رُؤية 17:3 - الكتاب المقدس بالعربي الدارجي هنا تشاد

³ وَ فِي الرُّؤْيَةْ دِي، الْمَلَكْ وَدَّانِي فِي الصَّحَرَاءْ. وَ شِفْت هِنَاكْ مَرَةْ رَاكْبَةْ فِي حَيْوَانْ فَسِلْ لَوْنَهْ أَحْمَرْ تُشْو وَ عِنْدَهْ أَسَامَيْ مَكْتُوبِينْ فِي جِلْدَهْ وَ الْأَسَامَيْ دَوْل كُلُّهُمْ كَلَامْ هَنَا كُفُرْ. وَ الْحَيْوَانْ عِنْدَهْ سَبْعَةْ رَاسْ وَ عَشَرَةْ قُرُونْ.

رُؤية 17:3 Referenca të Kryqëzuara

رُؤية 12:3

وَ عَلَامَةْ تَانِيَةْ بَانَتْ فِي السَّمَاءْ. وَ شِفْت غُولْ أَحْمَرْ يِشَابِهْ مِثِلْ تُمْسَاحْ كَبِيرْ بِلْحَيْن. وَ عِنْدَهْ سَبْعَةْ رَاسْ وَ عَشَرَةْ قُرُونْ. وَ فِي أَيِّ رَاسْ عِنْدَهْ تَاجْ صَغَيَّرْ.

رُؤية 17:18

وَ الْمَرَةْ الْإِنْتَ شِفْتَهَا، هِي الْمَدِينَةْ الْكَبِيرَةْ الْمَعْرُوفَةْ التَّمْلُكْ مُلُوكْ الْأَرْض.»

رُؤية 12:6

وَ الْمَرَةْ عَرَّدَتْ وَ مَشَتْ فِي الْخَلَاءْ فِي الْبَكَانْ الْاللّٰهْ جَهَّزَهْ لَيْهَا. وَ هِنَاكْ يِرَيُّسُوهَا لِمُدَّةْ 1 260 يَوْم.

رُؤية 17:4

وَ الْمَرَةْ لَابْسَةْ لُبَاسْ لَوْنَهْ قَرَضِي وَ أَحْمَرْ تُشْو وَ زِينَةْ كَتِيرَةْ هَنَا دَهَبْ وَ فَارُوسْ وَ لُؤلُؤ. وَ عِنْدَهَا كَاسْ هَنَا دَهَبْ فِي إِيدْهَا وَ الْكَاسْ مَلَانْ بِخُمَامْ مُحَرَّمْ وَ نِجِسْ الْيِمَثِّلْ زِنَاهَا.

رُؤية 12:14

لَاكِنْ اللّٰهْ أَنْطَاهَا جَنَاحَيْ إِتْنَيْن مِثِلْ جَنَاحَيْ هَنَا صَقُرْ كَبِيرْ بِلْحَيْن أَشَانْ تِطِيرْ بَعِيدْ مِنْ الدَّابِي وَ تَمْشِي فِي الْخَلَاءْ فِي الْبَكَانْ الْاللّٰهْ جَهَّزَهْ لَيْهَا. وَ هِنَاكْ هِي يِرَيُّسُوهَا مُدَّةْ تَلَاتَةْ سَنَةْ وَ نُصّ.

دَنْيال 7:25

وَ هُو يُقُولْ كَلَامْ ضِدّ اللّٰهْ الْعَالِي وَ يِضَايِقْ نَاسَهْ الصَّالِحِينْ وَ يِدَوْر يِغَيِّرْ أَيَّامْ الْأَعْيَادْ وَ تَوْرَاةْ اللّٰهْ. وَ الصَّالِحِينْ يَقَعَوْا فِي إِيدَيْنَهْ مُدَّةْ تَلَاتَةْ سَنَةْ وَ نُصّ.

دَنْيال 7:20

وَ دَوَّرْت بَتَّانْ نَعَرِفْ مَعَنَى هَنَا الْقُرُونْ الْعَشَرَةْ الْقَاعِدِينْ فِي رَاسَهْ. وَ دَوَّرْت نَعَرِفْ مَعَنَى هَنَا الْقَرِنْ الصَّغَيَّرْ الْقَمَّ وَ الْقُرُونْ التَّلَاتَةْ الْمَرَقَوْهُمْ لِيِخَلُّوا لَيَّهْ الْبَكَانْ. وَ دَا الْقَرِنْ الْعِنْدَهْ عُيُونْ وَ عِنْدَهْ خَشُمْ الْيِحَجِّي بِإِسْتِكْبَارْ وَ بِنْشَافْ شَدِيدْ زِيَادَةْ مِنْ الْآخَرِينْ.

دَنْيال 7:8

وَ وَكِتْ أَنَا قَاعِدْ نِشِيفْ فِي الْقُرُونْ دَوْل، شِفْت قَرِنْ آخَرْ صَغَيَّرْ قَمَّ أَمْبَيْنَاتْهُمْ وَ تَلَاتَةْ قُرُونْ مِنْ الْعَشَرَةْ الْأَوَّلَانِيِّينْ مَرَقَوْهُمْ لِيِخَلُّوا لَيَّهْ الْبَكَانْ. وَ الْقَرِنْ الصَّغَيَّرْ دَا عِنْدَهْ عُيُونْ مِثِلْ عُيُونْ الْإِنْسَانْ وَ عِنْدَهْ خَشُمْ الْيِحَجِّي بِإِسْتِكْبَارْ.

رُؤية 21:10

وَ فِي الرُّؤْيَةْ دِي، هُو وَدَّانِي بَعِيدْ وَ خَطَّانِي فِي رَاسْ هَنَا حَجَرْ طَوِيلْ بِلْحَيْن. وَ وَصَّفَانِي الْمَدِينَةْ الْمُقَدَّسَةْ الْاللّٰهْ قَاعِدْ يِنَزِّلْهَا مِنْ السَّمَاءْ وَ هِي مَدِينَةْ الْقُدُسْ.

حِزْقِيال 8:3

وَ هُو مَدَّ مِثِلْ إِيدْ وَ كَرَبَانِي مِنْ صُوفْ رَاسِي. وَ الرُّوحْ دَا رَفَعَانِي فَوْق أَمْبَيْن السَّمَاءْ وَ الْأَرْض. وَ فِي الرُّؤْيَةْ الْمِنْ الرَّبّ دِي، هُو وَدَّانِي فِي بَيْت اللّٰهْ فِي مَدِينَةْ الْقُدُسْ. وَ هِنَاكْ، هُو وَدَّانِي فِي خَشُمْ الْبَابْ الْمُقَابِلْ مُنْشَاقْ هَنَا الْفَضَايْ الدَّخْلَانِيَّةْ. وَ دَا الْبَكَانْ الْيِنْلَقِي فَوْقَهْ صَنَمْ الْغِيرَةْ الْيِقَوِّمْ غِيرَةْ اللّٰهْ.

حِزْقِيال 11:24

وَ فِي الرُّؤْيَةْ دِي، رُوحْ اللّٰهْ رَفَعَانِي وَ قَبَّلَانِي فِي بَابِلْ بَكَانْ النَّاسْ الْوَدَّوْهُمْ فِي الْغُرْبَةْ. وَ بَعَدْ دَا، الرُّؤْيَةْ الْأَنَا شِفْتَهَا أَنْرَفَعَتْ مِنِّي.

2 تَسَلونِيكِي 2:4

هُو عَدُو لِكُلِّ إِلٰـهْ الْيَعَبُدُوهْ النَّاسْ وَ يِسَوِّي نَفْسَهْ أَكْبَرْ مِنَّهْ. وَ هُو يُخُطّ كُرْسِي حَقَّهْ فِي بَيْت اللّٰهْ وَ يُقُولْ: «أَنَا بَسْ اللّٰهْ.»

حِزْقِيال 3:12

وَ خَلَاصْ، رُوحْ اللّٰهْ رَفَعَانِي فَوْق وَ أَنَا سِمِعْت حِسّ شَدِيدْ الْبُقُولْ: «مُبَارَكْ مَجْد اللّٰهْ فِي مَسْكَنَهْ.»

نشيد 8:5

يَاتِي الْجَايَةْ مِنْ الصَّحَرَاءْ مُرَّكِّزَةْ فِي حَبِيبْهَا؟ يَا حَبِيبِي، أَنَا قَوَّمْتَكْ تِحِتْ شَدَرَةْ التُّفَّاحْ. وَ دَا بَسْ الْبَكَانْ الْأَمَّكْ طَالَقَتْ بَيْك، الْبَكَانْ الْوِلْدَتَكْ فَوْقَهْ.

رُؤية 1:10

وَ فِي يَوْم الرَّبّ، رُوحْ اللّٰهْ نَزَلْ فَوْقِي وَ سِمِعْت وَرَايِ حِسّ هَنَا نَادُمْ قَاعِدْ يِكَلِّمْ. حِسَّهْ شَدِيدْ مِثِلْ حِسّ الْبُرُنْجِي.

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

2 مُلوك 2:16

وَ قَالَوْا لَيَّهْ: «دَاهُو مِنْ خَدَّامِينَكْ فِي 50 رُجَالْ فَحَلِينْ. خَلِّي يَمْشُوا يِفَتُّشُوهْ لِسَيِّدَكْ. أَكُونْ رُوحْ اللّٰهْ وَدَّاهْ خَطَّاهْ فِي رَاسْ جَبَلْ وَاحِدْ أَوْ فِي وَادِي.» وَ هُو قَالْ لَيْهُمْ: «مَا تِرَسُّلُوهُمْ.»

1 مُلوك 18:12

وَ وَكِتْ أَنَا نُفُوتْ مِنَّكْ، رُوحْ اللّٰهْ يِوَدِّيكْ فِي بَكَانْ الْأَنَا مَا نَعَرْفَهْ. وَ كَنْ أَنَا مَشَيْت وَ خَبَّرْتَهْ لِأَخَابْ بَيْك وَ مَا لِقَاكْ، خَلَاصْ يَكْتُلْنِي. وَ لَاكِنْ أَنَا عَبْدَكْ خَايِفْ مِنْ اللّٰهْ مِنْ أَنَا صَبِي.

رُؤية 4:2

وَ طَوَّالِي، رُوحْ اللّٰهْ نَزَلْ فَوْقِي وَ شِفْت عَرْش فِي السَّمَاوَاتْ وَ سِيدَهْ قَاعِدْ فَوْقَهْ.

أعمال الرُسُل 8:39

وَ وَكِتْ مَرَقَوْا مِنْ الْأَلْمِي، طَوَّالِي رُوحْ اللّٰهْ خَطَفْ فِلِبُّسْ وَ الْخَصِي مَا شَافَهْ بَتَّانْ. وَ قَمَّ شَالْ دَرْبَهْ فَرْحَانْ بِلْحَيْن.

مَتَّى 27:28

وَ سَلَّوْا خُلْقَانَهْ وَ لَبَّسَوْه خَلَقْ أَحْمَرْ تُشْو مِثِلْ خَلَقْ الْمَلِكْ.

رُؤية 18:12

وَ بُضَاعِتْهُمْ هِي الدَّهَبْ وَ الْفُضَّةْ وَ الْفَارُوسْ وَ اللُّؤلُؤ وَ قُمَاشْ الْكَتَّانْ وَ الْقُمَاشْ اللَّوْنَهْ قَرَضِي وَ الْحَرِيرْ وَ الْقُمَاشْ الْأَحْمَرْ تُشْو وَ أَيِّ شَيّءْ مِنْ الدُّخَّانْ وَ أَيِّ شَيّءْ مِنْ الْعَاجْ وَ مِنْ الْحَطَبْ السَّمَحْ وَ مِنْ النَّحَاسْ وَ الْحَدِيدْ وَ الْحَجَرْ الْجَمِيلْ الْيَبْنُوا بَيَّهْ قُصُورْ الْمُلُوكْ

رُؤية 18:16

«هَايْ! الْمَدِينَةْ الْكَبِيرَةْ الْأَوَّلْ نَاسْهَا لَابْسِينْ كَتَّانْ سَمَحْ وَ قُمَاشْ لَوْنَهْ قَرَضِي وَ أَحْمَرْ تُشْو وَ زِينَةْ كَتِيرَةْ مِنْ الدَّهَبْ وَ الْفَارُوسْ وَ اللُّؤلُؤ،