رُؤية 18:4 - الكتاب المقدس بالعربي الدارجي هنا تشاد

⁴ وَ فِي الْبَكَانْ دَا، سِمِعْت حِسّ آخَرْ جَايِ مِنْ السَّمَاءْ قَالْ: «يَلَّا يَا شَعَبِي، أَمُرْقُوا مِنْهَا! مَا تِشَارُكُوهَا فِي ذُنُوبْهَا أَشَانْ مَا تِشَارُكُوهَا فِي الْوَبَاءْ الْيَجِي فَوْقهَا كُلَ.

رُؤية 18:4 Referenca të Kryqëzuara

2 كُرُنْتُس 6:17

<أَشَانْ دَا، أَمُرْقُوا مِنْ أُسُطْهُمْ وَ أَنْفَصُلُوا مِنْهُمْ. دَا بَسْ كَلَامْ اللّٰهْ. مَا تَلْمَسَوْا شَيّءْ نِجِسْ> وَ أَنَا نَقْبَلْكُو.

إرْمِيا 51:6

عَرُّدُوا مِنْ بَلَدْ بَابِلْ وَ خَلِّي أَيِّ وَاحِدْ يِنَجِّي نَفْسَهْ. مَا تُمُوتُوا بِسَبَبْ ذَنِبْهَا أَشَانْ دَا وَكِتْ اللّٰهْ يِشِيلْ تَارَهْ وَ يِجَازِيهَا حَسَبْ الْوَاجِبْ لَيْهَا.

إرْمِيا 51:45

يَا شَعَبِي! أَمُرْقُوا مِنْ أُسُطْ بَابِلْ وَ خَلِّي أَيِّ وَاحِدْ يِنَجِّي نَفْسَهْ، وَ يِبَعِّدْ مِنْ الْغَضَبْ الْمُحْرِقْ هَنَايِ اللّٰهْ.

إشَعْيا 52:11

سِيرُوا! سِيرُوا! أَمُرْقُوا مِنْ هِنَاكْ، يَا إِنْتُو الشَّايْلِينْ مُعِدَّاتْ اللّٰهْ. أَمُرْقُوا مِنْ لُبّ بَابِلْ وَ طَهُّرُوا نُفُوسْكُو وَ مَا تَلْمَسَوْا شَيّءْ نِجِسْ!

إرْمِيا 50:8

«يَلَّا! عَرُّدُوا مِنْ بَابِلْ! أَمُرْقُوا مِنْ بَلَدْ الْبَابِلِيِّينْ. وَ أَبْقَوْا مِثِلْ تُيُوسْ الْمَاشِينْ فِي رَاسْ دَوْر الْغَنَمْ.

1 تِمُوتَاوُس 5:22

مَا تِسَّعْجَلْ وَكِتْ تِدَوْر تِدَرِّجْ شَيْخ وَ مَا تِشَارِكْ فِي ذُنُوبْ هَنَا نَادُمْ آخَرْ. أَنْقَرِعْ مَا تِتَلِّفْ حَالَكْ الطَّاهِرَةْ.

إشَعْيا 48:20

«أَمُرْقُوا مِنْ بَابِلْ! وَ عَرُّدُوا مِنْ الْبَابِلِيِّينْ! بِزَغْرَاطْ، خَبُّرُوا وَ خَلِّي يَسْمَعَوْه وَ بَلُّغُوا لَحَدِّي طَرَفْ الْأَرْض وَ قُولُوا: ‹اللّٰهْ فَدَى ذُرِّيَّةْ عَبْدَهْ يَعْقُوبْ!›

زَبُور 50:18

وَ كَنْ إِنْتَ شِفْت سَرَّاقْ، تِسْتَفِقْ مَعَايَهْ وَ تَمْشِي مَعَ الزَّنَّايِينْ.

2 يُوحَنَّا 1:11

أَشَانْ النَّادُمْ الْيِسَلِّمَهْ بِقِي مِثِلْ هُو يِعَاوِنَهْ فِي عَمَلَهْ الْفَسِلْ.

إرْمِيا 51:50

يَلَّا، إِنْتُو النِّجِيتُوا مِنْ الْمَوْت! عَرُّدُوا! مَا تَقِيفُوا! فِي الْغُرْبَةْ، أَذَّكَّرَوْا اللّٰهْ وَ خُطُّوا مَدِينَةْ الْقُدُسْ فِي قُلُوبْكُو.

مَتَّى 23:30

وَ تُقُولُوا: ‹كَنْ أَوَّلْ أَنِحْنَ عِشْنَا فِي زَمَنْ جُدُودْنَا، مَا نِشَارُكُوا مَعَاهُمْ وَ نِشِيلُوا دِمَّةْ الْأَنْبِيَاء.›

تكوين 19:14

وَ لُوطْ مَشَى لِقِي نُسْبَانَهْ الْيِدَوْرُوا يَاخُدُوا بَنَاتَهْ وَ قَالْ لَيْهُمْ: «يَلَّا! قُمُّوا أَمُرْقُوا مِنْ هِنِي! أَشَانْ اللّٰهْ يِدَوْر يِدَمِّرْ الْمَدِينَةْ دِي.» لَاكِنْ هُمَّنْ شَافَوْا كَلَامَهْ مِثِلْ لِعِبْ سَاكِتْ.

إرْمِيا 51:9

«أَنِحْنَ دَوَّرْنَا نِعَالُجُوا بَابِلْ وَ لَاكِنْ هِي مَا أَدَّاوَتْ لَيْنَا. يَلَّا نِخَلُّوهَا! أَيِّ وَاحِدْ يَمْشِي لِبَلَدَهْ أَشَانْ عِقَابْهَا لِحِقْ لَحَدِّي السَّمَاءْ وَ أَنْرَفَعْ لَحَدِّي السَّحَابْ.