رُؤية 16:8 - الكتاب المقدس بالعربي الدارجي هنا تشاد

⁸ وَ الْمَلَكْ الرَّابِعْ دَفَّقْ كَاسَهْ فِي الْحَرَّايْ أَشَانْ الْحَرَّايْ تُطُقّ النَّاسْ بِحَرَارِتْهَا.

رُؤية 16:8 Referenca të Kryqëzuara

رُؤية 14:18

وَ فِي الْبَكَانْ دَا، مَلَكْ آخَرْ بَتَّانْ مَرَقْ مِنْ الْمَدْبَحْ. وَ الْمَلَكْ دَا، هُو الْمَلَكْ الْمَسْؤُولْ فِي النَّارْ. وَ هُو عَاطْ بِحِسّ شَدِيدْ لِلْمَلَكْ الْعِنْدَهْ الْخَنْجَرْ الطَّرِينْ وَ قَالْ: «مِدّ إِيدَكْ عَلَيْ الْأَرْض وَ أَقْطَعْ الْعِنَبْ بِخَنْجَرَكْ وَ لِمَّهْ أَشَانْ فِي كُلَّ الْأَرْض، الْعِنَبْ نِجِضْ خَلَاصْ.»

أعمال الرُسُل 2:20

وَ الْحَرَّايْ تَبْقَى زَرْقَةْ وَ الْقَمَرْ يَبْقَى أَحْمَرْ مِثِلْ الدَّمّ. وَ دَا قُبَّالْ يَوْم اللّٰهْ مَا يَجِي وَ هُو يَوْم عَظِيمْ وَ مَجِيدْ.

مَتَّى 13:6

وَ لَاكِنْ وَكِتْ الْحَرَّايْ بِقَتْ حَامِيَةْ طَقَّتْ الْبِذْرَةْ دِي وَ الْبِذْرَةْ يِبْسَتْ أَشَانْ مَا عِنْدَهَا عُرُوقْ.

يُونُس 4:8

وَ وَكِتْ الْحَرَّايْ طَلَعَتْ، الرَّبّ رَسَّلْ رِيحْ حَامِيَةْ مِنْ الصَّبَاحْ. وَ الْحَرَّايْ طَقَّتْ يُونُسْ فِي رَاسَهْ لَحَدِّي يِدَوْر يَغْمَرْ. وَ دَوَّرْ يُمُوتْ وَ قَالْ: «الْمَوْت أَخَيْر لَيِّ مِنْ الْحَيَاةْ.»

رُؤية 9:2

وَ النَّجْمَةْ فَتَحَتْ خَشُمْ الْهَاوِيَةْ وَ دُخَّانْ أَزْرَقْ كُرُمْ مَرَقْ مِنْهَا. وَ خَلَاصْ، الدُّخَّانْ سَدَّ الْحَرَّايْ وَ الْهَوَاءْ.

رُؤية 8:12

وَ الْمَلَكْ الرَّابِعْ ضَرَبْ الْبُرُنْجِي الْعِنْدَهْ. وَ تِلْت الْحَرَّايْ، ضَرَبَوْه وَ تِلْت الْقَمَرْ وَ تِلْت النُّجُومْ كُلَ ضَرَبَوْهُمْ. وَ خَلَاصْ، تِلْت ضَيُّهُمْ بِقِي مَا فِيهْ. وَ نُورْ بِقِي مَا فِيهْ فِي تِلْت النَّهَارْ وَ تِلْت اللَّيْل.

رُؤية 7:16

وَ الْجُوعْ أَبَداً مَا يِسَوِّيهُمْ وَ الْعَطَشْ مَا يَكْرُبْهُمْ. وَ الْحَرَّايْ مَا تُطُقُّهُمْ بَتَّانْ وَ مَا فِي حَمُو الْيِحَرِّقْهُمْ.

رُؤية 6:12

دَاهُو الشَّيّءْ الشِّفْتَهْ وَكِتْ الْحَمَلْ فَكَّ الْخِتِمْ السَّادِسْ. أَنَا شِفْت زِلْزَالْ شَدِيدْ بِلْحَيْن وَ الْحَرَّايْ بِقَتْ زَرْقَةْ كُرُمْ مِثِلْ الْفَحَمْ وَ الْقَمَرْ بِقِي أَحْمَرْ تُشْو مِثِلْ الدَّمّ.

لُوقا 21:25

«وَ النَّاسْ يِشِيفُوا عَلَامَاتْ فِي الْحَرَّايْ وَ الْقَمَرْ وَ النُّجُومْ. وَ فِي الْأَرْض، الْأُمَمْ يِبَرْجُلُوا وَ يَخَافَوْا مِنْ حِسّ الْبَحَرْ وَ حَرَكَتَهْ.

إشَعْيا 24:23

الْقَمَرْ يَخْجَلْ وَ الْحَرَّايْ تَلْقَى الْعَيْب أَشَانْ اللّٰهْ الْقَادِرْ يَحْكِمْ. وَ يِبَيِّنْ مَجْدَهْ قِدَّامْ كُبَارَاتْ شَعَبَهْ فِي جَبَلْ صَهْيُون وَ فِي مَدِينَةْ الْقُدُسْ.