رُؤية 17:6 - الكتاب المقدس بالعربي الدارجي هنا تشاد

⁶ وَ شِفْت الْمَرَةْ دِي سَكْرَانَةْ أَشَانْ هِي شِرْبَتْ دَمّ الصَّالِحِينْ زِيَادَةْ وَ دَمّ النَّاسْ الشَّهَدَوْا لِعِيسَى. وَ وَكِتْ شِفْتَهَا، أَنَا عَجَّبْت مَرَّةْ وَاحِدْ.

رُؤية 17:6 Referenca të Kryqëzuara

رُؤية 16:6

أَشَانْ أَوَّلْ النَّاسْ دَفَّقَوْا دَمّ الْأَنْبِيَاء وَ الصَّالِحِينْ وَ خَلَاصْ إِنْتَ أَنْطَيْتهُمْ دَمّ يَشَرْبَوْه وَ دَا وَاجِبْ لَيْهُمْ.»

رُؤية 13:15

وَ الْحَيْوَانْ التَّانِي عِنْدَهْ إِذِنْ أَشَانْ يَنْطِي رُوحْ لِصَنَمْ الْحَيْوَانْ الْأَوَّلْ وَ الصَّنَمْ كَلَّمْ. وَ أَمَرْ النَّاسْ أَشَانْ يَكْتُلُوا أَيِّ نَادُمْ الْيَابَى مَا يَسْجُدْ لَيَّهْ.

رُؤية 2:13

أَنَا نَعَرِفْ الْبَكَانْ الْإِنْتُو سَاكْنِينْ فَوْقَهْ وَ هُو الْبَكَانْ الْإِبْلِيسْ خَطَّ فَوْقَهْ كُرْسِي حَقَّهْ. وَ إِنْتُو مُنْكَرِبِينْ فِي أُسْمِي. وَ إِنْتُو مَا نَكَرْتُوا إِيمَانْكُو بَيِّ وَكِتْ كَتَلَوْا أَنْتِبَاسْ فِي أُسُطْكُو وَ هُو شَهَدْ لَيِّ شَهَادَةْ ثَابْتَةْ فِي الْبَكَانْ الْإِبْلِيسْ سَاكِنْ فَوْقَهْ.

رُؤية 13:7

وَ عِنْدَهْ إِذِنْ أَشَانْ يِحَارِبْ الصَّالِحِينْ وَ يِنَّصِرْ فَوْقهُمْ. وَ عِنْدَهْ قُدْرَةْ فِي أَيِّ قَبِيلَةْ وَ شَعَبْ وَ لُغَّةْ وَ أُمَّةْ.

رُؤية 12:11

وَ هُمَّنْ أَنَّصَرَوْا فَوْقَهْ بِقُدْرَةْ دَمّ الْحَمَلْ وَ بِشَهَادِتْهُمْ لَيَّهْ. وَ هُمَّنْ حَبَّوْا رَبُّهُمْ زِيَادَةْ مِنْ نُفُوسْهُمْ لَحَدِّي أَبَوْا مَا يَجْرُوا مِنْ الْمَوْت.

أعمال الرُسُل 22:20

وَ وَكِتْ النَّاسْ قَاعِدِينْ يَكْتُلُوا إِسْتِفَانْ الشَّهَدْ لَيْك، أَنَا قَاعِدْ مَعَاهُمْ رَضْيَانْ بِكَتْلَهْ وَ أَنَا قَاعِدْ نَحْرِسْ خُلْقَانْ النَّاسْ الْقَاعِدِينْ يَكْتُلُوهْ.›

دَنْيال 7:25

وَ هُو يُقُولْ كَلَامْ ضِدّ اللّٰهْ الْعَالِي وَ يِضَايِقْ نَاسَهْ الصَّالِحِينْ وَ يِدَوْر يِغَيِّرْ أَيَّامْ الْأَعْيَادْ وَ تَوْرَاةْ اللّٰهْ. وَ الصَّالِحِينْ يَقَعَوْا فِي إِيدَيْنَهْ مُدَّةْ تَلَاتَةْ سَنَةْ وَ نُصّ.

حَبَقُوق 1:13

وَ لَاكِنْ إِنْتَ قُدُّوسْ! مَا تَقْدَرْ تِشِيفْ الشَّرّ وَ لَا تَحْمَلْ تِشِيفْ التَّعَبْ يَجِي فِي شَعَبَكْ. وَ مَالَا إِنْتَ تِشِيفْ الْخَايْنِينْ دَوْل؟ وَ مَالَا تَسْكُتْ وَكِتْ الشَّرِيرْ يَزْرُطْ الصَّالِحْ الْهُو أَخَيْر مِنَّهْ؟

دَنْيال 7:21

وَ أَنَا شِفْت الْقَرِنْ دَا قَمَّ يِحَارِبْ الصَّالِحِينْ نَاسْ اللّٰهْ وَ أَنَّصَرْ فَوْقهُمْ.

يُوحَنَّا 2:10

وَ قَالْ لَيَّهْ: «نَاسْ آخَرِينْ يَنْطُوا ضِيفَانْهُمْ الْخَمَرْ الْحَلُو أَوَّلْ. وَ بَعَدْ الضِّيفَانْ شِرْبَوْا كَتِيرْ، يَنْطُوهُمْ الْخَمَرْ الْمَا حَلُو. وَ لَاكِنْ إِنْتَ أَخَّرْت الْخَمَرْ الْحَلُو وَ هَسَّعْ بَسْ أَنْطَيْتَهْ لَيْنَا.»