رُؤية 19:6 - الكتاب المقدس بالعربي الدارجي هنا تشاد

⁶ وَ فِي الْبَكَانْ دَا، سِمِعْت حَرَكَةْ مِثِلْ حِسّ هَنَا نَاسْ كَتِيرِينْ مَرَّةْ وَاحِدْ. وَ حِسُّهُمْ مِثِلْ حَرَكَةْ هَنَا مَطَرَةْ شَدِيدَةْ بِلْحَيْن وَ مِثِلْ رَعَدْ شَدِيدْ وَ قَالَوْا: «هَلَّيْلُويَا! الْحَمْدُ للّٰهْ! رَبِّنَا اللّٰهْ الْقَادِرْ قَاعِدْ يَمْلُكْ.

رُؤية 19:6 Referenca të Kryqëzuara

زَبُور 97:1

اللّٰهْ هُو الْمَلِكْ. خَلِّي الْأَرْض تِنْبَسِطْ وَ كُلَّ الْجَزَايِرْ يَفْرَحَوْا!

رُؤية 14:2

وَ سِمِعْت حَرَكَةْ جَايَةْ مِنْ السَّمَاءْ وَ الْحَرَكَةْ دِي شَدِيدَةْ مِثِلْ مَطَرَةْ تَقِيلَةْ وَ رَعَدْ شَدِيدْ. وَ الْحَرَكَةْ تِشَابِهْ مِثِلْ نَاسْ كَتِيرِينْ قَاعِدِينْ يَضُرْبُوا جِقِنْدِيَّةْ.

رُؤية 19:1

وَ بَعَدْ دَا، أَنَا سِمِعْت حَرَكَةْ شَدِيدَةْ فِي السَّمَاوَاتْ مِثِلْ حَرَكَةْ هَنَا نَاسْ كَتِيرِينْ بِلْحَيْن. وَ قَالَوْا: «هَلَّيْلُويَا! الْحَمْدُ للّٰهْ! رَبِّنَا اللّٰهْ هُو الْقَادِرْ وَ الْمَجِيدْ وَ النَّجَاةْ تَجِي مِنَّهْ هُو بَسْ.

زَبُور 99:1

اللّٰهْ هُو الْمَلِكْ. خَلِّي الشُّعُوبْ يَرْجُفُوا! هُو قَاعِدْ فَوْق الْمَخْلُوقِينْ السَّمَاوِيِّينْ. خَلِّي الْأَرْض تِنْهَزَّ!

زَبُور 93:1

اللّٰهْ هُو الْمَلِكْ! هُو لَابِسْ الْعَظَمَةْ وَ رَابِطْ الْقُدْرَةْ مِثِلْ حِزَامْ. فِي شَانْ دَا، الْعَالَمْ قَاعِدْ ثَابِتْ وَ مَا يِلْحَرَّكْ.

رُؤية 6:1

وَ فِي الْبَكَانْ دَا، أَنَا شِفْت الْحَمَلْ فَكَّ أَوَّلْ خِتِمْ مِنْ السَّبْعَةْ. وَ سِمِعْت وَاحِدْ مِنْ الْأَرْبَعَةْ مَخْلُوقِينْ السَّمَاوِيِّينْ نَادَى بِحِسّ شَدِيدْ مِثِلْ الرَّعَدْ وَ قَالْ: «تَعَالْ!»

رُؤية 1:15

وَ رِجِلَيْنَهْ يِرَارُوا مِثِلْ النَّحَاسْ الْمُجُمَّرْ وَ مِثِلْ النَّحَاسْ النَّضِيفْ مَرَّةْ وَاحِدْ. وَ حِسَّهْ شَدِيدْ مِثِلْ الْمَطَرَةْ التَّقِيلَةْ.

حِزْقِيال 1:24

وَ وَكِتْ الْمَخْلُوقِينْ مَاشِينْ، أَنَا قَاعِدْ نَسْمَعْ حَرَكَةْ جَنَاحَيْهُمْ وَ دَا مِثِلْ حَرَكَةْ مَطَرَةْ تَقِيلَةْ وَ مِثِلْ حِسّ الْقَادِرْ وَ مِثِلْ حِسّ نَاسْ كَتِيرِينْ وَ مِثِلْ حَرَكَةْ دَيْش كَبِيرْ. وَ وَكِتْ يَقِيفُوا، يِدَلُّوا جَنَاحَيْهُمْ.

رُؤية 21:22

وَ مَا شِفْت بَيْت هَنَا عِبَادَةْ فِي الْمَدِينَةْ دِي أَشَانْ فِي قَدّ هَنَا بَيْت عِبَادَةْ، رَبِّنَا اللّٰهْ الْقَادِرْ وَ الْحَمَلْ ذَاتْهُمْ قَاعِدِينْ وَ أَشَانْ دَا بَيْت هَنَا عِبَادَةْ مَا وَاجِبْ بَتَّانْ.

رُؤية 12:10

وَ أَنَا سِمِعْت حِسّ شَدِيدْ كَلَّمْ فِي السَّمَاءْ وَ قَالْ: «النَّجَاةْ الْاللّٰهْ جَهَّزَاهَا جَاتْ. وَ هَسَّعْ هُو وَصَّفْ قُدُرْتَهْ خَلَاصْ. مَمْلَكَةْ رَبِّنَا اللّٰهْ جَاتْ وَ الْمَسِيحْ الْاللّٰهْ خَطَّاهْ فَوْقهَا بَدَا يَحْكِمْ بِقُدْرَةْ. أَكِيدْ، رَمَوْه إِبْلِيسْ التَّاهِمْ أَخْوَانَّا الْمُؤمِنِينْ. أَوَّلْ هُو قَاعِدْ يَتْهَمْهُمْ قِدَّامْ اللّٰهْ لَيْل وَ نَهَارْ وَ خَلَاصْ هُو رَمَوْه.

رُؤية 8:5

وَ بَعَدْ دَا، الْمَلَكْ شَالْ مُخْبَرَهْ وَ مَلَاهْ بِجَمُرْ مِنْ الْمَدْبَحْ وَ دَفَّقَهْ فِي الْأَرْض. وَ رَعَدْ وَ حَرَكَةْ شَدِيدَةْ أَنْسَمَعَوْا وَ بَرَّاقَةْ شَلَعَتْ وَ كَانْ زِلْزَالْ.

رُؤية 4:5

وَ شِفْت بَرَّاقَةْ تَشْلَعْ مِنْ الْعَرْش وَ سِمِعْت حَرَكَةْ شَدِيدَةْ وَ رَعَدْ. وَ قِدَّامْ الْعَرْش، أَنَا شِفْت سَبْعَةْ مَشَاهِيبْ النَّارْ وَ هُمَّنْ الْأَرْوَاحْ السَّبْعَةْ هَنَا اللّٰهْ.

حِزْقِيال 43:2

وَ دَاهُو مَجْد اللّٰهْ إِلٰـهْ بَنِي إِسْرَائِيلْ جَايِ مِنْ الصَّبَاحْ بِحَرَكَةْ مِثِلْ حَرَكَةْ أَلْمِي الْكَتِيرْ وَ الْأَرْض نَوَّرَتْ بِمَجْدَهْ.

إشَعْيا 52:7

مَرْحَباً بِجَيَّةْ الْمُرْسَالْ فِي الْجِبَالْ الْيِبَلِّغْ الْبِشَارَةْ وَ يِخَبِّرْ بِالسَّلَامْ وَ الْخَيْر وَ النَّجَاةْ. وَ يُقُولْ لِصَهْيُون: «إِلٰـهْكِ يَحْكِمْ!»

زَبُور 97:12

أَفْرَحَوْا بِاللّٰهْ، يَا الصَّالِحِينْ، وَ أَذْكُرُوا أُسْمَهْ الْقُدُّوسْ!

زَبُور 77:18

رَعَدَكْ دَقْدَقْ وَ بَرَّاقْتَكْ نَوَّرَتْ الْعَالَمْ وَ الْأَرْض أَنْهَزَّتْ وَ رَجَفَتْ.

أيُّوب 40:9

إِنْتَ عِنْدَكْ قُدْرَةْ مِثِلْ قُدُرْتِي أَنَا الرَّبّ وَلَّا؟ وَ حِسَّكْ مِثِلْ رَعَدْ يِشَابِهْ حِسِّي وَلَّا؟

إرْمِيا 51:48

السَّمَاءْ وَ الْأَرْض يِزَغْرُطُوا وَ كُلَّ الْفِيهُمْ يِرَقْرِقْ مِنْ الْفَرَحْ فِي شَانْ دَمَارْ بَابِلْ. أَشَانْ مِنْ مُنْشَاقْ الْمُخَرِّبْ يَجِي لَيْهَا.» وَ دَا كَلَامْ اللّٰهْ.

زَبُور 47:7

أَشَانْ مَلِكْ كُلَّ الْأَرْض، هُو الرَّبّ! غَنُّوا لَيَّهْ غِنَيْ!

زَبُور 47:2

أَشَانْ اللّٰهْ الْعَالِي مُخِيفْ وَ هُو الْمَلِكْ الْكَبِيرْ فِي كُلَّ الْأَرْض.

مَتَّى 6:13

مَا تِدِسِّنَا فِي التَّجْرِبَةْ لَاكِنْ نَجِّينَا مِنْ شَرّ إِبْلِيسْ. وَ لَيْك إِنْتَ بَسْ الْمُلُكْ وَ الْقُدْرَةْ وَ الْمَجْد دَايْماً وَ إِلَى الْأَبَدْ. آمِينْ.

رُؤية 1:8

وَ دَاهُو كَلَامْ اللّٰهْ رَبِّنَا: «أَنَا الْأَوَّلْ وَ الْأَخِيرْ. أَنَا الْقَاعِدْ فِي الْوَكِتْ الْفَاتْ وَ الْوَكِتْ الْحَاضِرْ وَ الْوَكِتْ الْجَايِ. أَنَا اللّٰهْ الْقَادِرْ.»

رُؤية 19:4

وَ الْأَرْبَعَةْ وَ عِشْرِينْ شُيُوخْ وَ الْأَرْبَعَةْ مَخْلُوقِينْ السَّمَاوِيِّينْ سَجَدَوْا قِدَّامْ اللّٰهْ الْقَاعِدْ فِي الْعَرْش وَ قَالَوْا: «آمِينْ. هَلَّيْلُويَا! الْحَمْدُ للّٰهْ!»