رُؤية 18:7 - الكتاب المقدس بالعربي الدارجي هنا تشاد

⁷ أَوَّلْ شَهْوِتْهَا وَ فَشَارْهَا شُدَادْ بِلْحَيْن وَ هَسَّعْ أَنْطُوهَا عَذَابْ وَ حِزِنْ شَدِيدْ بِنَفْس الْمِكْيَالْ. أَيْوَى، هِي تُقُولْ فِي قَلِبْهَا: ‹دَاهُونِي أَنَا الْمَلِكَةْ. أَنَا مَا نَبْقَى أَرْمَلَةْ وَ أَبَداً مَا نَحْزَنْ.›

رُؤية 18:7 Referenca të Kryqëzuara

صَفَنْيا 2:15

وَ أَوَّلْ، دِي مَدِينَةْ الْفَرَحْ الْقَاعِدَةْ بِأَمَانْ. وَ هِي قَالَتْ فِي نَفِسْهَا: «أَنَا بَسْ الْجَمِيلَةْ وَ مَا فِي بَلَايِ.» هَسَّعْ شِيفُوا! هِي بِقَتْ خَرَابْ وَ مَرْقَدْ حَيْوَانَاتْ. أَيِّ وَاحِدْ الْيُفُوتْ جَنْبَهَا يِصَفِّرْ وَ يِهِزّ رَاسَهْ مِنْ الْعَجَبْ.

مَراثِي إرْمِيا 1:1

يَا السَّلَامْ! الْمَدِينَةْ أَمْ شَعَباً كَتِيرْ بِقَتْ مَعْزُولَةْ مِثِلْ أَرْمَلَةْ مَا عِنْدَهَا مُسَاعَدَةْ. أَوَّلْ، هِي فِي الْأُمَمْ سَيِّدَةْ وَ الْيَوْم، بِقَتْ خَادِمْ مَمْلُوكَةْ.

إرْمِيا 13:18

وَ اللّٰهْ قَالْ: «قُولْ لِلْمَلِكْ وَ لِلْمَلِكَةْ الْأُمّ: ‹أَنْزُلُوا مِنْ كُرْسِي الْمُلُكْ وَ أَقْعُدُوا فِي الْأَرْض أَشَانْ تَاجْ الْمُلُكْ الْعَظِيمْ وَقَعْ مِنْ رَاسْكُو.

زَبُور 45:9

بَنَاتْ الْمُلُوكْ قَاعِدَاتْ جَنْبَكْ، لَابْسَاتْ زِينْتَكْ وَ الْمَلِكَةْ وَاقْفَةْ بِزَيْنَايْتَكْ، لَابْسَةْ دَهَبْ صَافِي مِنْ أُفِيرْ.

زَبُور 10:6

وَ يُقُولْ فِي نَفْسَهْ: «أَنَا مَا نِلْبَرْجَلْ وَ أَنَا مَحْفُوضْ دَايْماً مِنْ الْفَسَالَةْ.»

عُبَدْيا 1:3

وَ إِسْتِكْبَارْكُو بَسْ غَشَّاكُو، يَا إِنْتُو الْقَاعِدِينْ فِي كَرَاكِيرْ الْحُجَارْ. تَسْكُنُوا فِي الْبَكَانَاتْ الْعَالِيِينْ وَ تُقُولُوا فِي نُفُوسْكُو: ‹يَاتُو يِنَزِّلْنَا تِحِتْ؟›

1 تِمُوتَاوُس 5:11

آبَى مَا تِسَجِّلْ فِي مَجْمُوعَةْ الْأَرَامِلْ أَيِّ مَرَةْ صَبِيَّةْ الرَّاجِلْهَا مَاتْ أَشَانْ وَكِتْ شَهْوَاتْهَا يِلِزُّوهَا، هِي تَابَى خِدْمَةْ الْمَسِيحْ وَ تِدَوْر تَاخُدْ بَتَّانْ.

رُؤية 18:3

وَ دَا بِقِي أَشَانْ كُلَّ الْأُمَمْ شِرْبَوْا الْخَمَرْ الْهِي أَنْطَتْهُمْ وَ الْخَمَرْ دَا يِمَثِّلْ شَهْوِتْهَا الْفَاسْدَةْ. وَ مُلُوكْ الْأَرْض زَنَوْا مَعَاهَا وَ تُجَّارْ الدُّنْيَا لِقَوْا مَالْ كَتِيرْ بِلْحَيْن مِنْ شَهْوِتْهَا الْكَتِيرَةْ الْمَا عِنْدَهَا حَدّ.»

رُؤية 18:9

وَ مُلُوكْ الْأَرْض الزَّنَوْا مَعَاهَا وَ شَارَكَوْهَا فِي شَهْوِتْهَا يِشِيفُوا الدُّخَّانْ الْيَطْلَعْ مِنْ النَّارْ التَّاكُلْهَا وَ هُمَّنْ يَحْزَنَوْا وَ يَبْكُوا لَيْهَا.

أسْتِير 6:10

وَ الْمَلِكْ قَالْ لِهَمَانْ: «عَجَلَةْ شِيلْ الْخَلَقْ وَ الْجُوَادْ مِثِلْ إِنْتَ قُلْتَهْ وَ سَوِّيهْ لِمَرْدَكَايْ الْيَهُودِي الْقَاعِدْ فِي خَشُمْ بَابْ قَصِرْ الْمَلِكْ. مَا تِخَلِّي شَيّءْ مِنْ كُلَّ الْكَلَامْ الْإِنْتَ قُلْتَهْ.»

حِزْقِيال 23:34

لَاكِنْ إِنْتِ تَشَرْبَيْه وَ تِكَمِّلِيهْ وَ تِكَسِّرِيهْ بِسُنُونْكِ. وَ بِشِقَفَّهْ، تِجَرِّحِي دُيُودْكِ. وَ دَا، أَنَا بَسْ قُلْتَهْ.» وَ دَا كَلَامْ اللّٰهْ الرَّبّ.