الكتاب المقدس بالعربي الدارجي هنا تشاد

¹⁰ مَا تَخَافْ مِنْ الضِّيقَةْ الْقَرِيبْ تَجِيكْ. خُطُّوا بَالْكُو! إِبْلِيسْ يَكْرُبْ وَاحِدِينْ مِنْكُو فِي السِّجِنْ وَ إِيمَانْكُو يِجَرُّبُوهْ. وَ فِي مُدَّةْ عَشَرَةْ يَوْم، تِضَيُّقُوا ضِيقَةْ شَدِيدَةْ. أَقْعُدُوا ثَابْتِينْ فِي إِيمَانْكُو لَحَدِّي الْمَوْت وَ خَلَاصْ نَنْطِيكُو تَاجْ هَنَا الْحَيَاةْ الْأَبَدِيَّةْ.

رُؤية 2:10 Referenca të Kryqëzuara

يَعْقُوب 1:12

مَبْرُوكْ لِلنَّادُمْ الْيَصْبُرْ فِي التَّعَبْ الْيِجَرِّبْ إِيمَانَهْ. أَشَانْ وَكِتْ التَّجْرِبَةْ دِي كَمَّلَتْ خَلَاصْ، هُو يَلْقَى تَاجْ الْحَيَاةْ. وَ التَّاجْ دَا، هُو الْحَيَاةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

مَتَّى 10:22

وَ فِي شَانْ أُسْمِي كُلَّ النَّاسْ يَكْرَهَوْكُو. وَ لَاكِنْ النَّادُمْ الْيَقْعُدْ ثَابِتْ لَحَدِّي كُمَالَةْ كُلَّ شَيّءْ، هُو يَنْجَى.

1 بُطْرُس 5:4

وَ وَكِتْ الْمَسِيحْ كَبِيرْ الرُّعْيَانْ يِبِينْ، هُو يَنْطِيكُو التَّاجْ الْمَجِيدْ الْجَمَالَهْ أَبَداً مَا يِكَمِّلْ.

مَرْخُوس 13:13

وَ فِي شَانْ أُسْمِي، كُلَّ النَّاسْ يَكْرَهَوْكُو. وَ لَاكِنْ النَّادُمْ الْقَاعِدْ ثَابِتْ لَحَدِّي الْكُمَالَةْ، يَنْجَى.

أفَسُس 6:12

أَنِحْنَ مَا نِحَارُبُوا عَدُو مِنْ النَّاسْ. لَاكِنْ فِي الزَّمَنْ الْحَاضِرْ دَا، الدُّنْيَا قَاعِدَةْ فِي الضَّلَامْ وَ فِيَّهْ شَوَاطِينْ الْقَاعِدِينْ يَمُلْكُوهَا. وَ أَنِحْنَ قَاعِدِينْ نِحَارُبُوا حُكَّامْ وَ كُبَارَاتْ الشَّوَاطِينْ دَوْل، الْهُمَّنْ عَسْكَرْ إِبْلِيسْ الْقَاعِدِينْ فِي السَّمَاوَاتْ.

رُؤية 2:9

أَنَا نَعَرِفْ التَّعَبْ اللِّقَاكْ وَ نَعَرِفْ إِنْتَ بِقِيتْ مِسْكِينْ وَ لَاكِنْ عِنْدَكْ بَرَكَةْ كَبِيرَةْ. وَ نَعَرِفْ الْكَلَامْ الْفَسِلْ الْيُقُولُوهْ فَوْقَكْ النَّاسْ الْيِسَوُّوا نُفُوسْهُمْ يَهُودْ وَ لَاكِنْ هُمَّنْ مَا يَهُودْ. يِصَلُّوا فِي بَيْت الصَّلَاةْ وَ لَاكِنْ هُمَّنْ جَمَاعَةْ إِبْلِيسْ.

مَتَّى 24:13

وَ لَاكِنْ النَّادُمْ الْقَاعِدْ ثَابِتْ لَحَدِّي كُمَالَةْ كُلَّ شَيّءْ، يَنْجَى.

1 بُطْرُس 5:8

خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ.

1 كُرُنْتُس 9:25

وَ نَعَرْفُوا كَنْ نَادُمْ رِيَاضِي، هُو يِثَبِّتْ نَفْسَهْ فِي أَيِّ حَالْ وَ يِجَاهِدْ. وَ الْجَائِزَةْ الْهُو يِدَوْر يَلْقَاهَا دِي، هِي تَتْلَفْ عَجَلَةْ. لَاكِنْ أَنِحْنَ نِجَاهُدُوا أَشَانْ نَلْقَوْا الْجَائِزَةْ الْأَبَداً مَا تَتْلَفْ.

مَتَّى 10:28

«مَا تَخَافَوْا مِنْ النَّاسْ. يَقْدَرَوْا يَكْتُلُوا جِسِمْ النَّادُمْ وَ لَاكِنْ مَا يَقْدَرَوْا يَكْتُلُوا رُوحَهْ. أَخَافَوْا مِنْ اللّٰهْ أَشَانْ هُو يَقْدَرْ يَهْلِكْ الْجِسِمْ وَ الرُّوحْ سَوَا فِي جَهَنَّمْ.

دَنْيال 1:14

وَ الْمُرَاقِبْ قَصَّدْ بِالْكَلَامْ دَا وَ جَرَّبَاهُمْ لِمُدَّةْ عَشَرَةْ يَوْم.

رُؤية 13:7

وَ عِنْدَهْ إِذِنْ أَشَانْ يِحَارِبْ الصَّالِحِينْ وَ يِنَّصِرْ فَوْقهُمْ. وَ عِنْدَهْ قُدْرَةْ فِي أَيِّ قَبِيلَةْ وَ شَعَبْ وَ لُغَّةْ وَ أُمَّةْ.

أفَسُس 2:2

وَ فِي الْوَكِتْ الْفَاتْ دَاكْ، إِنْتُو قَاعِدِينْ تِتَابُعُوا دَرِبْ الدُّنْيَا وَ تِتَابُعُوا كَبِيرْ الْمَمْلَكَةْ الشَّيْطَانِيَّةْ الْقَاعِدَةْ بَيْن السَّمَاءْ وَ الْأَرْض وَ هُو الشَّيْطَانْ الْقَاعِدْ يَخْدِمْ فِي قُلُوبْ النَّاسْ الْيِخَالُفُوا اللّٰهْ.

يُوحَنَّا 13:2

وَ عِيسَى وَ تَلَامِيذَهْ قَاعِدِينْ فِي الْعَشَاءْ. وَ فِي الْوَكِتْ دَا، خَلَاصْ إِبْلِيسْ دَسَّ نِيَّةْ الْخِيَانَةْ فِي قَلِبْ يَهُوذَا وِلَيْد سِمْعَانْ الْإِسْخَرِيَوْطِي أَشَانْ يُخُونْ عِيسَى.

يُوحَنَّا 12:25

وَ أَيِّ نَادُمْ الْيِحِبّ حَيَاتَهْ يِوَدِّرْهَا. وَ الْيَكْرَهْ حَيَاتَهْ فِي الدُّنْيَا، يَلْقَى الْحَيَاةْ الْأَبَدِيَّةْ.

لُوقا 21:12

«وَ لَاكِنْ قُبَّالْ الْأَشْيَاءْ دَوْل مَا يَبْقَوْا، إِنْتُو يَكُرْبُوكُو وَ يِعَذُّبُوكُو. وَ يِسَلُّمُوكُو لِمَسَائِيلْ بُيُوتْ الصَّلَاةْ وَ يَزْقُلُوكُو فِي السِّجِنْ. يِوَدُّوكُو بَكَانْ الْمُلُوكْ وَ الْحُكَّامْ فِي شَانْ إِنْتُو نَاسِي.

مَرْخُوس 8:35

أَشَانْ أَيِّ نَادُمْ الْيِدَوْر يِنَجِّي نَفْسَهْ، يِوَدِّرْهَا. لَاكِنْ أَيِّ نَادُمْ الْيِوَدِّرْ نَفْسَهْ فِي شَانِي أَنَا وَ فِي شَانْ الْبِشَارَةْ، يَنْجَى.

حَبَقُوق 2:3

أَشَانْ الرُّؤْيَةْ دِي، الْوَكِتْ الْمُحَدَّدْ لَيْهَا لِسَّاعْ مَا جَاءْ. وَ لَاكِنْ أَكِيدْ هِي تَجِي فِي وَكِتْهَا! أَبَداً مَا تَكْدِبْ. وَ كَنْ أَخَّرَتْ كُلَ، أَرْجَاهَا أَشَانْ أَكِيدْ هِي تَجِي بَلَا تَأخِيرْ.

دَنْيال 1:12

«يَا سَيِّدِي، مِنْ فَضْلَكْ جَرِّبْ عَبِيدَكْ لِمُدَّةْ عَشَرَةْ يَوْم. أَنْطِينَا نَاكُلُوا مِنْ الْخُضْرَوَاتْ بَسْ وَ أَلْمِي نَشَرْبَوْا.

رُؤية 13:2

وَ الْحَيْوَانْ دَا، هُو يِشَابِهْ مِثِلْ نِمِرْ وَ رِجِلَيْنَهْ مِثِلْ رِجِلَيْن الدُّبّ وَ قَدُّومَهْ مِثِلْ قَدُّومْ الدُّودْ. وَ الْغُولْ أَنْطَاهْ قُدُرْتَهْ وَ كُرْسِي حَقَّهْ وَ سُلْطَةْ كَبِيرَةْ بِلْحَيْن.

أعمال الرُسُل 21:13

وَ لَاكِنْ هُو رَدَّ لَيْنَا وَ قَالْ: «مَالْكُو تَبْكُوا مِثِلْ دَا؟ تِدَوْرُوا تِوَجُّعُوا قَلْبِي وَلَّا؟ أَنَا مَاشِي لِمَدِينَةْ الْقُدُسْ. أَنَا مَا جَاهِزْ لِيَرْبُطُونِي بَسْ لَاكِنْ فِي شَانْ أُسُمْ رَبِّنَا عِيسَى أَنَا جَاهِزْ لِلْمَوْت.»

أعمال الرُسُل 20:24

حَيَاتِي مَا مُهِمَّةْ لَيِّ. لَاكِنْ الْمُهِمّ لَيِّ نِكَمِّلْ خِدْمَةْ رَبِّنَا عِيسَى الْهُو أَنْطَاهَا لَيِّ. وَاجِبْ نَشْهَدْ لِلنَّاسْ وَ نِأَوْرِيهُمْ بِالْبِشَارَةْ هَنَا نِعْمَةْ اللّٰهْ.

يُوحَنَّا 13:27

وَ يَهُوذَا شَالْ اللُّقْمَةْ وَ خَلَاصْ إِبْلِيسْ دَخَلْ فِي قَلْبَهْ. وَ عِيسَى حَجَّى لَيَّهْ وَ قَالْ: «الشَّيّءْ التِّدَوْر تِسَوِّيهْ، سَوِّيهْ عَجَلَةْ.»

زَبُور 31:23

حِبُّوا اللّٰهْ، إِنْتُو الْمُؤمِنِينْ بَيَّهْ! اللّٰهْ يَحْفَضْ الْأَمِينِينْ. وَ لَاكِنْ لِلْمُسْتَكْبِرِينْ يِحَاسِبْهُمْ بِعَمَلْهُمْ.

رُؤية 2:13

أَنَا نَعَرِفْ الْبَكَانْ الْإِنْتُو سَاكْنِينْ فَوْقَهْ وَ هُو الْبَكَانْ الْإِبْلِيسْ خَطَّ فَوْقَهْ كُرْسِي حَقَّهْ. وَ إِنْتُو مُنْكَرِبِينْ فِي أُسْمِي. وَ إِنْتُو مَا نَكَرْتُوا إِيمَانْكُو بَيِّ وَكِتْ كَتَلَوْا أَنْتِبَاسْ فِي أُسُطْكُو وَ هُو شَهَدْ لَيِّ شَهَادَةْ ثَابْتَةْ فِي الْبَكَانْ الْإِبْلِيسْ سَاكِنْ فَوْقَهْ.

رُؤية 13:14

وَ غَشَّ كُلَّ سُكَّانْ الْأَرْض بِالْعَجَايِبْ الْعِنْدَهْ إِذِنْ يِسَوِّيهُمْ قِدَّامْ الْحَيْوَانْ الْأَوَّلْ. وَ أَمَرْ النَّاسْ أَشَانْ يَصْنَعَوْا صَنَمْ فِي صُورَةْ الْحَيْوَانْ الْجَرَحَوْه بِالْسَّيْف وَ مَاتْ وَ بَتَّانْ حِيِي.

رُؤية 17:14

وَ يِحَارُبُوا الْحَمَلْ وَ الْحَمَلْ يِنَّصِرْ فَوْقهُمْ أَشَانْ هُو بَسْ رَبّ الْأَرْبَابْ وَ مَلِكْ الْمُلُوكْ. وَ عِنْدَهْ مَعَايَهْ النَّاسْ الْعَزَلَاهُمْ وَ نَادَاهُمْ وَ هُمَّنْ الْمُؤمِنِينْ.»

مَراثِي إرْمِيا 3:57

وَكِتْ نَادَيْتَكْ، إِنْتَ قَرَّبْت لَيِّ وَ قُلْت لَيِّ: «مَا تَخَافْ!»