رُؤية 17:12 - الكتاب المقدس بالعربي الدارجي هنا تشاد

¹² «وَ الْعَشَرَةْ قُرُونْ الشِّفْتُهُمْ دَوْل، هُمَّنْ عَشَرَةْ مُلُوكْ اللِّسَّاعْهُمْ مَا رِكْبَوْا فِي مَمَالِكْهُمْ. وَ بَعَدَيْن، يَبْقَوْا مُلُوكْ وَ يَمُلْكُوا مَعَ الْحَيْوَانْ دَا وَكِتْ شِيَّةْ بَسْ.

رُؤية 17:12 Referenca të Kryqëzuara

رُؤية 12:3

وَ عَلَامَةْ تَانِيَةْ بَانَتْ فِي السَّمَاءْ. وَ شِفْت غُولْ أَحْمَرْ يِشَابِهْ مِثِلْ تُمْسَاحْ كَبِيرْ بِلْحَيْن. وَ عِنْدَهْ سَبْعَةْ رَاسْ وَ عَشَرَةْ قُرُونْ. وَ فِي أَيِّ رَاسْ عِنْدَهْ تَاجْ صَغَيَّرْ.

رُؤية 13:1

وَ أَنَا شِفْت حَيْوَانْ فَسِلْ مَارِقْ مِنْ أُسْط الْبَحَرْ. وَ عِنْدَهْ عَشَرَةْ قُرُونْ وَ سَبْعَةْ رَاسْ وَ أَيِّ قَرِنْ عِنْدَهْ تَاجْ صَغَيَّرْ. وَ أَيِّ رَاسْ عِنْدَهْ أُسُمْ مَكْتُوبْ فَوْقَهْ وَ الْكِلْمَةْ دِي تِوَصِّفْ كَلَامْ كُفُرْ.

دَنْيال 7:24

وَ الْقُرُونْ الْعَشَرَةْ كَمَانْ، هُمَّنْ يِمَثُّلُوا عَشَرَةْ مُلُوكْ الْيَمُرْقُوا مِنْ الْمَمْلَكَةْ دِي. وَ يَجِي بَعَدْهُمْ مَلِكْ آخَرْ شِقْ مِنْ الْمُلُوكْ الْجَوْا قُبَّالَهْ وَ يَرْمِي الْمُلُوكْ التَّلَاتَةْ دَوْل.

رُؤية 17:16

وَ إِنْتَ شِفْت الْعَشَرَةْ قُرُونْ وَ الْحَيْوَانْ. وَ هُمَّنْ يَكْرَهَوْا الشَّرْمُوطَةْ وَ يِشِيلُوا مِنْهَا كُلِّ شَيّءْ الْعِنْدَهَا وَ يِشَرُّطُوا مِنْهَا كُلَّ لُبَاسْهَا وَ يَاكُلُوا لَحَمْهَا وَ يِحَرُّقُوهَا بِالنَّارْ.

دَنْيال 7:20

وَ دَوَّرْت بَتَّانْ نَعَرِفْ مَعَنَى هَنَا الْقُرُونْ الْعَشَرَةْ الْقَاعِدِينْ فِي رَاسَهْ. وَ دَوَّرْت نَعَرِفْ مَعَنَى هَنَا الْقَرِنْ الصَّغَيَّرْ الْقَمَّ وَ الْقُرُونْ التَّلَاتَةْ الْمَرَقَوْهُمْ لِيِخَلُّوا لَيَّهْ الْبَكَانْ. وَ دَا الْقَرِنْ الْعِنْدَهْ عُيُونْ وَ عِنْدَهْ خَشُمْ الْيِحَجِّي بِإِسْتِكْبَارْ وَ بِنْشَافْ شَدِيدْ زِيَادَةْ مِنْ الْآخَرِينْ.

رُؤية 18:19

وَ صَبَّوْا تُرَابْ فِي رُوسَيْهُمْ مِنْ الْحِزِنْ وَ بَكَوْا بِحِسّ عَالِي وَ قَالَوْا: «هَايْ، الْمَدِينَةْ الْكَبِيرَةْ وَدَّرَتْ! أَوَّلْ أَيِّ نَادُمْ الْعِنْدَهْ سَفِينَةْ فِي الْبَحَرْ الْمَالِحْ بِقِي غَنِيْ بِمَالْهَا. وَ فِي سَاعَةْ وَاحِدَةْ بَسْ، الْمَدِينَةْ دَمَّرَوْهَا.

رُؤية 18:17

فِي سَاعَةْ وَاحِدَةْ بَسْ، كُلَّ الْمَالْ دَا دَمَّرَوْه.» وَ أَيِّ سِيدْ سَفِينَةْ وَ رُكَّابْهَا وَ خَدَّامِينْهَا وَ أَيِّ نَادُمْ الْيَلْقَى رِزْقَهْ مِنْ السَّفَرْ بِالْبَحَرْ، كُلُّهُمْ قَعَدَوْا بَعِيدْ مِنْ الْمَدِينَةْ.

رُؤية 18:10

وَ الْخَوْف يَدْخُلْ لَيْهُمْ بِسَبَبْ الْعَذَابْ الْجَاءْ فَوْقهَا وَ يَقْعُدُوا بَعِيدْ مِنْهَا وَ يُقُولُوا: «هَايْ، يَا الْمَدِينَةْ الْكَبِيرَةْ، يَا بَابِلْ الْمَدِينَةْ الْقَادْرَةْ، فِي سَاعَةْ وَاحِدَةْ بَسْ، الْعِقَابْ نَزَلْ فَوْقكِ.»

رُؤية 10:11

وَ قَالَوْا لَيِّ: «وَاجِبْ تِتْنَبَّأْ بَتَّانْ بِكَلَامْ الْبُخُصّ نَاسْ كَتِيرِينْ مِنْ الشُّعُوبْ وَ الْأُمَمْ وَ اللُّغَّاتْ وَ مُلُوكْهُمْ.»